丼海龍王

營業中

休息中

之前睇食評話呢間日本料理CP值高，食材新鮮，食過兩次真係覺得幾唔錯呢度主打嘅魚生飯有好多款配搭，價錢唔算好平但好足料，而且賣相吸睛，睇得出師傅有用心去做～刺身方面，三文魚，油金魚同吞拿魚都好肥美新鮮，另外刺身蝦亦好大隻好鮮甜佢哋小食方面都做得唔錯，特別推介炙燒玉子，金黃色嘅雞蛋味濃，口感飽滿，略沾醬汁更加好味但佢哋火鍋就好一般，配料同湯底都唔係特別好味，冇乜需要可以唔叫~總括嚟講佢哋嘅性價比高，可以列入街坊食堂

這條街上, 原本有兩間水準穩定而且好味的餐廳, 不過自一刻館搬走之後, 海龍王就成為我的首選. 我覺得這家店最好的地方, 就是食材一直都吃得出是十分新鮮.  味道也甚佳以前最愛吃的, 就是吃飯總有一些配菜, 當中一味炙秀珍菇, 極度惹味, 難以抗拒. 不過最近再訪, 配菜已經轉了, 轉了玉子和野菜天婦羅, 不過輕炙加點燒醬的玉子, 口感飽滿而鮮香, 仍然好正. 這次吃了個滑蛋牛肉飯. 滑蛋是真滑蛋, 極滑, 牛肉的份量很大, 而且很好吃. 吃得出是用心之作. 

十一國慶要工作至8點，在新浦崗想食日本野，呢間好似長期有人去，難得剛考有2人位，即入啦，一人叫一個丼。夏威夷火炙丼，珍珠米有彈牙飽肚滿足感，帶子迷你得來用紫菜承載，有心思別緻別，也有鮮甜及火炙香味，三文點鮮甜肥美而且厚切，鯖魚微酸清新吾腥，我對鯖魚無好感都覺得好味食晒，鰻魚燒得微微脆香，無得頂。朋友叫了雙色三文魚丼，件數多厚切鋪滿碗，8O蚊到，CP值高，難怪點上無虛席。

其實新蒲崗好多隱世小店, 本來打算去個區食一間Openrice 得獎嘅越南野, 點之遇到一啲激氣嘢等咗一個鐘之後,我同朋友仔就即刻轉軑去搵其他嘢食, 就係唔相信成個新蒲崗都搵唔到好嘢食...點之真係黃雀在後...呢間食店就係Mikiki對面,都幾方便We Order:- 男子漢丼 $88...推介- 軟殻蟹反卷 $78- 一口牛脷粒 $58- 鐵板三文魚扒 $68Recommend:- 男子漢丼...食材分量十足,有厚切三文魚刺身新鮮,食完好有滿足感,一小排海膽味道濃郁, 一塊厚燒鰻魚味道剛好, 一小團紫菜吞拿魚蓉刺身,豆腐皮一塊, 成個丼抵死度高Price: $100 per person (Dinner)Atmosphere: 小店一間, 最多可容納六至八張枱, 因為星期日去多人可能要等一陣, 座位都有少少迫, 但可接受, 34度高溫嘅日子, 間鋪頭空氣流通,唔會食到一身汗, 又唔會太凍, 佢地仲會播啲日本歌, 一路聽一路食, 唔錯!Overall Comments: 嗱,呢間餐廳個名都話咗比你聽係「丼」海龍王, 我建議各位第一次去,又或者千里迢迢去食嘅話,叫佢地一系列嘅「冷丼」就

早幾日想食d壽司，見呢間開張一排，又有魚生飯食下，價錢又唔貴，試下囉。。同老婆兩個人各叫左個魚生飯，我就乜一味醬乜乜啦，老婆就香辣三文魚，另加左個壽司拼盤。。。我個魚生飯，魚生都大大件，幾鮮甜，加左d香脆蝦子，幾好味，至於老婆個款香辣三文魚，仲開胃，三文魚件又係大大件，加d辣汁，正，自己食過其它的魚生飯，呢間d魚生明顯大d。。。至於壽司拼盤，自己就覺得不錯，但又比唔到乜good comment 比大家，但放心，ok

黎海龍王食左個生姜燒飯。$48，算係依間鋪最平既午餐，但唔好睇小，事緣係度食左好多次，最最最好味就係生姜燒飯，其他貴啲反而可能中伏.生姜燒，其實即是燒豬頸肉飯。特別之處在飯有很多配料，包括蘿蔔，秀珍菇，哈蜜瓜片，馬蹄，車厘茄等等，都非常新鮮。蘿蔔呈淡紫色澤，味道淡酸而無渣，個人黎講唔太鍾意，但老媽就話唔錯。可能較適合佢地一輩人既口味。配料之中最好味既係秀珍菇。輕輕炙燒過，雪白幼嫩的菇身有淺淺炭烤痕跡，咬落去先是有焦香，然後是極爽脆多汁的菇肉，秀珍菇本身的鮮美汁液就滲入齒頰裡，口感味道皆是絕頂。燒豬頸肉就係依個飯既主角。表面是炙燒過既焦香，然後是爽彈而有嚼勁既豬頸肉，混入特製的香料調味，極是香脆爽嫩，裡面還有絲絲肉汁。係我食過最好味既豬頸肉，沒有之一。

今日同屋企人去食海龍王，依間鋪都開左一排，係區內價格中等偏高.叫左個燒肉拉麵，$68，其實都幾出事。拉麵勁淋唔爽，湯底雖鮮但稍淡，燒肉方面，原本我expect 會有焦香味，皮韌而肉嫩，但事實上皮腍而不彈韌，肉好軟，軟到有散既可能。食到碗底仲有好多碎骨，大大大既扣分。簡單黎講，味道尚算唔錯，但質感全部錯哂。其實之前黎過食飯，好食過拉麵十九幾萬倍。以後黎都唔會再食拉麵。

