丼海龍王

營業中

休息中

夜晚在公司開ot，想食個飯啫，叫外賣，透過deliverwoo，好謹慎咁睇清楚係沒有剔除餐具，又知道佢地班人成日都無視餐具呢個column，已經系特別註明那裏，寫到明要 但最後就算咁寫到明要餐具，都可以錯，始終都係冇俾到餐具。。。之後再致電翻呢間餐廳，佢竟然話睇唔到，連sorry都冇聲。家陣OT加要用手指食飯，真係唔知做麥鬼。幸好我系叫魚生飯，唔係烏冬，唔係真係隻手熟左我都仲未有得食。OT命苦

星期六午餐，去了這間餐廳，之前去了幾次，今次自己去食，選了他們的推介，吉列豬扒丼，賣相很好，個碗好大，配菜同主菜裝飾得幾靚，而且吉列豬扒好大份，好厚身，口感十足，而且食落去唔油膩，味道不錯，配菜方面不多，但都幾好味，飯不是太多，但食完都夠飽，因為吉列豬扒幾大份，飯是珍珠米，細細間鋪頭，睇得出幾用心煮嘢食。

丼海龍王有魷魚、鯛魚、希靈魚、蟹子、甜蝦、鮪魚、八爪魚、玉子、牡丹蝦、拖羅碎、鰻魚、帶子和蟹柳，真係王呀！四季魚鮮丼有鮭魚、鯛魚、希靈魚、蟹子、甜蝦、鮪魚、牡丹蝦、玉子和八爪魚。魚類就多左鮭魚，但價錢就差三十蚊左右。海鮮都算是新鮮的，不要看晚餐時段不是太多人就不嘗試一下小店，食完會有滿足的。比較喜歡Wasabi和豉油先撈埋一齊，再加上魚生飯到食。因為兩位男士不是太飽的關係我們在點了辣味魚生丼。這個丼就有把魚生燒過，如果辣味不足夠可以再加的。吉列豬扒烏冬，味道就一般，但係吉列豬扒性價比夠厚，熱辣辣的時候肉汁都流曬出黎，加上上面的漿十分嘢未！小食方面點了燒茄子和魷魚筒！溫馨提示燒茄子是要連皮食的，但我不太喜歡。魷魚筒就一般。

原本約咗去食九龍城食泰菜點知塞車⋯⋯就係中途轉左落土瓜灣。附近只係諗到窩子，但成日超多人同埋唔轉menu,雖然門外泊車真係方便。去到mikiki停車場入口，見到對面街都幾多嘢食就唔諗啦～是但入一間見門外話係居酒屋，呢間鋪仔細細我哋最鍾意幫襯小店，坐滿左一半客人，有個姨姨好熱情咁出嚟招呼。店名叫丼海龍，咁就叫晒丼同麵黎試試佢。我哋都好快手咁落咗一個一口醬油海鮮丼、一個吉列豬扒烏冬、小食叫咗炸軟腳蟹、可樂只係加$5一口醬油丼，估唔到啲海鮮係火炙左既，啲材料有這種魚、帶子同玉子，切得幾大粒，醬油味幾夾火炙，如果只係魚生夾醬油，就無左個少少炭烤味，魚生味會無咁出，而家有少少油脂溶左仲香左，如果蔥多啲就更好叫既係烏冬嚟錯咗拉麵～～不過見佢煮咗就照食啦。湯就淡左哦無乜豬骨味配料亦唔算多，吉列豬扒係有驚喜嘅，另上面夠脆豬扒係厚切，可以保留到肉汁同口感。如果有生椰菜絲同吉列汁就好喇我一向唔係好食炸軟腳蟹，因好多時候都係又瘦又炸唔脆油到呢⋯⋯但見到咁肥美成隻上，嗰啲蟹蓋仲有膏架😲咬落仲脆口唔油總結：坐得舒服，碟頭又夠，賣相都唔差，都幾好食，姨姨斟茶仲斟得好密非常好

叫左個井飯, 唔記得叫咩了, 入面有三文, 油甘, 甜蝦, 赤蝦, 海膽, 魷魚, 甜蛋, 但全部都係得一片.... 比我想像中少, 飯都少。魚生係新鮮GE, 係海膽差D LAW, 屎啡色, 仲要唔留心都唔覺有... 放在紫菜上, 爭D 睇唔到下次可能叫熟食GE 井`飯, 才50,60蚊, 好似仲抵。另外叫左2隻燒帶子, SIZE都係細, 有好蒜茸, 味道OK。

