五月星牛肉麵

營業中

休息中

最近去咗觀塘嘅「五月星牛肉麵」，餐廳環境簡單舒適，氣氛輕鬆，適合同朋友一齊聚餐。🌟招牌紅燒牛肉麵，麵條彈牙，牛肉煮得軟嫩，湯底濃郁，真係一碗令人滿足嘅牛肉麵！🥢蔬果清燉牛肉麵，味道清新，牛肉保留咗肉質嘅鮮甜，令人感覺健康又美味！🥬台灣腸滷肉拌麵，拌勻後，麵條吸收咗滷肉嘅香味，口感豐富，食完之後真係滿足感十足！🍝火腿雙重起司蛋餅，外脆內軟，火腿同起司嘅組合簡直係絕配！每一口都好滿足！🥚🧀「五月星牛肉麵」真係值得一試，無論係牛肉麵定係其他小食，都令人驚喜！下次我一定會再返來，繼續探索更多美味！

搵到一家好多選擇臺灣菜，除咗有好多選擇仲有撈檬，撈檬味道唔錯店內好多人食嘢，好多人都好似我咁揀，好呷宮格呢個餐已經包括咗三款小食同一款主食，蒜泥白肉，臺灣腸，豬頸肉，米紙春捲同撈檬蒜泥白肉好香蒜味，而我都好鍾意食臺灣腸薄薄地一片而且口感好好，米紙春捲外皮好香脆，豬頸肉都炸得好香口，撈檬記得要落汁，因為真係一流好好食另外叫咗一個白灼生菜同一杯黑枸杞菊花茶特飲，味道都唔錯朋友叫左鹽酥雞滷肉飯，份量都幾多佢話食得好飽，鹽酥雞好香脆可口我哋都好鍾意食，口感都係我哋鍾意嘅口感，滷肉都整得唔錯，加咗一杯珍珠奶茶甜度適中店鋪環境同店員服務都幾好，上菜同埋單速度都好快，做嘢好有效率，而且會主動俾個籃我哋放袋好貼心店內都會播一啲臺灣歌曲仲有臺灣嘅佈置，鍾意臺灣味道嘅我覺得要嚟食，位置又好方便喺觀塘站行過嚟都係幾分鐘就到，而且枱面上有多款調味粉畀大家選擇，呢一樣都係好貼心嘅位我都係覺得我最鍾意去呢度，好多食物選擇呀，有多款食物都係我鍾意食嘅

逢星期二湊完仔仔去游水都要去觀塘搵食金好呷宮格餐 $𝟖𝟖每格都可以自由選擇 大滿足💕滷肉飯｜豬頸肉｜花枝丸｜蒜泥白肉半肥瘦滷肉唔會肥膩又有口感 標準滷肉飯 半肥瘦是必須的👍🏻🐮蔬果清燉牛肉麵 $𝟕𝟓 🌟 推介用新鮮騸牯牛骨+時令生果熬製而成湯底非常清甜好味金錢展好淋 嫩滑到不得了🆙🆙避風塘單骨雞翼 $𝟑𝟖爆滿炸蒜 每一啖都有蒜香🧄味雞翼肉滑 完全唔老 勁惹味🤩🍹百香果益力多 $𝟐𝟖百香果梳打水 $𝟑𝟎

官塘真係美食集中地，好多餐廳選擇，今日我地去左位於駱駝漆大廈第三座11樓的「五月星牛肉麵 」食台灣菜。餐廳有多款牛肉麵、滷肉飯、撈檬、夜市小食可以選擇，款式都好多選擇。我地點了兩款金好呷宮格餐，一次可以食到不同款式的食物，有主食和小食，根據自己喜好，每行選擇一款，自由度高。芝士豬扒+花枝丸+蒜泥白肉+米紙春卷+滷肉飯芝士豬扒外層酥脆，入面有滿滿的芝士和火腿；花枝丸炸得香脆，夠晒好大粒，又彈牙又酥香；滷肉肥瘦剛剛好，香口又有肉汁，撈飯一流。豬頸肉+台灣腸+手拍青瓜+香芋丸+撈檬粉豬頸肉爽滑，好入味；台灣腸必食小食之一；香芋丸外脆內軟，香甜濃郁；撈檬粉酸酸辣辣好醒胃。肉鬆雙重起司蛋餅蛋餅皮入口Q軟，入面有滿滿的肉鬆和芝士，鹹香的肉鬆與起司滋味融合一體，口感不油膩。百香果汽泡水黑糖珍珠奶茶凍黑糖薑茶食台灣野一定唔小得的台式飲品。

