五龍薈

營業中

休息中

酒樓地方環境非常好，都算寧靜，可以一班朋友傾談下，食物都算可以。但是，食到中場，我們想在叫食物就出來。有位部長幫我下單，我就叫左食物問部長是什麼，部長回答好多會叫但食左未死，之後部長又講你都叫左，等出來看。出來大家食都覺得沒有問題，部長又來講你食左都未死。我都覺得部長態度欠缺非常。

一大班朋友好耐冇見，約咗嚟呢間酒樓飲茶，我哋book咗張大枱可以坐到14個人，都唔算非常迫，真係犀利！點咗好多點心，由於太肚餓掛住食，只係影到蘿蔔糕係完整的，其他好快俾人夾晒😂😂😂上菜都算快！不過環境比較嘈，傾偈要大聲啲先聽到😂

今日門口排隊門口知客大細超大家排隊熟客優先，我5人，3人到先又話齊人先可以入座，我後面來D人未齊人又可以入座，什麼情況正垃圾，新年一肚氣以經吾係第一次，不吐不快，又吾係好食過人，

.中午同同事去飲茶，上菜速度快，食物味道OK，服務殷勤，座位又有一定距離，唔係太嘈的，可以再幫襯。鮮蝦龍仔蒸飯， $158 ，都有幾多開邊蝦，而且飯身乾爽，沒有因為蒸煮而過分濕潤，係成餐飯最好食嘅。點心方面，比較欣賞佢個帶子餃同蝦餃，其他就正常發揮，不過不失，不過，佢嘅炸魷魚鬚，粉漿比較厚，唔係我鍾意食開嗰種……下次唔會再叫！#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

3-11-2022 晚上到荃灣接太太放工，就去了五龍薈食晚飯，之前聽友人說他們的花膠鮑魚雞煲很抵食，已經很想去試吓，不過在網上的食評又說他們的服務差，食物又不好，所以都有點擔心，我們大約7點到達，員工的態度相當友善有禮，坐下到埋單服務都很好，完全令人滿意，我們叫了花膠鮑魚雞煲、金沙南瓜脆蝦球和涼瓜枝竹炆斑頭腩，三樣餸菜都很好味，尤其是鮑魚不算細隻，花膠亦很大條，雖然蝦球和南瓜上蛋黃醬有點邪惡，不過真是很惹味，令人食後回味無窮，還送了西瓜給我們，埋單只是$345，我覺得真是非常超值！

服務差到極點, 叫了8個小菜8個白飯, 小菜第一碟上檯已經要半個鐘出齊十個字,  8個白飯追3次都唔出, 所有小菜凍晒都未有, 追個經理, 佢望都唔望就叫人冷靜, 講到個客好似爛仔咁, 轉頭就鬆人, 全程一句有乜幫到你呀, 唔好意思呀次類 一句都冇!  呢間垃圾永遠都唔好幫襯!仲有D飯都係凍同硬晒的, 離譜. 

因為疫情都好耐冇約朋友出嚟，諗住想坐耐啲、傾吓計，於是我就提議去飲茶，搬左過嚟荃灣西，平日都有飲開呢間，不過多數飲中午或早茶，今次諗住飲下午茶，2點半入到茶樓見冇咩人，心諗唔通冇下午茶時段？點知見到點心紙有寫下午茶收費，咁應該冇問題。去到3點，啲點心都差唔多嚟晒，酒樓部長就走嚟同我講last order🥸🥸🥸🥸我心諗，咩料？3點鐘last order?去到3:30，酒樓直頭熄左2/3嘅燈😑😑😑😑😑如果要飲下午茶，真係冇下次！

點了個套餐龍躉炒河其他散叫點心已到齊食完追問店員是否漏單答案是但一句唔好意思的說話都沒有木口木面.....人均消費一百蚊左右(美心的消費)這樣的服務態度及一般食物的質素水平沒有下次.....

你想食午市都得不過你晚餐你真係唔好嚟食.啲菜好鹹條魚好少肉唔新鮮價錢又貴真係唔好嚟。仲有啲服務真係好差啲服務員求其講兩句有冇態度簡直覺得好離譜。我未食過午市不過萬事真係離譜.

