九龍坎麻辣火鍋

營業中

休息中

警世！唔好信IG宣傳！！星期日午市同朋友去 大約2:30pm入座裝修幾靚但紅噹噹幾傷眼環境頗為污糟 行緊入位嗰陣已經見到有間房擺晒雜物堆晒塵 地下同張檯都痴笠笠 木筷子又有啲跡醬料位設計亦都好差 啲醬瀉晒出嚟 個芝麻醬仲要係點腸粉食嗰隻 唔係正常放題沙律taste嗰隻...嘢食除咗肉同毛肚之類冇咩嘢可以order 雖然肉嘅總類算多 但豬肉片可以連住原盤血水上鵪春蛋甚至一望落就知唔新鮮 送菜阿嬸直接猶豫應唔應該拎走送菜亦都好慢自助區得丸同菜佢哋會refill 小食區淨係得雞翼同青口 兩粒鐘都冇refill過 而且一早畀人食晒 催過staff都冇用 甜品冰櫃得雪條同兩個甜筒 冇refill過 B餐宣傳嘅Hagan Dazs直接話冇貨 連普通雀巢雪糕都冇 布甸得6x2 十二個 清一色芒果味如果想體驗中國特色冰粉嘅話就終於可以任食啦（因為冇人食）同區同價位有更加好嘅打邊爐放題 無必要折墮自己 暫時試過咁多間入面呢間最伏

前排Ig 見到依間火鍋店，裝修特別，價錢親民。趁今日有啲時間去試吓啦我睇佢有得KTV就順便問埋可唔可以book ，佢話冇房，咁由佢啦😂反正我都係臨時book 都預咗入到唔係好似其他火鍋店咁有員工介紹餐牌，而係坐低就簡想要既套餐而令我最失望既係，$298 任食哈根達斯….無，得返雀巢熟食清空晒冇人feel飲品櫃啲野飲…得返少量啲豬牛羊冇上過，等左半個鐘，仲要問三次，第三次先話我哋冇落單，但手機明明顯示有落，最神奇既係芋絲，一件件既海鮮，烏冬果啲係有黎…ok都算重新再落唄，咁再落隔左十分鐘，黎咗第二次落單既豬牛羊之外，連埋對上一轉落既都黎埋，真係西飛利，點做到冇落到單…但又可以第二轉黎到第一轉？仲要既係…無羊啊，羊呢？啲員工唔識廣東話🤦🏻‍♀️要用普通話溝通…仿佛好似返咗深圳…我不如直接上去食都冇咁嬲…到底 $298除咗食左麵..丸…腸…蔬菜..少量海鮮…同埋要等運送途中既少量豬牛羊外，我都冇食到值依個價既野，仲要冇任食哈根達斯都夠擔收足我咁貴真心…唔會再黎…最期待既羊…哈根達斯…海鮮…全部都冇，你哋話打風冇黎到貨…實質唔應該要客人去埋單囉，你冇貨可以比優惠，或者同客人講聲…等客人去衡量去唔

食放題揀呢間等於倒錢落海。事情係咁，下晝2點去到揀咗個$298最貴嘅放題，落咗order先被告知，牛肉得普通牛肉，$298餐牌入面嘅 美國肩胛牛賣曬，羊肉，雞肉都話冇。至於海鮮，得貝類，鯇片，其他蚌嗰啲全部都話冇，OK！咁去自助區拿雪糕啦！成個雪櫃門大開，啲雪糕差唔多融曬！唔緊要，去拎野飲啦，雪櫃野飲全部都唔係好凍，種類好少。等到牛肉送上來，食咗一輪，唔知點解職員無啦啦收走檯面未落鍋煮嘅牛肉，好似係好驚我食曬佢哋啲牛肉，做唔起放題就唔好學人做呃人

