二姐家鄉小食 (已搬遷) 新店位置

今晚試一試呢間。環境好一般般，入到去眼花撩亂！服務一般，冇解釋！價格離地！明明上面寫竹輪$12/3個，我就order三串加其他嘢。比咗店員之後，都冇同我講呢個唔係竹輪！就問我要咩辣度。好了，整好了，睇到個價錢我呆咗！然後問店員，先話呢個唔係竹輪，係$12/串！好心你哋就唔好寫係度誤導消費者同埋唔解釋！我可以講我其他order：一串墨魚丸、兩份青菜和一份香菇！我反問D店員之後都冇進一步解釋就話我order錯！（你都冇講清楚，店家有責任提醒消費者，要不然係人都默認呢個係$12/3個！）

以小細舖係界限街已經好想試，男友話咁迫點坐，又話熱……本來想去馬家莊，見到二家姐開左舖，地方乾乾淨淨，佢地既麥茶十分好飲，姐姐成日換熱最衰我病左，好多麻辣野唔食得，唔係勁開心，食辣野有助心情愉快清清地只能叫呢幾樣野1，涼拌皮蛋 ~ 足足有3隻$25咋，其他最多咪1.5隻，個醬汁都好好味，青瓜絲托底，好食就好食啦，食完完全膽固醇超晒標，建議4個人先好叫呢碟2，韮菜炒粉絲 ~ $15唔好以為好少，2碗都有，睇晒青丁丁唔多吸引，食材新鮮韮菜味好甜，炒得又乾身，底無油ga3, 江團魚 ~ $128 食完魚仲可以烚菜，肉質都幾鮮，好多紫洋蔥/娃娃菜墊底，都幾抵食下去保鮮櫃加菜 (自助) $8/份 (一小札都貴貴地) 買5送1 (只限素食類) 好就好在自選又一定食得晒

某天晚上，又經過她門口，見到個凍櫃明顯賣麻辣燙，自己又愛辣，又試下無妨。自助形式夾左幾款食物便入內交比店員。小店，只有兩個姐姐做野，環境衛生請勿太高要求。不過阿姐態度友善，招呼唔錯。我食淨餸、大辣。好似5款，$42包一盒飲品，唔貴。但係食物好一般，不麻不辣又不夠燙，都幾失望……再望望個menu,又有雞煲又酸菜魚又小炒又粉麵，你得兩個人，點處理到咁多出品？不如專注做好兩三樣重比較穩陣！起碼做個麻辣燙先啦

我幾年前已好喜歡食酸辣粉, 幾年來返工地點轉過好幾次, 我每次都會去搵附近好食嘅酸辣粉, 而2年前我開始在太子返工~當然, 花園街嗰邊係有間好出名都好食嘅, 但奈何嗰間係立食店。下下要企係度食, 冇得坐係度慢慢煲住劇食, 係差少少。最後, 畀我搵到呢間- 二姐家鄉小食。呢間店其實都好細.. 店入面只係得幾個位, 如果人客多過6個, 其實都會坐得好迫。所以如果我想食, 我會行去睇下多唔多人, So far唔太多人, 有位坐, 我就坐低食。店門口有部雪櫃, 入面放好晒一份份/一串串的食材, 任君選擇。你只係需要拎起放在旁邊的籃同夾, 去夾你喜歡的餸菜就可。價錢分兩個- 蔬菜$8/份, 肉類/粉麵就$12/份。(我最初食, 分別係$6同$8, 但前陣子加左價了。)夾完你想要嘅餸~ 就可以拎入去店員姐姐度, 話畀佢知你要咩麵底, 要咩辣。佢基本上係麻辣燙來, 但你可以叫酸辣, 佢就會加醋畀你變酸辣~我個人中意加左醋, 開胃D~另外, 佢仲有D自家製小雲吞, 但冇放出來的~ 有分大同細, 細嘅連薯粉$22, 大嘅我未叫過我唔知如果想食可以叫麵個陣叫埋~今日我叫左小雲吞(細)薯粉($22), 生菜

呢間野開左都有一段時間由於真係好近屋企 基本上諗唔到食咩都會過黎食呢度主要係食辣ge 當然都可走辣啦呢度係自助形式夾餸ge車仔麵菜：$6 肉/面：$10除左面食 仲有好多其他野食ga 雞煲 豬手 豬腰 貴妃雞呢一日又同b先生黎食我：海帶 南瓜 火腿薯粉B先生：波菜 漢堡排 斯華力腸 烏冬為左就b先生 我地湯㡳叫左唔辣 辣醬另上伴菜仲有九菜 芫茜同黃金豆我超鍾意黃金豆 勁香口👍🏻👍🏻D餸其實就好普通 烏冬同薯粉質地mama地反而個湯底有驚喜 清湯甜而冇味精辣醬真係好正 鍾意食辣ge朋友千祈唔好錯過

見到佢有麻辣燙就食下唔洗等位 啲野食都快黎到味道方面 個湯都ok嘅啲辣真係夠 （唔夠可以問店員攞多少少辣油 價錢都相宜麻辣燙 菜類6蚊 肉類10蚊可惜係現貨有嘅餸種類較少我個陣唔忙 所以服務態度都冇問題唔記得嗌夠40定50有包野飲送(詳細問返店員但最傷心嘅係佢計錯數 不過口同鼻拗 我數比佢聽我夾左啲咩 我計到係100 佢又話係110 佢又冇mark底我係夾咩佢地又好似廣東話唔流利咁 又好似唔明我講咩咁最後算 10零蚊當比貼士去食嘅自己留意