乜記餐室 (已結業)

一入到去無人理你...上到去叫你埋去坐多人個d位置，但其實大半個場都係吉嘅...抗疫期間係咪應該要有多少少抗疫意識....坐底有少少霉味... 野食到到左，d蚊滋就出現，都撥唔到咁多...只好盡快食...差唔多食完有一張大枱度到咗，跟住個女同男侍應無論落單上菜態度都幾差...食物唔算特別好食... 仲要呢個時期都咁既服務態度，我唔知點解可以咁。🤷

乜記餐室What cafe + 港式+茶餐廳+冰室+ 裝修精緻 打卡able+ 有兩層 有樓梯和lift 香煎美國西冷扒$68好食指數：⭐️⭐️⭐️打卡指數：⭐️⭐️⭐️大份指數：⭐️⭐️⭐️⭐️⭐️抵食指數：⭐️⭐️⭐️⭐️👍🏻肉質纖維厚，非常有咬感！👍🏻價錢大眾化美式雜扒$68好食指數：⭐️⭐️⭐️打卡指數：⭐️⭐️大份指數：⭐️⭐️⭐️抵食指數：⭐️⭐️⭐️👍🏻大大份 又送 方包+ 餐湯+飲品👎🏻龍蝦汁重橙色素乜記餐室 (銅鑼灣)銅鑼灣謝斐道477-481號肇明大廈地下A舖及1樓星期一至日07:00-23:00電話號碼29881199喜歡我的文章，可以關注我及讚好以作鼓勵

2020年3月13夜晚兩個人去左呢間野食晚餐。咁就叫左個羊架加鰻魚焗飯啦，點知到上菜得一個湯同包。咁咪叫返落單個阿姐過黎，話爭一個湯同包。點知個阿姐好寸咁話，得扒餐有湯同包，焗飯無，得野飲。我地拎個菜單出黎（見圖），指住寫明以上晚餐都有湯，包同飲品。個阿姐即刻話，個餐牌寫錯。咁我地梗係唔gur，你一句話寫錯就無？白紙黑字寫明架喎。個阿姐就鬧返我地，頭先應該同左你地講架啦。我地兩個人都肯定佢無講。根住佢發難，話咁你依家係咪唔要呀？取消囉。我地話依家係你態度問題，明明你無講仲咁既態度鬧我地？佢話，係咁態度架，之後喺我地無話過取消嘅情況下，即刻走左去部機叫人取消我張單，仲走埋入廚房叫人唔好煮咁既情況，我地唯有即刻起身走人，再食落去仲衰過乞食呢個阿姐當時喺餐廳上層，中年，4x到5x歲，操內地口音廣東話，無戴眼鏡，成個過程無講過一句唔好意思同對唔住。希望有骨氣既香港人唔好幫襯呢間野。

收工經開CWB諗住搵間茶記食個晚飯，見到呢間價錢ok咁就入左去試，叫左個龍蝦汁海鮮焗飯，賣相唔錯，以為味道ok，點知係無乜味，我真係第一次食焗飯係咁冇水準，然後羅宋湯好稀，湯渣煲唔淋，凍奶茶沖到有咖啡味，然後8:45pm入面班店員就全部趕收工，追你last order，追你比錢先，到我9pm離座既時候水吧係可以完全冇哂人，啲侍應消失哂，完全只能用無奈黎形容，明明裝修唔差，但食物完全冇用心去整，真心好失望同埋唔會有下次了

之前在銅鑼灣謝斐道見過這間餐廳，名字比較特別，所以都有特別留意，今日又來到銅鑼灣，忍不住就要試下這間餐廳。餐廳分上下兩層，原來樓上非常寬敞及多位，有卡位有圓枱，卡位很寬敞，裝修新潮又有風格及舒適。蜜桃咕嚕肉腩仔$80蜜桃菠蘿咕嚕肉，有很多配菜，有洋蔥、青紅椒、蜜桃及菠蘿...等，菠蘿切得細細粒，份量很多。蜜桃相對菠蘿切得都比較大件，軟淋又香蜜桃味。咕嚕肉外脆內軟腍，肉質新鮮，整個蜜桃咕嚕肉腩仔酸酸甜甜，很是惹味可口。腐乳鮮魷通菜$65腐乳鮮魷通菜，通菜很爽口，腐乳味比較濃，魷魚很厚肉，看得出是大隻的鮮魷，腐乳味令鮮魷味道更鮮，很是惹味。自製乾蔥油乾炒美國肩胛肉眼牛河$62河粉用了最細條的那一款，有牙菜、芫茜及少少芝麻，炒得很夠鑊氣香口，牛肉切得很薄，炒得夠鑊氣又香口，非常好味哦。

