丼瀛 (已結業)

丼瀛特選丼 超級抵食嘅魚生丼！魚生份量同種類都好多，有三文魚、劍魚腩、牡丹蝦、海膽、三文魚子、帆立貝。樣樣都比足你！食落去嘅時候淡淡肉，如果兩個細食嘅人share一份都夠飽🤣鍋燒烏冬同樣都係大件夾抵食！入面除咗烏冬之外仲有好多料，食到抱住個肚出門口。味道都唔錯。同埋每個人都會有一set沙律，麵豉湯，同埋日式蒸蛋。嗰日食蒸蛋真係超級超級好食，好滑又有蛋味！呢度都會有一啲lunch set，仲抵食。如果喺附近返工嘅話，不妨過嚟試吓。

今日去左觀塘行下街，記得朋友之前推介過依間，聽講係間美食店，就去左試下。每個lunch set都包左份沙律、味噌湯、蒸蛋同飲品。蒸蛋幾好食，佢蒸得幾滑，有唔同嘅材料。我同朋友每人點左杯青蘋果梳打同巨峰提子梳打，兩杯飲品都幾好飲，唔會太甜。今次點左丼瀛特選丼，好長時間冇食過魚生飯，佢有好多材料，包括三文魚、劍魚腩、牡丹蝦、海膽、三文魚籽同帆立貝，樣樣材料都好新鮮。幾鍾意劍魚腩，佢嘅魚油味濃，令人好鍾意。同時都點左吉列豬扒lunch set，佢係新鮮岩岩炸好，食上口仲熱辣辣，佢嘅炸皮好脆，豬扒嘅肉唔會太鹹，厚厚岩岩好，一啖就食到入口。平時食開日本菜，都好鍾意點三色冷盤食，今次同樣都點左，佢嘅份量都幾多，好值得一試！

今日我微服出巡又去到觀塘區！佢喺日昇中心係有泊車的，揸車的記得用。文章尾段我會交代！喺商場一樓唔算難搵，餐廳寬闊，感覺良好！講咗餐先！叫咗個特選丼，兩隻廣島蠔，叫咗一杯百香果梳打！品質唔使講嘢睇相就知道，好係我今個星期最好的日本料理頭三名，他飯裏邊有啲七味粉，令到整個丼飯唔寡，睇得我食評多都知道我淨係識得批評，所以好好食都唔知點形容廣島蠔就平衡到壽司飯和刺身，百香果梳打好飲我喜愛！完美的一餐，想食好啲唔使走咁遠觀塘都有。車我就貪方便泊旁邊就算數，又抄320。連續幾日抄幾張....

香港人加油松葉蟹肉海膽甜蝦丼 $138個餐係包麵豉湯，蒸蛋一嚟到覺得個餐好抵食，佢啲海膽應該係加拿大膽既一格😍跟住仲有甜蝦膽松葉蟹，份量都唔少，平時有松葉蟹既都好貴，仲有玉子同埋蟹籽，好滿足好滑好夠味嘅蒸蛋，麵豉湯唔會過鹹👍👍👍👍柚子蜜梳打 +$8好多柚子👍👍👍👍👍免治雞肉棒 $12味道正常，價錢唔貴環境舒服，而且好多裝飾，啱哂我地去幫襯，見得到店員同店員之間感情好好，所以服務態度都好好🥰🥰🥰🥰門口一直都有人喺度等外賣，證明呢間野味道唔錯

難得出觀塘緊係要試下呢間💛💛好評嘅丼丼係門面同店內周圍都係黃黃decorationlunch set 唔貴，大多百頭已經包埋麵豉湯、沙津、茶碗蒸同餐飲沙律都幾新鮮爽脆，茶碗蒸頗滑溜，有蛋香. 中間仲有粒白果 海之幸刺身飯超大碗，因為個碗深裝住滿滿飯. 上面刺身除左一大坨三文魚子仲有拆絲香甜嘅松葉蟹肉，三文魚厚切幾有三文魚脂香. 不過吞拿魚就無咩味油甘魚幾有膠質細緻，大赤蝦肉都爽滑，味道唔錯. 而飯亦加左七味粉同紫菜飯素，食落更足味除左刺身，仲有大坨芥末同薑片。追加左條免治雞肉棒，剛燒好中間幾有肉汁，味道唔錯.

第一次食丼瀛仲喺工廈舊舖，今次嚟新舖覺得闊落咗坐得更舒服～ 丼瀛嘅午市套餐抵食又多選擇，淨係刺身丼飯都十幾款，全部包沙律、味噌湯、蒸蛋、甜品及餐飲！上次食過兩款丼飯，今次就試下刺身～刺身定食嘅三文魚同油甘魚都好肥美，厚切油分重；帆立貝同甜蝦鮮甜，玉子都一樣香甜；呑拿魚赤身就較普通；最特別係魷魚，同魚籽撈埋一齊食落鹹鹹地，口感得意；定食跟咗一大碗醋飯，加咗飯素拌飯食一流。蒜香雞扒烏冬係奶白色嘅豬骨湯底，仲有流心玉子同野菜；雞扒落咗蒜香日式燒汁幾惹味；飯麵類定食仲有得揀配精選刺身或小食，我地揀咗炸餃子都唔錯，皮脆餡香。食完咁多嘢仲有雪米糍做甜品！

