丸亀製麵 (iSQUARE國際廣場)

營業中

休息中

經過尖沙咀就會好想食，明太子飯糰，丸龜製面嘅明太子飯團比較特別。因為賣到手之後，飯仲係暖嘅 ，相對喺雪櫃放咗一段時間，會食到明太子嘅鮮味，同埋飯入面嘅壽司醋嘅味道。如果你希望紫菜仲係脆嘅話，咁應該比較難滿足你呢個願望。明太子仲係辣嘅添，咁食落去仲會更加能夠刺激味蕾。店員好好，仲問我需唔需要膠袋。

2018年6月2日。晴。尖沙咀。iSQUARE除咗Log-on同franc franc就無野好行，好在高幾層仲有丸亀食下以尖沙咀餐廳來講，丸亀亦算抵食之選而且次次去都見到日本人食所以旅行完想回味一下日本風味，可以去呢間丸亀度食返餐點餐方法都同傳統日式餐廳差唔多先嗌咗要邊款烏冬，講明大細，冷熱店員就會即刻整俾你，記住自己攞定個餐盤，方便移動個烏冬向前埋單攞咗烏冬之後，前面就有自助炸物吧，明碼實價，自己夾收銀前仲有自助飲品位，攞齊野就一次過埋單好好奇收銀點樣可以一眼就睇得出個烏冬嘅size，食嘅時候我無無聊聊咁攞咗隻筷子當間尺來度下兩個碗嘅大細，原來係爭少少嘅，唔知佢哋係咪靠睇個碗來分，定係有其他記認俾完錢再有個位自助混醬、任夾蔥花、薑蓉搞掂晒就坐低啦天口熱，冷烏冬選擇唔多，得普通冷烏冬同醬油烏冬之前食過冷烏冬，好好味，咁今次就嗌咗細嘅醬油烏冬啦再夾咗炸雞、蝦餅、茄子同魷魚鬚一齊share醬油烏冬個湯麻麻地，顏色好深，但味道唔太濃，都係鍾意冷烏冬個面汁嘅味道多啲炸物的話，炸雞唔錯，做到皮脆肉嫩蝦餅唔夠彈牙，而且好似炸過咗火，略嫌油膩茄子無食，唔評論魷魚鬚可能擺耐咗，腍晒，唔酥脆，有啲可惜男

約左幾個朋友仔係isquare睇戲，其中一個提議食丸亀製麵，貪佢唔係貴又幾好食，而且個位置正正係戲院入口下面果層，食到最後一刻入場都得。仲有呀，憑戲飛有得送鱈魚排($15)!-我叫左個和風蜆肉烏冬(中$42)， 以份量同賣相黎講係絕對對得住個價錢嘅。味道就不過不失，蜆肉有少少沙，烏冬正常無酸味，合格。免費嘅鱈魚排就簡直超晒班，新鮮熱辣炸出嚟，出面脆卜卜入面滑脫脫，唔錯唔錯！下次再黎isquare都一定會幫襯！-

睇戲前有20分鐘食晚飯, 趁未多人和朋友來到isquare樓上餐廳, 要快手食晚餐, 最好食烏冬!點左豚肉叉燒烏冬(大), 餐廳長期做21蚊兩件炸物; 有當日飛尾, 又送小食。七點前來到, 排隊點餐唔洗等, 有大量坐位。點餐, 付款後可以自己加蔥和芝麻和裝水。整體, 烏彈滑, 湯底唔鹹, 叉燒唔肥, 較薄身。餐廳行自助形式, 相對自由。**如果尖沙咀無咩時間又無咩idea可以來食下!