呢度嘅裝修幾精緻，中式佈置顏色鮮明，有包廂、卡位，又有位俾你着漢服打卡，連豉油嗰個位都好特別，餐具亦都充滿着中式風，打卡唔錯 👍🏻叫咗鴛鴦湯底，入邊係微辣嘅招牌牛油紅鍋，入邊有好多香料，味道好濃烈，淥完嘅嘢就咁食已經好香，後勁都有少少辣，就咁淥唔點醬都好好食 ✌🏻另一邊就要咗高湯，見到佢入邊有啲紅棗同埋粟米、蘿蔔，豬骨味都好重，同樣地淥完嘅食物都已經好入味 🫶🏻碟牛肉真係好好食，肉香又彈牙，係咁意淥一淥已經好滑，另外叫左碟黑魚片，肉質新鮮，亦都好軟滑彈牙 😋另外叫咗毛肚同同埋豬黃喉試吓，淥幾秒幾爽口，放麻辣湯就最正 👍🏻 另外仲有午餐肉、龍蝦丸、粟米同埋冬菇，因為個湯已經夠香夠濃，直接淥熟左之後已經好夠味 😊 最後加個烏冬吸收湯嘅精華，唔錯唔錯 ☺️

之前去過九龍坎打邊爐今次再去係貪佢有得打麻雀而且喺九龍區都方便網上訂座好似有七折星期日晚上冇乜人包房係$2000 min pay 留意返麻雀房同打邊爐嘅房係分開好新淨仲好似有得唱K但係就不停滴水😅 有啲唔衛生中間有滴到落飲品同湯底🤮🤮🤮起碼一餐都滴左超過20次食物方面正正常常麻辣火鍋牛肉大碟嘅就$5xx有得叫手打檸檬茶，一開始上菜有點慢同埋少甜猩都幾甜價錢都合理，而且有得打埋麻雀去到凌晨4點早排上網搵咗好耐都冇同一個地方可以打麻雀同打邊爐😂人均消費$600

🥢油麻地竟然有宮廷風火鍋 $98 起打邊爐放題🥢油麻地有竟可以$98 起宵夜邊爐放題「被譽為全港最平海鮮火鍋放題」仲要免服務費，茶位費，調料費，可以瘋狂任食指定兩款肉類，凍海鮮區，自助吧，DIY冰粉，及飲品，仲有雪糕，裝修環境好有特色，充滿古色古香嘅宮廷風，位置仲要闊落坐得幾舒服🥢非常推薦選擇B 及C 套餐兩款分別$168 及 $298，肉類嘅選擇會多啲，今次食嘅C 餐總共有八款肉類，可以任食海鮮，Häagen-Dazs雪糕雪條，提得一提嘅係，如果夠4 位朋友可以$60升級包廂，一齊唱K或打麻雀，俾你玩到第二朝凌晨六點，另外門口仲有特式服裝俾你著住打卡，可以同班朋友嘆返晚，房間有限記得提前預約🥢今次就係試咗套餐C ,可以免費鍋底有好多款選擇，今次點了新推出嘅酸菜魚湯底，配搭無骨滑魚片最正，重點呢到新鮮海鮮任食，包括鮑魚，生蠔，元貝，白鱔片，脆鯇片，鱸魚片，魷魚，珊瑚蚌，海蝦，咁多款鮮甜海鮮都可以任食，另外仲有8款肉類包括巴西牛舌，美國安格斯肩胛肥牛，紐西蘭小肥羊，花雕雞件等等🥢自助區提供多款飲品及凍海鮮及雪耳糖水甜品，生果盤西瓜、芒果、哈密瓜、火龍果，最特別嘅係有自助DIY 冰粉，配料

呢幾日少少入秋，梗係即刻嚟返一場打邊爐，打得邊爐又點可以冇辣呢？所以嚟到呢一間四川風味。👍🏻經典鴛鴦湯底招牌牛油紅鍋同高湯，一紅一白有辣有唔辣！原片牛油落到鍋底，確保係一次性使用，湯底會越滾越麻辣！👍🏻珺珺功夫牛份量唔係好多，當係淺嘗，不過牛肉本身都幾腍，唔會太肥！👍🏻火箭魷魚魷魚非常之透徹，而且用上冰鎮，份量比預期嘅多，咬落去極為爽口。👍🏻小郡肝腎臟用竹籤串好，碌左分零鐘食，口感爽彈，搭配辣嘅湯底真係好惹味。👍🏻蔬菜類鮮腐竹、油麥菜、白蘿蔔、鮮藕片！邊個話打邊爐唔可以健康啲，叫咗一大堆蔬菜嚟平衡一下心理～👍🏻百香果檸檬茶當然要飲返啲比較清新嘅飲品，檸檬已經預先爆打咗，加上咗新鮮嘅百香果，飲落舒爽！✨餐廳嘅醬料費一個人$18 ，但係除咗有多款配料之外，亦都有四款嘅時令水果！另外為咗慶祝香港運動員，如果你個名同佢哋有一個字相同就已經有單點嘅7折！