之前来这里喝早茶，家人觉得这间酒楼环境好好，有亲戚过生日，推荐了这里，选了五龙荟的包房。包房够大，环境好，，看到大厅好多桌都点了片皮鸭，决心试一下。。好钟意它家的片皮鸭！卷片皮鸭的饼很薄、麦香味十足。澳洲龙虾🦞。每人半只，价格实在。菜的口味出品都不错。黑椒牛仔骨和生炒骨味道也好。。家里人爱吃辣，点了一份剁椒鱼头，本来没报多大希望，没想到鱼头肉那么鲜嫩。送饭一流。住附近来它家吃真的方便又实在，深得家人的喜爱。

母親節第二日去飲早茶，娘親話呢間少人d，坐低先知無盅頭飯，但屋企老人家喜歡朝早食飯，唯有等到11am叫個松子蛋白炒飯。d飯痴牙嘅，無鑊氣，好難食，盛惠$118仲未計service charge，結果食剩半碟。D點心全部都好難食下。腸粉皮厚，牛肉少到睇唔倒，鵪鶉蛋燒賣有益味，唯一一樣食倒落口係鹹水角。叫呀姐幫手斟水，斟到連水壺都拎走埋。相都無影，因為太難食完全提唔起胃口唔想再見倒d野食。🤢本身9點幾去飲早茶等到變左飲午茶。

新開張嗰陣時、嚟过呢間酒樓食過、前兩天特登约朋友再嚟多一round、第二次嘅感覺無論服務服務/食物質素都退步咗😪今早大约10時去到、無乜人、襟了飞可以直入拎位、目測人客太约已经坐滿3份一。早茶優惠至11点半、於是叫了鸡扎、鮮竹卷、腐皮卷和义燒包。点心上枱是熱辣辣、先上腐皮卷、賣相几靚、食落去有驚喜、含有淡淡嘅蝦肉、鬆脆又唔太咸😋👍鮮竹卷正正常無乜特別。鸡扎、入面有魚肚、蟹柳、鸡肉、包得好扎實、好丰當、不过味道一般。义燒包也無乜特別、正正常常。最後講下茶錢比一般酒楼贵、收15元/位、加上吊脚、人客会唔返轉頭幫襯呢？🤔

酒樓食物質素，，好一般啦，都係甘上下，吾會有乜特別，亦吾會話好食得去边，要求吾算高嘅食客們，都應該無問題，寫得嘅，當然講少少食物質素啦，蝦交，吾好講皮簿料靚嗰啲喇，要求太高了吧，燒賣，吾知點解好每好林甘，公道話，有味道嘅，留意返係有味吾係好味，，如果你話要食清淡啲，得，呢間，除左食物，呢度嘅茶都好清啖，清淡過你响茶記，坐底未食嘢前，前面嗰杯。酒樓除了食物外，服務態度都好重要，因為係對住好多客人，但估吾到居然可以差到甘，本身都吾想甘寫，不過真心，飲茶，當然係一班人，或同長輩聚下，開心下之餘，食少少嘢吧，，間酒樓甘嘅態度（不打算長論，文字也難表達），激親後生都無所謂啦，，影響到啲長輩就吾好啦下嘛，，如果你地帶住一個慶祝嘅心情（如生日，母親節，父親節等等等等）來到，就可能，不排除地大機會會受到某程度嘅影響吧。

仲未有得晚市堂食，疫情仍然非常嚴重，可以出外午餐已經感覺很幸福。今日就去荃灣呢個新商場 Plaza 88 逛一逛，佢個location喺 Tsuen wan west , 距離西鐵都有點遠，但勝在裝修夠新淨好光猛。中午時分，唔使等位，即刻入嚟有得坐低。點心紙選擇都好多，茶先叫一個菊花，下一下火清清地。今日點心：四寳蒸雞扎醬皇蒸鳳爪瑤柱珍珠雞金粟蒸蝦丸鮮蝦腐皮卷流沙奶皇包兩個人點左大概六七度點心，都食得幾飽下，整體水準都可以，比較推介佢哋嘅蝦腐皮卷，表皮幾趣博博，蝦肉尚算新鮮。

今天下午茶時段入座，座位接近傳菜員的工作枱。一籠籠的點心高高疊在工作枱上，等候再派送給客人。每籠點心之間夾有一片紙張印有客人枱號。之後看到其中一片紙張跌落地面，但傳菜員把跌落地面的紙張重新夾在兩籠點心中間，本人便立刻提醒傳菜員，此等行為有機會把跌落在地面並弄污了的紙張接觸到點心，從而引起衞生問題，但傳菜員沒有理會。過了不久，另一位傳菜員又犯上同一錯誤，我看見有一位經理剛巧在附近(這位男經理是高高瘦瘦沒有戴眼鏡，打呔和有用呔夾)，便向這位經理投訢。怎知換來的是一個極不友善的目光和態度極差的回應，這位經理說"咁得啦"，之後便行開，完全覺得這些衛生問題不是一回事。真的是上樑不正下樑歪。希望酒樓的老闆或股東正視這衛生問題和這位經理的待客態度。