丼丼屋 (MOKO新世紀廣場)

天氣好熱，好想食涼啲嘅食物。最近試咗丼丼屋的幾款新品同人氣菜式，念念不忘，忍唔住同大家分享吓😍✨四色貝刺身丼✨期間限定七彩繽紛，賣相吸引，睇得出用料夠晒講究😍內有四色貝包括帆立貝、北寄貝、馬刀貝、小貝柱，仲有三文魚刺身，好新鮮且全部唔同口感，三文魚肥美而貝類爽口彈牙，食落好有層次😍將醬油、Wasabi、酸薑同蟹籽拌勻來吃，鮮甜又開胃，真係可以同暑氣講拜拜👋🏻👋🏻😘✨特選刺身盛✨（主食+$35）有赤海蝦、北寄貝、油甘魚同三文魚🦐🐟。赤海蝦真係超大隻🤩，長過我手掌，食落肉質鮮甜又彈牙。刺身切得厚薄適中，魚脂香氣十足，的確係新鮮好滋味。✨鳥開手羽先✨超級好食‼️🙌🏻🙌🏻炸得非常香脆，聞到微焦香氣，一口咬下，內裏仍然肉嫩多汁，超爆好食，想一叫再叫😍😍😍✨炸魷魚鬚✨份量唔少，炸得金黃酥脆，食落好有嚼勁，配埋灑上七味粉嘅沙律醬，非常惹味。服務員超細心，觀察到我沙律醬未必夠，為我再提供多一啲。✨玉子卷✨甜甜嘅玉子卷好有蛋香，細膩滑嫩，配飯食最啱，係好食嘅日式家常味道❤️。✨濃厚三重開心果雪糕球✨ （主食+$18）開心嘅晚上當然要以甜品作結，開心果雪糕球超creamy又唔會過甜，上面仲有濃厚開心果醬同開心果仁粒粒，帶淡淡果仁香氣，好有格調，好食又令人滿足。✨蘋果梳打✨ （主食+$15）清新爽口，酸甜得宜，富士蘋果嘅清香透過氣泡水完全釋放，非常適合解膩解渴，夏天飲一杯好舒服。無論係刺身、炸物定甜品都保持高水準，用料實在，份量適中又有驚喜，絕對值得大家去打卡及支持！想睇更多介紹，馬上Follow我啦😁。…查看更多

🪭日式丼物專家《丼丼屋》一直以來不停地推出不同新丼物，可以不時品嚐到各款日式料理。今日經過「MOKO」《丼丼屋》，發現最新推出嘅期間限定係「極上德島魩仔魚丼」，由來自日本四國德島縣嘅魩仔魚以「蒸」同「炸」兩種烹調手法炮製造成丼品呈現，價錢為$92 ，另加$10可升級為超滿足定食，包前菜、味噌湯、甜品及果茶，性價比極高！推廣期做到6月3日。前菜日本納豆醬油物，味道唔鹹，易入口嘅前菜小食。味噌湯餐前暖暖胃，仲有腐皮粒，味噌味唔會太鹹，一碗夠哂喉。極上德島魩仔魚丼定食，$102來自德島嘅魩仔魚外表細細粒粒白雪雪，有清蒸同酥炸嘅兩重食法，清蒸口感細嫩，酥炸就口感香脆，兩種口感交織，一丼盡嚐雙重風味。另外，加上吞拿魚蓉、吞拿魚、三文魚同三文魚籽，中間仲加入咗一隻醬油漬嘅日本生蛋黃🍳，拮穿蛋黃心令蛋黃流入喺海鮮魚生入面，滋味極致。德島魩仔魚漬蕃茄 ，$28同樣加入咗兩款特製清蒸與酥炸嘅魩仔魚，而酸甜漬蕃茄淋上柑橘🍊沙律汁，食落非常清新，飯前食半個好開胃，留一半飯後食好解膩，可以啪哂成個蕃茄🍅真係大滿足，愛酸既熊妹大推呢款新產品👍🏻。澳洲和牛壽喜燒拌烏冬定食，$106牛肉🐮用上壽喜燒汁煮起，醬汁濃烈非常惹味，份量頗多鋪滿面頭，中間有一隻日本温泉蛋，🉑攪拌入烏冬撈埋一齊食，烏冬裡都浸滿壽喜燒汁，拌烏冬要夠醬汁就會滋味無窮。唐揚雞軟骨（半）$32跟餐可加餐點小食，脆炸雞軟骨絕對令人無法抵擋。剛炸起好香脆，一粒粒啪入口好脆口，係必點嘅小食。甜品黑糖冰粉有三大舊，透心涼💧的感覺好啱做飯後甜品。果茶帶甜嘅果茶夠解渴。📌除咗新品之外，丼丼屋原有嘅產品都有好多種類，有海鮮丼🍚、咖哩飯🍛、烏冬🍜等等，價錢平民化，想試正宗又新奇嘅日本野🇯🇵止下癮，《丼丼屋》確實係唔錯嘅選擇！…查看更多

