五代同糖 (已結業)

The service was good + friendly, environment was fairly clean + tidy.I have ordered soya bean ice cream (2 scoops) and 火焰雪山 both recommended by a weekly magazine. Strong taste of soya bean for the ice cream but I did not like the texture, a bit rough, unsmooth. Also, too less sweet which raise the strong beanie “fishy” taste accidentally. For the 火焰雪山, the combination of puffed egg white with ice cream was quite weird to me. Not only they are not the right matches, but also the regular supermark

昨天同朋友在銅鑼灣吃完飯,跟住經過一間叫"五代同糖"的甜品吃甜品! 好彩行快幾步, 唔係好多人等, 唔夠一分鐘就爆多人排隊! 一坐低就有個侍應過來推介, 見佢地新出草莓雪花冰,同羌汁梳乎利, 咁就試下囉.... 個冰ok,好香士多啤利味, 正! 羌汁梳乎利, 如果羌味重d仲good, 不過我個friend就覺得夠味!P.S. 特別一提,佢地都幾窩心,因為見我們等個梳乎利都要一段時間, 比左2杯暖水我們! 值得一讚!

尋晚同朋友們食完晚飯就例必會食埋個飯後甜品，見呢間野新開, openrice又咁高人氣咪試下囉.... 點知就真係見鬼喇 (門外無人排隊都應該一早醒水... 唔怪得人 )火山雪糕: 有3色同2味雪糕比你選，整鬼個待應講外星話，3色得2色仲要客人選一隻味... 都唔知佢up咩, 雞同鴨講之下終於要左芒果。黎度咪又係有3味雪糕.. 果個咁既火山雪糕，外層係蛋白打成, 食左第一口已覺極度難食，蛋白打得太鬆散，食感惡劣!!! 之後最令人又歡又喜既係內裡既3色雪糕!!! 嘩真係無諗過佢用d咁既質數既雪糕，唔知自己做定來貨，d雪糕仲衰過牛奶公司蓮花杯... 更令人佩服既係d雪糕得個色, 完全無味架喎!!!!! 綿綿花冰: 無咩特別出色, 普通朱古力梳乎里: 食完成個梳乎里都完全感覺唔到酒店級水準, 似食棉棉既蛋糕多d... 3樣野食左百既蚊, 唔係貴, 但食完唔知食左d咩.... 好既食物係要用心做架!!! 未試過食完一間餐廳之後咁激氣，可能希望越大失望越大啦...唯一可取之處係服務可以的但絕無下次!!!!!!!!!!!!!!!!!!!!!!!!!!!!!!!!!!!!!!!!

有一次在銅鑼灣逛街,突然想食甜品,於是行下行下就經過一間新開的甜品店"五代同糖"我同朋友就去呢間試下,雖然我在門口睇入面原來都不是太大間,但講到服務,我同朋友一入去,已經有位男侍應幫我地拉開對門俾我地入去,於是我地隨便搵個位坐低,一坐低無耐,就有位男侍應走埋來同我地講:試唔試我地今期新出d甜品.我話等一陣先,因為個餐牌都未睇過,我同朋友睇左一陣,就舉手叫野食,d侍應好有效率地幫我地落單,但我食個d係西瓜西米露,由於個椰汁底太過甜,但總括都不錯,希望可以再改善下.

心太軟-心太軟既decoration唔得..好唔吸引-個雪糕好細...兩啖無晒-心太軟咁流心..係因為佢好稀..-最大問題係佢個心太軟係咸既.....我覺得佢係用左有盬既牛油....即使佢係幾脆賣$48 好貴....點解唔去tst個間...好食好多原味梳乎里-唔夠輕身...-完全唔似酒店水準(佢地自己標榜酒店水準)-好似食蛋糕既感覺-但蛋咪幾香

友人推介糖水店去開銅鑼灣, 梗係一試星期日下午四點幾雖然未至於要排隊等位但都全店滿座講返野食先叫左火焰雪山, 益力多奶凍同芒果沙冰益力多奶凍, 好夠益力多味, 甜度我覺得岩岩好質感都唔錯, 益力多fans 必食火焰雪山, 蛋白外層包住三色雪糕口感都唔錯, 不過唔係好鍾意三色雪糕既味如果配第二d 雪糕可能會好d.芒果沙冰, 因為好口渴, 所以想飲沙冰原本想飲西瓜沙冰, 點知...西瓜沙冰賣哂想叫蜜瓜沙冰, 又賣哂問侍應有咩解渴, 有芒果沙冰, 都試一試啦好夠沙, 好夠冰, 但就唔係好夠甜我估落得唔多糖水, 所以唔係好夠甜不過就好有芒果味, 咁我又覺得原汁原味好過狂落糖飲糖水呢.

