亞參雞飯 (形點 II)

營業中

休息中

元朗形點的亞參雞飯，主打新加坡風味，當中最值得一試嘅就係佢哋嘅海南雞飯。雞肉嫩滑無骨，皮爽肉香，完全冇雪味，配上香氣十足嘅雞油飯，粒粒分明又唔會太油膩，食落非常滿足。三色醬料（辣椒醬、薑蓉同黑豉油）味道地道，可按個人口味調配，更加添層次。湯品每日轉換，雖為附送但誠意十足。以商場餐廳而言，價錢合理，性價比唔錯，份量亦足夠，特別適合上班族或行街途中醫肚。店內環境整潔，出餐速度快。而且服務員質素非常良好。

今日約咗朋友食飯，最後他們可以收早，大家決定嚟個早飯，泊車優惠決定在形點唔使煩，由於急腳之後有事辦，決定嚟個下午茶，反正趕得切⋯⋯同一角落看見同集團的食店在一起，最後選擇了亞參雞飯⋯⋯無骨海南雞雞~QR Code 落單很有速度⋯⋯唔使5分鐘就拎到上枱，一讚，絕對是今日我們的節拍。冇骨雞嫩滑，啱晒懶人唔使煩。羅漢果茶~餐可以選擇羅漢果水，而且不用加錢。雞絲湯河$38~由於朋友點餐，未有品嘗，不作評論鴨腿湯河$48~也是朋友點餐，未有品嘗，不作評論，但眼見整隻鴨腿，還細心地用錫紙包住，方便用手揸住吃，如此細心細節，一讚。下午茶可加推小食項目，以優惠價$48選三款小食先來個鳳尾春卷，未算太熱，但仍脆口，還有四件之多。魚餅不過不失雞肉三串，剛剛好我們每人一串另外餐飲還點了桔仔蜜及薏米水，薏米水有熱有凍，餐有如此多選擇，相當不錯。喜歡食店用上這些保溫杯，雖然唔可以飲品後上都沒有問題。整體來說:下午茶種類選擇多，還可以靈活選項小食，由於所有都是QR code落單，飲品及食物都是即點即到，未能後上或叫上安排，所以每個項目並不會熱騰騰的，但如果是趕時間的話，這店必是一個好選擇。

**去骨海南雞配冬瓜雞湯及油飯**呢款去骨海南雞真係一絕，雞肉嫩滑，入口即化，配上秘製嘅醬汁，每啖都係享受。配菜有冬瓜清雞湯，湯底清甜，冬瓜嘅口感好清爽，令人一飲就唔想停。另外仲有一碗香噴噴嘅油飯，粒粒分明，油香四溢，完美襯托出去骨海南雞嘅味道。呢道菜絕對係一個令人回味無窮嘅選擇，無論係午餐定晚餐都適合。價錢合理，性價比高，強烈推薦！🍲🍚

今日又再黎食喇。因為上次見到個藥膳豬骨煲好似好好食甘。今日就黎試下。真係估唔到真係好抵食，有四支骨，藥材味又唔太重。整體感覺良好，食物質素仲高質，職員態度仲十分好，因為我開頭好驚好重藥材味。職員話唔會太重。所以我就叫左黎試。跟他們對答時十分輕鬆，睇得出好用心對待客人👍🏼👍🏼

見到佢afternoon tea咁抵～一於入去試吓~🍜檳城紅茄參巴醬鴨腿滲滲🍜💰$38💰個湯幾香濃～有少少辣～好啱我口味～我應該有飲咗一半～鴨腿都幾入味～不過就有少少乾～滲滲煮得啱啱好～彈牙可口～☕️馬來拉茶（熱）☕️拉茶唔使加錢～雖然有啲甜～但係好滑～值得一試～環境裝修優雅～CP值：味道：

元朗店不要去，經常漏單最少45分鐘叫客人如何等待， 已經不是第一次，第二次也是這樣， 就算食物質素可以要客人長期等待 ，怒火都已經令到胃口無了， 這樣的廚房管理下單系統不知所謂。 這樣的餐廳不要在香港吧！不要在香港營業。

無諗過下午茶質素超高，下午茶有幾款選擇，我就選擇雞絲湯河，雞湯絕對係靈魂所在，雞湯味又夠哂濃，雞絲又佈滿成個河粉表面，性價比超高，但通菜就少左啲囉。。之後在叫左杯柑桔特飲。都好好飲👍🏼👍🏼

今日放假同朋友係元朗行街，就去咗食亞參雞飯。我食咗個海南雞飯，油飯好香，雞份量都好多，夠嫩滑好好食配埋個湯好清甜。我朋友就食左喇沙米線，夠晒香辣，勁惹味。小食叫咗炸魚餅，熱辣辣都好好食，肉質好彈牙，仲有馬拉盞通菜份量都好足料。值得一讚嘅係餐廳啲服務員態度都好好，出餐時間都幾快。下次再去元朗一定會再去食。

