影片
諗住支持下小店，$25一底雖然有啲貴，但見到個店主係有heart, 仲好好禮貌，諗住一試無防。點知未食嗰下已經知瀨嘢，個雞蛋仔好似仔毛巾咁軟，已經唔期望佢脆口，點知食落都冇咩味道，可能佢係行少甜健康路線掛...只能話見到個店名應該已經知擺明做內地生意，所以唔係好啱我香港本地口味😢😞😞😞
繼續閱讀
喺網上見到介紹，呢度好多榴槤小食，地點方便經過梗係要試吓啦～其實好想食榴槤Pizza，但係得我一個食點食得晒咁大個⋯仲有甜品蛋糕叫咗個榴槤雞蛋仔，$35，外面都幾脆，內軟～都有榴槤肉，不過如果多啲就更好啦！唔夠滿足～鹹蛋黃夾餅$30，好似食緊流沙包咁，又咸又甜！幾好食啱我口味～飲品買第二樽半價，叫咗個芒果椰皇雪燕$48，見佢打粒星試吓～味道比我想像中淡，不過啖啖雪燕，爽口黑糖椰皇雪燕，$48（半價$24）比較芒果個香甜好飲！下次有機會要試吓榴槤特飲！同埋其他榴槤小食～
繼續閱讀