影片
電話號碼
65588331
開飯介紹
以音樂為主題的咖啡店，旨在屯門提供一個讓人享受咖啡及音樂的空間，置有黑膠碟機及唱片機，供應手沖咖啡。
繼續閱讀
附加資料
滿3人即可預約 品啡。享樂精品咖啡品味會
營業時間
今日營業
10:00 - 18:00
星期一
10:00 - 18:00
星期二
全日休息
星期三至五
10:00 - 18:00
星期六至日
10:00 - 19:00
以上資料只供參考, 請與餐廳確認詳情
招牌菜
今日外面天空天黑黑，趁住未落出雨，決定帶自己外出走走散步，想起在家不遠處有間音樂咖啡餐廳不錯☺️，今次是我第3次去試，第一次試菠蘿雞扒包+抹茶latte好味😋第二次試了卡邦尼意粉+富士山好好味😋今次試了AllDay+美式（星期一至五主食附送的）好好好味😋，Allday個蛋好香好滑,個牛角包好鬆化，最驚喜是個白菌片乾身得黎，好香好好食，一口接一口停不了，仲有配埋煙三文魚及腸及沙拉菜，用餐時餐廳會播著好聽的懷舊音樂，令人心情舒服放鬆，整體食物環境皆好好、滿足。😊
繼續閱讀
朋友推薦過來試下有冰滴，深烘培，淺烘培（後來得知老細比較多淺烘培）冰滴可以選nutty or fruity本人不喜歡酸味，是日試了nutty 嘅冰滴，深烘培「黑洞」和「花魁」。驚為天人！！！首先上了冰滴，清得黎又濃咖啡味，清新自然。然後試了「花魁」，有回甘。👍高手最後是我自己選嘅「黑洞」。第一次飲如此smoke嘅咖啡。老細話佢d咖啡越飲越甜（因為溫度降下，最適合50-60度）。果真如此推薦「樂啡」PS 還有經典音樂陪飲🎵PS入口在後巷，不在馬路邊💌
繼續閱讀
樂啡 (屯門)屯門新秀街良田村54號地舖良心小店， 意想不到搵到係屯門一間隱世咖啡店☕️，係新界友嘅福利，除左連鎖餐廳🍴有多一個特色嘅選擇！人均消費150左右， 有最低消費好似係一杯咖啡☕️ 想食多幾款，所以揀左all day breakfast 同朋友慢慢chill 😇環境氣氛好好， 店主係愛音樂之人，好多音響🔊器材係到， 音色好清澈！會播下懷舊香港情懷嘅歌，永不過時😗 餐廳要時間讓店主親手精製咖啡同食材，所以要耐心等候，其次係食完自助分類餐廳同垃圾🗑️ 值得二訪的店，不過夏天行過去一大段露天嘅路，最好有傘🤣🤣
繼續閱讀
雖然係屯門長大，不過良田村都真係好少踏足。適逢今日放大假，又有好姊妹邀約見面，於是就努力做吓功課，睇吓有咩好地方可以食好嘢加吹到水。咁啱今日嘅組合都係鍾意飲咖啡，於是就朝著咖啡店去search。樂啡，一間暫時全獲👍，有精品☕咖啡，有🥗🧇食物，仲有黑膠🎶聽嘅咖啡店，啱晒同老友去chill! 👍😃 再加上有印象之前有媒體介紹過樂啡呢間Coffee shop, 不過就一直冇機會去，於是經過一番篩選之後，決定今日同好姊妹去拜訪。樂啡嘅舖面並唔算好大，大約可以容納20人內。一踏入店內，正播放著陳百強嘅歌，正！接著嚟聽到嘅有哥哥同學宜嘅歌，嘩！完全係陪我成長嘅歌啦！👏😍除咗歌吸引之外，去coffee shop當然要有好飲嘅咖啡飲。點咗一杯熱富士山拿鐵咖啡, 嚟到時賣相已經吸引。一個富士山型嘅杯載住分咗三層嘅咖啡同奶，好吸睛 👀！老板話當dirty飲，唔需要攪混。飲第一啖，😯 feel到係好厚身嘅奶😋😋👍。再飲落去，慢慢飲到咖啡嗰層。個咖啡本體好啱我，我鍾意👍。忍唔住問老板佢用咗邊隻咖啡豆嚟沖，佢話係最濃嘅house blend。最衰已經坐到要收舖，如果唔係，應該會買埋咖啡豆返屋企 😜。咖啡正之餘，最令我驚喜係佢嘅食物質素都好高。姊妹叫咗all day breakfast， 我就叫咗焦糖香蕉藍莓窩夫併雪糕。All day breakfast食材併埋一齊嘅顏色已經好靚，令人好有食慾 😋。我點嘅窩夫就更加令我驚喜！賣相除咗吸引之外，個窩夫🧇係外脆內軟㗎！！香蕉面層嘅焦糖厚度同脆度啱啱好，條雪條形嘅雪糕亦都好味，唔會好甜！🙀👏🥳 超讚！！！👍👍👍老板係一個好nice嘅男士，我哋坐咗3個鐘，去到差唔多收舖嘅時間，走淨我哋一枱，佢都冇話會趕我哋走。真係好多謝老板提供呢個咁好嘅地方比朋友們聚腳，希望日後有更多機會再去光顧。
繼續閱讀
呢幾年去Cafe嘅次數都多，不過遇到一間咁用心同客人交流，裝修又有格調，個人風格色彩咁獨特嘅Cafe就真係好少有 一入到去嘅時候已經聽到黑膠碟播緊經典英文歌，見到好多音響唱片嘅設備，聞到好濃嘅咖啡香，已經心入面讚嘆「哇」左聲老闆好nice好貼地，同我哋講聲突然人多，希望我哋唔好「黑面招呼」佢😂😂而且，我哋想聽張國榮嘅唱片，客人咁多嘅時候都抽空幫我哋播🥹 仲要好風趣同我哋傾偈講笑，亦都留意到佢同其他客人會交流咖啡嘅煮法同溫度 好鍾意呢種同客人互相溝通，好有人情味☕️富士山美式咖啡好香滑，冇嗰種難入口嘅苦澀味，而且賣相真係好似一座富士山🗻🍵Matcha latte好濃抹茶，而且用料足，好想快啲飲完🥗All day breakfast 最緊要係夠熱！佢個牛角包加埋蛋同腸仔真係一流下次想悠悠閑閑坐返幾個鐘嘅話，都可以靜靜地聽歌同飲咖啡，成個感覺真係好悠閒，俾人一種慢活與世隔絕嘅感覺
繼續閱讀