丼丼屋 (MOKO新世紀廣場)

營業中

休息中

🪭日式丼物專家《丼丼屋》一直以來不停地推出不同新丼物，可以不時品嚐到各款日式料理。今日經過「MOKO」《丼丼屋》，發現最新推出嘅期間限定係「極上德島魩仔魚丼」，由來自日本四國德島縣嘅魩仔魚以「蒸」同「炸」兩種烹調手法炮製造成丼品呈現，價錢為$92 ，另加$10可升級為超滿足定食，包前菜、味噌湯、甜品及果茶，性價比極高！推廣期做到6月3日。前菜日本納豆醬油物，味道唔鹹，易入口嘅前菜小食。味噌湯餐前暖暖胃，仲有腐皮粒，味噌味唔會太鹹，一碗夠哂喉。極上德島魩仔魚丼定食，$102來自德島嘅魩仔魚外表細細粒粒白雪雪，有清蒸同酥炸嘅兩重食法，清蒸口感細嫩，酥炸就口感香脆，兩種口感交織，一丼盡嚐雙重風味。另外，加上吞拿魚蓉、吞拿魚、三文魚同三文魚籽，中間仲加入咗一隻醬油漬嘅日本生蛋黃🍳，拮穿蛋黃心令蛋黃流入喺海鮮魚生入面，滋味極致。德島魩仔魚漬蕃茄 ，$28同樣加入咗兩款特製清蒸與酥炸嘅魩仔魚，而酸甜漬蕃茄淋上柑橘🍊沙律汁，食落非常清新，飯前食半個好開胃，留一半飯後食好解膩，可以啪哂成個蕃茄🍅真係大滿足，愛酸既熊妹大推呢款新產品👍🏻。澳洲和牛壽喜燒拌烏冬定食，$106牛肉🐮用上壽喜燒汁煮起，醬汁濃烈

今日天氣熱到爆，似焗桑拿咁，特別想食啲清爽嘅日本嘢！一諗到性價比高嘅日式餐廳，就即刻諗起丼丼屋。佢哋食物質素唔錯又抵食，今日特登過嚟試吓升級版餐牌，食完真係有驚喜，唔寫低同大家分享唔得！。一入餐廳，門口熱鬧，電子屏幕仲放新菜式宣傳，望落好吸引！店內木色設計，燈光暖暖，坐低好舒服。我點咗最新出嘅鹽蔥厚切牛舌丼定食同贅沢三種吞拿魚定食。。先講鹽蔥厚切牛舌丼定食，牛舌切得夠厚，煎得外層微焦，咬落juicy又有咬口。配秘製鹽蔥醬，鹹香清新中和油膩，日本蛋黃戳破後撈飯，香濃唔膩，日本米飯煙靭有米香。定食仲有味噌湯同寒天，湯鮮甜，甜品解膩。。另一款係贅沢三種吞拿魚定食，呢個定食真係吞拿魚控嘅福音！佢有三款唔同嘅吞拿魚迷你丼，每款都各有特色。第一款係赤身配醬油玉子丼，赤身切得厚實，口感好紮實，唔會太肥，但又有少少油香，配上醬油漬蛋，戳破蛋黃之後撈飯，蛋汁濃郁得嚟好香，赤身沾咗蛋汁之後入口更加嫩滑，味道好濃郁。。第二款係炙燒拖羅・拖羅蓉井，呢個真係我最愛！炙燒咗嘅背中拖羅蓉外層微微焦香，內裡仲係好軟嫩，魚脂嘅甘香味好突出，配上少少蔥花，清新嘅蔥味同油脂嘅濃香好平衡，食落完全唔會覺得膩。。第三款係特上中

