九龍餐室

營業中

休息中

今日要去油麻地辦事，於是同同事食左呢間＂九龍餐室＂，午餐都有好多選擇，卡位都好舒適，諗左好耐我都係決定食燒味飯，叉燒拼燒鵝，中湯、茶走，同埋少飯，點知個飯黎到依然咁「巨形」，於是我就同果位侍應哥哥講話無少到飯喎，佢答我：食多啲啦，你咁瘦。開心左好耐，哈哈哈～真係識講嘢，岩聽奶茶未飲已經甜曬，又夠曬滑中湯好濃味，唔知有冇落味精，忍唔住飲曬成碗好足料好好飲，燒鵝唔錯，唔會太肥，叉燒一般比較瘦所以鞋口ｄ，但水準都唔錯，最重要係服務好好，除左識講嘢，走個陣唔小心漏左把傘，哥哥即刻拎返俾我，好細心謝謝您～

極邪惡 巨大化版菠蘿油🧈呢個菠蘿包真係超巨大✨份量係平時嘅菠蘿包嘅一倍半😚下午茶價$34 連嘢飲叫咗杯阿華田😎餐牌寫住冰火菠蘿油😉餐到嘅時候真係放住塊厚牛油係啲冰上面✨牛油就夠晒凍啦🤓可惜個菠蘿包唔夠熱🌝So sad!只係微微地暖咁🙊而且菠蘿包面上嘅脆皮唔係太脆🌝有啲可惜🥹可惜在嘥咗個quota🤣要努力搵多啲其他好食嘅菠蘿油食啦😌九龍餐室 (旺角)旺角彌敦道576號和富商業大廈地下及1樓

野食已經一般架啦叫個普通下午茶餐雞翼多士服務態度勁差開到勁大個冷氣一食完就趕你走叫埋新既客入黎企係隔離睇住你執野走未見過咁肉酸冇禮貌既茶餐廳真心唔會再食衰到我忍唔住第一次開po上黎寫食評

叫下午茶餐，豬扒薯條沙律。來到隻碟好大，但薯條只有十條，得兩三條係完整，其他係碎濕濕; 豬扒大小同大家樂大快活無異，唔算”好細”，仲有好大條根，根本同d噏耷茶餐廳無分別。盛惠$50+3(凍飲)另外仲有個經典常餐，沙嗲牛麵餐。多士加個火腿奄列，呢個算正常少少; 跟著到個牛麵，噏耷茶餐廳嘅風格，加左好多生菜絲落去，食落一浸菜味，牛肉唔算林，味道普通，果然夠哂經典！盛惠$53+3呢度過得去嘅就只有杯凍飲夠大杯，難怪唔使等位即刻入座。絕不翻啅系列！！！

收銀姐姐態度極差 想買個早餐雙拼 佢叫我諗清楚食乜先叫 咁叫得就係預咗加錢㗎啦。跟住佢話冇咁架喎冇咁架咼。其餐廳極度古怪疫情期間現金有八折，店員仲返問返我點解會冇現金😨疫情期間其實都冇乜人用現金㗎啦。攞到外賣後我問佢有冇辣椒油，第二個店員竟然發我晦氣下次早啲講啊！？其實都係問佢一句姐有米有冇咪冇囉做咩要發晦氣呢？問你有冇我冇話一定要。第二，榨菜肉絲米粉，佢啲米粉斷開晒的。可以回應返嗰位店員 放心啦唔會再有下一次！

旺角呢兩年開咗超多茶餐廳，講真食物又唔覺得特別好出色，來來去去都有種翠華style直到見到九龍餐室，一入去除了光猛仲有極高樓底，每枱之間有充裕距離，旺角區又可以傾到計的茶餐廳真心唔多。而食物都算係中上，百零蚊就有扒餐食，唔洗一百蚊有小菜加湯，幾十蚊有個碟頭飯，這個年頭平靚正絕對絕對是必須的！今晚點了照燒汁雞扒配鰻魚飯，飯面佈滿木魚碎，米飯具彈性有咬口，不會太軟或過硬，雞扒有煎香，雖然是宵夜但份量很合理！！

今天相約了友人去旺角， 不知不覺間行到差不多近三點鐘了 ，又過了中午醫肚的時間，因為大家都不想飲茶，所以選擇了去餐廳。在食肆林立的彌敦道，餐廳的選擇頗多，今次就去九龍餐室試吓。進入餐室内見樓底夠高，有兩層，裝修環境都算可以，上了樓上坐下點了個星洲米配紅荳冰套餐。等了約廿分鐘左右餐到了， 星洲米的賣相、咖哩的色澤都相當吸引，配上了香口的芝麻，真的要快快咬一啖米粉先， 米粉是用質地比較偏軟的那種，不是用中國的傳統米粉來炒，欠缺質地硬身口感。 咖哩的分量調得不錯， 整碟米粉都炒得相當均勻 ，不會令米粉一有些有咖哩而另一些沒有咖哩色，咖哩味道亦算夠濃吃到了咖哩的香辣味， 火腿絲的份量亦相當多， 但個人感覺如是用肉絲或叉燒之類的來炒的話，總是感覺上稍為欠缺一點，因為到底不是中式酒樓，不能直接用來比較。而雞蛋絲、芽菜等配菜、能放多一點可能層次感會提高些。跟套餐的飲品紅荳冰， 雖然是隨餐附送，看上去都做得不錯，有些心思，紅荳亦煮得夠淋，配以花奶紅白相襯，用一隻有懷舊feel的杯奉上，有一種小時的可愛感覺。今次的午餐各方面感覺算是不錯，可能時近下午茶時段，顧客頗多令侍應的人手不夠，出餐要等久一些，但

