乜記餐室 (已結業)

美極乾炒牛河 $58牛河超足料 本身冇expect會有咁多塊牛 仲要咁 河粉用左幼嗰種雖然本人鍾意粗河粉但係其實效果都幾意想不到 而且好夠獲氣價錢尚算合理！脆炸西多士 $36我一直都好鍾意食西多士 哩塊夠大夠厚 睇落去好邪惡呀 但係不足嘅地方就係冇落煉奶 同埋因為太厚嘅關係 多士中間就唔入味 有啲可惜架！

幾次去食啲侍應態度衰到好似差佢錢咁 一般既基本禮貌都冇 好似叫野食帶位都好唔願意做咁 近我上班地點先去試下 每次去親得到呢種服務差劣態度 真係唔會食 仲會叫其他人都唔好去！

今日諗住去食光榮冰室，路經乜記餐室，見舖頭裝修幾特別，而且有啲肚餓，最後決定去試下圖上:餐室嘅門面舖頭入面都幾大，一共有兩層，而且餐廳嘅裝修都幾有本土特色，例如有充滿九龍皇帝字蹟嘅吊燈同牆壁圖上:餐廳地面嘅內部裝修圖上:餐廳第二層嘅內部裝修一坐底，就立即睇餐牌，第一眼就想食早餐A圖上:早餐餐牌我吃嘅係腸仔炒蛋，仿鮑片火腿通粉，熱華田圖上：腸仔炒蛋加自家製餐包，整體都幾好食，個人比較鐘意食餐包。不過，我見到好多人都冇食個餐包，唔知難食定點呢？食完仿鮑片火腿通粉，先記得唔記得影相只好用文字表達下(各位要加啲想像力先得)仿鮑片同火腿以切絲形式，個湯底比較淡，個人比較鐘意淡淡地，如果鐘意重點味嘅話，就會覺得冇乜味。個人覺得鮑片成塊好食過切絲，有口感啲如果大家路經乜記餐室，可以去試下架舖頭裝修: (5個為滿分)味道: (5個為滿分)賣相: (5個為滿分)個人建議:如果鮑片由切絲改為成塊，就更加好啦!

星期五晚上，我本來想光顧位於「銅鑼灣」「謝斐道」，格調看來頗為新潮的港式茶餐廳「乜記餐室」。「乜記餐室」樓高兩層，雖然「乜記餐室」裡面有電視播放新聞，慶幸一樓樓面電視機沒有運作，給我寧靜的用餐環境。但是我準備點餐，點選選擇「咖喱牛腩飯」的時候，「乜記餐室」侍應這時候才告訴我，「乜記餐室」的「咖喱牛腩飯」只在日間才會供應，光顧晚餐的食客只能與「乜記餐室」「咖喱牛腩飯」緣慳一面，又找錯餐廳了。看來現在香港坊間裡面，尤其資歷比較新的港式茶餐廳廚房裡面，通常都沒有製作和提供「咖喱牛腩飯」，就連一般「牛腩飯」也很少提供，估計可能跟「牛腩」屬於慢煮肉類，廚房需要時間熬煮的關係吧，所以很少提供。就算有製作和提供「咖喱牛腩飯」的新港式茶餐廳，通常都會遇上限定時間，或者是限定供應份數給食客的問題，導致食客光顧這些餐廳，想享用「牛腩飯」遇到的難度變相被提高。「乜記餐室」也不例外，「咖喱牛腩飯」在「乜記餐室」裡面屬於午間時段裡面的限定食品，一過下午六點之後「乜記餐室」就會立刻停止供應「咖喱牛腩飯」。至於晚上才光顧「乜記餐室」的食客跟我一樣，就跟「咖喱牛腩飯」無緣，只能夠享用例如「秘製咖喱牛肉配飯」，亦即是「

是日早餐: 乜記餐室環境: 有分樓上樓下, 咁岩樓下滿左, 被安排到樓上, 一個人霸哂成層😜枱同枱之間都算闊落, 冷氣稍稍有點唔夠既感覺🥵, 唔知係咪一早開左無幾耐所以未夠凍, 搵日試下佢個午餐再感受一下😋—————————————————-食物: 早餐B. 美國肩胛肉眼牛肉自家制沙嗲醬日本出前一丁🍜餐包係有誠意既提子麥包🍞,如果熱多小小就會更開心腸蛋正常,值得讚一讚既係,唔會好似一般茶記咁成碟油🍳麵係用左日本版既一丁麵,好有誠意,出面食起碼都要+$8,😍牛肉用左打邊爐果款肥牛🐮,份量稍稍有點少自家制沙嗲醬好特別,好香濃既花生香,有DD似食緊印尼沙嗲果種感覺——————————————————服務: 樓下個姐姐好有禮貌, 量完體溫就請我上樓上搵位😌但樓上接近4位侍應就有點落差,自己圍爐有講有笑,落單都叫左2-3次先理我😟呢個位真係扣返小小分環境: 7/10食物: 7.5/10服務: 5/10地址 : 銅鑼灣謝斐道477-481號肇明大廈地下A舖及1樓人均消費: $50-$100

