九運米線王

營業中

休息中

銅鑼灣現試營業既新米線店，主打豬骨湯底，招牌有金湯酸辣湯底或者麻酸辣湯底，前者比較溫和配米線食落舒服惹味，後者似足麻辣燙或者冒菜個款湯咁靠辣油既香氣但冇咩鹹香🌶️ 有點可惜辣度冇得自己揀，如果唔算好食得辣會比較推介叫金湯而唔係麻酸辣，見到隔離檯食得都幾辛苦。。要叫豆漿黎解辣😹米線配料勁多款例如好少配米線既吉列豬扒，推薦鹵水腩肉、櫻花蝦餅同竹笙！腩肉滷得幾入味，蝦餅好少見，竹笙都好正～～ 每碗原來仲會自帶幾舊好索湯的豆卜～

放假經過見到呢間店試業，連紅色招紙都未拆，忍唔住要去試吓！🤩✨ 附近米線舖選擇少，又正好就$38自選九運小鍋米線試試，招牌野菌雞湯要加$3，老闆仲話湯係用新鮮豬骨熬，零味精、零醋精，食完唔會口渴嘅。配料揀咗鮮冬菇同蘿蔔，蘿蔔好入味，仲有5款菇咁多，湯底清甜，成碗米線食完都唔覺口渴😙。仲試咗第一次見嘅櫻花蝦蝦餅，係彈牙蝦餅夾住粒粒櫻花，真係有驚喜🤪魚肉春卷正常發揮🤓。見到隔離枱d煎炸雞翼勁大隻，睇落都幾正🧐。米線煮得好爽彈，成碗食完真係勁飽🤣。如果鍾意彈牙米線，呢間可以試下！

【☘️九運米線王｜🔥🚀好好味嘅米線和雞翼💛🧡】.今次到「九運米線王」，佢哋不含味精、不含醋精，主打豬肉湯底，配料特別，酸辣麻辣均表現出色，而且幾啱Lunch一個人去。.🌶️招牌秘制珍寶雞翼米線金湯酸辣湯底+櫻花蝦蝦餅；雞翼出色，雞皮甜甜脆脆，有齋雞粒滋味感覺，一試難忘。櫻花蝦餅幾好食，酸辣湯底微辣，唔太食得辣嘅朋友都可以應付到！.🌶️招牌麻辣湯底吉列豬扒米線+竹笙湯底惹味非常，吉列豬扒有驚喜，炸得外脆內軟，啖啖追住食。.🍜九運米線王（招牌酸辣）📍灣仔摩理臣山道8號地舖

今日由銅鑼灣行過去灣仔嘅時候經過呢間新開嘅米線舖所以走咗入去試吓呢個珍寶雞翼真係非常好食即炸又非常之Juicy真係食到停唔到口一定要嗌下次一定要嗌多幾隻同埋呢間米線最出名嘅就係冇味精所以食完唔會非常之口渴今次想食得清淡少少所以叫咗野菌雞湯非常之清新同埋佢啲米線好滑仲有個春卷同埋芋泥蝦餅成件事非常之夾再加個豆漿可以解膩之餘又可以補充啲蛋白質我覺得係一個人食飯好啱嘅選擇仲要我今日過去嘅時候唔使排隊地點又好方便

平時最愛食米線嘅我搵到呢間新開米線小店係逐碗煮，主打湯底零味精、唔重口味又唔太辣！配料及雞翼都有驚喜！以後去銅鑼灣唔知食乜，就會諗起呢間米線店，食完想再Encore～要大推佢個ᐟ招牌秘製珍寶雞翼米線ᐟ雞翼外皮炸得勁脆，肉質多汁又嫩！重點係個醬汁，咸咸甜甜好開胃～係世一雞翼！唔夠喉可再加配3餸～湯底揀咗ᐟ麻酸辣ᐟ及ᐟ金湯酸辣ᐟ各有特色～麻酸辣惹味但唔重口味，湯底調味係會多少少～金湯酸辣就有少少似酸菜魚，帶微酸但又唔辣好開胃！配料份量都幾多，推介：ᐟ魚肉春卷ᐟ全條索滿湯汁勁正！ᐟ芋泥蝦餅ᐟ及ᐟ櫻花蝦餅ᐟ好香口！ᐟ滷水腩肉ᐟ多瘦少肥，個人幾喜歡，無咁罪惡～P.S. 原本米線已附上的少量肉碎、韭芽、酸菜及豆卜，要讚佢個豆卜係有煮過好入味(⁎⁍̴̛ᴗ⁍̴̛⁎)唔似有啲米線店舊豆卜咬落去係水味，加分！價錢參考：