觀塘的良心小店多的是，中海日升中心已有幾間。離遠已經見貼滿文宣，不難找。即使lunch，餐牌選擇也多達6頁。刺身丼、定食、鍋物也有，有選擇困難症的話，真難搞 XDLunch set $60-90不等，價錢豐儉由人。除了主食，還有湯、沙津、茶碗蒸、甜品和 刺身/炸餃子/燒餅棒，非常豐富。沙律夠新鮮，茶碗蒸也很滑溜。刺身片的質素也不錯，這個價錢物超所值。日本豚肉壽喜燒 $88主食的份量超多，男生也未必吃得完。喜壽燒不太甜，薄切豚肉夠爽口，用來撈飯剛好。還有吃不完的菜，多得2個人食也可。大件夾抵食，丼瀛當之無愧。餐廳資訊：丼瀛地址: 觀塘駿業街56號中海日升中心1樓B號舖電話: 37088705

朋友喺觀塘返工，介紹之下嚟咗「丼瀛」食lunch～跟餐嘅沙律、味噌湯、蒸蛋🥗丼瀛特選丼🍣依款丼飯有海膽、三文魚子、帶子、牡丹蝦，仲有非常厚切嘅三文魚刺身同埋劍魚腩刺身，足料到就快跌落嚟咁🤣而且用透明杯裝住，睇起上嚟好有氣派😎午餐有十幾款海鮮丼可以揀，由$108到$308都有，外賣會再平啲，幾十蚊就有，豐儉由人👌吉列豬扒定食🍱吉列豬扒定食好夠份量，吉列豬扒新鮮炸起，口感酥脆唔會出油，跟餐可以揀一款小食，雖然餃子冇咩特別，但係成個lunch set夠晒飽肚👍另外加咗一樣小食忌廉蟹肉薯餅，一樣係熱辣辣炸起，忌廉蟹肉夠軟滑，唔錯😋青蘋果梳打、巨峰提子梳打🍹

lunch time想食丼瀛。哈哈。記得book定枱。多人到震😲。order任何套餐。可以加$追加小食 😛。每款套餐配埋沙律。味噌湯。蒸蛋。仲有餐飲🥰。刺身定食～有甜蝦。帶子。吞拿魚。三文魚。油甘魚。玉子同魷魚。款款有兩片。食落都幾滿足❤️。刺身新鮮又厚身。飯上面仲加埋飯素。正😋。蒜香雞扒烏冬配埋3隻餃子～超級豐富🤩$78咋。勁抵食🤪。雞扒皮脆肉嫩。好有驚喜👏。追加小食（魷魚椰菜餅）新鮮炸起味道唔錯。

今日去左觀塘做野，同事介紹去丼瀛食LUNCH，位於觀塘中海日升中心1樓，主打日本料理，有壽司、炸物等選擇，招牌菜係刺身丼飯，一於試下先!lunch set性價比高，附送麵豉湯、沙津、茶碗蒸仲有餐飲!麵豉湯清甜鮮美，沙律新鮮爽脆，茶碗蒸滑溜富蛋香，入口即化。松葉蟹肉海膽甜蝦丼賣相吸引，夠哂足料好豐富!松葉蟹肉柔嫩富含彈性，海膽鮮甜豐腴，甜蝦咬落粉糯甘甜，仲有清脆蟹籽、玉子伴碟，正~牛肉石鍋飯用石鍋上熱辣辣，可以保持熱度，將半熟香濃流心蛋拌勻，完美融合石鍋飯。牛肉軟嫩多汁，炒過後特別惹味，伴以爽甜洋蔥、蘿蔔絲、蛋絲、泡菜等，底部更有香口焦脆飯焦，令人食唔停口!一口芝士外脆內軟，拉絲芝士口感軟糯。辣味螺肉微辣好開胃，口感濃厚富咬勁。章魚小丸子外酥脆內軟嫩，咬落Q彈唔會軟淋淋。百香果梳打酸酸甜甜好解渴。柚子蜜清香滋潤，仲可以養顏美容。

💛丼瀛💛呢間日本餐廳真係唔講得笑，淨係睇佢地個門面，就知道咩料，而佢地唔係淨係得個門面㗎，亦都有內餡（有參與過唔同既活動）💛丼瀛個lunch真係無得輸，幾十蚊一個餐，已經有好多野食，一個餐有湯、沙律、蒸蛋、刺身、主菜，仲包埋杯飲品，去邊度搵呀大佬🤩🤩🤩仲要啲野食唔馬虎，樣樣都好好食👍🏻👍🏻👍🏻今次去到可能比較晏，所以無哂蒸蛋😔，改咗章魚丸，其實我喜歡日式蒸蛋😋，唯有等下次再食啦😂打開個餐牌，真係樣樣都想食，最後揀咗燒日本花魚，平時啲餐廳做lunch通常得秋刀/鯖魚，見到呢度有花魚，就試下啦第一次食燒花魚，原來好大條，同埋啲肉都好滑，幾好食😋其他食物都好好味😋🤤份量真係堅多

