五星茶餐廳 (已結業)

又嚟到九龍城，唔想食泰國菜，就隨便搵間茶餐廳食～假日見呢間茶餐廳唔駛排隊，裝修又正常就選擇咗佢。整體係非常一般的味道⋯最失望係個叉燒滑蛋飯⋯好水好水嘅口感⋯味道一般。另外再叫咗番茄通常餐，番茄湯底好濃，微酸的味道好開胃～吐司就用一般方包，蛋都正常！叉燒滑蛋飯唔係我喜歡嘅形態同口感，所以有少少失望。

以前一直都定期去食，食物水準一向都係有信心指標。數月前開始，內裡的店員變得陌生，食品款式轉變了，連多年的肉骨茶都消失了！而食物更是水準極差，餸菜少，無汁，連茶也淡色了！外賣又做錯了，叫東做西，明顯的轉手了…….感到嚴重中伏！

今天下午到此茶餐廳吃午餐，俾錢的時候，看見一職員在收銀處旁食煙！！！以後唔會去呢間茶餐廳，衛生質素極差，已報控煙辦跟進。食物質素一般，聽說好似今日重新開張，似乎已轉手其他人繼續營業以前的五星茶餐廳。除了以後我唔會去外，亦不會介紹人去，也會叫人唔好去。食煙嗰個人聽到我講話佢食煙之後，佢竟然毫無反應，一點歉意也沒有。

九龍城，有好多好嘢食，今次我都唔例外，試咗依間老店，好明顯係做街坊生意，價格大眾化，裝修方面，好有懷舊feel ，食物方面，我叫咗沙嗲牛肉公仔麵，腸仔和炒蛋，沙嗲好夠味，值得試吓

平日多數都喺九龍城搵早餐食，多年前試過一次呢間五星茶餐廳，感覺食物味道一般，就冇再幫襯。今日行過見到轉咗新餐牌，再加上侍應在門口熱情邀請入內用餐........叫咗個韮菜豬肉水餃，煎蛋，白菜三拼米線，侍應阿姐話水餃係生淥，需時耐小小。點知唔駛等3分鐘已送上枱，咬咗一啖水餃，入面係冰凍嘅，仲清晰可見到一粒粒的紅色豬肉粒🤮🤮🤮🤮.見狀立即告知侍應阿姐，佢表示可轉其他食物。但如果連水餃都可以全生咁上枱俾客食，其它食物你還有信心試嗎？😡

今日係呢間餐廳午飯叫左個常餐：雙旦腸仔飯，食左兩口飯兩舊伴菜，到第三舊伴菜驚見一隻尾指甘大既反屁小強被伴菜堆埋屍，當場想嘔，餐廳有小強是常事，但上埋碟就接受不了，我吾會再去呢間餐廳！

今日一整日喺街，聽完個其實唔使聽嘅學校選科講座，去花墟附近食晏，然後行吓街市逛陣商場，又接仔去侯王道體檢，一切正常。又送仔去女校練歌，番九龍城竟然有錶位！逛吓7記，噢！好失望！下午茶，個沙爹牛肉包又好掂喎！多肉多汁味濃郁，外脆內軟，熱辣辣！

九龍城這個舊區，食肆林立，下午茶時段，當然要揾間有下午茶餐供應的先食。老公例牌食沙爹牛丁麵，我就食炸雞脾。上菜快，食物熱辣，沙爹牛入味，雞脾略嫌淡味左少少。但杯咖啡好正，唔苦無燶味，

星期六收工食個lunch,今次第二次食，係呢頭黎講算好食又唔太貴，份量足食得飽，叫咗個常餐B，包熱飲，好快有得食。上次叫咗叉燒意粉，覺得都唔錯，都幾香，叉燒份量剛好，今次想試下另一款，個人覺得雖然茶餐廳常餐黎講真係比較貴，但味道份量比我平時食既好，蕃茄湯底唔係淡茂茂，而且蕃茄雜菜都大大粒，真係扚到黎食，不過通粉稍淋，都係叉燒意粉好食d,午餐時分都見到好多人幫襯，簡簡單單一個人休息一下食少少野都好方便，雖然舖面好細，但坐耐d都唔會趕你走。

五星餐廳位於九龍城一帶，是其中一間懷舊的茶餐廳，內裏的裝修十分普通，而且還有點舊，可能是因為燈光的關係吧 ，我在餐廳主要是食下午茶餐，這提供咗幾款下午茶餐，我叫了一個超值紅豆冰套餐，包括一碗粉麵加一杯紅豆冰，盛惠38元。叫了碗雲吞麵等了很久也未到， 服務員說因為雲吞是剛剛水煮的，要比較耐的時間，再過一會那麼麵便送到，雲吞麵不過不失，只是雲吞比較細粒一口咬有餘未盡，紅豆冰的紅豆好多，令奶嘅份量比較少，整體尚算ok。

