丼日本咖哩專門店 (已結業)

雜菜薯餅- 同老公倆份食, 不過有d溜咖哩炸雞飯- 個汁好香好正, 個雞好脆, 小食o既我成個飯都食晒咖哩吉列豬排飯- 個豬排唔鞋, 幾鬆軟, 唔錯

路經呢個食店多次, 都冇入去~個時新店試業重做緊8折添呀! 但而家冇了~~終於同男朋友去左食, 佢食炸雞球飯, 我食雞扒飯(冇炸) 一樣都係30蚊另外叫多個牛肉薯餅($15) 唔算好大, 但都幾熱! 點d salad dressing 幾好食~~炸雞食落都ok啊~~~ 夠脆, d雞幾滑而我既雞扒飯就冇咁好食, d雞冇咩味~ 但水準都唔錯, 好過貴佢成10蚊既味x拉麵~~服務不俗啊~~ 最好笑有部8達通機,好似自助式購物咁~~ 不過有人落單的話就唔試lu~~ anyway, 都幾多人買外賣如果你要求唔係好高, 可以一試

行開吉之島見到呢間餐廳新開張有８折，本想在外面睇下menu有咩食,點知冇,算啦,博一鋪:1) 牛肉薯餅咖哩飯 飯好少,汁好多,牛肉薯餅幾乎搵唔到d牛肉,但咖哩 ok既2) 咖哩炸豬扒飯 豬扒唔算好脆,但都好味3) 蜜桃沙冰 ok,幾好飲店內設計幾特別,兩排座位面對坐,中間隔左條"行",方便上菜店員都好有禮貌,不過食物款式偏少,價錢都唔平8折後都要成70蚊,如果唔係有折都未必來試!

我揀呢個寫因為我見個名有埋英文及地址係71號先啱.舖頭細細,食物少少,價錢唔抵($30幾蚊一個咖哩汁飯,幾舊餸,冇餐飲),不過見八折,入去試一試.9款咖哩飯(野菜,雞扒,魷魚,大蝦,豬扒,魚柳,雞球,牛肉薯餅,野菜薯餅)配菜同小食都係9款(即咖哩飯啲餸),來來去去都係呢9款.我要咗咖哩豬$33同咖哩魚$30,一個牛肉薯餅$12,一杯芒果沙冰(加$10),一支紅莓汁(加$10).Total$95,好彩有八折$76.普通的咖哩汁加白飯(凈汁,冇薯仔紅蘿蔔的),普通的豬扒,魚柳.牛肉薯餅唔得,得幾粒免治牛肉的淋薯餅.芒果沙冰又唔得,唔似芒果味的甜藥水,但支紅莓汁好飲,好似利賓納.可能係新開關係,我留意到個經理同啲員工好蝦碌!

誤打誤撞竟然來到這間雜誌有介紹過的咖哩專門店，最特別的是門口有一部用八達通付款的自動售票機。經過店員悉心指導後，我‘玩’得不奕樂乎（哈）。最後兩人點了兩個咖哩飯﹑兩個小食及樽裝飲品。咖哩炸豬扒飯，加炸魷魚，多飯多汁：咖哩沒有特別，味道就好像在吉之島買回來的十元一包現成咖哩汁一樣；炸醬和豬扒已分開哂，炸魷魚亦是（以為是魷魚鬚，至少ＭＥＮＵ上圖片是這樣，真身是薄薄魷魚一少片），上檯時材料全被咖哩汁蓋過，還會脆的就假＝＝；多飯多汁好像沒有多到似的．．．至少我這碟不夠汁撈飯吃～咖哩魚柳飯，多飯多汁：魚柳比炸豬扒和炸魷魚好，至少經過咖哩汁的‘洗禮’後，炸醬仍可以穩穩地固定在魚柳外面，而且又厚又大件，唔錯的。丼沙律：菜不新鮮，汁是沙律酸汁，其實是我鐘意的，但沙律雪得太凍，令到汁變成一粒粒０者喱。炸雞扒：連雞皮一起炸，因本身不吃雞皮，吃的時候有點麻煩；這個小食沒被咖哩汁佔過，終於食到少少脆的炸物了，入面的雞肉都幾滑～反而朋友唔討好這個，他嫌出品是不是熱的，我都明白炸物要熱辣辣上才是對的。其實以上食物上到檯只是暖暖地，加上我們坐正風口位，令到食物更快變凍。津路烏龍茶＆依騰園綠茶：買飯就可以加＄４有一支

某晚路過，本來都諗住食返想不起來，忽然見到有一間裝修很簡約的餐廳，而且做緊八折優惠。好快咁看過餐牌，其實餐牌裡的東西不多，大抵分小食，飯同配菜，飲品。價錢都不算貴。使用他那個八達通自助購票機幾好玩（但相信人多時就不能慢慢玩了），當然他們也有人手收銀的。叫了咖哩豬扒飯，咖哩魚柳飯，配菜＋魷魚，小食吉列雞扒，一個沙律。沙律味道不錯，幾有日式風味又不同於壽司亭的那種，是有點似冷麵汁那種味道。咖哩飯兩客都不錯，咖哩很日式風格，甜多過辣，而且也幾濃，不是水汪汪的那種。只是咖哩裡較少薯仔，紅蘿匐。小食都合格，只是來的吉列都落了少少氣，不及咖哩飯來得驚喜。無加一，無茶錢。而且上菜速度頗快。聽同行的吹水朋友說，週刊賣了兩次，可是人客還是不多，似乎要在菜式和味道上加把勁了。單靠一部八達通的噱頭玩不了多久。結論：值得一試（佢部八達通機）