丼丼屋 (MOKO新世紀廣場)

營業中

休息中

去開旺角MOKO 新世紀買嘢，正值晚餐時間，見到呢度都開咗間 ［丼丼屋 X 鳥開］聯乘店，裝修好靚，係我鍾意嘅和風系😍 而家做緊期間限定「松葉蟹丼」同埋「鳥開壽喜燒火鍋定食」，睇相已經相當吸引🤩一於試吓新嘢啦🤤🦀 松葉蟹丼$118 冬天係螃蟹盛產嘅季節，呢個時候嘅蟹，係特別肥美！估唔到呢個松葉蟹丼咁抵食，比勁多蟹肉唔手軟！最緊要係啖啖肉，唔使拆殼！除咗蟹腳、蟹鉗、蟹肉，仲有蟹膏，蟹肉嘅份量係相當之多，肉質綿彈厚實，鮮味十足！蟹膏又濃又香！回味無窮！🤤如果你係一個蟹癡，仲可以根據你嘅喜好，繼續追加單點唔同嘅部位：「松葉蟹鉗」$38/2隻「松葉蟹腳肉」 $48/5隻「松葉蟹肉」 $32/40g🍲 鳥開壽喜燒火鍋定食 $128平時食壽喜燒食牛肉就食得多，雞肉真係第一次食！用上日本名古屋著名雞肉料理店「鳥開」嘅秘製特調壽喜燒湯汁，內有日本雞腿肉、金菇、冬菇、本菇、芋絲同大蔥，再跟個白飯。雞肉鮮嫩，沾上日本生蛋汁，菇類同白飯索晒壽喜燒湯汁，Oishii~~!!👍🏻🌟 餐點可以+ $18 轉定食，包括麵豉湯、沙律、寒天及果茶連甜品都食埋，夠晒圓滿呀！

「松葉蟹丼」🦀成碗都擺咗滿滿嘅蟹，包括：蟹鉗、蟹腳、蟹肉同蟹膏，可以一次過品嚐😋蟹肉濃郁鮮甜無腥味，而蟹膏就甘甜滑順，呢個配搭身為蟹迷表示不得了😍另外「松葉蟹鉗」、「松葉蟹腳肉」同「松葉蟹肉」都可以單點👍🏻鳥開壽喜燒火鍋定食🍲：壽喜燒喺家傳戶曉嘅日式鍋物，今次丼丼屋以嫩滑嘅日本雞腿肉替代咗傳統嘅牛肉，配上日本愛知縣名古屋著名雞肉料理店「鳥開」特調嘅壽喜燒湯汁，再配上金菇、本菇、金菇、芋絲等材料🍄而湯底味道甜甜哋，食材嘅特殊鮮味仲有提鮮作用，再吸咗湯汁嘅味道，增添湯頭嘅豐富層次，真係令人欲擺不能呀💓我哋另外加咗$18超值優惠價升級為定食🍱連同前菜、麵豉湯及果茶，真係好抵食🤭

【丼丼屋x鳥開】聯乘店最近進駐咗MOKO 仲推出咗兩款冬日新產品！🤩🍴松葉蟹丼 ($118) 呢款丼飯有齊晒松葉蟹鉗、蟹肉、蟹腳同埋蟹膏🦀真係好足料！！仲要全部都已經拆哂殼 啖啖肉好正☺️蟹肉肉質扎實 而且鮮甜得嚟又帶有少少海水嘅鹹鮮味 正！👍🏻蟹肉連埋蟹膏一齊食 或者用蟹膏撈飯 都一樣咁正❤️我地另外加左$18升級做定食會有埋前菜、麵豉湯、果茶、甜品😆🍴鳥開壽喜燒火鍋定食 ($128) 天寒地凍就梗係要食下火鍋😍今次呢個一人壽喜燒用咗日本雞腿肉代替牛肉再配撘名古屋著名雞肉料理店「鳥開」特調嘅壽喜燒湯汁 配料仲有豆腐、金菇、冬菇、本菇、大蔥同芋絲好豐富☺️日本雞腿肉好嫰滑 而且都幾大嚿蘸埋日本生蛋汁一齊食會更鮮甜🫰🏻壽喜燒湯汁甜甜哋 撈飯食一流😋

「冬日限定壽喜蟹宴🦀️」✨每逢冬日，總是是吃蟹和火鍋的好季節這次來到人氣日式定食的丼丼屋MOKO新店品嚐限定的冬日雙重滋味！！✨松葉蟹丼定食 $136包括了蟹肉，蟹膏，蟹腳和蟹鉗血肉真的是很甘甜清新🥰盡享松葉蟹的各個部位充滿了濃郁的蟹鮮味✨鳥開壽喜燒火鍋定食 $128量身定制的冬日一人限定火鍋套餐選用日本愛知縣名古屋著名雞肉料理店「鳥開」的特調壽喜鍋汁🔥以雞腿肉代替傳統牛肉，搭配日本生蛋❣️盡收各色各樣食材的鮮味和壽喜鍋汁的風味

同朋友去MOKO行街行到攰都想食吓日本嘢但又想食啲暖笠笠嘅最後揀咗丼丼屋一次過滿足曬我哋嘅願望因為朋友同我都幾鍾意食蟹又適逢冬天係蟹嘅季節所以揀咗呢個蟹丼松葉蟹丼定食 - $118配前菜，麵豉湯，果茶 - $18幾欣賞個前菜個調味唔錯仲有少少薯仔蓉喺度增加口感麵豉湯都唔會太鹹丼飯上面有蟹鉗，蟹腳，蟹肉同蟹膏蟹肉份量都幾多而且好鮮甜蟹膏相對較為濃味但用嚟配飯就啱啱好了而且蟹鉗同蟹肉仲可以單點唔夠喉嘅可以再追加而且呢個仲係期間限定有興趣嘅要快啲去試鳥開壽喜燒火鍋定食 - $128配前菜，麵豉湯，果茶，白飯 - $18平時壽喜燒牛同豚就食得多雞好似真係少食啲都幾特別 所以特登叫嚟試吓雞腿肉熟咗之後好厚實但仲Keep到好嫩滑呢個壽喜燒個湯偏甜濃郁但一啲都唔會膩原來用咗日本名店「鳥開」嘅特調壽喜燒汁最尾嘅蔬菜吸晒啲湯汁尤其欣賞芋絲同豆腐因為好入味原來呢個都係期間限定嚟鍾意食雞嘅朋友唔好錯過鳥開手羽先 - $38/2隻正常發揮肉質都幾嫩滑特大赤海蝦 - $40/2隻鮮甜彈牙蝦頭啲蝦膏都好濃郁

碁子麵似扁扁地烏冬，配上麻醬凍凍地好清新，配菜顏色加分有玉子、蛋絲、泡菜、紫菜、肉、蔥花，少少辣，幾豐富同開胃 不過對我嚟講少少滯，建議女仔肚餓時食就啱韓風溫泉玉子冷碁子麵伴胡麻醬$ 58（有加一）

支持咗丼丼屋好多年，今次有新店喺MOKO開，即刻去食雞肉親子丼招牌菜。味道keep住一貫嘅高水準，但遺憾嘅係成碗飯都係得十粒八粒 1cm x 1cm大小嘅雞肉。懷疑係咪啱啱開業雞肉備唔夠貨…… 去咁多次其他丼丼屋都未試過咁離譜。希望幾個月之後再去會有改善。