晏就1點係新蒲崗揾野食都唔易。咁岩經過見到有間地舖日本野，有幾個人排隊，等唔算太耐，就入去試下。午市有好多學生係入面食，環境乾淨企理。睇到meua,主要價錢都係40-60蚊，學生仲會平小小。叫左個吉列豬扒飯再加玉子，朋友就叫左牛肉滑蛋飯加章魚小丸子。吉列豬扒有d乾，但味道唔會話太差。滑蛋牛肉就有小小頽。最出色係小食類（章魚小丸子同埋玉子）Total埋單唔洗120蚊，日本野黎講價錢好平民，食物質素唔會太差，性價比高。

點了一個滑蛋牛肉飯。個飯好味，甜甜的很入味。滑蛋也混合得很好，上面一塊粉紅的貌似是酒浸蘿蔔。小店有這樣的質素本來好值得安可⋯但計價方式有點點奇怪🤔餐牌上學生價超平，又話晚市加一。比五十蚊，阿姐話唔使找了，個加一12蚊？？？沒比我單，就未知是否我記錯⋯50蚊就貴少少

公司近近地去咗呢間日本嘢食環境位置座位尚算多不過午飯時間仍需要等位店內Menu多元化，有不同類型選擇例如魚生飯至便當類都有！今次叫咗個四色魚生飯，魚生種類多而且切件大舊感覺不太新鮮由於切得太大舊沒有食魚生嘅感覺似食一大舊肉一樣可能切得太大舊所以部份魚生好多筋影響口感不太好！以份量來說這個價錢的確沒有無得輸，但食物上希望可以作出改善，上菜速度亦很快令附近上班一族可以有一個舒服嘅地方享用亦不錯下次有機會會再食

在新蒲崗 ，經常也走過這店，尚算有客人在裏面！今天得我一人要找 lunch 食，就試下這間，真的有很多不同類型的丼，刺身類的其實也不算太平，但來到時的份糧尚算大份，刺身也很多，相信這個份量在一些比較旺的區份，一定唔只這個價錢！我叫了一個刺身丼（其實我唔記得叫咩名😂）上枱的樣跟圖片也很似，只是帶子細少咗D，亦非常好味！看到其他客人食的東西也不錯！只是略嫌店舗比較細，客人説話大聲的話，真的比較嘈！最慘是連店員自己（相信是老闆）也大大聲說話，甚至乎吵架（加點粗言穢語），令客人真的有點不舒服！這點作為服務性行業要留意唷！

在附近工作後，非常肚餓，隨便走時看到門口佈滿居酒屋的燈籠，便打算入來食點赤具刺身，入座後才發現這裡主要做丼，刺身種類很小，隨便叫了個「四季魚鮮丼」，店內只有一個職員，就是負責做丼的師傅，他一人包辦出品及服務，食品很快便到了，畢竟客人不多，而且丼做法簡單，直接鋪在飯面便可以了，一看，賣相不過不失，吃下後⋯嗯⋯所有的刺身都很重的雪藏味，看看餐牌，才知道原來小給了鮪魚，真鯛很大件，不知道是因為小給了鮪魚所以大件點補回，還是真的小給了，牡丹蝦有點臭，整體這個價錢差不多吧，但刺身不新鮮用雪藏我理解，但不要給壞了的吧

呢間想試好耐，海龍王呢個名好似好有氣勢⚡️今日試左個豚肉生薑燒丼$45超抵食，仲唔使加一😎賣相好吸引，配料勁豐富！豚肉除左汁醬，上面仲有黑椒同勁多京蔥，最愛京蔥！好香啊味道都提升左。,不過可惜係個豚肉調味太淡，我覺得無咩味。。後尾我唯有點豉油。不過估唔到配菜幾有驚喜，玉子好味。仲有舊酸酸地既蘿白，暖暖地添，幾得意。連天婦羅都有啊，有蕃薯同埋一大舊係用蔬菜條炸出黎既，炸粉唔會太厚，都唔錯。呢個價錢真係超抵！下次要試試魚生飯先