見呢間野食評不錯, 食完晚飯同朋友一齊去試下叫左心太軟配豆腐雪糕同牛奶雪花冰首先黎左牛奶雪花冰, 有D士多啤利汁同粟米片牛奶味不算太重食到一半心太軟就黎, 忍唔住食佢先D朱古力真係湧出黎, 食落味道又唔會太甜同膩食完心太軟之後, 牛奶雪花冰亦無溶, good!期間女侍應仲問我地要唔要水, 算細心=]

哈哈，睇完「意外」當然要去食返碗糖水補充下個腦啦，話哂套戲咁...................「好睇」! 一早鎖定呢輪勁多人食既五代同糖，大家講到咁好食當然要去試下啦。九點幾去到都爆滿咁制，剛巧有兩個位即刻坐低，食既期間見到佢KEEP住有客人黎呀，果然受歡迎! 不過一去到就聞到好大浸榴槤味，唔知大家頂唔頂得順呢! 而且唔知佢係咪太多客人，有D熱... 好似唔係好夠冷氣咁，後期唔知係咪有人提出，佢都開大返就舒服好多啦。諗左一陣又唔想食冰，最後我地叫左個芒果梳乎里同埋好多人食既心太軟! 佢話兩個都要等 15-20 MINS，咁我地當然無問題啦。睇佢介紹話佢地原本只係諗住做冰，最後廢事獨沽一味所以就決定整埋其他甜品啦。呢個當然係明智既決定啦，因為本人對食冰真係一D興趣都無呀! 食一兩次已經夠哂數!等左一陣芒果梳乎里終於都黎啦，嘩，外表好吸引呀! 熱辣辣，要小心辣親個咀... 好處係一D都唔甜，入面有好多芒果好正! 佢出面個層有D焦糖甜甜地，有少少脆，唔會勁淋，個TEXTURE幾好，又有蛋味，我幾鍾意食呀!其實食食下一半個意外已經發生左架啦。就話說我地叫左個心太軟配豆腐雪糕，等左一陣終於都

茶餘飯後當然係去搵甜品食,行下行下見到呢間新間既甜品鋪,當然入去試下啦~北海道奶凍係老闆娘拍心口推介既,果然掂呀,奶味勁濃,個奶凍又勁滑,可以話係我咁大個人第一次食咁好食既奶凍!!!!大坑果間都差幾皮.

先講講位置 都算幾難搵 行左幾條街先搵到環境還可以 較簡潔 入到去仲可以睇到廚房d人 幾有趣既設計坐低唔夠10秒 老闆已經拎menu俾我地好多野都想試 價錢唔算太貴 無耐老闆已經問我地想食咩我地都未諗好 佢就好nice咁問有冇咩心水想試 值得一讚 咁我地就先叫左個 "心太軟配雪糕" 原來雪糕有得揀~ 好多都係自家製 最後叫左豆腐再睇睇 跟住就要 "西瓜蜜瓜西米露" 等左一陣 西瓜露就到左份量都算多 2種生果都有3-4舊 密瓜麻麻地 西瓜反而想像中好 好多汁好甜 食完都等左一陣先黎心太軟 自己就覺得朱古力有點濃 豆腐雪糕真係有豆腐味但我另一半已經愛上心太軟 哈.. 狂食 食完整心太軟位師傅仲問我地o唔ok 更係讚不絕口喇

最近雪花冰大熱,甜品店沒有此供應便好像好out咁,也試了好幾間店的出品,心中總有一個標準,就是雪花冰便是雪花冰,不是雪糕換個Look,兩者質感是不同的。能達到要求的其實不多,普遍都是質地太heavy,似食雪糕。本已打算不再試新嘢,無意中在openrice看到這新店,看見楊枝金露雪花冰個樣的確吸引,加上標榜出品自家製造,於是即管一試,竟令我嚐到一個很高水準的杧果味雪花冰。叫的是楊枝金露雪花冰,賣相吸引(沒有影相,請參考其他食評),味道嘛,就像吃芒果一樣,不似一些食肆只用artificial flavor；一面吃,一面感到甜品師傅的心機和誠意。價錢雖然較貴,以這樣的質素,比較同類食肄的出品及價錢,我相信五代同糖的毛利是較低的。 (註:我總覺得雪花冰的價格是有下調空間的)其實我們也試了花生雪花冰,質感比楊枝金露雪花冰更佳,只是花生香味不足,店員在我們吃完後竟很誠懇地徵詢我們的意見,我們也很坦誠相告,原來他們不希望加花生醬,也試過用炸花生來做,但是效果不佳,我也注重健康,怎不試用焗花生呢? 其實我還有一個提議,但是成本較高,相信不是為商之道,有機會的話,也不介意提供,實在希望一些有誠意的食肄能

