丼吉日式吉列豬排專門店 (世貿中心)

營業中

休息中

想食炸豬扒飯﹐求其一間茶餐廳或港式日本料理﹐用$28-48就可以食到。TONKATSU 最小開價$128+10%﹐但閒日都要排隊等位﹐當然有原因。踏進門口﹐就聽到親切既一句“歡迎光臨”。感覺跟那些講錯o西既“二拉生依媽些”順耳得多。小弟跟女友點了﹕-炸生蠔飯($168)-滑蛋豬柳飯($138)炸物要做得好﹐原料就最重要。這當然係一分錢﹐一分貨。始終要用上上等豬肉﹐先做到這種鬆軟既炸豬扒同豬柳。脆皮炸得鬆化乾身﹐完全唔會覺得油膩。炸生蠔都算大隻﹐蠔味很香。食物溫度剛好﹐唔會太熱。這點細心值得一讚。簡單幾件炸物﹐幾片黃瓜﹐生菜絲﹐一碗水晶米飯﹐以經很滿足。屈指一算﹐TONKATSU 以經係香港經營10多個年頭﹐但水準就10年如一日的好。難得難得。

早幾日去食,好多人,排左好耐隊但食完覺得都係值得既同朋友一人一個餐,好鐘意大蝦,好彈牙美中不足既係坐低patpat都未暖個部長就話幫我地落order...都要諗下架侍應幾好,有講有笑,仲好有心機介紹醬汁佢話黃色spoon個隻好好味!真係架!下次會再去,但一定會book左位先大家注意, 星期一到星期四先有得book架!

Good view! jackie and I go there . First,自己磨芝麻FUNNY! Second,order jor 炸蠔and 炸豬柳,貴but keep 到炸蠔and 炸豬柳juicy! The waitress is nice!Worth to try again!

今日3個人去食dinner點左1. 吉列豬排+ 吉列生蠔(定食) $1682. 蟹餅+ 炸蝦(定食) $1583. 吉列雞扒(定食) $1xx大家交換每樣都食D, 不過結果一致!都係投吉列生蠔一票!大隻, 肥美, 真係好好食~2種肉好正, 好鬆脆, 完全唔覺食緊肉~第一下咬落去出奇地好易咬開, 絕對唔洗你又扯又拉~!佢仲會上肉之前畀你自己磨芝麻~!點左又真係好食D喎~蝦呢... (唔記得佢叫海老定天婦羅)有平時食新鮮蝦咬落去既口感~而且仲好長好大隻!蟹餅, 內有少量蟹肉, 但D薯做得好香好軟滑~雖然唔係話特別出色, 不過如果鐘意食奶油薯餅既朋友一定鐘意食佢~ (我係其中之一 )飯後佢會問你添唔添飯~仲有每人3片西瓜, 都幾甜~係就貴左少少, 不過食物, 服務, 坐位都有質素, 係咁上下啦哩個價~埋單有加一

吃得太多吉列垃圾。某天，女友說要來這兒吃「日式吉列定食」。我們點了双拼餐，$168 另加一。等了十五分鐘便上桌。其間，我們研磨烘過的白芝麻，好香，感覺好好。味噌湯：但巳經唔記得什麼味道。（還不是因為炸物太正點！）主角：吉列炸物選了「大海老‧豬柳」和「生蠔‧豬柳」。大蝦好鮮甜幾大隻；豬柳超鬆軟，夠豬肉鮮味；生蠔味濃正正正！！！秘製特色醬：有豬扒汁、紫菜汁、柚子汁、他他醬。就咁睇，唔知什麼醬打什麼醬，幸好店員主動相告。全部都好味。任食的有：珍珠米飯煮得濕度剛好，椰菜絲鮮甜唔苦。我飯食兩碗，椰菜絲吃成三個rounds。（此餐唔平，主食份量唔多，所以飯同菜要食番夠）鮮青瓜片，爽脆新鮮。甜品是西瓜兩片。貴，但肯定有下次。

間唔中，一頭半個月都會去呢度食飯。第一次食，最感動係佢一入口，並非一般炸物熱到你傻，而係溫度剛剛好，好鬆化，之後都keep到呢個水準，尤其係炸蠔同炸豬柳，保留到肉汁，又有鮮味。佢個伴醬幾特別，有得自己玩下，不過本人比較鍾意點芥末。之後介紹左教我日文既日本肥佬老師去，佢都話好好食，不過貴左ｄ咁啦。最神奇係，不論幾時去，最後上個幾舊西瓜都係甜既！