環境坐位比一般茶記鬆動，乾淨，服務員態度正常行過見到新開嘅茶記，就被個橙色嘅招牌同個鋪名吸引左入去啦！個餐牌寫住抵爆午餐，係銅鑼灣黎講就真係幾抵嘅。個餐牌算係有諗過，每個餐配好咗唔同嘅湯或者甜品🍮，唔會好似一般茶記咁一黎就問中湯定西湯😂，咁單調！試咗兩款午餐，川味口水雞飯配藥膳雞腳湯同自製乾蔥油炒牛河配白蘿蔔湯。先講個川味口水雞飯，個雞幾滑、份量幾多，口水雞味欠奉，冇乜辣味又冇乜川味，而個藥膳雞腳湯，冇乜藥膳唔夠甘味，用咗好多紅棗好重甜味。自製蔥油炒牛河，個餐牌寫住美國肩胛牛肉，好似好勁咁，但食落同普通嘅牛肉無分別😂，自製蔥油味就食唔到啦，個河粉厚身左少少，食落有啲林同乾，如果熱啲應該好食啲，白蘿蔔湯幾濃味，正常茶記。總括嚟講不過不失，其中一個午餐係原隻龍蝦🦞拼魚柳配意粉🍝$68，咁抵唔係好敢試！😂大家試既分享下。

同朋友行完街，想食小菜，見到呢間餐室睇落幾舒服就入去試試。有得上二樓，沿路都幾靚的裝修睇落真係唔似茶餐廳識叫當然叫二人餐～多人share所以叫多個扒試每個餐都有湯，中湯好味唔係味精湯，西湯正正常常，扒餐有餐包送肉眼扒$98剛好5成熟，有肉香，仲有薯蓉同瓜咕嚕肉好好食，全台人都狂食佢，好開胃，外表炸得好香脆魚香茄子咕錯，茄子唔會淋到一pat野咁，調味好惹味，送飯之選。麻辣雞煲好香而唔會過辣，雞肉唔鞋，香到配料都食埋

乜記餐室 (English name: What Cafe) is a retro themed cha chan teng. Boyfriend hadn't had lunch yet so I met him for a light afternoon tea here.For some reason, they pride themselves in using Japanese Nissin instant noodles. They had these posters every where. I also discovered there was upstairs seating.Menu is in English and and Chinese. There is no 10% service charge.Boyfriend ordered something off their afternoon tea menu: stirred beef with rice noodles and homemade shallot oil ($48) and it came

公司對面開左間「乜記餐廳」，今晚趁上堂前有空檔，就同同事食個飯先。入到黎先發現原來佢d裝修都幾「香港味」，好多扮「九龍皇帝」的牆壁，餐廳分上下兩層，樓下位置不多，但估唔到樓上大好多！夜晚餐廳唔算好多人，坐得都舒服。食物選擇都多元化，小菜、炒嘢、扒餐等都有，雖然是茶餐廳的格局，但都有花膠、鮑魚、龍蝦等貴價食材，都有一刻懷疑呢度食依d嘢得唔得架！不過見到佢個「龍蝦牛扒意粉」餐都只係$98蚊，我決定要試一試佢功夫如何。餐湯我揀中湯，中上水準。等左一段時間終於上主菜，份量相當多，原隻半邊龍蝦仲有一塊大牛扒，仲有意粉！未食都覺得會超飽！龍蝦好多膏！肉質彈牙夠味，做得不錯！至於塊牛扒都好唔錯，雖然筋位都韌，但大部分位置都好腍，容易咬開，甚至腍過同事叫的肉眼扒，所以呢個餐係出乎意外地抵食！同事塊肉眼都無我的咁大，不過就厚身點，而且有兩個洋蔥圈和薯菜附送。

lunch time 行過見到有新野就走入去，當時試業中。朋友叫左個午餐，我叫常餐加曲奇皮蛋撻。 我地12:35分入到13:20走我份常餐從來都無出現過。係呢段時間我remind 左侍應3次，仍然係無野黎，其中一個原因係佢d侍應唔記枱號，唔分先後次序亂派野，真係好火！！！！🤬🤬🤬🤬🤬🤬🤬後來我朋友食完，我黑晒面咁同侍應講叫佢cancel 我個常餐，我要埋單走，d侍應同我講：「唔好意思啊小姐，我即刻叫廚房整比你，好快！」 唔該晒wor ,吹左你3次都無，比你浪費左我成個lunch 時間攪到我無野食，仲要我再等你？ 送比我都唔食啊！！我去當日有一班應該係試食既人係度，班侍應招乎佢地就好快，但其他客人完全亂黎。另外我叫既曲奇蛋撻都好差！ 當食都係凍既！ 唔係新鮮出爐你都叮返熱比我丫，要求好高咩？ 朋友叫既午餐亦好油，無獲氣。總而言之，請我都唔會再去食！ 連人最基本既需要都滿足唔到🤷🏻‍♀️