朋友鍾意食丼飯，特登同佢去充滿日本feel嘅丼丼屋。今次發現丼丼屋主餐目升級咗，新增7款丼物料理，好開心有好多款式揀。🌟「贅沢三種吞拿魚丼定食」 （期間限定) $118～配吞拿魚湯、副菜及果茶～呢個定食包含咗三款迷你丼飯，全部以吞拿魚不同部位做丼物，並附上吞拿魚湯，誠意滿滿，百零蚊價格好親民！• 赤身配醬油玉子丼赤身口感紮實，用醬油漬蛋拌開，滿滿蛋汁令赤身入口更細嫩。·炙燒拖羅•拖羅蓉丼經炙燒嘅拖羅 結合拖羅蓉，兩種不同嘅口感，但都充滿魚脂甘香。·特上中拖羅刺身丼厚切中拖羅片，油脂豐富，彷彿入口即溶。🌟咖哩滑蛋吉列雞扒飯 $72 （新）～加$18升級定食～咖喱滑蛋系列新出咗「滑蛋吉列雞扒飯」，雞扒炸得鬆脆，但內裏仍然Juicy唔嚡口。秘製咖喱汁幾厚身，配滑蛋同日本米飯真係perfect match!除咗主食之外，餐廳仲有多款小食可以用優惠價加配：🌟班戟伴爆谷味雪糕配焦糖醬 🌟北海道濃厚芝士薯餅 🌟吉列蝦🌟日本白桃梳打

早兩日同阿女行完MOKO肚餓想食下午茶，見到丼丼屋優惠定食，最平$48🤩即刻俾佢吸引咗😜✨芝士蟹柳滑蛋丼定食 $48性價比🥇成個定食包咗前菜+麵豉湯+甜品+飲品！味道方面都好得👍🏻 綿密濕潤滑蛋加埋濃郁芝士完美融合，仲有大大條鮮甜蟹柳增加口感層次～✨雞肉築前煮定食 $98來自福岡嘅日式家庭料理主食，用咗福岡傳統燉煮雞肉同野菜，雞肉軟嫩又juicy，蓮藕、茄子，南瓜、紅蘿蔔等野菜吸收晒濃郁嘅湯汁😍 送飯一流！個餐仲包咗三文魚刺身、玉子卷、鹽燒鯖魚、前菜、麵豉湯、甜品同飲品👍🏻

德島魩仔魚漬蕃茄德島魩仔魚漬蕃茄表面鋪上好多蒸魩仔魚同酥炸魩仔魚，擺盤精緻。味道方面蕃茄酸味幾突出，清新開胃，蕃茄肉口感爽脆。蒸魩仔魚口感軟嫩而酥炸魩仔魚口感香脆，令到整體口感層次非常豐富。極上德島魩仔魚丼定食德島魩仔魚我都係第一次食，魩仔魚丼有蒸魩仔魚同酥炸魩仔魚，一次就可以食到兩種方法整出嚟嘅魩仔魚。丼飯仲有勁多吞拿魚蓉、吞拿魚、三文魚同三文魚籽，真係超吸引！而中間亦有日本生蛋黃，弄破之後，蛋黃就融入係飯同魚生入面，口感好rich。鐘意食香蔥同薑蓉既朋友，仲可以自行加上一齊食添！味噌湯味道唔會太鹹，黑糖冰粉作為甜品，口感Q彈，有好香黑糖香味，味道甜而不膩。莓果味果茶幾香，唔會太甜！名古屋鳥開親子丼名古屋親子丼賣相好誘人，成碗都係金黃色既蛋液。雞肉同蛋都非常滑嫩，口感好豐富。每一啖都有好濃郁既蛋香味！而炸雞翼外皮酥脆，味道鹹香，肉質幾嫩。

經過丼丼屋，看到有魩仔魚丼飯，懷念起日本的魩仔魚丼，決定來試試期間限定的徳島魩仔魚丼。🍚極上德島魩仔魚丼定食餐廳近期推出的期間限定丼飯「極上德島魩仔魚丼」，丼飯滿滿魚生。魩仔魚使用日本四國德島縣魩仔魚，以「蒸」同「炸」兩種烹調手法炮製，很清爽新鮮，三文魚與吞拿魚粒豐富，上面再放上半熟蛋黃，配上日本米很美味。搭配定食只需加10蚊，就能享有配菜、味噌湯、甜品與飲品。另外仲有小食「德島魩仔魚漬蕃茄」，清新開胃。🍚咖哩滑蛋吉蝦飯黃澄澄的滑蛋飯，搭配上一旁濃郁的咖哩，微辣微鹹的口感，配飯一流。主角炸蝦有三大隻，現炸的外皮金黃，一口咬下好酥脆，裡面蝦肉飽滿彈牙。