⭐️⭐️⭐️警世文⭐️⭐️⭐️好小咁嬲寫劣評 如果想受氣就過嚟食啦啲野食已經難食 入面已經勁熱 完全唔明點解值得排隊搭𨋢上尼食比錯嘢飲我夾硬要我硬食 仲死都話嗰杯嘢係百香果明明成浸都係水蜜桃味仲要同死都同我拗 個杯係百香果 無論飲落去同聞落去成浸味已經係水蜜桃 但成塊面黑住同我講係百香果😂😂😂加上我叫百香果益力多 一啲益力多味都冇可能嫌啲益力多好貴啦 我諗佢落左一滴所以我完全飲唔出啦同我死拗個位就係收銀 佢服務態度差到爆 塊面黑過關公😂😂😂衛生亦都好差 輕輕抹一抹張枱係黑色的洗杯就咁朗一朗就算

午市食左鹽酥雞滷肉飯同豬軟骨拌麵份量唔多，價錢都貴鹵肉飯多肥膏，飯量又少，鹽酥雞偏咸唔太推薦至於拌麵個醬汁太多，味道太重，唔明白點解落蒜茸醬，搶哂主菜味道環境方面廁所男女共廁，衛生惡劣，極污糟

觀塘駱駝漆工廈平民五星月台菜 最近新出左撈檬仲有百搭宮格套餐 吸引去試試.新出撈檬粉最平⭐️扎肉撈檬$48呢次叫左⭐️香茅豬頸肉撈檬$56一定要加爆酸甜魚露汁 夏天食酸酸甜甜會好開胃豬頸肉都爽口 春卷即炸都熱辣辣整體好食 估唔到台菜餐廳 會搵到好食撈檬🤣.仲有新出百搭宮格套餐$88可以選擇1款主食4款小食滷肉飯 蔥油拌麵 撈檬粉 都揀得必點芝士豬扒 夾住已紅會爆芝士汁但更加鐘意佢地⭐️試管鹽酥雞可以爆落唔同味粉 最鐘意紫菜粉鹽酥雞酥脆 中間都做到有肉汁.#hkfunfoodrecord窮遊香港#hkfunfoodrecord_觀塘.#五月星牛肉麵 (觀塘) @wuyuexing_beefnoodles 地址：觀塘開源道60號駱駝漆大廈第三座11樓F室.⭐️評分：味道：4.2/5環境：3.5/5服務：4/5抵食：4.2/5.#飲食 #美食 #優惠 #抵食 #hk #food #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #九龍灣美食 #九龍灣必食 #牛頭角美食 #牛頭角必食 #週末

原來長期爆滿🤩💛工廈高質台灣料理🥳😍可能係我食過最好食嘅蛋餅💯#sdm觀塘 #sdm台灣菜 #sdm小店 #和你食啲咩 💛💎 肉鬆雙重起司蛋餅 $42必食💯💯（😋：9.5/10）👍🏻：蛋餅超足料！每嚿都好大件！重點係佢Double芝士🧀真係每一舊都會做到好長嘅芝士拉絲🤤🤤忍唔住咁影咗張相俾大家睇🤭👎🏿：。💎 蚵仔煎 $48可以一試✅（😋：7.2/10）👍🏻：呢個蚵仔煎又係好足料👅入面蠔仔有好多🦪 唔知係咪因為醬汁嘅問題呢🤔始終都覺得同台灣食嘅蚵仔煎有少少唔同味道🙈大家有冇邊間介紹？👎🏿：。💎 金好呷宫格餐 $88值得一試‼️ （😋：8/10）👍🏻：呢個餐盒超級啱有選擇困難症嘅我😂但係將全個餐牌嘅嘢都差唔多放晒入去，一個套餐已經可以揀五款唔同嘅配搭（😍好啱自己一個嚟食飯，但係又想食好多唔同種類嘅人）由於選擇真係太多，我最後放咗Menu俾大家慢慢睇🤣🤣我哋叫咗 芝士豬扒 麻辣鴨血 蒜泥白肉 米紙春卷 滷肉飯芝士豬扒完全係爆芝士超好食💛🤤👎🏿：。💎 DIY 試管鹽酥雞 $49值得一試‼️ （😋：7.9/10）👍🏻：研究咗一陣先知原來試管一直都擺咗喺張枱度😂😂就係一支支做實驗嘅test tube