我尋日同個朋友去佐呢間食，因為我上次食得唔夠喉，今次要試埋其他。其實呢間糖水鋪係我之前o係facebook某個朋友既wall上面見到，跟住因為只係"臘"過，所以要搵返個message係好花時間。不過為食，無辦法啦~我之前食過佢個心太軟，我覺得佢呢個好得。本來尋晚想再食，但係佢賣曬。不過咁未尚係唔好事黎既，因為可以試下佢其他既甜品呀嘛。我終於叫個椰子雪糕試。之前見朋友個message話好味，所以咪試下囉。黎個時見到兩個小雪糕球有點兒細，不過就幾好味。食完之後我同個朋友你眼望我眼咁，好明顯係唔夠喉。所以又叫小二囉個menu黎睇睇。我見個雪糕都係20蚊o者，應該可以應付埋33蚊既雪花冰。我跟手諗都無諗就叫佐一個楊枝金露雪花冰同埋榴槤雪花冰。當我仍然興致勃勃之際就偷聽到老闆同隔離檯o個D人講，話做雪花冰製冰部機係o係台灣買返黎，雖然香港有代理賣冰，但係做出黎唔好食，所以專登買左部冰機返黎。我其實係冇食過雪花冰，所以我係唔知佢部機有幾重要。畢竟我係食佢D冰，又唔係食佢部機。不過，佢咁講某程度上其實亦反映緊佢做事既態度認真，對自己有要求，唔錯! 等左一陣，點知店小二拿出來既雪花冰原來係大到呀媽都唔

尋晚同幾個朋友食完晚飯,同行嘅其中一個朋友介紹我哋去銅鑼灣伊利沙百大厦新開嘅"五代同糖"食糖水兼吹水,本來冇乜其望,但係我哋試完個"心太軟配豆腐雪糕"-外脆內軟真係好考功夫...濃濃既朱古力簡直係"正",上星期睇"蘇good"見到阿蘇去食"雪花冰",我見menu有,即刻叫返個"番石榴雪花冰"試下,簡直透心涼, 楊枝金露試得多,靚姐姐推介我哋試下"楊枝金露雪花冰",真係幾特別,未試過嘅朋友不訪試下! 整體水準算中上!

聽講呢度係之前牛頭角肥媽甜品既延續,而且上次miss左在他們搬走前試下,仲以為冇得試,點知又俾我發現佢改左名出現,於是下午去試下,可能過左tea time冇咁多人,地方細d,雖然今次我見唔到牛頭角下村徐錦江,但佢地d waiters既service好好,一入去俾杯水你, 我就叫左心太軟配雪糕,我都整過,知道焗野一等要等耐少少,佢地既waiter見你等得耐又解釋因為焗而要等耐d,.終於得到了, 有一個著粉色衫既唔知係咪老闆拎黎....都幾靚仔嫁!!我見到個心太軟好靚,但雪糕就好細舊, 心諗一陣埋單時要同佢地講下先, 個粉色靚仔哥哥叫我要快d cut, 粗豪一刀過,佐我怕choco 流晒係碟度,咪浪費左d choco law!所以我由頂頂cut開少少咁食入去,咁d漿咪唔會流出黎, 倨cake外面焗得好脆, 入面好多漿,佢係我食咁多間心太軟名單入3甲,excellent!!但未食完雪糕已沒有了,突然靚仔哥哥 "不"左一球椰子雪糕俾我, 原來佢話因為我叫既豆腐雪糕太硬, 好難"不",so"不"得細球左俾我 (可能少人叫雪到好硬), 嘩,真係估唔到佢地咁體貼,試問而家有邊d restaurant

新開張又響屋企附近咪走去試下囉! 點知只係極之普通料.我同沙牛男友要咗"黑白涼粉"及"原味梳夫厘"黑白涼粉-我問個姐姐仔涼粉係咪用罐頭的(我唔想比17蚊食罐頭)點知姐姐仔答我"我地涼粉係自家製的" 吓!黑涼粉都係自家製, 咪玩啦! 黑涼粉食落不是罐頭貨, 白涼粉就真係自家製, 不過好鬼硬又偏甜, 食到我成晚"un"住個胃原味梳夫厘-即做, 但係聽到佢用手打的聲音, 但係...如果多幾個客噤咪等到發瘟...我果日都等呢個等咗半個鐘. 焗又過火咗, 偏乾, 味道普通過普通應該無下次, 佢出品技術比沙牛男友自家製的還要低一點點(沙牛男友都係學咗十幾堂炸).d椅坐得好辛苦, 到底老細有無試過坐過...各方面要改善的地方還有很多... 在銅鑼灣立足不容易, 祝好運!