平時我們也很喜歡到日本餐廳，丼丼屋也是我們經常去的餐廳，因為媽媽喜歡吃刺身飯，但是我就一定要吃熟食。燒和牛丼定食只需要$98的和牛丼價錢真的10分便宜，不過略嫌黃牛比較韌，不似非常貴的和牛質素，不過味道也不錯。另外叫了一個限定版的三文魚三色飯，三碗飯之中有一些是火炙的，有些是普通刺身的，加上明太子等等其實味道也不錯，魚生都非常新鮮，牡丹下次最好吃的，套餐另附上甜品和飲品。如果日本餐來說，這個價錢都不算太貴，魚生起碼新鮮到滿意，服務也不錯，環境上也夠寬敞，不過用餐時間只有90分鐘，如果想和朋友暢談來一點的話就不要來這間餐廳了。

一向喜歡食丼飯嘅我，知道日式丼物專家丼丼屋由即日至4月22號推出期間限定滑蛋炭燒牛肉丼，當然把握機會去試一試😋滑蛋炭燒牛肉丼 $78 用炭火燒烤過嘅牛肉，香氣十足，再結合細滑嘅滑蛋，牛肉軟嫩滋味突出😚配合日本生蛋黃，拌勻後為牛肉丼飯添加順滑口感，味道同口感層次up🆙另外可以用$32優惠價加購厚切三文魚帆立貝刺身，厚切三文魚同帆立貝相當肥美同鮮甜，鮮味double up!我哋仲叫咗豚肉鍋燒烏冬定食同炸魷魚鬚，烏冬定食配料有菇類、蔬菜、腐皮，用料豐富，烏冬夠晒滑，炸魷魚鬚夠晒彈牙又香口，好味道👍🏻 完美嘅晚餐點少得飯後甜品，我哋仲追加咗炙燒焦糖芝士蛋糕😋芝士蛋糕表面經過火炙處理，形成一層酥脆嘅焦糖外殼，同幼滑既芝士蛋糕形成鮮明對比 ☺️焦糖嘅微苦同濃郁嘅芝士，味道層次豐富，十分滋味😋是日晚餐相當滿足☺️ 丼物專家果然名不虛傳👍🏻

滑蛋豬扒丼 （$98）豬扒肉質緊實，雞蛋🥚嫩滑，配上醬汁個青蔥足夠配完整個飯迷你三色三文魚丼（98hkd）日式漬物的醬汁拌三文魚🍣加上紫菜同青瓜🥒一啖食哂，口感味道都更豐富♥️份量剛好，滿足到三心二意的願望～海蝦刺身幾新鮮，幾厚肉，加上蟹膏和三文魚拌飯，好鮮味的組合🍚三文魚籽畀得完全不手軟，三文魚四邊有炙燒過，幾香口～三文魚帆立貝刺身 (+32hkd)魚腩好肥美，做到厚切，幾有誠意朱古力布朗尼配雪球 (+22hkd)朱古力🍫味幾濃郁，配上甜味雲呢拿雪糕，開心收結～玉子卷 (+22hkd)個蛋好緊密，同平時食層層分明的感覺不同，少少甜味～#foodiblum日式

作為一個香港人，我並不反對使用電子付費。但如果店舖只能接受電子付費而不接受顧客用現金付費的話，作為一個消費者，我就不能接受了！此風實在不可長，所以我選擇唔幫襯呢間店舖！😡