今天中午與數位於新蒲崗的友人短聚，事前也沒有想好吃甚麼的，只是在MIKIKI商場隨便逛逛，走到盡頭就見到這家日式小店子。冷冷的天氣，除了可以吃火鍋外，溫暖的日本丼也是不二之選。餐牌選擇多樣，可以滿足不同人的口味；看過價錢，大抵也算合理，又可以加錢升級吃各式刺身，豐儉由人。眼見鄰桌食客吸睛的刺身，我還是決定吃個三文魚刺身丼。師傅將三文魚排列得十分整齊，並加上數粒精瑩剔透的三文魚孜，視覺效果一流，令人食指大動。另外亦有芝麻八爪魚及中華沙律作配菜，好不豐富！先嚐嚐刺身主角，油層紋理分佈平均的三文魚相對其他店鋪較厚切，沒有不討好的雪藏味或腥味，反而其本身的魚香頗見突出；入口鮮甜嫩滑，且具不俗的油香，油脂在咀嚼間在口腔不斷遊走，令人回味無窮。作配菜的芝麻八爪魚肉質亦有嚼勁，口感爽滑彈牙。整份日本丼只有份量可以挑剔，因為吃過整份午餐後，小編也大概只有六成飽肚感而已。

新蒲崗區其實好多野食！呢間食日本丼的就喺個大型商場附近，門口寫住外賣自取85折！相當吸引！同老公打完波好肚餓，最啱去食個丼！餐牌上的每個丼也有圖！大大的好多配料好吸引！老公叫左個豚骨丼！第一次試個豚骨，比較硬⋯⋯味道也沒特別⋯⋯反而配菜令成個丼加了分我叫了豚肉生薑燒，已經不是第一次食！好多洋蔥同豚肉⋯⋯味道也不錯，不會太咸⋯⋯配菜中有粟米、馬提等也是甜的！值得一提，可選多飯或少飯我地仲叫左3客壽司，三文魚比出面的厚身同大件個帆立貝就比較梅鰻魚太咸⋯⋯不過22至28元客咁大件也不算貴！圖中的巨峰玉露只需5元！還有幾款飲料也是5元！可惜⋯⋯以前是不用加一的⋯⋯不知從何時起就要會變得無咁抵食！埋單2人剛過200

平時下午放飯時D間都想試試, 但因為太多人要等位, 所以一路冇幫襯過, 今日終於比較少人,  叫左碗刺身飯, 三文魚都好新鮮, 味道鮮甜, 不錯, 但如果正常食量或男士應該唔夠滿足, 但如果計性價比, 仍然略嫌貴左啲, 平多少少比較合理。

星期日同S周圍行下順便搵野食，Mikiki入面真係冇乜野好食，望一望見到「丼海龍王」，有次行過已經想試，不過咁岩落場時間，今日就試下啦。入到去都唔太多人，想睇下其他人食咩但大家都食完😂但台台個碗都好大個，坐低睇menu ，以為同menu一樣咁大堆頭，真係呃晒（都可能係自己諗太多😂）整menu間公司真係勁，成本menu都搞到我全部想叫晒😂我叫左既牛蕃丼-睇到真人就知同圖片唔一樣，個碗同圖一樣，份量睇相都知，個飯底好薄😱不過，menu話可以揀多飯/少飯，呢樣抵讚👍味道-汁係蕃茄汁，食落就係紅酒燴牛尾果種咁上下，牛腩有d炆到好冧有d就一般冧😅唔係應該成煲一樣既咩？但整體都好入味，唔會太咸。配料-有2舊紫色物體，一開始以為係紫薯，點知食落食蘿蔔😥都甜，但明明係白色既野整到咁既怪色即時冇胃口食，放棄左；其他好普通，冇特別。S先生揀左刺身飯，舊舊都切到好厚，但刺身色水怪怪地咁😥睇到吞拿魚成舊泥膠咁既色，三文魚唔太新鮮既色，其他就正常，但都係唔太新鮮既感覺。呢道飲品好平（即係餐廳黎講）可樂都係$5👍另外服務都好好，會再下次比多次機會佢。

每次星期日經過都要等位, 今日平日8點左右終於不用排.大熱天事又只淡淡, 所以決定叫個魚生丼.買相十分精緻, 魚生出奇地新鮮鮮甜, 開頭仲擔心會唔飽, 點知食完就剛好.估唔到在SPK可以食到甘好質量既魚生飯.

每到星期五lunch我都唔帶飯都會出街食飯。行到去景福街。附近有不少食肆。呢間日本餐廳食過幾次了,價錢抵,味道不錯同埋份量夠。前日如常到,午飯時間仍然滿座,叫了生薑燒醬汁惹味同埋好多豚肉配菜經腌制酸酸甜甜十分開胃,最啱依家夏天無咩胃口食~

自從有mikiki之後，景福街多左好多食肆。呢間已經去過幾次，質素都保持到好好食。一人叫左一個丼，一黎到好大碗好豐富，今次叫左栗牛丼，仲有好多配菜食落會乾。雖然啲牛有少少硬，但咬落幾香之後試左少少進擊燒肉丼，陣味似燻蹄，啲皮好香唔算大油膩，份量真係好多

這家已去過很多次，每次午飯到來也經常滿座。全因價錢合理，味道不錯份量足料。個碗仲大過我塊面！今天吃的是生薑燒（HK$48)豚肉配合醬汁惹味又送飯，配菜經腌制酸酸甜甜很是開胃。