二鍋頭 (福苑)

營業中

休息中

一入到餐廳已經聞到好香嘅雞煲味，上枱時會幫手撈勻雞煲，睇見都惹味。砍到一塊塊雞肉好方便食，食完就可以打邊爐了。胡椒豬肚湯底，好足料，濃味嘅胡椒味仲有好幾舊豬肚係湯入面，令到啲餸都可以索曬啲湯味，尤其食響鈴嘅時候，真係入哂味。火鍋套餐有3個揀，揀左個中等，但已經有安格斯牛板腱，安格斯封門牛柳，牛胸腹同鮮滑牛。仲有海鮮食，見到都已經覺得好豐富。安格斯牛板腱切得好薄，所以一滾就食得 唔會好韌。而安格斯封門牛柳就好有牛肉味，肉質都好嫩。仲有少少活海蜆味道都幾鮮甜而且爽口。除咗呢啲牛肉同海鮮之外，有自助餐枱，有好多唔同嘅菜同丸可以選擇。仲有野飲同雪糕可以隨便食，選擇夠哂豐富。

諗住咁多好評去試吓 去到叫咗個雞煲啲雞嗰啲皮勁肥，肉又好粗鞋 火鍋先至離譜 食物種類得嗰幾樣 咁你就唔好話自己係放題啦 嗰啲鯇魚片好腥 喺度講話咩食物材料超過100多種 20種都唔知有冇☺️甚至嗰20種入面都唔係個個擺得落肚 雞子牛柏葉等☺️腸仔都冇條嗰啲蝦唔知係咪擺咗三日三夜 叫蜆又冇上最好笑係 譬如你叫個魚皮餃 你以為佢會一碟一碟上 結果係一粒一粒咁樣俾你😉嘢飲都係可樂同啲平嘢飲囉真心呢個價錢可以走去隔離打個邊爐 平靚正又唔使驚唔好食鍾意比人昆嘅朋友一定要試～

二鍋頭嘅鍋底款式好多，有雞煲、鴨煲同豬手煲。最鍾意食雞煲，果然味道好濃郁，而且份量仲好多添，食完仲有得加不得了！$300幾食到咁高質真係抵到爛，仲要之後可以轉火鍋🍲，繼續食～食到心靈都滿足胡椒豬肚湯底睇落幾有特色，所以就用呢個湯底滾食物都特別正。火鍋料有牛同海鮮任食，任叫嘅感覺真係好正，可以慢慢食有安格斯牛板腱同安格斯封門牛柳仲有蜆同章魚仔。牛板腱好快就食得，大淡大淡食，夠哂過癮。封門牛柳就好有牛味。蜆都洗得幾乾淨，而且都唔會腥。章魚仔就好彈牙，一口一個都幾爽。見到嘢飲有咁多選擇，啱晒夏日炎炎，可以狂飲野，見到有黑加侖子氣水飲，都即刻飲返幾罐～鍾意食雞煲火鍋嘅人真係會想再黎食😋。

今次帶屋企人食好西 所以就唸起呢間鋪頭！好耐無帶屋企人出街食飯 所以就想帶佢地食間近市區又可以任食既鋪頭😬今次都係例牌食雞煲啦 啲汁非常濃郁小小辣 雞件份量好多！ 而且舊舊都大件～ 食得開心🥳鴨煲屋企人話幾唔錯 因為一般餐廳都無鴨煲食 所以覺得幾特別 同埋有陣酒香 令佢地更加鍾意同更加惹味😚食完今次 屋企人已經話下次家庭聚會可以再食呢間 所以睇黎都好岩我屋企人既口味🥰甜品今次就試左新野，原來係脆皮雲呢拿雪糕 一開始我仲以為係乳酪雪糕😂味道正正常常 無乜特別 下次都係食返其他先😆

呢間之前食過幾次 幾次都唔同人同我食都一致讚好🤣🤣我印象中佢既雞煲係幾好食 所以一黎到就叫左雞煲先😜 今次叫左小辣 都係中辣岩我口味啲🥰 佢呢間有個位幾貼心 就係有問客人要唔要雞腳同芫荽！ 鴨煲都會問！今次食左兩次雞煲一次鴨煲 已經飽到傻左😆 所以就無打到邊爐 下次一定食盡佢先🤣因為我見打邊爐既材料都有唔少種類，同埋採取自助式方法去拎 咁就唔怕餐廳比漏單又或者比錯野食 又要食佢🥹最後，梗係食埋甜品區啦 因為佢地有個泰式紫米雪糕 好好味 次次黎到都會食🤓