早幾日經過丼丼屋見到門口個menu好吸引就入咗去食😍迷你三色三文魚丼定食 $98新出嘅期間限定定食,包括有辣味三文魚丼,炙燒三文魚·三文魚籽丼同埋三文魚·赤海蝦丼,定食除咗三款迷你三文魚丼,仲包括前菜、味噌湯、甜品及果茶辣味三文魚丼:特調嘅香辣醬汁浸潤著鮮嫩嘅三文魚粒,均勻鋪滿飯面,微辣嘅滋味令人垂涎欲滴😍炙燒三文魚·三文魚籽丼:晶瑩剔透嘅爆汁三文魚籽搭配炙燒至半熟嘅厚切三文魚,完美平衡咗鮮味同炙燒嘅迷人風味😋三文魚·赤海蝦丼:特選厚切三文魚刺身搭配特大赤海蝦,兩款人氣刺身,鮮甜味同豐厚口感,令人陶醉不已😍厚切三文魚帆立貝刺身 +$32肥美厚切嘅三文魚配鮮甜嘅帆立貝,鮮味十足😍澳洲和牛鍋燒烏冬定食 $116和牛肉質鮮嫩,烏冬完全吸收湯底精華😍朱古力布朗尼配雲呢拿雪糕 $22朱古力布朗尼表面微脆,內裏軟熟,配上雲呢拿雪糕,令整體層次更豐富😋🌟由即日起至3月 11 日推出期間限定全新「迷你三色三文魚井定食」，一次過品嚐三款刺身組合及不同料理方法，只需$98就可以享用豐盛飽足嘅定食。

🦀 松葉蟹土鍋飯（$108）鍾意食蟹嘅朋友唔可以錯過呢個期間限定嘅新品，新鮮嘅松葉蟹加上高湯同米飯上枱喺鍋度煮13分鐘再焗5分鐘，未開蓋已經聞到好香蟹嘅鮮味；再撈埋三文魚籽同蟹膏一齊食，松葉蟹鮮甜啖啖肉，蟹膏香濃，飯吸收哂高湯同蟹嘅精華，正👍🏻而且加多$15就可以升級做定食，配埋前菜、寒天、味噌湯同果茶🥚 松葉蟹吉列玉子（$26）玉子外層好鬆脆，鮮甜嘅蟹肉配上煮得啱啱好嘅玉子，味道估唔到咁夾🍲 陸空三拼鍋物定食（$92）天氣開始凍當然唔少得暖笠笠嘅鍋物，佢有齊晒牛五花、豬五花同雞腿肉，可以一次過食晒唔同肉；仲有野菜，菇菌同豆腐，食材份量十分足料；湯底、主食同醬汁都可以隨自己口味配搭；湯底可以選擇鏗魚湯/壽喜燒湯/胡麻擔擔湯，主食方面可以選擇烏冬/白飯，醬汁可以揀胡麻醬/柚子醋，飲品仲包埋果茶，非常抵食🍰 炙燒焦糖芝士蛋糕（$20）蛋糕表面有層即燒嘅脆焦糖，芝士蛋糕口感滑得嚟比較結實，食落去芝士味香濃唔膩，作為飯後甜品非常一流👍🏻🐟 鹽燒鯖魚（$72）鯖魚燒得皮脆魚肉保持鮮嫩，而且本身調味已經足夠，唔需要再額外蘸豉油@dondonyahk#丼丼屋 #dondonya #dondonyah