5點幾想醫少少肚，餐牌都唔睇，嗌左菠蘿油。上枱嘅賣相好吸引，個包大到成塊扒…有一塊牛油🧈另上，竟然有据扒嘅感覺。味道唔錯，食得出係靚油！將牛油放入微溫的包，我覺得有少少融化，有少少滑口感，就最好味，加埋杯奶茶，真係夾喇～

陪老公去信和訂完模型，好鬼肚餓、 沿途好多茶餐廳， 經過有間九龍餐室都幾新吓; 就入左去幫襯。 地方都算寬敞有兩層， 我哋被安排留上座位、 卡位都算闊落。見餐牌都好多選擇，我點了個黑椒豬扒飯，唔想飲凍野、想轉中湯原來唔得， 不過侍應哥哥好好人，話送個中湯比你啦😂仲要係老火湯😋啱哂我老公點了 忌廉粟米焗海鮮飯，侍應哥哥話下午茶有呢個餐喎;不如改下午茶啦仲平啲又多杯嘢飲🤗我地叫了杯凍檸茶，我地都冇留意餐牌，原來6:30仲有下午茶架🤣呢個哥仔真係幾好人！食物中規中矩啦！下次去信和經過都會再來幫襯😁呢間賣點 下午茶去到六點半， 好適合打工仔放五六點嘅時間去，😄當食晚飯但下午茶價錢👍👍

新開咪試下囉，平時都係食x茶嘅~叫咗下午茶餐$49，瑞士汁雞翼撈麵，超難食麵已是一餅，加上一d唔咸又唔甜嘅瑞士汁雞冀兩隻，d肉超韌，又唔入味麵黎咗，無餐具叫侍應攞啦，侍應姐姐選擇去執枱都唔去攞比我(現場無人等位，她不是執枱員)本來想試最愛嘅蛋撻，但不敢了~

我今日下午大約5:30到（12/09/2021)，這是我第一次去九龍冰室（旺角）食嘢、見到下午茶餐牌唔錯$52，選擇有：瑞士汁炒牛河、楊州炒飯、星洲炒米、港式肉醬意粉加溫泉蛋、黑椒豬扒炒公仔麵、等等、都有幾多選擇、然後我就叫咗、肉醬意粉、大約六至8分鐘就到，時間好快，賣相唔錯、但是一食就、發覺味道差勁、「得個甜字」其他味道就冇啦、之後我要求換掉他、我就見到晚餐有個餐牌寫住、黑椒汁安格斯會意粉或飯加隻炸蝦。所以我就轉咗呢個餐啦，諗住可以俾第二個機會、試吓其他食物，這個價錢都唔平$98、好彩我話黑椒汁 on the side, 因為黑椒汁是甜的😱、我本人第一次食到黑椒汁甜的、這件牛扒就像早餐一樣（普通茶餐廳）博博一件、超難食。我同店員講；佢就話要唔要轉茄汁啊、下、黑椒汁都咁甜你仲叫我轉茄汁、發生什麼事啊？這是我人生、第一次、食到一件超難食的黑椒牛扒。我希望大家可以轉貼一下。不要讓其他人遇到呢件慘情的事情。又或者可以去冒險下，拍段最難食嘅茶餐廳片段。做一個比對，希望大家唔好中伏。🙏🏻😬

響之前間烏糟服務差嘅红茶向前行，見倒新開呢間九龍餐廳，光猛同樓底高好多，待應抹枱連座椅都留意埋，瑞士汁炒牛河好味楊州炒飯頗大份，但不是即炒，好似帶返番工用暖飯壺保温咁整體滿意，食物唔太咸

從未食過如此又鹹又硬的炸魚塊！這個午餐包餐湯和餐飲，$58價錢ok啦，轉凍飲和外賣$63埋單，包裝和賣相都不錯的，凍檸茶的檸檬薄薄的，方便篤，都幾ok，粟米汁都是一般的生粉獻做成，睇落都不錯，味道淡淡的，只可惜，那個炸魚塊，好睇唔好食，頭一兩件都是硬硬鹹鹹的，還入到口，點知再食多一兩件，越食越鹹又越硬，唔食個外面個炸漿，那麼小小的魚塊是乾的，真的很難食！致電餐廳反映食物質素，職員只說「我反映給經理聽」就掛線了！

香港有不止一家九龙餐室，想找店吃晚饭时路过了这家九龙餐室，总的来说味道不错。我点了一份沙牛公，就是一碗带牛肉的面，感觉挺香的，就是性价比不怎么高，还好有赠送一份丹麦多士，有两块面包和一块蛋卷火腿，我同学点了一份奶油朱餐，其实就是菠萝包，他觉得味道还可以。

今日要早，起去女女間學校到為入學進行家長會，所以點都要食返個提神早餐，醒醒去，係去學校路程中，經過一間新開既餐廳，名為九龍餐室，對我地黎啲80後實在太有共嗚，膽粗粗入去試試，環境ok，要等一等位，但都好快，叫左一個英式早餐，配雞扒，有塊丹麥包，丹麥包係我近期最愛，有兩仔芝士腸仔，炒滑蛋。芝士腸仔，同炒滑蛋，不過不失，冇咩突破，但個塊雞扒，雖然明顯係拉油拉熟，但唔會多油，油溫控制唔錯，有少少焦香，底味幾好，香口同唔會有雪藏味，加多杯熱奶茶。滿足