喺尖沙咀做完gym，約咗朋友短聚食個輕盈嘅晚餐，於是就去咗isquare 幫襯丸龜製麵。買野食係採取半自助形式。入到餐廳，首先同職員order 你想食嘅烏冬，佢就會即刻煮碗烏冬俾你，然後可以喺隔離自己揀d天婦羅或者飯團，再喺汽水櫃攞野飲，最後一次過俾錢。我就食咗個新推出嘅清湯蜆肉烏冬，唔好睇烏冬細細碗，入面有成十幾廿粒蜆肉，好抵食，而且烏冬十分爽口彈牙，湯充滿蜆嘅鮮味，真係好正。😍😍😍有朋友就食咗腐皮烏冬腐皮幾新鮮甜美，配烏冬簡直一流，加埋鰻魚飯糰就啱啱好喇。😋兩人加埋都係100蚊左右，真係好抵食。下次口痕想食個light 嘅餐，得閒一定會再幫襯！👍🏾👍🏾

呢間餐廳係Isquare裡面，算係少數價錢比較親民嘅食肆。我自己間唔中都會去Isquare睇戲，如果睇戲前後，時間比較緊湊的話，我就會推介你黎呢一間食，價錢親民得來，排隊拎嘢食非常之快，同埋餐廳入面都有好多座位，唔使嘥時間慢慢等位同叫餐上菜。係呢度由叫餐開始都係走自助路線，跟著排隊方向做就冇錯喇。首先同第一或二個日本師傅講，想食邊一款烏冬（有冷烏冬揀tim啊），之後再一路跟住條隊行前啲，可以揀炸物同埋嘢飲，最後就係俾錢啊。比完錢之後呢，都會需要你自己去拎餐具，同埋水（如需要）。最後食飽，都要自己將個托盤拎去回收counter到收集，其實都唔會麻煩

每次諗晤到食咩，簡單d，晤洗諗了，去食丸龜吧。Isquare 樓上有一間丸龜制麵，冷烏冬，熱烏冬，溫烏冬，湯烏冬，乾撈烏冬，咖哩烏冬，大，中 size任揀，仲有好多款天婦羅，唔怕諗晤到食咩了，實有一種岩食。餐廳保持日式飯堂特色，先揀野食，比左錢再入坐，晤好一早坐定定去霸位吖，另外食完，需要自行執野，放去回收枱，呢d都系日本飯堂的禮貌。呢間丸龜成日有好多日本人幫襯，應該糸附近返工的白領中午過來食飯。我最常點既系餐牌的7號中腐皮烏冬（中）天婦羅方面選擇都好多，今天只揀左竹輪天婦羅，水準都一如從前，幾好味！朋友點左咖哩牛肉烏冬，魷魚天婦羅，好味

呢幾日特別想食烏冬、搵一搵公司附近就見到呢間日本既丸龜製麵，記得係日本成日都見到但又冇食過。所以試下香港版又係咩既味道啦。烏冬黎講，50幾蚊一個唔平又唔貴咁啦，不過因為係下午茶先係呢個價錢，如果lunch 或者 dinner 就唔係咁計喇。🍜🍜🍜🍜🍜服務一般般，日本公司黎講。🇯🇵🇯🇵🇯🇵🇯🇵但外賣包裝都唔錯既，起碼都係有返咁上下既膠，而唔係遇熱即溶果啲，係可以安心去買既外賣🥡！

今晚心血來潮想食呢間，點知食得幾唔開心。叫左個蕃茄牛肉烏冬，加溫泉玉子。負責煮烏冬個位同事（“a")同加餸同事（“b")講呢個客加玉子，b仲應左a一聲，之後b竟然唔記得左件事，我同番b講，b話"我地係分開上,而家上番俾你”。到俾個玉子我的時候，我見佢好似好緊張，然後竟然俾隻打爛左的玉子我...我呆左...九蚊一隻玉子，話貴唔貴，話平又唔平，我加錢你俾咁的野我，點都有d講唔過掛。經過今次，我應該唔會再去食，或者你會講，反正玉子最後都會爛有咩所謂，但食物俾人第一感覺唔好就係唔好。仲要你係一個知情的情況下俾咁嘅野食個客，俾你係個客你都會唔開心。一個餐廳的質素唔單止係食物的質素，員工的服務態度都好緊要。

