九龍餐室

營業中

休息中

服务态度真的好差，服务员的问题自己上错了餐品，还多算了钱，明明饮品是套餐里送的，多算的不给退也就算了，还在那里高分贝说我们，还翻白眼瞟我们，不知道是什么眼神，收银员的眼神也是，不知道像在看什么一样。总之服务态度极差，还怪是我们的问题，本来之前经常来这家店的，还介绍朋友来，今天的事之后不会再来这家店，也建议大家避雷。今天的鸡肉也很腥，味道很重，不知道是不是不新鲜，本来就想着算了的，但是这样的态度搞得人真的不舒服

六月頭嘅時候，有一個平日下晝同同事去咗旺角同行內嘅合作夥伴開會☺️開完會後，我哋決定喺附近食個下午茶，順便一路食，一路傾吓頭先開會嘅內容🤣我哋喺條街度睇咗一陣唔同嘅餐廳，就決定試吓九龍餐室，見到都幾大間😄 我哋之前都未食過呢間茶記，所以就決定入去試吓😄我入到去好快就揀咗炸魚薯條下午茶餐，餐飲就飲熱奶茶😄 我嘅下午茶餐好快就有，上菜速度好快，賣相好唔錯，炸魚嘅份量都好多，而且仲有沙律，有少少驚喜☺️ 通常下午茶餐嘅份量會較少，但呢個下午茶餐嘅份量我覺得同一般正餐嘅份量差唔多☺️我另外兩位同事叫咗其他嘅下午茶餐，佢哋都覺得味道唔錯，而且我哋都覺得喺度坐得幾舒服😄我哋下次去完旺角開完會後，都應該會再嚟呢間九龍餐室食下午茶😄

今日自己一個去食lunch，入到去無人安排座位，問左幾次先有個男待應黑晒臉咁叫我上樓上。上到去叫人落單，有位短頭髮女侍應態度好差咁遠距離喝我叫我講啦，我話要湯佢直接落紅湯，然後我更正要老火湯，佢即刻黑臉嘴秒我，果刻已經想即走。食食下飯其間，聽到呢位短頭髮女侍應對每一台客都好西，例子如下：鬧食客1：食飯唔好擺電話係台面，我賠唔起呀。鬧食客2: 食客落單期間想改餐，女侍應話成張單無一樣野要既，全部改晒wor小姐。總結：寧願餓死街頭都唔會再幫襯，貼錢買難受

原本只係食個午餐，唔諗住影相，但食物質素真係……，希望老闆睇到，出品有問題，自然就無客，星期日下午一點都只係坐得一半客。午餐焗牛脷意粉：全部幾件牛脷都竟然無剝皮，直接俾客食，圖1我已經咬走半圈的皮才影相，圖2脷尖的皮都唔剝！我自己都識煮嘢，牛脷層皮唔剝係好核突、噁心，唔係剝唔清，係件件都有皮黐住！我諗真係全港都無一個廚房會咁樣出俾客食！意粉係非常之稔，雖然對茶記唔會要求高，但啲意粉仲稔過大X樂，似幾十年前的快餐店水平，真係好懷舊！另一個午餐係點了炒飯，點了唔夠兩分鐘就上枱，唔熱，只係溫溫哋，明顯係炒定一大盤，有order就上碟，但係可唔可以整返熱少少才上枱？一係保溫做好啲吖！真係衰過食兩餸飯，兩餸飯都熱過坐餐廳食，但價錢又貴過兩餸飯，咁點會有客回頭？抵讚嘅係樓面哥哥好有禮貌、勤快，見到燒味好靚，應該好食，但廚房咁差真係要改善！

原先諗住入去今日快食個下午茶之後要趕去考試 入到去門口企住兩個伙計 我楝住一隻手指代表一個人 都可以當透明 亦冇打算為我找個位置 或者真係生意好好 我當然轉頭就走 無謂俾咁多工作人地做

黎到旺角油麻地呢一帶都係多野食既，今次就揀左呢間冰室食啦， 感覺普普通通，原過不失啦，叫左個常餐食，叉燒意粉，西多士炒蛋，熱檸檬茶。叉燒意粉(ok)正常味道，意粉唔會太硬身，叉燒又唔會太肥，可以接受既味道。西多士炒蛋（ok)份量正常又唔算太多，蛋都算口感ok，多士六沒有特別之處。熱檸檬茶，正常茶記味道。環境方面，都多卡位坐，唔會算好擠迫。。。。總結。。。對於一個返工食午餐既地方，質素同味道都可以接受既。

平時如果去食茶餐廳，都會去「九龍餐室」食我心目中嘅最佳茶餐廳美食經典配搭：豆腐火腩飯&凍奶茶！豆腐火腩飯之中嘅火腩肉質肥瘦相間、啖啖肉，外皮又食落脆卜卜，加上濃郁嘅醬汁，同埋口感嫩滑嘅豆腐，口感豐富、滋味無窮。當然唔少得飲翻一杯黑白淡奶沖泡出嚟嘅凍奶茶，冰凍凍奶茶，冰感十足，口感幼滑，飲落香濃奶味、帶點微甜，配搭熱辣辣嘅豆腐火腩飯️，除咗做到冰火交融嘅效果，仲能夠達到味道上嘅平衡。豆腐火腩飯&凍奶茶嘅搭配不但只美味，亦體現到茶餐廳獨特嘅飲食文化🍴。依間茶餐廳嘅港式奶茶️之所以做到特別香滑濃厚，原因在於其黃金茶奶比例，採用黑白淡奶沖泡，能為奶茶帶來獨有嘅絲滑口感及濃郁奶香，配搭埋茶餐廳自家嘅港式奶茶拼配茶膽，紅茶味道淡雅回甘，最終造就出充滿特色嘅正宗港式奶茶。

