丸亀製麵 (iSQUARE國際廣場)

營業中

休息中

一直都未試過丸亀製麵 簡直是失禮 又時候約親愛既鄰居一月一聚食個飯吹下水 於是就簡左去尖沙咀iSquare既丸亀製麵一試味道 或許是時間尚早 好在仍未有人龍 可以舒服地先坐下再去買餐 花多眼亂 樣樣都似覺好食 尤其是炸物 真的好吸引 精挑細選下n_cc選了日式燒豚烏冬 再另配了炸餃子 烏冬煮得正好火喉 不單軟硬適中而且嚥韌有咬口 配上香濃湯底 味道一流 不過略嫌豚肉太簿 試不到口感 至於炸餃子則如一般炸餃子 沒有太大驚喜 不過味道尚算不錯 至於我親愛既鄰居就點左豚骨湯烏冬 再另配炸魷魚以及炸蝦餅 單看就已經覺得賣相不錯 魷魚味道剛好不會過咸 口感爽脆彈牙 蝦餅炸後不會太乾 反而肉汁滿滿 非常可口美味 雖然店內沒有限定用餐時間 不過眼見踏入七點後人流不斷 實在不好意思久待下去 不過以價格合理以及不俗既質素 丸亀製麵是絕對可以再encore

成日聽朋友講丸龜好食，但自己又未食過，今次終於可以試下， 今次同朋友你叫咗牛肉麻醬拌烏冬京蔥牛肉拌烏冬咖哩薯餅同埋魷魚鬚朋友叫左牛肉麻醬拌烏冬 本身以為麻醬係胡麻醬但原來只係普通麻醬同埋佢有少少辣麵有可以叫大或中 我就叫咗中size 但食完已經好飽 因為我另外已經加錢叫咗個咖哩薯餅我係食京蔥牛肉拌烏冬 因為放咗芝麻在上面，所以牛肉食落口好香 同埋烏冬好彈牙 唔同平時在茶餐廳叫到的圓形條的烏冬 咖哩薯餅脆卜卜好香口，入面係好似薯蓉咁其實e間舖頭喺isquare尼講都算平因為我叫咗一個麵同埋一個薯餅都係$60幾 只係鋪入面有少少熱

自從喺日本食過之後，老公就好鍾意間餐廳啦！因為佢有幾款唔同嘅烏冬畀你揀，仲有size分， 非常迎合今時今日環保， 唔好浪費揀好烏冬後， 喺畀錢過程中間，仲有一段路可以畀你自由選擇小食，款式都好多: 有天婦羅、炸雞、配菜、壽司等等……每樣都係逐件計，可以因應自己喜好配搭，揀完一次過埋單，所以自己鍾意食乜就揀乜，彈性非常大

小編間中都會去尖沙咀丸亀食烏冬，因為係尖沙咀黎講，係一個平食之選。今日因為等朋友關係，時間又處於尷尬位（過左午餐時間但又未到晚餐時間），所以又走左去食醫醫肚。今次唔係幾想食肉，所以叫左清湯烏冬 （中size: $31）見無乜配料，所以再睇下有乜炸物加點，點知得番炸雞，有點失望。不過係失望之際，剛好炸魷魚（$13）攤凍左放左出黎，於是就拎左一碟。雖然好細碟（一個人份量，可以送哂碗烏冬），但超級香又脆，炸粉又無乜，抵讚👍🏻小編係第一次咁想讚呢間店🤤P.s 買完嘅單據記住keep起，下次可以減5蚊架。

約左同朋友放工之後去尖沙咀睇電影睇之前我地去食呢間丸龜製麵呢間專食烏冬既餐廳好特別首先叫左想食咩麵 然後一路向前行可以揀自己鍾意食既配料 有天婦羅 壽司再最後一次過計數我揀左豬軟骨烏冬（中）size 烏冬彈牙仲配有豬骨濃湯 價錢係五十蚊有找係尖沙咀用呢個價錢食到呢個質素既烏冬真係冇得彈呀記得食完之後攞返餐盤去反却口呀

今日去尖沙咀行街街，晚上去 iSquare 食丸龜烏冬。我們一行三人叫了三款不同的烏冬，而共通點係今次大家都食熱烏冬。豚軟骨高湯烏冬，有豬軟骨、半邊雞蛋和西籣花。豬軟骨太少，將價就貨。日式燒豚烏冬麵，豬肉香口夠味，如果份量多一點會更佳。番茄牛肉烏冬，番茄湯夠味，餸料份量足夠。好開心有日本汽水，即是我地常飲的波子氣水，十蚊好抵。整餐晚飯盛惠 $167，價錢而言，抵。但份量而言，我寧願加多啲錢將餸的份量增加。

事源連續幾日都食得好heavy,今餐dinner想食得輕營d,就決定食個冷烏冬清清腸胃😋如果揀粉面既話,烏冬當然係我個人既首選,有時得閒都話自己整下d撈烏冬,今次揀左日本醬油,唔想揀胡麻醬咁heavy,再加埋隻半熟既溫泉蛋,再加埋少少七味粉點聚😋唔太咸又襯到白雪雪既烏冬同蛋,我一路食時見到隔離台既客人再追加天婦羅好似好吸引,大大件炸到金黃色🍤,下次要加埋食先得😂😂雖然個烏冬望落份量唔算好多,但其實食完都好飽,不過下次真係想食埋d天婦羅呀🙊