一直都聽喺觀塘返工嘅朋友講話呢間野好高質 又抵食今次專登過嚟試吓同朋友每人各嗌左一個set每個set都會包一個沙律 麵豉湯同日式蒸蛋個蒸蛋超滑 入面仲有嗚門卷同香菇松葉蟹肉海膽甜蝦丼所有海鮮刺身都好新鮮特別係海膽 好甘甜 入口即溶而蟹肉方面 店舖好細心 已經拆好左肉 但仍留番2支蟹腳 等我地食得過癮啲 甜蝦亦都好鮮甜個丼飯仲有蟹籽 同青瓜更fresh月見牛肉石鍋飯入面材料好豐富個飯上面有一半都係牛肉 旁邊有中華沙律 蛋絲 蘿蔔泡菜同香菇 同蛋黃個鍋煮得好熱 想食飯焦可以擺多一陣 唔好咁快攪住就會有滿滿嘅飯焦係個底度牛肉本身已經調味炒過 係好經典嘅日式牛肉飯既味 咸得黎又甜甜地 將所有材料撈埋一齊 口感豐富之餘 營養又均衝嗌套餐既話加$8仲可以轉特飲我哋兩個都轉左特飲柚子蜜梳打同百香果梳打2個都好fresh而百香果岩哂中意甜既朋友 甜得黎帶少少酸 好開胃

丼瀛-絕對係觀塘人氣💛店，今日同朋友去開apm ，當然要去幫襯佢，係apm 港茂中心嗰出口行5分鐘內到。其實之前都叫過佢哋嘅外賣，外賣好抵食，放lunch放工都啱。今日朋友同我就叫兩份lunch set, 兩款海鮮丼飯🍱。Lunch set 除咗有海鮮丼飯，仲包咗麵豉湯🥣、沙津🥗、茶碗蒸🥚同餐飲🥤，好豐富！松葉蟹肉甲羅燒蟹膏丼 $128呢個丼飯勁多料，好啱鍾意食蟹嘅人🦀。佢除咗有甲羅燒，仲有蟹肉、蟹柳、蟹鉗同蟹籽。甲羅燒略為經過火燒，燒得香噴噴，如果再燒耐啲，一定可以再香啲。蟹膏填滿晒成個蟹蓋，撈飯食好正！蟹肉新鮮，啖啖肉，真係好滿足😋。連埋脆卜卜蟹籽食，層次感更豐富。海之幸丼 $148丼飯總共有6款刺身(三文魚、赤身、油甘魚、赤蝦、三文魚籽同蟹肉)，乜都有啲，啱晒心大心細有選擇困難嘅家姐。三文魚肥美；赤身富有吞拿魚味，無筋；赤蝦幾大隻😆；三文魚籽無腥味，對得住價錢。另外，丼飯本身撈咗飯素，飯量亦好多，食得好飽。茶碗蒸茶碗蒸細細碗，內面有雞肉、鳴門卷🍥同白果做餡料。茶碗蒸啲蛋好滑身亦夠味，不錯😜。整體而言，丼瀛食物性價比算高，午餐款式又多，無論生定熟都有好多選擇，外賣仲有超值優惠，大家

繼續喺觀塘捐窿捐罅搵好嘢食，今次就嚟到觀塘食丼飯嘅黃店😎嚟到咁啱係午餐嘅時間，堂食同外賣都好多人等緊，好在餐廳座位夠多，好快就有位，呢度都好多選擇揀，有刺身有壽司有丼飯又有熟食，我哋就揀咗呢度比較出名抵食嘅 $158😋入面有6款刺生(勁厚切三文魚、超肥美劍魚腩、爽口牡丹蝦、超正海膽、鮮甜帆立貝、三文魚籽)，每一啖都好滿足，另外朋友叫左浦燒鰻魚烏冬 $98，大大碗烏冬配豬骨湯底，再加大大嚿鰻魚😋望住餐廳四圍特別嘅裝修，聽住香港人熟悉嘅音樂，真係好心思💛

好耐無嚟觀塘搵食，朋友介紹，原來呢度好多野食，我地一上電梯就見到呢間好吸睛嘅日本餐廳。叫咗兩個set, 「丼瀛特選丼」嘩...賣相好靚呀，高身杯裝著不同口味嘅刺身，有我最愛嘅海膽同帶子，好鮮甜，刺身蝦大大隻，啖啖肉😍除咗刺身飯之外都要叫d熱食，同朋友都一致覺得「西京比目魚」好正，唔多骨，啖啖肉，配埋個汁好香口🥰飲品都揀咗「巨峰提子梳打」「柚子蜜梳打」兩杯都好夠汽好飲👍🏻小食「燒餅棒」「炸餃子」都唔錯，香口又唔僧好油膩😋餐廳都好寬敞，坐得舒適。下次一於帶埋屋企人再嚟食🤩