放假經過見到試業，連紅色招紙都未拆除，加上附近米線舖選擇有限，就去試吓先🤩✨招牌秘製珍寶雞翼米線 (4pc) $66揀左招牌金湯酸辣湯底，佢哋既秘製珍寶雞翼個汁好特別，甜甜地但又好惹味，底部仲有啲醬汁可以點下，雞翼炸至外皮好香脆，雞肉好嫩滑多汁😋再加多一款就揀左魚肉豆腐，口感彈牙👍🏻✨自選九運小鍋米線 $38揀左招牌野菌雞湯要加$3，老闆話呢個湯係用新鮮豬骨去熬煮，零味精，零醋精，食完之後係唔會口渴的，配料揀了鮮冬菇、蘿蔔 同腩肉；蘿蔔好入味，冬菇既香味係更提鮮左湯既鮮味，腩肉脂肪比例均勻😋

#20250520 📝📍 #九運米線王 銅鑼灣摩理臣山道8號地舖➖➖➖➖➖➖➖➖➖➖➖➖➖➖➖➖➖#招牌秘製珍寶雞翼米線 #4隻 $66 🥢 #櫻花蝦餅 +$12 🥢 #招牌金湯酸辣 💭 雞翼有3隻或者4隻揀，生炸完再落啲甜豉油幾特別，出面食好少可咁樣調味，蝦餅食落彈牙🦐酸辣湯底無落味精同醋精，主打用豬肉煲既湯底，雖然無得揀辣度，不過飲落會比起出面果啲順喉好多，唔會好嗆，加埋有啲肉碎同芽菜、韮菜一齊食，好好味🤤. #炸慢煮豬頸肉米線 $66 🥢 #鹵水腩肉 +$12 🥢 #招牌野菌雞湯 +$3💭 除左招牌既酸辣湯底之外，呢度都有唔辣既菇雞湯揀，無想像中咁清淡，估唔到呢個配搭都有惹味既可能👍🏼其實呢度啲配料都幾特別，豬頸肉係泰式風味，腩肉用鹵水煮到好淋，味道甜甜地配米線好夾🍜. 🥢 #豆漿 +$10 🥢 #可口可樂 +$6💭 野飲就有罐裝汽水同豆漿揀🥤想講呢間野行過真係好容易誤會佢係食拉麵，聽住英文歌食酸辣米線，的確係有啲高級，別有一番風味🎧.

啱啱今日行過銅鑼灣見到有間新嘅米線店新開，見到門口有塊牌寫住招牌湯底係金湯酸辣和麻酸辣，主打係豬肉湯底！如果唔食辣可以揀野菌雞湯底！而且不含味精，真係飲完都唔會覺得口渴！店員推介招牌秘製珍寶雞翼米線 ：呢個我覺得真係冇介紹錯，平時我都好鍾意食炸雞翼，呢度仲大大隻㖭，炸到好香脆，食到啖啖肉，最重要係有個秘製嘅醬汁😂食落去酸酸鹹鹹，真係食唔停口！另外見到春卷幾特別，類似炸過嘅腐皮包住啲魚肉！野菌湯底裏面仲有金菇同秀珍菇，仲有啲肉碎可以食！炸慢煮豬頸肉米線 ：同樣揀咗野菌湯底，豬頸肉，我覺得又係超好食，炸到好香脆之餘好容易咬，而且唔會乾爭爭，就咁食已經好好味，可以點埋酸辣汁更加惹味！另外加左櫻花蝦餅，又係炸到好香脆！另外飲品揀咗可口可樂和忌廉

行過見到有間新開嘅米線就試下✨三餸米線 (芋泥蝦餅+鹵水腩肉+魚肉春卷) 菇湯雖然佢出名係酸辣 但唔食得辣所以揀左菇湯😊有5款菇咁多 湯底好清 食完成碗米線都唔覺口渴😙第一次見芋泥蝦餅呢個餸 係彈牙嘅蝦餅夾住有芋頭粒🤪腩肉係走健康偏瘦路線 魚肉春卷正常發揮🤓見到隔離位d煎炸雞翼勁大隻 睇落都好似幾正咁🧐有驚喜位係米線煮得好爽彈 成碗野食完勁飽🤣+$10仲有得配埋最愛嘅一品豆漿🤩📍地址: 九運米線王銅鑼灣摩理臣山道8號地舖

香港人對米線既熱愛真係未來廿年都唔會變，但大型連鎖店啲米線真係越嚟越唔好食，發現左呢間小店，個米線絕對好食！招牌秘製珍寶雞翼米線，配金酸辣湯，上到枱第一件事梗係試吓個湯，個酸辣味好正，不含味精，不含醋精，主打豬肉湯底，好好飲！我老闆一食個雞翼，即刻叫我快啲試下，係勁好食！個炸皮同岀面既好唔同，有一種硬脆，入口之後有種炸完既香，冇油益味，非常好吃。自選九運小鍋米線，麻酸辣湯偏辣，食落好惹味，喜歡食辣既會追住食。配料魚肉春卷，有魚香。腩肉半肥瘦，櫻花蝦餅，好彈牙。飲品就叫左豆漿，可樂。