經過入黎食下午茶假日4點都唔洗等位特厚滋味西多士$47黎到真係厚多士🍞🍞有一片牛油，同一碟糖醬厚多士表面炸得好鬆脆夾層有一層薄薄既咖央夾心，唔會太甜，味道岩岩好仲包埋紅豆冰不過勁甜，加水都搞唔掂紅豆半爛，入口都仲有一粒粒既口感

落單時冇留意有用手寫的餐牌係牆上，睇住餐牌叫咗焗豬扒飯（$78 ）加一個日嘅套餐。原來焗豬扒飯都有套餐（送湯，餐飲$66）如果正常嘅侍應應該會堤醒顧客有套餐仲抵。收到單時見到兩杯飲品都加3蚊，6蚊，因為落單時侍應冇講要加錢，所以我問侍應。佢好大聲答“你係指住餐牌叫㗎嘛！所以焗豬扒飯$78蚊飲品要另外俾錢囉！套餐係個度嘛！”(指出牆上用手寫的餐牌）按照寫住嘅價錢收錢冇問題，不過可以禮貌啲對待客人。其實落單時侍應態度已經好差，明明有湯送，問都冇問要乜嘢走咗人，我都唸算啦，不過咁樣對客人整到我好唔開心，我俾錢的時候同收銀講”話送湯，都冇送，飲品就收呢啲錢” 收銀職員仲惡過侍應，好大聲話”我點知你同侍應點溝通啊！” 從頭到尾唔好，絕對唔會再返！

今日係6月4號大約4點幾 話說係旺角行完街 經過九龍餐室 見到燒味賣相好靚 餐廳格局都唔錯 入去坐低食個下午茶 一入到去侍應都幾好禮貌 下午茶叫左個燒鵝瀨粉 唔錯唔錯 皮脆肉嫩 幾香口 覺得下一次都可以返轉頭再食 食完去收銀比錢 但有件事令到我嬲嬲地 好不滿 就係個疑似老闆娘戴眼鏡既收銀 找錢大力拍係枱面 多謝又唔講聲 態度極差 可能係因為我阻住佢睇電話掛 仲諗住介紹d朋友同波友過黎食野 就係呢個收銀態度差到唔想再有下次 個收銀搞到我嬲到震

話說工作關係又出到嚟旺角，彌敦道行過附近得一間茶餐廳，望吓餐牌又唔貴嘅，入來坐低，不過旺區都冇位要搭枱，跟住叫咗個什扒意粉午餐，有沙律半碟有啲誠意，豬扒有啲柴，相對嚟講少啲梳打粉都好，雞扒就係正常，味道叫做正常可以，我飲凍咖啡一定要走甜少奶，依度達到我要求，送個中湯我覺得幾好飲，仲有紅白湯選擇，唔錯嘅，唯獨是係啲座位比較迫，坐得唔舒服，可能茶餐廳一般伎倆唔想客人錯咁耐，正常既，同埋見到對面小姐飲杯一杯熱奶茶要$23，其實真係有啲貴，不過都係嗰句，唔想妳就咁買杯嘢飲，明白租金人工全部都要成本

好耐冇試過喺旺角食下午茶，見到下午茶，由2:00去到6:30 仲趕得切喺佢下午茶時間前慢慢嘆一向幫襯開銅鑼灣嘅九龍冰室，旺角彌敦道呢間都係第一次幫襯，依家面積都唔細仲有一樓，坐得幾舒服。雖然係五一假期，但係都坐得幾舒服，依間店遊客唔算好多，反而係本地人多啲。鰻魚炒飯 $58 第一感覺就是超級大碟粒粒飯也上色，炒得均勻；碟頭大之餘也吃到鰻魚，炒蛋、菜絲、粟米粒等，只係嫌略咸少許，份量大到打包半碟。紅豆冰最抵嘅係配紅豆冰都唔使加錢，變相抵食左味道就中規中矩，紅豆吾夠稔又吾香，花奶都較稀，下次飲返奶茶算罷。

吃了一個咖哩飯下午茶，食物味道可以，上菜速度一般，飲品正常。但男侍應態度差，初入去坐下已覺侍應對身邊啲客無禮貌，語氣差。直到我食了一半，佢為搭枱沒通知就直接動手推開我的物品，電話，間接倒了咖哩汁落我的電話，但也沒對我說任何說話。雖沒有任何對話但已有極差體驗，很受氣，不推薦。相信只要一坐下未叫飯就會感受到他的心情差，所以不推薦不推薦不推薦！

1. 茄子牛仔骨煲：茄子柔軟，牛仔骨肉質豐富，湯汁濃郁，口感鮮嫩多汁，香氣與茄子融合，帶來滿足感和深度風味。2. 豬頸肉芥蘭煲：豬頸肉肥瘦相間，鮮嫩多汁，芥蘭苦甜味道，豐富層次感，湯汁滋味充分滲入，色香味俱佳，營養豐富，溫暖滿足。3. 濃湯素翅雞煲：素翅柔軟滑嫩，湯汁濃郁，蔬菜和香料熬煮，雞肉增添風味，湯汁鮮香可口，滋味濃郁清爽，營養豐富，回味無窮。

唔知大家認知嘅粟米肉粒飯係點樣？😂反正我就唔覺得自己呢個係粟米肉粒飯,未見過粟米肉粒飯係用白汁，未見過粟米肉粒飯係剪豬扒粒😂😂一定係我認知有問題，一定唔係間公司錯😂我已經問咗個店員呢個係唔係粟米肉粒飯㗎，佢話係