上星期我帶住我細佬去YOHO去睇戲，睇戲前諗住食下野先，我哋行行下見到間亞參雞飯同靠得住，一行到門口有個女員工睇到我哋猶豫左好耐，都不斷推介下午茶餐俾我哋。之後細佬話要食雞飯。女員工就即刻搵左個卡位俾我哋坐，十秒都未夠就俾左二杯水我哋，我細佬就郁嚟郁去，唔小心倒瀉咗杯野飲。服務員行過睇到就立即走過來問有冇事，並遞上濕紙巾。俾我幫細佬清理。本人都有啲唔好意思，諗住食完就走。點知有個男人遞返杯嘢飲俾我，男員工話佢請細佬飲。我話唔洗喇。小朋友自己倒瀉咪罰佢無得飲。之後當我俾錢既時間。仲問細佬有冇整濕。所以我覺得Yoho 分店既同事值得我表揚佢哋

呢間餐廳嘅海南雞實在太出色啦!雞肉鮮嫩多汁,入口即溶,而且完全唔會柴。佢哋嘅特製雞湯清甜可口,滋潤喉嚨。飯粒又軟又香,配合雞肉一起食真係妙不可言。最重要係,餐廳員工態度友善,細心解答我哋嘅問題。雖然價錢略貴,但性價比相當高。無論係想慰勞自己定陪朋友聊天,呢間海南雞真係必試之選!

今日係元朗個邊探朋友，咁同幾個Fd一齊去YOHO太興旗下嘅餐廳亞參雞飯食嘢，啲員工態度好Nice好有親切感既感覺我地叫左明爐亞參魚等左十分鐘左右，可以本人比較心急，我就舉手諗住追單既時候，有位男職員過嚟。👦🏽:係咪條亞參魚未到丫。👨🏼‍🦰:係丫👦🏽:我已經幫你地追咗。等多二分鐘👨🏼‍🦰:唔該哂果個男職員轉身，已有另一位男職員已經將條亞參魚放咗係我面前喇。服務員做得好好，當見到我哋啲野仲未到齊既時間主動幫我哋去追餐。唔洗客人等得太耐，真係非常之窩心，依啲服務真係值得一贊，我下次一定再嚟幫襯

元朗形點2平價下午茶，不要有期望，普通茶記質素巴東牛肉滲滲滲滲是蛋麵及米粉，湯底濃味，牛肉只有幾件亞參海南雞飯由於食唔慣油飯太油膩，所以轉了白飯，食海南雞飯，三色醬汁永遠是整個飯的靈魂，雞皮是厚身及油膩，雞肉份量不多凍馬來拉茶無得揀少甜，所以很甜

海南雞飯套餐$89套餐有冬瓜湯有油飯🐔例牌份量，海南雞肉質一般，不是特別滑，亞參雞飯標榜「尋找99分的海南雞」，但係我覺得只值70分冬瓜湯，冇諗過係咁細碗😐湯內有兩粒冬瓜，湯係有雞味🍚油飯就真係充滿雞油香+$10凍薏米水凍飲見沒有冰，常溫水，就問職員係咪漏咗加冰，但佢話凍薏米水係沒有冰的🤔檳城蝦麵$83湯底有濃濃嘅蝦味有蝦有兩片鹹豬肉同豆卜都幾大碗，味道唔錯+$10熱班蘭咖啡咖啡沒有班蘭味，咖啡顏色很深，但又不是很濃，都ok轉向💰人均消費$100

尋日年三十晚周圍都好多人而且酒樓都係食套餐， 屋企人又好想食雞所以我哋就出發去YOHO呢間海南雞飯專門店， 平日食好好食但係琴日唔知點解啲雞望得好靚但係冇乜味， 啲飯望落去係都好靚但係又係冇乜味，平時唔甜豉油好好食但係琴日又苦苦地， 唔知係咪因為天氣凍啊， 個味道有啲唔同咗🤣🤣🤣

（餐牌）同朋友睇完戲，過左元朗行街同食飯。（餐牌）▪︎海南雞飯▪︎平時好少食海南雞，但係佢呢個肉質幾滑又冇骨，仲配三個醬，3個醬都好味，啲醬先係靈魂🤣，好少食油飯，今次試下，比想像中無咁油，少少椰香味，仲配雞湯，補補夠滋潤。（close up）▪︎肉骨茶飯▪︎朋友叫咗呢個肉骨茶飯我試咗幾啖，幾濃旭嘅湯底，飲落有少少藥材味，試左一舊肉，肉質都可以，冬天食呢個會暖笠笠好舒服。▪︎馬拉盞通菜▪︎平時好少會食通菜，但係呢個通菜幾好食，質地無平時食個啲咁爽身，平時好怕食通菜會烚烚聲，呢個本身菜種幼身啲，口感會淋小小，唔點側邊個醬都好夠味。整體味道唔錯，如果鍾意食海南雞同肉骨茶可試👍