五餅二魚美食料理 (已搬遷) 新店位置

每年嘅元旦，家人們都會搞party。以往都試過不同嘅到會，平又試過貴又試過，大路嘅試過會所嘅又試過，年年都係麻麻。今年就試吓五餅二魚，係元旦之前有幸喺一個細路嘅生日會度試過五餅二魚嘅食物，覺得都唔錯。今年人不多，叫了細嘅餐，有沙律、飯、伊麵、炸物、甜品，仲額外加多個 士多啤梨骨。士多啤梨骨好好味，我嘅至愛，雖然叫士多啤梨，但唔會太濃士多啤梨味，唔會酸，有士多啤梨果肉。每舊排骨都勁多肉，肉都算淋，唔會韌或黐牙，唯一不好之處係d肉被輕輕嗱過。蘋果碎蛋沙律，好清新喎！我一向唔好沙律，不過唔知係咪食得太多肉，想refresh 一下，所以個沙律顯得好味喎！蘋果好甜，好爽，不過碎蛋少到見唔到！炸春卷同咖哩角不錯，夠味，不過由於送貨路遠，食嘅時候已經淋晒。柚子雞翼真係好多柚子蜜，好味。蔗蝦今次麻麻，蝦膠唔夠彈，但條蔗就好甜。Xo 醬炒伊麵，非常足份量，好大盤。味道淡了一些，應再加多D調味，麵條不錯，不會碎濕濕。粟米龍利柳飯又係好大盤，有大大舊龍利柳，面層仲有好多芝士，醬汁不會太杰，稀杰度剛好。椰汁糕不過不失，但驚喜欠奉。