銅鑼灣乜記餐室，餐牌選擇多，樓高2層，感覺上層坐得較舒服。牆上掛住80年代的懷舊風 CD，令人懷念的光輝歲月。3點3下午茶黎到，下午茶餐都有差不多20款。自制乾蔥油乾炒美國肩胛肉眼牛河（$45）河粉幼身，食落冇咁油膩；平時我鍾意食乾炒牛河配余均益辣椒醬，但今次轉轉口味，呢度有自家炒製麻辣醬，好香好惹味呢！而且牛肉有肉味，冇平時果種鬆肉粉口感。奶茶紅豆冰（跟餐加$12）紅豆煲得夠淋，奶茶奶味比茶味重。餐廳門口有個麵包櫃，好吸引，有新鮮出爐菠蘿包同酥皮蛋撻、曲奇皮蛋撻等等。曲奇皮蛋撻（$7）蛋撻有奶香有蛋香，因為用上北海道3.6牛乳，同埋日本讚岐雞蛋呢！

放工同朋友想去銅鑼灣食個午餐經過尼間餐廳見平平地就入去食我地兩個人嗌左個二人中餐送飯同湯另外想食西餐既朋友都有西餐既選擇價錢都唔貴$100內我地嗌既中餐首先湯好大碗餸既份量好夠仲要火喉好好更重要既係唔收加一服務費食個二人餐都只係160幾好掋食

今日朋友喺銅鑼灣放工，都已經八點幾，想食嗰平靚正既晚餐 經過見到這間乜記餐室，覺得個名幾有趣，門口裝修又幾特別。掃一掃個餐牌，價錢唔貴，所以入去試下～.入到去環境都幾闊落，啲裝修係我好喜歡既香港style😍 好有本土情懷，我地揀咗個二人餐，$145有兩個小菜揀，包白飯，例湯，仲有飲品！.🌟魚香茄子煲一上枱熱辣辣！侍應超細心怕太熱，放遠少少先，打開蓋完全感受到個溫度🔥好香，食落好有咸香，茄子好稔好入味😋好多肉碎撈飯，份量超多，兩個女仔都食唔曬，重點係個煲既溫度仲keep到！食到最尾仲係熱辣辣，好正🌟蜜桃咕嚕肉菠蘿咕嚕肉就食得多，蜜桃咕嚕肉就第一次食，咕嚕肉用腩肉整，冇骨，炸到好香口，啖啖肉，掛汁酸酸甜甜，好好味！ 🌟例湯係南瓜湯，仲有少少湯渣，湯好甜，好有家既味道，清曬。🌟桂花清香食完啲重口味既野，想飲啲清清地既，面頭好多桂花，好香，飲落感受到桂花既清香，完全符合個名！🌟圓肉杞子茶朋友想養生而點既，入面有好多圓肉，唔吝嗇！特別想講，侍應態度都好好，好細心，值得一讚啊！.總括黎講，價錢平，環境舒服有特色，食物質素好，服務好黎銅鑼灣可以一試！

星期日晚上, 係銅鑼灣睇完戲搵野食又唔想食任食,又唔想食澱粉質, 結果經過呢條街,係樓下望左陣餐牌就走左入來。我同女朋友叫左2個淨小菜,2個小菜都幾惹味, 以星期日既鬧市來講,呢度唔多人, 所以坐得幾舒服。侍應唔該前唔該後都幾好禮貌, 上菜時有做俾骨碟既動作,讚。呢個鋪位既前身係澳門茶餐廳, 佢既座位同廁所既衛生都大大改善。如果大家出到銅鑼灣唔想食太飽,又諗唔到食咩 ,不妨試試!#好食過鵝頸橋街市果邊既打冷#銅鑼灣晚市,冇加一算好抵食

今日同朋友去咗銅鑼灣，見開咗間乜記餐廳試業，入去試一試，食個早餐先。叫咗個亜姐嚟落單，嗌咗兩份早餐同散叫兩杯飲品，個亜姐句句串到爆，以為向佢丐食咁，問佢歐陸早餐個牛油多士可唔可以轉其他麵包(餐牌寫可以) , 佢串77咁答😵⋯⋯牛油多士咪已經包括係份早餐度囉！其實我係想轉菠蘿油啫，而且餐牌係有寫可以轉，亜姐洗唔洗咁嘅態度呀？一間試業中嘅餐廳，食物不錯，奈何服務態度咁差，當個個客係丐衣，想有人再幫襯都難！我同我班friend 出門口之後，都一致覺得一定無下次，回頭率係零！