五星茶餐廳 (已結業)

當日是星期六的黃昏時間, 由於那兒的下午茶有較多選擇, 便去了這兒. 可惜, 真的令人十分之失望!!我們一行大約4,5人去, 落單時那個亞姐十分之心不在焉, 要我們重復多次. 我的朋友正在思想著吃什麼時, 她竟然用手指指著我朋友的面, 大聲地問: "喂, 你要叫什麼!" 嘩.....這是什麼態度!! 我另一位朋友已經想用粗口罵她, 以及想立即走. 不過最後我們又懶得四周去, 所以留下.唉! 我那位被人手指指的朋友好黑仔, 她叫熱杏霜, 變了好立克; 蛋牛麵變了蛋牛治, 真的好離譜!! 後來一定要換啦.....食物方面, 杏霜好淡, 其他東西味道一般. 隔鄰的食客, 更向老板說當日的咖啡味道好淡.沒有改錯名, 真的是"五星級"差之服務......

今次個客約左九龍城見面, 地點就約左五星茶餐廳同往時一樣, 我都係先到三十分鐘, 食埋飯先傾保單, 五星的選擇很多, 但係菜遠牛肉飯比較啱我!個獻汁好淡, 所以碟飯味道比較清, 我覺得幾適合我, 因為成日在外面食飯, 味精都食左唔少, 雖然碟飯淡, 但係有住家feel, 而且碗節瓜湯都幾有豬骨味, 就算有味精, 我估都唔會好多!份量好夠, 我食得好飽, 飽...先有精神傾生意

天氣尤如火爐般熱，走在街上令人難受之極走不了兩步便要馬上到有冷氣的地方"過過冷河"....雖然之前已吃了少許三文治及小吃打打底，肚子還是有些餓。走進這茶記，除了叫杯凍利賓納解解暑之外，另加上一碗燒鴨瀨，這就變成一頓頗豐富的下午茶了....一大杯凍利賓納轉眼便喝剩少許。的確是夠冰夠涼冰塊並沒有過份的溝淡了利賓納的原味，不是像喝冰水一般，已很難得....鴨瀨的上湯及瀨粉不錯 --- 上湯蠻清甜，沒有下很多味精；瀨粉不淥得過爛，亦留有少許彈性，不俗。但作為主食的燒鴨就完全不行，肉的部份比皮多，看上去是斬得甩皮甩骨的，而且肉是一點味道也沒有，皮看上去呈現啞色，已知不用試了....還是專心喝那杯冰凍Ribena吧.....

夜晚選擇了去五星茶餐廳late dinner餐牌實在....太豐富了, 多野揀, 揀左五分鐘,先揀左個魚香茄子炆米做晚餐, 餐跟一碗例湯節瓜湯魚香茄子炆米味道算ok, 有好重的類似魚肝油的味道, 茄子炒得乾身, 都ok, 如果係男仔, 見到碟炒米都幾開心, 因為真係好大碟, 但我就有少少食唔哂例湯無味精, 飲完唔會口乾, ok了有電視睇, 做街坊生意, 只因在九龍城集合先入嚟食, 平時都好少機會幫襯

昨晚一個人找東西吃,想食煲仔飯,不過幾多人等位,於是轉軚去左食五星茶餐廳,,見到餐牌寫了套餐價錢係廿九蚊,就推門入去食套餐揀G: 即係咖哩牛腩飯跟一碟油菜,白飯一碗,另外仲有一罐汽水味道只係一般茶餐廳味道,牛腩好淋,係比較值得欣賞既地方,餐廳環境可能人唔係太多,都坐得幾舒服,而且仲有電視睇埋單時候先發覺,原來六點後個餐係要 $35... 雖然唔係貴,只係慶幸自己唔係得三十蚊喺身

一個人食晚餐,有時都唔知去邊度好,因為一個人食,又唔叫得多餸,所以都幾頭痛行到五星茶餐廳既門口,門口貼上了好多好多水牌,令我入去食既最主要原因係嗰九格一人套餐既選擇結果入去坐低之後揀左a餐,即係白切雞,炸花生,青紅蘿蔔湯同白飯一碗白切雞既雞肉食落真係幾滑吓,好好食,雞味十足,絲苗白飯一大碗,熱辣辣,食完都有d感動,個湯無咩味精,幾甜,幾好飲特別推薦俾單身一族好似我咁去食,就算無屋企飯食都唔使怕

10-2-2009無食 lunch, 5:xx pm 餓到扁, 0黎最就腳的呢度食個 tea. 又係腿蛋治烘底 + 熱奶茶 (total $20), 我真係無喱新意. 奶茶聞落茶味幾香, 飲落就好澀, 加上少奶得很, 飲到皺眉!腿蛋治就普通 -- 火腿「金妹」得很「正常」得很; 麵包烘得唔夠脆; 炒蛋就最好, 熱得燙嘴, 厚厚的又幾香.呢度樓底奇高, 格局極似一條街之隔的「台灣牛肉麵」 , 不過作為「較新式」的茶記, 呢度衛生係麻麻, 蒼蠅令人太困擾了.食飽放低 $20, 整體感覺的確 5 星 -- 如果滿分係 10 星的話! 有機會再0黎試試佢個招牌「五星雞」吧.