我地去到門口就已經有兩PAIR人係度等緊，咁個小姐比左TICKET我地之後，我地咪坐埋一邊。等左10分鐘忍唔住過去問仲有幾耐先到我地，點知個小姐話我地已經可以入去。真係令人廢解~之後叫了兩個SET，一個係生蠔同豬柳，另外一個係豬柳同蝦。因為期望好大，所以都幾失望下個豬柳無錯係唔乾同埋D肉都OK軟，但就全無肉汁可言，不太似食緊豬肉，只係FEEL到自己食緊舊肉蝦~無乜SPECIAL WOO蠔，唔覺有好多汁，唔知佢係唔係炸得熟得滯不過菜加汁都幾好食，同埋D飯都OK雖然係炸野都算OK，不過有D失望加唔WORTH咁貴至於個麵豉湯，飲得出有味精同埋真係好普通。

炸蠔超級好味炸豬扒和炸豬柳都好出色炸蝦就冇乜驚喜餐廳提供好多款汁點唔同既食物，服務都幾好!不過呢，6個人食左成千幾蚊，真係唔值咁貴喎，平一半就差不多喇!

幾多日本人食,照經驗,應該代表好食炸豬柳,炸蝦拼蟹餅,都好味豬柳真係好鬆化百幾蚊, 有海景位坐, 都可接受.

3月18日約7點黎呢度拎位.. 大約等半個鐘就有位了(選了吸煙區, 但座位比較少..而且兩個人還坐了六個人卡位..)食物方面選擇了二人套餐麵豉湯- 普普通通..炸生蠔- 幾好味.. 值得吃.. 炸蝦- 幾大條...但因友人喜歡吃..我無食到炸豬柳- 幾鬆化.. 幾有肉味..炸豬扒- 呢個比較乾身同硬.. 食完覺得有D飽既感覺...D生菜絲要加D汁先好食..如果就咁食會無咁好味...咖喱汁幾好味的~用黎撈飯真係一流..餐飲方面.. 我揀左奇異果汁.. 真係好好味呀, 友人就揀左青檸梳打.. 服務方面.. D侍應幾NICE, 佢地會好有耐心咁教你D醬汁既食法.. 同埋人手都幾充足.. 至少都要去一次試下~

這裡的吉列蠔、豬柳好食唔使多講但係我覺最經典其實是車海老和菜肉湯‧車海老其實就是香港人叫的大花竹蝦這裡蝦的體積大到九至十吋成隻龍蝦咁一客兩隻‧仲要隻隻有膏‧肉身爽甜‧以我水上人出身食過好多靚海鮮都話好野！菜肉湯就好有日本小店風味‧山藥、枸篛、蘿白和鴨兒芹的味道在肉湯混為一體出面真的好少飲到‧但是有些人會話咸‧因為日本人興落好多味噌，但是車海老是季性供應所以只賣好短時間、所以平時只叫蠔、豬柳和菜肉湯補數！

炸蝦炸豬柳炸生蠔都係無敵，鬆脆內軟，肉汁成功鎖住，ｄ飯都勁正，粒粒晶瑩完整。睇左之前個ｄ食評所以無食魚生。多人等位所以一定要預早定位．．．先有無敵海景送飯

除了炸豬柳外，炸生蠔是我的至愛；鬆脆的外層，包裹着緊熟的鮮蠔，一口咬下，蠔香和蠔汁直滲口中，滋味無窮。這裡的椰菜絲清甜、爽脆，配以柚子汁味道更可口，更添層次感。小食如軟殼蟹和凍豆腐都值得一試。這兒也有霜降牛肉供選擇，不過可免則免，始終牛肉唔應該炸，有浪費材料的感覺，而且價錢不化算，做出來的效果也不好。整體來說，這兒的食物質素甚有水準，雖然全是炸物，選擇也不少。順道一提，可試試咖哩汁，味道香濃且不太辣。星期日晚要早點到，否則要等位。

同兩個朋友黎試.. 之前見食評講到好唔錯.. 而同行友人亦親身試過話好好味.. 咁就決定黎試下啦.. 我地預先book 左張sea view.. 入到去, 環境好唔錯.. 都好有私人空間..我地叫左兩個前菜.. 薯仔沙律+八爪魚芥末毛茄, 另外叫了一個三人套餐.. 包括有炸蠔+炸蝦+炸豬柳+炸豬扒.. 每樣炸物都好好味.. 外面很脆但一d都唔油.. 而內面既餡仍然很鮮味.. 尤其係蠔.. 真係好多汁.. 好好味.. 其如o個幾樣都好好食.. 加上有很多醬汁配合番.. 真係好match.. d飯都好食.. 大家都食到好鬼飽呀.. 飯後仲送西瓜添.. 幾甜~~~

可能又係因為太多人讚o既關係,所以又係覺得有d過譽o既...唔係話唔好味,係無咁誇張o者我地叫左'蟹肉薯蓉併大蝦定食'同'串標大蒜吉列豬柳定食',再加兜咖哩汁無咩特別,叫做拍得住日本和幸吧~每人添過一次飯就夠了(其實係因為有咖哩汁剩先添咋)最鍾意反而係佢d椰菜+柚子汁(sauce)同埋服務態度唔錯!