男朋友升職加薪， 為了慶祝一下， 我們去了一間旺角火鍋店品嚐火鍋， 這間是我們第二次來了， 我們覺得很抵食， 因先有個雞煲任食，再而開始打邊爐的！餐廳環境夠大， 雖然我們假期來多人少少， 但店員招呼都不錯👍 我們坐窗口位可以看看街景， 食下野傾下計都寫意！放題食物種類都算豐富，我們幫襯左的是安格斯牛放題$268 一位， 食到捧著肚子呢！ 因牛肉都忍不住吃完再點， 牛味香濃可口， 同時有新鮮海鮮煩， 蔬菜🥬類應有盡有！下次想帶埋朋友們一齊食。

120分鐘放題由$228/$268/$318，可任食雞煲、鴨煲、豬手煲及火鍋配料任食。想無限時既就可選擇$268/$318 再每位加$68 任食酸菜魚煲或$78 鱈場蟹腳海鮮拼盆一客，可以由17:00 食到 24:00。可用 QR code 點肉食，其他丸類、蔬菜、粉麵、飲品 (啤酒只包 Ice) 就出去攞。四款煲試哂已經飽飽地，循例食d牛肉便作結。酸菜魚煲；魚片幾滑。雞煲：不過不失。豬手煲：骨膠原豐富但頗漏。火餡鴨煲：肉質比較羶。

昨日好朋友為我慶祝生日🎂晚飯，其中一位為食的朋友介紹來到旺角二鍋頭呢！餐廳店舖地方好大而且寬敞，坐位舒適度十足！最吸引我的是120分鐘火鍋放題，有三個選擇，都可以任食雞煲🐓、火焰鴨煲🦆和豬手煲🐖，隨自己喜好選辣度🌶，之後再揀湯底打邊爐🥘！ 好豐富喔「嚴選安格斯牛」住食火鍋🍲二鍋頭惹味豬手煲豬手已吸引醬汁精華實在惹味！自助區配料都有多款蔬菜🥬而且有安格斯封門柳、安格斯牛板腱、美國牛胸腹及本地鮮滑牛肉，主推安格斯封門柳和安格斯牛板腱不可錯過！

任食打邊爐好多地方都有，但呢間二鍋頭除左打邊爐之外仲有幾款煲任食，又幾新奇🤣🤣 任食嘅煲仔有雞煲鴨煲同豬手煲揀，每個煲份糧都唔少，今次試到2款煲，食到lamlam脷😋雞煲🐔 - 雞煲一定係必食架啦🤣 我地叫左小小辣，估唔到都幾辣🥵 花椒味好香，雞件幾滑，食幾舊嘴唇有少少麻嘅感覺，辣得好過癮🤣🤣🤣豬手煲🐷 - 豬手煲係黑椒味，可以揀辣同唔辣，醬汁微甜唔會太咸。豬手炆得好淋好入味，基本上唔洗點咬自己會甩肉出黎，膠質十足架😌😌😌火鍋🍲 - 食完煲仔就可以叫店員上火鍋湯底，我地揀左藥膳湯，味道偏清淡就咁飲都得。火鍋配料用qr code落單同出面有自助吧，加埋有幾十款食物同飲品👍🏼 啱哂大胃王！牛肉類別我地叫左安格斯牛肉套餐，$268一位價錢合理，叫左嘅食物從無漏單而且質素由頭到尾都keep到，整體唔錯😊😊

約左朋友係旺角食dinner，呢間餐廳地理位置非常方便，地鐵站D2行2分鐘就到，呢到環境好闊落，乾淨企理店員先安排我地食雞煲，唔食得辣嘅我地揀咗少少辣，好香好惹味，雞肉好滑而且啖啖肉，雞皮唔多👍🏻 店員服務好周到👍🏻食完雞煲仲問我地洗唔洗加雞🤪我地話唔洗因為要留肚打邊爐🍲我地第一次食呢間，揀左嚴選安格斯牛嘅set，安格斯牛板腱同安格斯封門柳好嫩滑入口即化😋美國牛胸腹比較多脂肪，本地滑牛好嫩得黎有少少爽口🐃🐂整體質素不錯，其他配料都好豐富，有海鮮、有唔同嘅丸類同蔬菜🥬仲要竟然有我最愛嘅麻吉燒，中間包住年糕，煙煙韌韌好有口感🤤120分鐘放題真係好抵食，食物質素，仲要唔錯，食到捧住個肚走🤰🏻🫃🏻

今日同friend係旺角行完街，想打邊爐，於是搵到呢間雞煲邊爐放題🐣就係旺角中心對面，幾方便就腳🦶🏻首先可以揀雞煲/鴨煲或者豬手煲，我地就揀咗雞煲🐥要咗小小辣，辣得黎又幾惹味🌶️🥵啲雞肉好嫩滑，調味做得幾好👍🏻 有香蔥、蒜頭🧄洋蔥🧅八角花椒，一啲都唔馬虎食完雞爐打邊爐，有好多款湯底可以揀，我哋揀咗藥膳湯，清清淡淡，有啲藥材味，感覺好養生😝我地揀左嚴選安格斯牛嘅套餐😍有安格斯牛板腱、安格斯封門柳、美國牛胸腹同本地滑牛🐃牛肉質素都唔錯，尤其係安格斯牛😝最驚喜係除咗雞牛豬肉，配料仲有好多款海鮮配料，例如硯、青口、大蝦、脆肉鯇等等🤤都好新鮮整體來講，食物質素不錯，環境簡單整潔，店員服務都好好👍🏻會回頭