想食台灣嘢所以就去咗觀塘五月星, 之前行過門口幾次, 今次就來試下 食物 : 金好呷宮格餐 $88 - 此店出名是牛肉麵, 但俾宮格餐吸引咗, 因為可以試多幾款食物, 芝士豬扒好味, 但比較溜, 台灣腸、蒜泥白肉、米紙春卷的味道都正常, 蔥油拌麵味較淡 蚵仔煎 $48 ~ 味道幾好, 比較近似在台灣夜市食到的感覺 肉鬆雙重起司蛋餅 $42 ~ 味道都唔錯, 好足料 飲品 : 水蜜桃紅茶及青蘋果綠茶, 各跟餐加$12, 味道正正常常 環境 : 店內環境比較暗, 木枱鐵凳, 也有台灣氣氛 服務 : 店內只有二名店員，要有耐心等 價錢 : HK$202 (無加一服務費)

🥢五月星牛肉麵駱駝漆大廈第三座11樓F室🇹🇼台式食品正宗, 性價比亦都好高. 環境唔會好逼夾, 上菜速度快. 整體嚟講都唔錯, 期待下一次嚟試食其他嘢食.𓌉◯𓇋 糖醋豬軟骨鹵肉飯 $69糖醋嘅甜度啱啱好, 酸甜開胃. 豬軟骨肉質鮮嫩, 好有驚喜. 𓌉◯𓇋 鹵肉飯 $36望落細細碗, 但份量好足夠. 醬汁味道無話好濃厚, 腩肉肉粒有咬口, 肥瘦均勻. 𓌉◯𓇋 起司肉鬆蛋餅 $42台灣早餐店必食! 咬落唔會過份油膩, 蛋味濃郁, 芝士多到流出嚟, 肉鬆比較上就少啲. 𓌉◯𓇋 試管鹽酥雞 $49炸雞軟嫩酥香, 熱辣辣, 炸粉唔會好厚, 識落口感唔錯. 六款調味粉: 辣椒 芝士 紫菜 梅粉 紫薯 芝士, 可以自行配搭.食物🤰 ♥ ♥ ♥ ♡ ♡環境🤰 ♥ ♥ ♥ ♡ ♡性價比🤰 ♥ ♥ ♥ ♥ ♡

今日喺觀塘去到駱駝漆大廈買嘢，想食牛肉麵去到11樓，叫咗個古早煎蛋滷肉飯$48 ，今餐跟午餐加個小食黃金皮蛋$9，有啲有幾種調味俾你㗎，椒鹽，海苔，梅子粉，紫薯粉＇四川辣椒粉，我揀咗海苔，幾好味煎蛋個蛋半熟，滷肉飯都幾好，因為都幾飽，所以個黃金皮蛋打包拎走，下次試吓蚵仔煎同埋招牌紅燒牛肉麵

見網上評價唔錯，抱住一試無妨嘅心態嚟試一試，點知中咗伏。 試咗個招牌牛肉麵，私疑個湯底係直接由粉嗰度開出嚟嘅，好濃好油。啲牛肉 同面都索曬湯底啲油， 算勒。！但佢聲稱自己係鮮製湯底我就打死都唔信嘅。 最嬲嘅係，問佢雪櫃嘢飲係咩畀佢兇，落單講晚半秒畀佢怒啤。 你收得呢個價錢畀啲咁嘅服務質素同食物我哋， 是咪當啲食客都係傻㗎，特登走上嚟11樓食啲咁嘅嘢 。小弟自問認為係大伏嚟嘅，各位師兄師姐執生。 駱駝漆好多好嘢食，唔好執著喺呢間。 講多句， 有無搞錯！