呢度裝修勁有古代風味，門口仲擺設左宮廷漢服可以著黎打邊爐打卡，好似穿越咗古代禁，勁有風味。 叫左個經典鴛鴦湯底，一邊麻辣一邊高湯，我哋叫咗小辣，一上到黎見到紅噹噹，對我黎講都算幾辣了🙈，不過好襯食黑魚片，牛舌等食物，超香超惹味。另一邊高湯鍋底好足料，有紅棗、粟米、蟲草花、蘿蔔等配料，材料好豐富，好滋潤。岩哂碌菜冬瓜等火鍋料。潮汕牛肉丸爽口彈牙，帶有黑椒味，大大粒好好食。雪花牛舌牛舌口感有小小un 唔夠爽彈， 但放落麻辣鍋度夠晒醒神😂西班牙黑毛豬腩片肥瘦平均，肉質嫩滑呢個唔錯黑魚片食落非常鮮嫩滑溜，大大碟，肉味鮮甜，放落麻辣湯底食夠哂過癮。手打墨魚滑 好有心思，仲要勁大份，2個人食唔曬🙈每啖都咬到墨魚粒，食落好爽口，彈牙娃娃菜，冬瓜片同海帶食落好清新，岩哂打邊爐。

服務態度超差，訂位時說滿$2000就可以包房包唱k又可以打麻雀，我地就話book房點知黎到又叫我地坐大廳要問佢先俾返房我地，來到時話呢樣又要加錢果樣又要加錢又話間房只可以散叫唔可以叫套餐之後見到比張單張寫唱K打麻雀每人收$60，坐底d湯底都黎埋，枱面咩都冇，問佢地就話出面d嘢飲嘢食可以拎，肉果d之後送過黎，2個鐘任食，之後埋完單打緊牌果時走黎話嘢飲要另外收錢，話唔知我地枱面有嘢飲，一直上嘢食果時枱面都有嘢飲，收嘢走都有收走飲品罐！！！果時唔講要收錢？都講比冇問題！點解唔一早講？話見唔到我地有嘢飲🤣d員工係眼殘定博你飲多d之後收錢？

一秒回到古代， 由打開𨋢門嗰一刻開始🤣喜歡裝扮嘅朋友仔，餐廳仲預備咗啲古裝衣服 可以用嚟拍照打卡🤩餐廳除咗有任食外仲可以單點menu我同朋友仔兩個人👭🏻 決定 menu自選自己鍾意食嘅。。。嚟得呢度打邊爐梗係要食特色麻辣火鍋啦經典鴛鴦鍋 麻辣湯底叫咗招牌牛油紅鍋中辣再加胡椒豬骨湯底 🐽豬骨湯底好足料好大舊豬骨👍🏻珺珺功夫牛花雕雞件火箭魷魚✨️必點之選小郡肝口感脆爽打邊爐一定要叫鮮腐竹油麥菜/白蘿蔔/鮮藕片 百香果檸檬茶

本身book咗夜晚10:30大約25位公司聚餐咁我訂枱嘅時候都有同職員提早講咗有機會係分幾批人到，咁大約應該最遲11點半左右都會齊人，咁職員話無問題，因為我地係包到打邊爐到零晨，另外唱K直到朝早6:00☺️因為大家收工嘅時間唔同，所以有啲人大約10:15左右已經去到😎就當我早到你張枱未ready好，無問題，我可以接受🤔但係當我到果時係大約10:40，職員話我地包果3間房啲人都未走！！！職員有嘗試溝通，但啲客無理，直到11:00左右，中間果個房先開始走，等佢執完都11:15，再之後11:15左右，左邊果間房先開始走！最後我地10幾個人企係間房出面等左一粒鐘先入到兩間房！請注意！！佢仲有第3間房係未安排到比我！！我地成11:30先可以入座！當時有部分人都係需要企係到食，因為好逼，根本係無位坐😅😅😅最後一批同事係11:40左右到，當時第三間房都未安排到俾我，之後成10個人企喺出面等，最後係成12:30先到第三間房，但係我已經有一部份嘅同事走咗，因為聽日都需要返工😤😤個問題係如果你係安排唔到間房俾我哋，你唔好俾我book 10:30😓😓食物方面，吾覺有咩特別，周圍環境吾乾淨，出面既碗碗碟碟長期無