旺角的二鍋頭是一家非常有特色的火鍋店，這裡的安格斯牛放題僅需$258，價格非常實惠。除了安格斯牛肉之外，這裡的雞煲、鴨煲和豬骨煲也都是非常美味的選擇。特別是他的鴨煲，是火焰鴨煲，所以店員會在你面前倒一些酒到鴨煲之中，然後點火所以可以欣嘗火光之美而鴨煲的味道也很讚，淡淡的佐料酒味，加上入味的鴨，非常不錯，再加上旁邊的芫荽和蔥，很滋味另外店員亦會先詢問再否需要芫荽和鴨掌，避免浪費，定時會清理碗中的骨，服務很好

二鍋頭位於旺角西洋菜南街，是一家以放題為主打的火鍋店，這裡的安格斯牛放題相當具有性價比，僅需$258就能盡情品嘗各種美味的安格斯牛肉。除了安格斯牛肉之外，雞煲，鴨煲和豬骨煲也都是任食的選項，食材的種類也是非常豐富，而他的鴨煲非常好吃，強烈建議大家嘗試與此同時，這裡的火鍋配料、飲品和甜品都可以在外頭任意取用，而在這裡點肉和海鮮需要使用QR code下單，非常方便。而火鍋醬油亦會先放置火鍋醬油，環境亦很大，所以吃得非常舒服

二鍋頭 (福苑)旺角西洋菜南街138號福苑2樓連續幾日假期，梗係約朋友食好西，今次我同朋友揀咗位於旺角嘅二鍋頭，因為之前食過覺得質素好好，所以今次決定食多一次，餐廳嘅地點非常方便，正正位於旺角鬧市中，由地鐵站一上就已經好快搵到餐廳了。一去到餐廳嘅時候，職員好用心介紹，煲類嘅食物有三款，包括：雞煲、鴛鴦鴨煲同埋黑椒豬手煲，仲要係任叫㗎。由於我同朋友都係眼闊肚窄嘅人，所以我哋揀咗雞煲，一想雞煲嘅時候已經聞到好香嘅麻辣味，餐廳好細心，因為辣度可以選擇，由於我同朋友都唔係好食得辣，所以今次我哋揀咗小辣，呢種辣到啱啱好，雞肉亦都好嫩滑，份量亦都唔少，仲可以選擇要唔要芫荽同埋鳳爪!!食完雞煲，我哋就選擇左嚴選安格斯牛餐，今次係用QR code落單，一入去版面，食物種類多到眼花撩亂，梗係即刻揀返靚牛食住先啦，我就最鍾意安格斯牛板腱，輕輕淥一淥，已經可以放入口，牛肉簡直入口即溶。另外，仲想介紹一下安格斯封門柳，呢兩款牛我都非常推介，牛味超級重，食落肉質超淋。y至於其他食物都超多選擇，包括白膳片係我同朋友最愛，食落去嘅時候完全唔腥，薄薄地一片，我哋encore左好多次。今次令到有驚喜嘅食物係花枝片，感覺

又一個雞煲夜～位於旺角的《二鍋頭雞煲》，人流相對其他大街旺店清靜。120分鐘晚市火鍋放題，按牛肉級別和海鮮種類分為A、B、C三個價錢。.我們選了A: 精選牛肉套餐。有美國牛胸腹和本地鮮滑牛。每位$228（另收加一服務費。除了雞煲，還有火焰鴛鴦鴨煲和黑椒豬手煲。可以先食完三個煲，最後才打邊爐！鴛鴦鍋加$40。.我們3個女生今晚只吃了雞煲加火鍋，並沒有試鴨煲和豬手煲。雞煲肉質不算特別嫩滑，小小乾柴。不過雞煲醬挺惹味、微微BB辣。湯底還好，選了滋補藥膳鍋和川椒麻辣鍋湯底。藥膳鍋偏清淡，川椒麻辣鍋選了小辣，麻味不太明顯。跟現時大部分火鍋店一樣，同樣分QR code落單，再加自助區自選火鍋配料。自助配料區的食物有透明隔板，擺放整齊，整體乾淨衛生。火鍋配料選擇滿多，A套餐除了有豬牛羊雞、丸類和蔬菜，還有青口、墨魚滑、鮮蝦、鯇魚片等海鮮。