呢排成日聽人講丼丼屋個冬季鍋物幾正，咁啱去開旺角，咪走去試吓囉！今次叫咗個牛五花鍋物定食（$88），再加咗油揚兩件（$8），盛惠$96，埋單仲送埋杯果茶添！講返個鍋先，一上枱熱辣辣，啲牛五花都幾多吓，唔算好肥，淥兩淥就食得。今次揀咗壽喜燒湯底，甜甜哋幾啱我口味，配埋烏冬索晒啲湯汁，真係好滿足！啲配菜都唔hea，有菜有菇仲有塊燒豆腐，都幾豐富。加嗰兩件油揚索晒湯汁，正！不過講真，$88蚊有交易，抵食夾大件！如果唔想食壽喜燒湯底仲有其他湯底同主食俾你自由配撘！除咗鍋物，我仲叫咗個滑蛋吉列豬扒丼定食（$116），再加咗牛油粟米（$12）、炸魷魚鬚半份（$28）同埋北海道濃厚芝士薯餅一件（$12），埋單$168，仲有杯果茶添。個滑蛋吉列豬扒丼賣相唔錯，啲蛋滑嘟嘟，吉列豬扒炸得金黃香脆，咬落去都幾juicy，唔會乾柴。配埋甜甜哋嘅丼汁撈飯，真係一流！牛油粟米甜甜鹹鹹幾惹味。炸魷魚鬚炸得夠脆，唔會韌，如果份量再多啲就更滿足。北海道濃厚芝士薯餅就真係驚喜，外脆內軟，一切開啲芝士仲流心添！真係好邪惡！@dondonyahk#dondonyahk #丼丼屋 #丼丼屋×鳥開 #DONDONYAXTORIK

同朋友行經MOKO，見到丼丼屋有最近當造嘅松葉蟹餐目，兩款主打丼飯「松葉蟹丼」同埋「松葉蟹土鍋飯」最平只需$98起就食到松葉蟹，即刻入咗去試下！😙松葉蟹土鍋飯定食 (單點$98定食+$15)定食嘅配菜幾唔錯，有大豆揚、黑糖寒天、味噌湯。大豆揚清清哋幾開胃；黑糖寒天好q彈，好似巨大版四方啫喱🤣味道甜而不膩👍🏻 味噌湯正常發揮，但冬天飲真係令人暖笠笠🤓到主角松葉蟹土鍋飯🤩🤩 店員會介紹點樣食土鍋飯，原來上枱後要用中火烹煮15分鐘，再熄火燜焗5分鐘。之後就可以按自己嘅喜好加三文魚籽同埋蟹味噌 （不過大家應該都會加晒？🤣），然後拌匀。燜焗後一打開飯蓋就聞到蟹肉嘅鮮香同埋日本米飯嘅香氣！😍 松葉蟹係日本三大名蟹之一，佢嘅特色係有細長嘅蟹腳同埋豐滿嘅蟹肉，呢個鍋將出色嘅松葉蟹拆肉起膏，松葉蟹肉質緊實，而且充滿甜味，啖啖肉嘅感覺，而且蟹肉好足料，有兩隻蟹鉗之餘仲有好多嘅蟹肉，真係大滿足！🤤米飯吸收咗松葉蟹嘅鮮甜，口感粒粒分明，又帶有濃郁嘅高湯湯汁，三文魚籽嘅咬感同埋鮮甜味亦都增加咗成個飯嘅口感，每啖都充滿着濃郁嘅海鮮風味，值得一試！松葉蟹吉列玉子 (+$26)惠顧任何食物都可以追加呢一個松葉蟹吉列玉

同同事食lunch成日都好困惑唔知食咩好😛 咁啱行過呢間日式丼飯專門店 最近竟然做超抵嘅午市優惠🤑 只要$48起就已經食到丼飯定食 仲有前菜 麵豉湯 甜品同飲品 作為小資一族代表 當然衝咗入去啦🤣-🐣南蠻雞溫泉蛋丼定食 $50雞肉都幾嫩滑 份量好足 鋪晒成個面🥰 而且醬汁鹹中帶甜同少少酸 幾開胃😙 配上溫泉蛋 撈飯一流呀😍-🐟什錦刺身丼定食 $78刺身種類都幾豐富 而且都新鮮 帶海鮮本身有嘅鮮甜味道😌 可以平平哋食到角切雜錦刺身嘅定食 真係放lunch或返工後嘅小確幸呀🥰-🦀期間限定 松葉蟹土鍋飯 $108另外我哋都食咗期間限定嘅松葉蟹土鍋飯 成個土鍋上枱 即場煮15分鐘 再加上蟹膏蟹鉗同魚籽等配料 超級有儀式感😝-📍丼丼屋 (MOKO新世紀廣場) (旺角)旺角太子道西193號MOKO新世紀廣場3樓301-302號舖