81
20
6
港鐵香港站 B1 出口, 步行約1分鐘 繼續閱讀
所有分店 (8)
電話號碼
28992922
開飯介紹
餐廳主打日式吉列豬扒,其豬扒外皮夠脆內裡鬆化,椰菜和白飯等配菜可免費添吃,店員服務殷勤有禮,值得一試。 繼續閱讀
營業時間
今日營業
11:30 - 22:00
星期一至日
11:30 - 22:00
付款方式
Visa Master AlipayHK 支付寶 現金 八達通 AE 銀聯
座位數目
50
其他資料
Wi-Fi 詳細介紹
酒精飲品
自帶酒水 詳細介紹
切餅費 詳細介紹
無障礙設施 詳細介紹
泊車 詳細介紹
外賣服務
加一服務費
以上資料只供參考, 請與餐廳確認詳情
食評 (127)
等級1 2024-05-21
0 瀏覽
今日經過IFC見到Lee 間餐廳好多人排隊,所以就去試下,真係排咗好耐先入到去,估唔到佢嘅價錢又唔算貴(係IFC黎講,喺其他地方就算貴啦),選擇都唔少!!落單嘅時候職員介紹咗1號餐,因為有豬扒,蝦,蠔,有肉亦都有海鮮,咁我就叫左個1號餐同加左個日式豬肉湯。佢個豬扒食落幾Juice,唔似出邊啲豬扒會好乾身,而且佢白飯同菜係可以免費添加,佢個豬肉湯都好好飲,唔似出面果啲好假,好重味精嘅味。但係有樣嘢好奇怪,日本餐要收茶錢,呢個係咩玩法?而且茶錢都仲要收埋+1服務費,仲要冇得比我選擇要唔要個茶!😡 繼續閱讀
(以上食評乃用戶個人意見 , 並不代表OpenRice之觀點。)
等級1 2024-05-14
0 瀏覽
除左環境好之外,其他方面根本同食普通茶記差唔多,毫無性價比可言。首先,叫左個二人餐,豬扒係一早整好,似係中午賣剩,食落唔夠新鮮,肉地好硬,只不過用燈黎保持熱度。其次,配料完全唔掂,芝麻冇味、飯太黏,好似壽司咁。而且,沙律菜係完全乾既,飲完既茶令人喉嚨極乾。比左五百幾蚊可以食其他更加好既野食,大家諗下有冇需要去幫襯。 繼續閱讀
(以上食評乃用戶個人意見 , 並不代表OpenRice之觀點。)
等級2 2024-01-30
1113 瀏覽
入去亞博館之前喺IFC食個晚餐,之後方便直接坐機場快綫入亞洲博覽館。四個人18:00😍同行有人唔食吉列嘢,叫咗一個迷你刺身另外加白飯麵豉湯同漬物賣相唔錯嘅,係細分咗少少。另外嗌咗一個三人份嘅吉列套餐裏面有豬柳豬扒三件吉列炸蝦同埋三件吉列炸蠔。當中白飯同埋椰菜無限添加,服務員都好勤力每次傾過嘅時候都睇吓我哋有冇需要加菜。另外upgrade咗每位$38嘅豚肉湯。餐後每人送一杯西瓜,清甜可口。埋單$1310,人均消費$327.5。 繼續閱讀
(以上食評乃用戶個人意見 , 並不代表OpenRice之觀點。)
😚中午放lunch差唔多每次都嚟食咁滯,一至星期五佢哋都有出lunch set,個價錢比普通餐單又平抵食😋,最特別嘅係佢有好多唔同組合,份量一定夠飽,就算唔夠仲可以免費加飯加椰菜😍,佢哋嘅豬扒係一定要去試嘅,雖然係炸物,但係食多都唔會膩,因為佢有配椰菜,中和咗炸物嘅油膩🤩!食咗咁多次lunch set,我最鍾意嘅就係佢嘅5號6號餐,又有刺身又有炸物又有椰菜,每次食我都非常享受😆,刺身都好新鮮! 服務員非常專業同友好,每次見到第一次嚟嘅客人有好多唔明嘅地方,佢哋都會一樣一樣同客人解答,譬如最多嘅係唔知道嗰三個醬汁係點樣去用?!服務員到非常有耐心嘅去招呼!服務友好周到,用餐環境舒適,所以每次唔知食咩我都會依然選擇呢間😂 一定唔會失望! 所以我強烈推薦大家一定要去試吓食😋✌🏼! 繼續閱讀
(以上食評乃用戶個人意見 , 並不代表OpenRice之觀點。)
啱啱去咗一間戇直嘅食堂嗌咗啲好食到喊嘅豬扒定食,一啖啖厚肉,每咬一口都滿足到爆炸😍!吉列豬扒外脆內嫩,啲皮炸得金黃酥脆,簡直係對耳邊作樂,肉汁鮮美得嚟唔油膩,嗌埋碗熱辣辣嘅麵豉湯,真係食得出心機同埋溫暖呀!跟住試咗個大蝦,炸得啱啱好,唔會過於乾身。輕輕一咬,海鮮鮮味就喺喉嚨裡面打轉,彈牙得黎全身都話好👍。嗱,仲有個吉列蠔,肥美彈牙,每一啖都嚼得出海邊嘅味道。不過,豬柳就普普通通,乾嘅滋味明顯啲,但總體黎講,每啖都係咁令人滿足。飯後點咗個水果杯,甜甜酸酸,完美收尾。職員嘅服務都有模有樣,令呢頓晚餐加分唔少。總之,呢度嘅餸唔需要花巧嘅說明,因為實在太好味啦,會再黎㗎🎉! 繼續閱讀
(以上食評乃用戶個人意見 , 並不代表OpenRice之觀點。)