一個人原來也可以盡興！🤟🏻今日自己一個去咗呢間邊爐店，發現人流都不錯，所以就入去食，其中我都叫咗幾款嘢食想同大家分享吓！🫰🏻湯底方面叫咗經典鴛鴦湯底* 招牌牛油紅鍋* 老壇酸菜金鍋紅鍋方面：唔算好辣同埋好油，放咗啲肉入去都幾惹味！如果有埋紅薯粉就一流❗️酸菜金鍋：鹹鹹酸酸，充滿着酸菜喺裏面，味道方面唔會死鹹，個湯底都幾開胃。珺珺功夫牛肉質都幾新鮮同嫩滑，唔會有過路或者唔新鮮嘅情況出現👐🏻紋路都唔會唔平均，瘦嘅部份比較多，都幾唔錯，唔會太膩。花雕雞件雞肉浸得好入味，配埋辣鍋一齊食就吸晒啲辣汁同埋些少嘅酒味，都幾特別😆火箭魷魚超級爽滑彈牙，仲要勁有口感！份量比得都算多，同埋肉質都算新鮮。小郡肝其實佢係一啲串燒，當中有豬肉雞肉同牛肉，再加埋啲孜然粉一齊，配埋啤酒就一流👍🏻鮮腐竹 菜品嘅份量都係偏多，建議可以同返朋友share食🫰🏻油麥菜+白蘿蔔+鮮藕片呢三款菜品都幾新鮮，同埋唔會放太耐或者有太老嘅情況出現，邊爐當中又可以有啲健康嘅元素～百香果檸檬茶*1夏天消暑一流，酸酸甜甜又有果肉咬下！

今天去了這間九龍坎火鍋，食$168放題我叫咗鴛鴦湯底，麻辣湯底辣度只有三哥米線5少辣辣度，菌湯超級鹹鹹到要用水冲食物才能食得落肚，食物方面牛肉好韌，豬肉好肥，羊肉及雞肉比較好些，其它自助火鍋配料種類不是太多，在雪櫃內的飲品款式很少很多都是不凍的，服務方面侍應服務態度可以，但侍應不會經常在場地巡視要找她們攞牛肉，要行出去找她們，還有很久才來執一次枱，整體方面非常一般，這是我的評語

如果唔係朋友帶路，都唔知一直以為係酒樓的大廈入面有得打邊爐！位於油麻地，位置都幾方便。朋友被佢宮庭風的設計所吸引，話要過來穿下漢服打下卡。餐廳的裝潢、設計的確係幾靚幾特別，用的杯杯碟碟都好乾淨同埋好氣派。餐廳最出面係食麻辣鍋，我地就叫左麻辣鍋拼蕃茄鍋，麻辣鍋唔算好辣，我唔係好食得辣都食到，但的確會越食越辣，朋友就覺得好夠味。我食一陣麻辣就會食下蕃茄，叫左個牛，紋路都幾靚，而個花雕雞件就好新鮮，特別推介要食個腐竹，柔軟而有豆味，最緊要係好掛湯，食到停唔到，另外白蘿蔔同鮮藕卡都好新鮮，同樣好吸湯。另外雞肝都好食，好彈牙，中意食辣可點。飲品點左百香果檸檬茶，唔會太甜，又好解辣。

係香港都食到有古色古香嘅火鍋🤩🤩🤩地理位置唔錯，好易搵到👍🏻👍🏻👍🏻餐廳裝潢古風十足，好似置身於宮廷咁🤩🤩係口門仲提供咗啲古裝服俾大家打卡用👚📷📷餐具都以宮廷款式為主火鍋以經典鴛鴦湯底為主 「招牌牛油紅鍋+高湯鍋底」🤩材料同湯底味道足😝😜😜但牛油紅鍋真係好辣🤣🤣🤣🤣食物款式多，每個位都係打卡之選🤭食物有80多款，多到食唔哂另外叫左杯百香果手打檸檬茶都好正👍🏻👍🏻