上星期四一個人食lunch,喺九龍城食,是但一間茶餐廳摛掂就算,結果係食呢間一入到去,成幅牆都係餐牌,好多選擇,真係睇到眼都花!結果揀左一碟洋蔥豬扒飯食,加多杯凍檸茶,個set$32個汁味道比較淡,ok啦,因為食得太咸都唔係咁健康,而且佢都唔係無味,感覺無咁heavy!豬扒有兩塊,份量ok價錢唔係好平,整體不過不失!

一向入黎食飯都覺得d侍應招呼不錯.個feel幾舒服架!食物味道普通,家庭小菜算ok,份量一向都ok, 近哩個月至開始加左價, 頭一2個星期加價後都無乜野. 直至今個星期去過2,3晚去食發覺勁唔掂. 炒個菜以前會有半碟,小山o既份量, 減到而加都唔知有無12兩; 五星雞平時都做到咸咸地,有少少鞋口, 平時都接受到架...而加直頭唔好食,尤其係例牌,成碟都鞋口; 京都骨果d更加唔洗講.都係比以前o既少左4,5件,無奈; 叫個蒸魚. 條魚明顯比以前細左好多, 我去街市買仲大條過佢啦-_- 湯,以前係好好飲,有少少湯渣可以食,而加哩碗湯只得個咸字,飲得出係唔夠味,加過水,搞咩.v_v由未加價前2個小菜約64~68蚊, 到到2個月前加價約70~75蚊,我都入黎食因為樣樣都唔太差, 至到而加要成78~83蚊,加左咁多錢仲要縮皮唔好當d客係傻至得架.加5~6蚊都要交足料先得o架!如果好食o既客人點都會返黎... 希望五星會睇到哩個食評改下唯一欣賞d侍應服務值得一讚!

暖暖隻腳做完手術要入院，禽晚去探佢。點知佢想逃出去食野，其實我唔係好贊成，但佢真係好肚餓，又好想出去，咁我唯有陪他啦。不想走太遠，就算定呢間。見餐牌，所有項目最近都加價數元(手寫新的價錢)，好多餐又唔包飲品(加$7)，以呢頭的茶記來說，睇落都幾貴。裝修其實不太茶記，樓底高，全部木檯木椅。餐牌亦都係以小菜為主，無一般碟頭飯或粉麵。食物則普通啦，我叫了芙蓉蛋紅腸飯，暖暖要了臘腸雞煲仔飯。兩個都等左好好好耐。無食招牌的“五星雞”，問落知道原來係鹽焗雞之類男侍應的招呼殷勤，為此店挽回不少分數。

我係食灣仔果間，奶醬多一份，熱奶茶．烘咗底既多士，加一杯好有茶味既奶茶，超正．同事會日日都飲一杯熱檸茶，少甜（HK$11），幾貴下，但ｄ茶靚．

與家姐來吃早餐，來個中西合壁，他要來一個A餐，通粉略腍，湯底又過咸，她說飲品很淡，蛋算煎得不錯，又沒多油。而自己點的那個皮蛋瘦肉粥，很味精，腸粉像是用河粉卷出來的，是完全沒有半點軟熟感覺，而且也只是微暖而已。

五星茶餐廳, 店名似乎很高檔, 實際是怎樣大家聽聽我的經歷自己評評吧!星期三的晚七點多, 到九龍城的食客不算太多,常吃的店仍然好吃,不過一心想找家新的吃,發掘更多美味.友人想食豉汁蒸鱔,找了好幾家都不見得,走到五星茶餐廳門口見菜牌有,就走進去,坐下也先問問,肯定有就安心坐下點菜,就點了蒸鱔和西蘭花鮮魷. 點菜時侍應生說沒有,吓...不是嘛,正話又唔好話有喇...侍應走到廚房問好有,不過要等,吓...而家先去買?佢話蒸鱔要時間,等廿幾分鐘,說得有理,好等....侍應的服務很好,先端湯給我們,例湯算是還可以吧;等了很久終於有得食了. 鮮魷炒得沒火氣又很淡, 而蒸鱔少得可憐,細細的碟算是鋪滿,但想不到廚房師傅刀法果然利害,鱔切得很薄,四十大元一個套餐,就在"lo"汁下完成.還要加一?

最正係有忌廉加鮮奶做餐茶，亦只係加$4 元。

o的set好好食兼抵食!o的drink好大杯!裝修又正!