🌟珍寶芝士鹹牛肉蛋潛艇 $𝟺𝟽個熱狗包好軟熟同埋有好香既牛油味🤤。炒蛋好滑又夠大份，好夾鹹牛肉，仲有好多芝士🧀，好好味啊💕！好滿足😭。𓂀推介度：♥︎♥︎♥︎♥︎♥︎🌟北海道𝟹.𝟼牛乳滑蛋豬扒菠蘿包 $𝟹𝟽超級好食‼️佢係用🇯🇵日本雞蛋架，真係零舍不同！菠蘿包夾住除左炒滑蛋仲有煎到脆一脆既豬扒、新鮮生菜同蕃茄！好有層次感，唔洗食巨無霸喇！不過一個人應該食唔哂🤣，share吧！𓂀推介度：♥︎♥︎♥︎♥︎♥︎🌟凍啡/凍奶 +$𝟹凍飲加3蚊依家都算係良心價喇！凍啡重咖啡味，就算融哂冰啲啡味仲係好濃。凍奶個茶膽好香!!兩杯都好味！𓂀推介度：♥︎♥︎♥︎♥︎♥︎🐈：好鍾意呢度嘅環境，無論個名、門面設計定係室內環境都充滿本土特色🇭🇰，仲要係設計得靚嗰隻，細心啲睇其實好多打卡位！仲要有兩層，鍾意靜啲人少啲可以去地下嗰層，想熱鬧啲就可以去上面嗰層。😊環境好舒服可以媲美Cafe，啲嘢又好食，推介！𓂀整體推介度：♥︎♥︎♥︎♥︎♥💛💛💛💛💛

在銅鑼灣鬧市入面既一間冰室，兩層樓面，空間寬敞。我諗呢度最值得食既應該就係燒春雞啦！order後等左15分鐘左右先上菜，證明係即叫即整！隻雞一黎到係完整一隻唔係半隻！上到枱隻雞出哂煙，隻手摸落去係熱辣辣，真材實料！味道方面，隻雞本身應該有用南乳醃過，相當入味。雞皮係脆卜卜，雞胸部位真係好鞋(小弟麻麻地雞胸肉)，不過雞髀肉真係好滑好嫩！驚喜黎啦！原來配菜啲薯王一樣咁好食。平時出面茶餐廳或者麥記啲薯王，一係就番炸，一係就唔夠熱重要唔脆，但呢度啲薯王係熱辣辣新鮮炸出黎，外皮係超脆，好重薯仔味！平時唔係點食薯王既我今次係清哂！P.S.燒春雞真係必食！價錢又平，加埋凍飲都唔洗$80(好似係，唔記得影單)，絕對冇介紹錯！

食物選擇都幾多豬扒辛辣麵 不過不失啦 始終辛辣麵個個都係用果包 個個都係咁煮 較難有突破乜都有企業三文治配薯條 個名夠晒FUNNY 其實就係公司三文治 份量超大份 加埋勁飽肚既薯角 簡直就係二人份量 唔太大食的話 兩個人SHARE一個已經好夠飽唔洗加其他野 味道方面都幾好食 幾足料（有午餐肉 鹹牛肉 雞蛋 蕃茄 芝士 火腿等配料！雞扒飯（走汁） 由於朋友好注種健康 出去食飯可以走汁既都會盡量走汁 佢就話塊雞扒整得幾好 就算走汁都唔會話好DRY 價錢方面 正常茶餐廳既價錢啦環境方面 感覺乾淨企理 令我地係疫情下都可以食得好放心 下次去開銅鑼灣都會考慮再黎呢度食 

下午三點幾熱辣辣，搵咗間冰室避暑，諗住食個下午茶飲杯凍奶茶爽下。呢間冰室樓高兩層，裝修都幾靚，地下有自家新鮮出爐麵包，全部脹卜卜望落好吸引。今次嗌咗三個餐，牛肉公仔麵腸仔煎蛋，不過不失，值得一提嘅係，佢全部都採用日本版出前一丁，係賣點之一。之後叫左個芝士咸牛肉潛艇，尼個好食，咸牛肉同芝士非常之夾，芝士口感豐富，而且稍微中和左鹹牛肉嘅鹹味。最後叫左咖央西多士，我中意落勁多蜜糖，麵包夠厚身，中間層咖央好正，酸甜配撘得好好，麵包炸到金黃好好食，推薦

呢間餐廳開左一段時間，但一直無機會試今日難得係附近就去試下餐廳有趣既係採用日版既出前一丁有張與港版出前一丁比較既圖板但我個人都較喜歡港版，但未試過既朋友可以試下除左常餐之外，吸引我既扒餐，我留意到價錢比一般茶餐廳平就決定試下咩料而我今晚同朋友點左肉眼扒同燒春雞燒春雞上枱時我呆左，因為係原隻咁上仲要SIZE唔細切開仲有煙出，新鮮出爐就算切雞胸位都好輕鬆唔洗用力食落係好軟熟有雞味我同朋友完全驚為天人好似尋到寶咁而肉眼都有水準有肉味，加上小小肥膏更加香口冇食到一般茶餐廳牛扒用鬆肉粉既死淋係有咬口，份量都唔少中上水平當初見到呢間餐廳叫乜記覺得應該得個新奇無乜特別點知叫乜記原來係因為乜都掂咁解!

