影片
荃灣廣場對面
繼續閱讀
開飯介紹
設有香港首部日本咖哩自動售賣機的咖哩專門店。
繼續閱讀
營業時間
星期一至五
11:00 - 22:00
星期六
11:00 - 23:00
星期日
11:00 - 22:00
以上資料只供參考, 請與餐廳確認詳情
招牌菜
吃了第一次便已喜歡上這裡的咖哩......其實這條街一向都有很多食店，比較四正的食店多數都座無虛席，而出奇地這間咖哩店就大把位。於是第一次便跟男友試一試，點了個海老奄列咖哩飯，他點了咖哩豬 (點食物是要到前台點啊，還可用八達通非常方便！) 奉送是日例湯，味道有點喊。但招牌咖哩勁好味，加上他們的配料確實新鮮！之後與朋友前來第二次光顧，點了照燒雞扒咖哩飯。吃下第一口雞扒慢慢品嚐時，果然沒令我失望，好新鮮及相當好味，再配上咖哩香味令人回味無窮。另外這裡的小吃煎餃子味道不過不失，炸雞亦就有點炸得不夠脆，有待改善。另外或者可加蜜汁燒雞可供我這些on diet的小女子(無甘熱氣)。而拉麵由於想吃點清淡口味，便點了九州拉麵 (是下午茶餐)．味道不過不失，另人意外的是配料相當豐富，票米和昆布都很多很多。總括而言咖哩好吃，配料新鮮，選擇亦很多。但裝修較簡單，感覺冷靜，對於一些喜歡食環境的人來說，這個價錢可能不會選擇這裡。因為食完不會想慢慢坐下傾下計．另外店舖仿照日本速食店，要客人上收銀處買票，本人覺得在這條街可能不太適合。特別是多一家大細，以這價錢當然想舒舒服服坐定定，嘆著杯熱茶，有人來為客人落單，不用自己行出行入。希望堅持食物新鮮好味～！
繼續閱讀
點幾鐘起身諗Lunch 食乜野好,沖沖o下涼靈光一閃記得之前去荃灣整車o個時見到呢間日本咖哩飯店,二話不說,由屯門驅車試試佢.四點鐘到,入面只有一台學生. 我點o左一個牛肉漢堡扒咖哩飯再點多一個吉列豬扒小食,合共六十元,都算平.牛肉漢堡扒咖哩飯先上,扒大大長方形一塊放在飯上,先試咖哩汁...同我以前食過o既日本咖哩o既味道有好大出入,感覺有d似印度咖哩,因為入面好似好多香料咁. 下次試o下加五蚊轉蕃茄味咖哩試o下. 塊扒都係一般日式漢堡扒,比美式軟身,味道淡但都仲食到d牛味,唔錯.之後吉列豬扒到,貌相大大塊,炸得幾靚, 二話不說夾o左一舊, 幾好喎 (自吃過井吉o既吉列豬扒後,每次食其他吉列豬扒都覺得好唔滿意) 塊豬扒夠淋但唔會好大陣醃肉粉味, 係個皮唔夠鬆,但十分滿分我會比起碼七分.個湯我就覺得一般,好似咸o左少少.總括而言唔錯,有機會再試埋menu 其他野, 不過希望店員可以唔好成日企o係我面前
繼續閱讀
今天下午跟媽媽和嫂嫂到金滬食二人套餐, 吃了很多次, 所以不再寫食評! 傍晚...老公返黎...沒有什麼主意, 試下呢度啦! 由於住係附近, 由佢開...然後休息數天裝修...再開業賣埋拉麵....每次經過都係得一, 兩張枱, 今次我地入去時無人, 坐坐下先有第二 pair!老公叫了咖哩牛扒飯, $42, 外圈是咖哩醬, 然後是飯, 飯面有牛扒, 牛扒面有幾條日式前菜! 老公話牛扒都可以, 我食過啲咖哩醬, 啲啲辣, 咖哩香味淡淡的!我就叫咗昭和拉麵, $45, 即係什菜拉麵, 我既拉麵仲貴過碟飯, 不過, 什菜有好多...椰菜, 木耳, 芽菜等等, 麵都好足, 我都食唔哂!環境清靜(因為無乜人), 廁所企理, 侍應門著都打 tie, 不過, 價錢就唔係好配合呢條街, 要生存就要再諗諗計!
繼續閱讀
路過大壩街，有不少食肆. 可能因為個招牌太細同埋唔起眼，初時真係唔為意呢度有間咖喱飯專門店... 裡面環境都係一般，比較暗同埋焗，有時播 d 較嘈既音樂，同餐廳路線唔係好夾。呢 d 外在因素，可能係令到間店舖少人既原因之一。講返佢 d 食物質素先。佢 d 茶式，不外乎咖喱、咖喱、再咖喱 ~ 間唔中食一次都唔錯，咖喱少少酸甜而且帶點辣.. 幾開胃，所以都會食到大半份既飯。但覺得相比起一般既日式食肆 / 扮日式食肆來說，佢唔夠「體貼」-- 因為每個人對咖喱既接受程度都唔同... 如果佢既咖喱飯可以有唔同程度既辣味去選擇會仲好。不過，我又覺得佢 d 飯又唔算話好抵食.. 叫個雜菜薯餅飯，一塊野菜薯餅加 d 汁就 $28 ~(晚市唔包野飲果隻) 除左紫薑外便沒有其他配菜，個賣相都比較「寡」.. 講真，就算去 city super 買塊貴少少既薯餅都係 $10... 咁計法，d 咖喱汁為起都幾貴喎 之後有次下午同同事去再食... 唔知係 promotion 定係做午市既關係，有免費湯同飲品送 (tropicana 蘋果 / 橙)，感覺上抵返少少咯。不過，果次叫個八爪魚丸飯... d 八爪魚丸同 expect 既有出入，可能我以為裡面會係比較 liquid 果 d，但佢就好似係 d 高品質少少既八爪魚丸... 味道就幾好，但得果三粒，而個碟又大，搞到個賣相有少少小家咁咯。如果間唔中去食一次，想試下另類野... 呢度會係唔錯既選擇。但如果話成日食哩.. 就唔會考慮呢間了。
繼續閱讀
上次路過這裡今日決定試一次!經理推介的勁多芝士豬扒, 實在對於ON DIET的女士有點兒那個.結果試另一個賣相不俗的海老奄列咖哩飯雖然只是一般.但賣相真的唔錯~大家可以睇下..
繼續閱讀