影片
下班回到舊公司附近，和同事去了一間小炒菜館，最喜歡就是港式小炒，夠獲氣夠惹味，喝喝啤酒也挺不錯。啫啫生菜煲，份量很多，很有獲氣，整煲菜都香氣撲鼻，豬頸肉也爽口，入味。黃金蝦，數量也很多有8 至10隻，每隻都很大隻，肉質爽口彈牙，咸蛋醬也滿多，沾滿每一隻蝦，最喜歡便是不用脫蝦殼，整隻更可吃掉方便了我這種懶人一族😎新鮮鯇魚皮，這道菜不止本身新鮮，對我來說也很新鮮，我是第一次吃，每片都很完整，切得方正，廚師的刀功真厲害，鯇魚皮挺厚身，要吃多些進補一下骨膠原～夾些薑蔥吃真滋味啊～整體食物水準高，上菜快，份量多，性價比高，不錯不錯～
繼續閱讀
忙碌既一日，超多野做，ot夜左收工，諗起光輝圍間亂炒一通，原來今晚都好爆場，不過上菜都好快，食物質素亦無因多客而下降~黃金蝦，外表已非常邪惡，每隻都漲卜卜，炸得金黃白脆，表面蓋滿咸蛋黃，蝦肉爽彈，咸香十足~脆炸牛坑腩，炸牛腩唔係度度有得食，呢個仲要係牛坑腩，必食~份量比預期大，薄薄既炸皮外層金黃酥脆~牛坑腩肉質軟林，牛味濃亦富油脂香~鐵板黑椒豬手，可以揀原隻上或切件，我地揀左切件，方便食~未食已聞到香噴噴，黑椒汁好惹味，豬手夠林身，充滿骨膠元~好味镬氣小炒，配白飯汽油彈是常識吧~食物選擇多~價錢不貴~
繼續閱讀
在附近工作已經好幾年，所以每次經過都會留意到呢個吸睛嘅招牌(亂炒一通)，聽起嚟好似餐廳師傅亂咁嚟毫無廚技，所以都未曾光顧過，一直最近聽到隔離公司介紹，話佢哋放工有時會去飯聚，仲話有鑊氣，味道唔錯，所以今日就去試吓。位於葵涌光輝圍某個停車位置，店面唔算大，但勝在店名攪笑招牌吸睛，所以易找。而座位就同大牌檔餐廳咁上下，當然衛生情況較佳，最令我印象深刻係樓面個靓姐，因為全店樓面得佢一人，就算滿座佢都表現啖定，而且手腳快，每枱落單後十幾分鐘就有得食咸魚蓉炒銀芽菜花-咸魚味濃銀芽爽口菜花清甜，真係有鑊氣。砵酒焗魚頭，味道唔錯，但魚頭同我想像有分別，佢唔係成個，而係切件，而且偏細件，所以個人應為口感未至最佳。黃金蝦，呢個滿分，蝦肉新鮮彈牙，咸蛋黃炒得香濃起砂，色香味齊全。鐵板黑椒豬手，上枱前靓姐會問原隻定碎件，肉質嫩皮Q口,香氣十足，唯獨味道偏咸脆炸牛肮腩 牛味濃郁，而且炆得夠霖。小弟少飲酒，但呢度菜式特別，如果朋友食飯啤倆杯真係唔錯嘅選擇
繼續閱讀
朋友帶路來到葵涌光輝圍的「亂炒一通」吃晚飯，我第一次踏足光輝圍，感覺有點親切感，因為環境和氣氛有點像沙田大圍，入到街坊飯店的「亂炒一通」，看見牆壁的照片餐牌，就更有親切感，大部份都是我喜歡的小炒，我們每人楝一款式：黃金白飯魚$88、咖喱牛腩煲$88、椒鹽雙魷$98、靚仔三碗$36。過去在飯聚慣常都是吃椒鹽黃白飯，今餐的魚金白飯魚大家都很喜歡，除了魚仔鮮還有有鹹蛋黃的香和鹹蛋黃的金沙口感，過去吃椒鹽黃白飯，都會偶然遇上不同廚師的手勢，多了椒鹽而偏鹹，魚金白飯魚都冇這個問題了！鐵煲的咖喱牛腩煲內內外外都熱騰騰得燙口和燙手的，牛腩夠軟綿有香腩味，且份量真不少，咖喱汁濃郁，味道適中，我們沒有要炒菜，牛腩煲內的西椒和洋葱填補今餐的蔬菜。椒鹽雙魷有的驚喜，有少量的蜜汁，帶出椒鹽雙魷有另一個層次味道，唯一美中不足是土魷放涼了變靱！
繼續閱讀
時近年尾，同阿媽今日走一轉葵涌辦年貨，買鞋買衫買日用品等，真是價廉物美。行到晚上當然要找晚餐吃，最方便就是上OpenRice 睇下就近有什麼餐廳選擇，阿媽最愛是中式小炒好鑊氣，但又唔太鍾意酒家拘束嘅感覺，見葵涌區有間「亂炒一通」就去試下。在餐廳門口有不少的泊車位，方便揸車人士，而門面光猛，入內坐位很寬躺，張張大圓枱，加上有電視提供，很貼地的港版小炒店。再看看餐牌，很多選擇，我媽一馬當先選了多款菜式，鹹蛋椒鹽白飯魚、黃金蝦、欖菜肉鬆四季豆、霸王雞。先講鹹蛋椒鹽白飯魚，炸得非常酥脆，內裹的白飯魚仍能保持鮮味，唔會炸得過火，而個炸脆醬做得好好，薄薄的一層脆面包著白飯魚，加上有鹹蛋黃的鹹香及椒鹽的野味，真是令你吃不能停，這個是必食之選。而欖菜肉鬆四季豆是一款超好下飯的菜餚，欖菜的獨特香味加上肉碎，令每一根四季豆吸收了鮮味，不覺不覺地已吃下了兩碗白米飯🍚霸王雞也整得很出色，雖然制作需時，但值得一等，雞肉滑嫩，而雞味濃郁，加上蔥油特制的豉油汁，令這個霸王雞提升到另一層次。最後是黃金蝦，呢個質素其高，蝦大大隻，加上蝦是非常非常非常的新鮮，因為唔新鮮的蝦一眼就會看得出，例如蝦頭會黑，蝦肉會粘著蝦殻等，但這個蝦每一隻都非常彈牙，而蝦面有滿滿的一層鹹蛋黃，加上入日脆脆的，真的令人回味無窮。
繼續閱讀