我和朋友二人選擇了在旺角東的這間日式餐廳，我點了日式照燒雞丼套餐，朋友選擇了牛丼。這間餐廳的丼飯選擇豐富，味道各方面都很出色，值得推薦給他人，性價比亦高。唯一缺點就是人流比較多，要跟別人搭枱。…查看更多

丼丼屋踩雷報告：$250食「透光三文魚丼」冇服務仲收加一 踏入丼丼屋，豪擲$250試四色丼＋大蝦三色丼，上枱心已涼半截——三文魚薄到透光，夾起即穿！大蝦三色丼淒涼：孤零零2隻蝦躺喺蒼白飯山上，2片薄三文魚，視覺先扣50分。 所謂「四色」丼，份量精緻到以為係減肥定食：碎蝦+兩片薄切螺片+幾粒三文魚子。全場零服務，水自斟、單自追，埋單竟要硬食加一！ 結論：同價位過海食其他日本料理更痛快。預$250買個「空虛完食感」。（評分：4/10 － 性價比低！） …查看更多

相信不用多說, 大家都對這間餐廳耳熟能詳, 香港有不少分店 😊 味道與品質都有保證, 價錢既合理, 環境上更有日式風味, 難怪平日都會滿座 🙂贅沢三種吞拿魚丼定食 $118日本白桃梳打 加配 $10以不同手法製作出3款獨特吞拿魚丼飯, 這個為期間限定系列, 由現在至7月16號才可以吃, 正所謂‘’手快有手慢冇!‘’ 😃赤身配醬油玉子丼一塊塊赤身覆蓋在丼飯面, 中間加隻醬油漬蛋黃, 蛋汁和赤身混合後更顯幼滑, 而赤身本身新鮮, 與蛋汁2合為1, 鮮上加鮮 🤗特上中拖羅刺身丼這個有2片中拖羅和幾片黃瓜, 簡簡單單, 反而更嚐到丼飯的醋味十足, 飯粒軟硬適中 👍🏻炙燒拖羅•拖羅蓉丼拖羅十分軟腍, 輕輕用火槍燒過, 油脂都被迫出來, 跟拖羅蓉完全是2種口感, 平時我喜歡吃拖羅蓉多一點, 但這次炙燒的反而更得我心 😄鹽燒厚切牛舌丼定食 $103屬於主餐目新升級其中一款新產品，一件件非常厚實的牛舌擺成1個圈, 完全堆滿整碗飯, 看上去相當震撼 🤩 這款牛舌雖然滿有咬口, 同時是容易咀嚼的, 而且我很喜歡它燒焦的香味, 另外加了青蔥和蛋黃, 撈起來十分滋味。炸芝麻雞翼 $32日式南瓜薯餅 $242款小食都是即叫即炸, 熱騰騰 ☺️ 芝麻雞翼醃得十分惹味, 醬油味濃, 絕對是吃完1件就想再吃下1件。南瓜很甜, 外脆內軟, 裡面會帶點南瓜蓉的感覺 😚班戟爆谷雪糕 $18迷你班戟上面放了球爆谷味雪糕, 雪糕半溶口感與煙韌的班戟形成對比, 加了焦糖味道, 配搭更好。…查看更多