放學搵野食，經過呢間茶餐廳，門口餐牌寫左好多小菜，覺得幾吸引就入去試下。店內裝潢唔似一般茶餐廳，有啲懷舊味。入面都坐左8成客。小菜價錢唔貴，都係六、七十蚊包白飯同例湯。我地兩個人揀左中式牛柳同埋豆鼓鯪魚炒油墨菜。見到好多客都叫蒸魚，賣相都幾好。今晚例湯係冬瓜湯，消下暑幾好。中式牛柳味道唔錯，好夠味，酸酸甜甜，下飯一流，而且有鑊氣，我地連洋蔥都食晒，可惜牛柳偏靭。呢碟穩穩陣陣，冇驚喜亦唔難食，份量都幾多，我地都成碟清晒。要讚嘅係伙記姐姐好敬業樂業，好有禮貌同笑容

平時成日收工行過九龍城 九龍城真係好鬼多野食 不過都係夜晚多所以六點前行過九龍城當然係找下午茶下午茶 係九龍城比較少 所以密密看  找到依間好有特式的茶餐廳五星茶餐廳 哈哈  看名好像很高級 下午茶尾段 人吾多  下午茶其實都多花臣落左個黃金吞拿魚卷咖啡吾錯 有即磨咖啡的味道   奶是分開上比其他的都要好  奶茶也很不錯 這是分開兩天吃的 所以都有試 下午茶有幾樣我五點半後去都沒有了 感覺很搶手咁  吾知有無機會食到黃金吞拿魚卷xo醬炒腸粉特別菜色  XD其他地方難食到還算不錯 九龍城交通吾算方便  有機會都可以去食下：p

五星茶餐廳喺九龍城已經好耐啦，之前都食過好多次，我自己覺得佢嘅豬扒包同埋魚柳包，係食過咁多間茶餐廳比較好食嘅。首先講吓豬扒包先，豬扒包嘅麵包上面有啲芝麻，食落幾香口。扒包配料有好多，有番茄，有生菜，仲有塊幾好味嘅豬扒。塊豬扒嘅肉質幾嫩滑，豬扒上面又冇乜肥膏，食落啖啖肉，唔錯唔錯。豬扒包加左千島醬，令到個包冇咁單調。另外講埋魚柳包，其實同豬扒包係差唔多，只不過中間換咗做炸魚柳。魚柳包食過幾次，都覺得佢啲魚新鮮炸出來幾好食。

話說某天晚上，跟三五波友在九龍城打完籃球，找地方醫肚的時候，偶然試上了這間"五星茶餐廳"。一間小小的茶餐廳，佈置有一點古典味，位置不多，但食物上的誠意則不用置疑。何謂誠意? 看叉燒。叉燒? 對，在這裏老子曾吃過兩種叉燒，一種是"常餐"的叉燒，即牛油多士、火腿奄列搭上叉燒湯意。這個湯意的湯底是出前一丁味的，雖然不知道是否真的一丁湯粉，但實在很香，而叉燒則是大大件的叉燒，不像一些茶記的橙色薄薄叉。茶餐廳中的平凡常餐可以讓人吃得滿意，其實並不常見...第二種叉燒在叉燒煎蛋飯。初時看到叉燒煎蛋飯竟然要賣四十大元而且飲品另計，的確覺得過份。但"把心一豪"點了後，看到實物又另一個故事。原來這不是碟頭飯，油菜作底，上面是半肥瘦叉燒，最上的才是煎蛋，豉油則在碟上的一個小分格，一碗白飯分上，不像一些茶記上的醜陋多豉油碟頭叉蛋飯，有點心思。味道方面，簡單說就是好吃。作為港式茶餐廳，奶茶也很重要。既然寫出來，當然也合格。光顧這裏數次，次次叉燒，水準沒有落差，只能說，能在九龍城生存的食肆的確有自己的一套。http://laozinaozi.blogspot.com/2011/04/blog-post_13.h

剛去完睇男友弟弟的new born baby, 是時候醫下肚~ 比較少出現o係九龍城, 所以是但搵到一間開門的茶養廳就入到lu~~~ 時間剛剛6點中, 下午茶完結~只好叫晚餐~ 叫o左一個芺蓉蛋飯套餐($35) 包一碗飯一例湯, 仲有叫o左一碟煎蓮藕餅餐(例)-($45)包一碗飯一例湯, 轉凍飲加$5~是日例湯是青紅蘿蔔豬骨湯, 清甜可口, 而且好夠熱!芺蓉蛋份量不算太多, 配以醬油享用, 算不錯! 內涵都是一般的菜心, 芽菜, 火腿, 蝦仁及紅腸~煎蓮藕餅等得比較耐, 配以澀汁, 有8件, 蓮藕餅煎得非常金黃, 而且足料, 非常香口, 熱呼呼的, 蓮藕餅不會散, 8件好快食曬~沒想過九龍城除了餅店及泰國菜, 茶餐廳也是一個不錯的選擇!下次有機會再來!!!