俾佢個名同環境吸引咗而入去幫襯🤣環境闊落，坐得一啲都唔逼。佢有分上下層，今次係坐下層嘅卡位，都幾舒服😌而且選擇都幾多元化，有多款下午茶餐比大家選擇。但侍應嘅服務就...🤫啲嘢食係直接掟/飛上枱，掟完就轉身走咗去😂服務方面真係要改善下😳如果唔係都幾趕客😳😳😳🍞北海道3.6牛乳滑蛋豬扒菠蘿包餐 $37個菠蘿包都幾大個，女仔做lunch都ok🤣菠蘿包外脆內軟，豬扒就偏乾同細塊，滑蛋好濃3.6牛乳味同好滑🤤但都係偏細舊🤫仲有番茄同生菜豐富口感同層次感~🍜日本芝麻醬手撕雞稻庭烏冬餐 $47以我認知嘅稻庭烏冬應該係扁長形同口感細滑🤔但依款係粗圓形同鞋口🤮我覺得似喺街市買到嘅普通即食烏冬😥不過可能係我孤陋寡聞，唔知有咁嘅樣嘅稻庭烏冬。。。個芝麻醬幾好味，一個唔覺意就撈晒成個烏冬😳好邪惡啊😂雞肉就不過不失啦，味道正常，而中華沙律係常溫嘅🤫唔建議大家叫依個嚟試😭😭😭😋味道:5/10🤩賣相: 6/10💰價錢: 7/10🧡CP值: 5/10🐒回頭率: 4/10

每逢月尾既日子，總想食下平民野平衡一下，而茶餐廳絶對係我既首選。今日匆匆忙忙，下午兩點多，才來到銅鑼灣，找到呢間茶餐廳＜乜記餐室＞食個簡單快捷的late lunch。以為兩點鐘開始有下午茶，不過原來下午茶要2:30pm先開始，不過常餐都係我杯茶，便極速下單。凍/熱奶茶: 味道正常，不過可能冷氣凍，杯熱奶茶飲到一半已經吾夠熱，反而凍奶茶就冇呢個問題。黑松露炒日本滑蛋，炒蛋夠厚夠滑，仲有少少黑松露香味，配香煎火腿不錯。丹麥酥其實係一個小小的提子麥包，腍左少少，亦冇番熱個包，味道一般。美國肩胛肉眼牛肉配自家製沙嗲醬日本版出前一丁: 牛肉其實似一般的肥牛，肉質較薄，沙嗲味不錯，而且麻油是獨立另上的，可自己調較加多少麻油。瑞士汁雞翼撈麵: 雞翼係中等size, 肉質都算爽滑，但瑞士汁味不算很濃，適合不愛濃味嘅朋友。以茶餐廳來講，地方算坐得幾舒服，有卡位供應，上菜速度快，服務員亦有禮貌，食物質素中等，以常餐價格$58~$64來講，其實吾算好平，不過亦可以接受，相信有機會我會再來既~

今日放lunch 行遠啲試吓新餐廳，😄😄去左一間叫乜記餐室試吓，個餐廳名都比較特別，容易記得，我見到有一個午餐叫扺爆必食所以試試，見佢放第一個肯定是王牌推介，。1）紅麥飯比較健康，加流心蛋食都絕配。2）豬頸肉有燒過夠香囗3）😃😃最特別可以加$4 有日本蛋撻，我都第一次見。4）佢呢個套餐重可以加甜品$8，但是我已經太飽食唔到5）豬頸肉配泰式醬真係幾好食😋😋下次叫同事一齊來食可以再安哥試下其他。

sogo大減價買完嘢預備醫肚經過呢間睇到個名都幾得意叫做乜記門口寫住68文有西冷仲送餐湯同餐包噉就梗係試下佢乜料啦二樓大把位坐位比普通茶記闊落，坐得多幾舒服牛扒嚟喇淨係68文有咁大塊西啦真係唔使講野味道正正常常冇太多妖邪怪未整體多ok嘅下次食貴少少試下佢啲肉眼

前排調左去銅鑼灣番左幾個禮拜工，成日覺得銅鑼灣食lunch好貴，起碼7,80蚊落樓，但就俾我搵到間都算幾抵食而又幾好食既餐廳，都幫我省左好多！食過幾次，主要都係食下面2款既米粉！雞扒煎蛋米粉 ($45)推介指數：8.5/10佢雞扒份量都算多，而且個雞皮係小小脆的，係幾好食！湯底唔算濃，但絕對夠味。豬扒米粉 ($45)推介指數：9/10對比起雞扒，豬扒既質感係比較易入口，我本人就無話鍾意雞扒定豬扒，但就覺得豬扒係比雞扒出色，大家可以自己試下個分别，但我就會更推介豬扒！佢份量唔算好多，但係銅鑼灣午市黎講，佢都算係幾抵食，佢個份量起碼一定夠醫得飽個肚，所以幫襯左佢幾次，$45可接受！