有日見到社交媒體網站有foodie介紹呢間咁嘅野 極度懷疑係打手 真係笑死😂其中叫咗個蔥油拌麵 食落係苦嘅怪怪地，同個阿姐講佢仲要堅持佢地嘅麵係冇問題 態度好差咁同我地轉滷肉飯 最後仲要補多兩句話自己冇問題😂😂😂😂😂😂😂😂😂但明明食落似鑊燶🥲 不如自己試兩啖先 真係未食過又苦又怪嘅麵🥲再加上我地仲叫咗個9宮格同埋蚵仔煎 啲野食都係平平無其 冇咩特別雖然價錢嚟講真係唔貴 但除非大家鐘意食苦野同鑊屎 唔係嘅話冇咩事都唔使特登上去食😂

#MC帶你去觀塘.觀塘返工真係好多好嘢食，淨係駱駝漆大廈都已經係美食集中地，而「五月星牛肉麵」同樣都係駱駝漆大廈嘅人氣食店，晚上7、8點更係全場滿座。➖➖➖➖➖➖➖➖➖➖➖➖➖➖➖➖✨ 五月星牛肉麵.餐廳以以新鮮騸牯牛骨熬煮牛肉麵湯底為招牌菜，而且有多款台式小食選擇，例如大腸包小腸、蚵仔煎等。晚上7、8點更係全場滿座，想試嘅朋友仔就要早啲過嚟食啦。➖➖➖➖➖➖➖➖➖➖➖➖➖➖➖➖🥢 金好呷宮格餐｜$88.啱曬心大心細，咩都想試嘅朋友。依個套餐嘅小食同主食有成16款，每一行揀一款，自由度非常高。✅ 豬頸肉　︰肉味濃郁，正常發揮。✅ 花枝丸　︰金黃香脆，而且炸得好乾身，有咬口（嚼勁）。✅ 蒜泥白肉︰肥而不膩，蒜香味重。✅ 甜不辣　︰口感紮實，有咬口（嚼勁）。✅ 蔥油拌麵︰蔥香濃郁，麵條彈牙。➖➖➖➖➖➖➖➖➖➖➖➖➖➖➖➖🥢 紅燒蜂巢牛肚牛肉麵｜$80.以新鮮騸牯牛骨熬煮湯底，濃而不濁，肉味濃郁帶少少中藥嘅甘醇味，牛肚呈明顯蜂巢紋，好靚仔之餘，食落香脆有彈性；牛肉厚度適中，口感軟腍入味。搭配粗身麵條，口感彈牙煙韌。➖➖➖➖➖➖➖➖➖➖➖➖➖➖➖➖🥢 黑醋豬軟骨滷肉飯｜$69.豬軟骨肉厚但口

觀塘駱駝漆真係好多嘢食‼️可以一星期去7日唔重覆都得～今次終於試「五月星牛肉麵」🇹🇼好似好出名星期六夜晚都8成full😆整體味道都唔錯 坐等都舒服🙌🏻推薦.📍金好呷宮格餐 （$88）Total 有5格 可以揀5款～芝士豬扒｜台灣腸｜蒜泥白肉｜春卷｜蔥油拌麵小編好鍾意呢個餐🫶🏻想食嘅都有齊晒✋🏻最驚喜係芝士豬扒🧀🐷 口感好酥脆雖然少油 但真係有拉絲😍 好多芝士喺入面反而蒜泥白肉冇乜味🥲所以唯有撈蔥油拌麵一齊食 搭救到～整體係好吸引 同埋可以同朋友share小食☺️📍蘋果清燉蜂巢牛肚+牛展麵 （$80）呢個湯底雖然冇咁正宗牛肉麵咁濃但係都好香好送麵😗 小編最後飲晒😀～牛肚牛腱都好正 好鬼入味又淋身另外仲有酸菜、蘿蔔都好match成個麵底面底係台灣麵 粗身 口感比較煙靭📍火腿雙重起司蛋餅 （$108）呢個蛋餅好吸引😝嚟到已經見到好足料切咗4份 橫切面去睇係勁飽滿🙌🏻芝士係佔咗50%🤣🤣另外有火腿加雞蛋🍳上到枱熱辣辣🔥即叫即整略為個餅皮煎得有啲燶 但口感係香脆唔油‼️推薦呢個小食俾大家😎————————————————————味道😋：8/10抵食🥳：8/10環境🥂 : 7/10