睇YouTuber 介紹丸龜製麵嘅讚岐烏冬都係自製同即煮，仲幾好味，之後一直好想試，今日路過尖沙咀一於上去試試購買方法像大學canteen,排隊點麵再夾鐘意既配菜，最後俾錢。好彩無咩人排隊，唔係有輕度選擇困難嘅我就有麻煩了。哈哈烏冬：釜揚烏冬（中）$30放在menu第1位，用木桶裝住，感覺好日本呀。準備時間長過其他烏冬，要等多10分鐘。麵嘅口感不錯，相當彈牙。要點醬汁食。直接飲d汁 係幾咸嘅，但沾烏冬食係唔咸嘅，清清地配炸物，可以中和油膩感。俾完錢後，就可以加埋任加既蔥花同天婦羅脆粒，整個烏冬靚靚呀。不得不讚天婦羅脆粒，雖然是免費，但就算凍左都係粒粒都酥脆架，相信係個粉漿調得好。感覺都佢地既用心。季節限定-豚軟骨高湯烏冬（大）$51麵身都一樣係彈牙。湯底味道幾濃郁，豚軟骨煮得軟身而且入味，幾唔錯，份量唔多，大件。有配蛋同西蘭花。不過加埋炸物食到最後有小小油膩。炸物：胡麻雞柳天婦羅 $14點了2樣之中，最好食係佢，外皮炸得酥脆但保留了肉汁，點埋天婦羅汁食個皮就唔會太炸。相信下次會再點鱈魚排 $15見店員剛炸好所以夾來一試。同雞柳天婦羅相比，炸得勁好多，相當酥脆，但相對油膩。魚本身無咩魚味

在尖沙咀看完戲後，見時間也差不多了，就到ISQUARE看看有什麼好吃的。ISQUARE有很多餐廳的，當我們看到丸龜製麵就停了下來，除了價錢相當合宜外，還想到很多沒吃烏冬，就毅然進去了。點餐是蠻特別的，先選擇一個基本烏冬，然後按個人喜好和食量，再選一些配菜/炸物，結算後就可以去拿醬料了，過程十分簡單。因我最喜歡溫泉蛋，所以點了個溫泉蛋烏冬 ($39) +炸雞，烏冬口感很煙韌，湯底味道適中，不會太咸，炸雞雖不算嫩也不會「鞋」，還可以接受。另外，也點了日式燒豚烏冬 ($42) +蝦餅，豚肉好像略咸了一點，不過也是可以的，蝦餅味道挺好。

the card machine was very dirty and Dusty, I kindly asked the very big staff to clean it but they rudely made fun of me. the aircon also leaks but they don't put any warning. the food is great though but the squid was very cold.I have been a customer since it opened and if things don't get better, there's two other noodle shops next to it

在尖沙咀一帶逛完街..想起好一段時間沒光顧丸亀便來到這裡啊～～～新品推介的和風蜆肉烏冬立時吸引我眼球老公就選了豚軟骨高湯烏冬另加了炸蝦餅﹑南瓜天婦羅和蕃薯天婦羅推廣海報上的和風蜆肉烏冬是佈滿許多蜆實物竟然與圖片一樣，都是滿滿的蜆隻隻有肉！而且蜆的size亦不算小啊！！丸亀的烏冬一如既往的有咬口兼彈牙～～嚐一口湯，是蜆的鮮甜味，而且湯底味道香濃！！蜆肉不算厚身，但鮮甜又無沙豚軟骨高湯烏冬，配料就只有份量很少的豚軟骨﹑西蘭花及烚蛋豬軟骨軟嫩入味，但份量太少了！豬骨湯底濃郁！炸蝦餅，夠大件彈牙，帶蝦味香口而不會炸得太油膩～～南瓜天婦羅和蕃薯天婦羅的粉漿就稔身了一點不夠香脆！丸亀烏冬的CP值算不錯～～會再繼續光顧啊！！

夜晚見無咩食，入左去isquare揾野食，見到有新野出諗住試下，門口落完order之後見到職員就咁係雪櫃拎一碗蜆出黎放落烏冬度，巳經心知不妙，到埋位食，一食粒蜆就好多沙，總要碗麵入邊有碎蜆殼，差啲介親口，量係多但無質，失望！

想起香港搵間好食嘅烏冬鋪都好難，點知比我發現呢間係難得一遇嘅好食烏冬鋪。店舖為自助形式，先夾餸後付費。叫咗牛肉麻醬撈東，啲牛有少少老，口感麻麻哋，但烏冬真係十分有咬口，十分難得！

中午沒有帶飯外面又下雨，於是逛逛isquare 商埸發現呢間日本烏冬店有許多選擇，價錢又親民，於是就試下~~新品推介的好吸引！有京蔥牛肉拌烏冬、和風蜆肉烏冬和叉燒王子拌烏冬～我選了我喜歡的蜆肉，蜆很多，隻隻都有肉！另外再吉列鱈魚排。吉列鱈魚很鬆脆，不乾身，魚肉很嫩😋好満足的一個午餐！😋

咁岩嚟到尖沙咀依邊行街 行街前要醫下肚先得 咁岩想食烏冬 又見到isquare有丸製龜麵 就即刻入左去食🤤因爲好肚餓 所以都嗌左好多野食 有一個大冷烏冬 一個蕃薯天婦羅 一個茄子天婦羅 一個蔬菜天婦羅 仲有兩舊山葵腐皮壽司 夾埋都只係74蚊 認真抵食！個冷烏冬麵質有彈性 夾埋沾烏冬既醬汁 十分清爽 岩曬夏天食！天婦羅方面 最鐘意就係蔬菜天婦菜 大大件好飽肚之餘 又食到蔬菜既甜味😋另外蕃薯天婦羅一咬落去啖啖蕃薯肉 好甜好好食 至於茄子天婦羅一咬落去爆曬汁 但又唔會好油好膩 整體嚟講 一百蚊食到咁多野 野食都不錯 性價比幾高👍🏻