跟小友二人下午撐檯腳。他一向鐘情吃麵，尤其是日本拉麵，實在是到了一出去便非吃不可的地步。這一點和我，在揀食物口味上倒是有點相似....這一間"丼海龍王"，顧名思義以丼飯作主打。但除此以外，當然還貫徹著港式日本料理一向的風格，有著一系列的其他如拉麵及定食等東西供應....小友甫坐下，便馬上點了一碗叉燒拉麵....湯底，固之然是典型的人工味精湯；麵亦是甚淰且帶濃烈鹼味；只有叉燒較好一些，蠻有咬頭的不會太韌有渣，其中還有少許帶點肥的，不錯....至於丼物呢，這兒有好幾款的命名頗有點玩嘢的況味的，好像這一款"男子漢丼"便是....今天碰巧uni沒貨換上了帶子。在這一類亷價日本料理舖，壓根兒就沒有甚麼很大期望，吃時當要抱著"既來之則安之"的心態，反正換了甚麼也沒大所謂....以八十餘大洋換來的這一個丼來說，事實上水準亦理應收貨了 ----- 鮭魚腩厚切入口夠油肥美；帶子同樣厚身而甜糯；toro碎稍嫌份量偏少，入口不算達入舌即溶之境地，瘦的部份偏多自然少了甘口的感覺；鰻魚相對就更平平無奇了，肉質相當散，蒲燒汁塗得太多，味太甜太搶了....飯粒只是普普通通的醋飯，結成了一團團的沒有甚麼特別....不

以前的新蒲崗是工業區，不過隨著社會急速發展，有不少新落成的商場, 住宅和商業大廈，跟我記憶中的新蒲崗變化不少，相信不久將來這裡會有一番新境象o 眾所周知蒲崗不接近任何地鐵站，我從鑽石山地鐵站步行至餐廳約廿分鐘， 原來"丼海龍王"就在Mikki對面, 如果坐巴士會比較方便o 店舖細細間，裝潢簡約，座位蠻舒適o 由於舊同事一早到埗，而且安排好食物，我坐下不久食物便陸續上枱o 丼海龍王 ($98) - 刺身飯賣相精緻,刺身款式都算多, 而且件件又厚又大件, 鮮甜肥美, 都幾新鮮o海鮮鍋 ($88) - 材料很豐富,滿滿的一鍋, 海鮮的鮮味令湯底更香甜,一邊飲湯一邊吃海鮮,很滿足o鹽燒牛舌 ($38) - 薄薄的牛舌以海鹽即燒, 邊位燒得夠脆,燒得啱啱好,肉質很嫩很腍o 燒羊架 ($58) - 肉質軟軟綿綿, 肥瘦均勻, 帶有少許羊羶味道, 如果一點羶味都不接受的人, 便不太喜歡了o炸軟蟹 ($68) - 單看賣相, 實在不像炸軟穀蟹, 至於味道, 入口外層香脆, 吃起來啖啖肉,不過有點雪藏味 o

趕時間，得25分鐘，要系mikiki附近食飯。唔想再食老麥老肯，求其入左間日本餐廳。入到去就問老細咩飯最快，佢推介左呢個乜乜生薑薄炒豬肉飯（好似系）。跟住五分鐘之後，好似系，就上左一個大碗，入面勁多料。有開胃既酸姜，幾件天婦羅，一大堆炒豬肉片，仲有d粟米添。豬肉片超級嫩，調味好香。分量又夠多（我最後食唔曬）埋單四十幾五十蚊，唔算特別平，但以食物質素同分量黎講，個性價比都幾高。可能因為原本完全冇抱期望，所以食到好食就有種驚為天人既感覺。any肥，之後會再去試其他（系有時間既情況下）

在Mikiki對面，店面小小的，不過裝修令人感覺舒服，亦不會覺得擠迫。午餐餐牌，除左刺身丼亦有其他選擇午餐可以優惠價點一款小食，不過飯份量十足，唔洗點小食都已經好飽肚三文魚丼，三文魚腩大大件，仲要係厚切，好新鮮而且口感十足，十分肥美，好滿足。三文魚子相對上冇咁新鮮，但至少唔鯹，如果份量可以多少少就好。三文魚丼，同極上唔同在於有幾塊係灸燒三文魚，燒完嘅三文魚好香口，而且配搭食冇就咁食刺身咁膩以街坊小店來說刺身丼嘅質素唔錯，份量十足，刺身新鮮，仲有小小配菜。而且而家加'日式'二字價錢即刻升幾倍，呢間嘅價錢唔算好貴，算係令人十分滿足嘅午餐！