又係一間我既飯堂丸亀呢間鋪頭好多人都食過，無他，佢既價錢合理，野食又不錯，裝修又靚，環境又好，難怪佢開左咁多間分店啦！每次同男朋友都會點：明太子烏冬同蜆肉烏冬。明太子咸咸地做撈烏冬一流，勁香勁順口！而蜆肉烏冬，湯底清甜啲蜆肉多到滿晒，勁幸福！不過略嫌有時運氣唔好啲蜆會有少少沙！而其他配料都好值得推介！炸物唔太油成日有得refil保證熱辣辣！正！而我平時就最鍾意加多個明太子飯團，雖然唔算好足料，但熱辣辣既飯團同平時車站買到果啲好唔同！最後，日本人食咩都送啤酒，加埋個啤酒perfect match!!!!

呢間係半自助嘅形式拎完烏冬就去自己拎配料然後再俾錢，而多數都係炸物。個醬油係有少少甜，可以再多d，個讚岐烏冬煮得剛好夠煙韌👍🏻個溫泉蛋烏冬再加醬汁撈埋一齊食好正😜d炸物其實拎嘅時候有d凍凍地，畢竟唔係即叫即整🤔🐥個雞塊雖然唔係話熱辣辣，都仲係脆嘅，而且肉質都尚算嫩而且係有調味，唔會話淡。個竹輪卷同個茄子天婦羅🍆，炸粉有少少厚。不過雖然佢唔係即整，個外層都仲keep到脆。🍤個人覺得2樣餸已經好夠，拎左3樣炸物連埋個烏冬真係有d飽同膩，最後都係局住食晒佢🙊烏冬來講呢間我覺得係性價比高之選。

丸亀製麵唔洗多講 當然係主打烏冬架啦🍎👧🏽蘋果姐作為烏冬迷 呢度簡直過足癮🤤－－－－－－－－－－－✔️溫泉蛋烏冬🍜 中size ($39) 加配 蕃薯🍠➕竹輪➕茄子天婦羅🍆.是粗烏冬喔❤️ 醬汁份量剛好 均勻佈滿麵條 麵條軟滑同時充滿咬口 是完美的烏冬麵🤤特意叫的溫泉蛋♨️🥚拌入麵裏 令整碗麵的層次不再單調 入口順滑🤩 ⭐️評分：(8/10).本身對炸物興趣不大 但係見個樣幾吸引就點左幾舊嚟試😛.✔️蕃薯天婦羅 ($7)一向係我既至愛 甜甜地 似係食緊脆嘅甜品🤣.✔️茄子天婦羅 ($7)略嫌調味不足 有點淡😮.✔️竹輪天婦羅 ($12)好巨型🤣 裏面煙韌 出面脆卜卜 口感幾得意🤓.⭐️整體炸粉唔算太厚 評分：(7/10)－－－－－－－－－－－想平平哋食碗高質素既烏冬 呢度係首選💋下次一定要叫大碗先夠喉😈

尖沙咀想揾平野食唔係咁易，想揾好食又抵嘅就更難。係openrice揾下，就揾到呢間平價烏冬。一個人食埋單都唔過50蚊，加埋小食都係60蚊咋。今次黎就叫左 溫泉蛋烏冬 ($44)，賣想就一流，都好吸引，烏冬入口有韌度，唔會太淋太硬。亦都可以自己加配料，唔只得溫泉蛋或者得烏冬咁dry。仲有天婦羅或者魷魚，今次我就加左個野菜魷魚($14)，好香好好味。覺得烏冬唔夠就可以加小食，一定夠飽。位置都坐得舒服，如果唔想再加錢飲野，佢地有自助水，你中意飲幾多都得呀

In a sudden I wanna have some hot udon tonight so I went to this Japanese udon place. I ordered a big portion beef udon and added additional egg and squid tempura. The egg was half boiled which was very runny, very tempting.The udon was chewy but the beef was a bit under seasoned for my liking.Tempura was so-so as it wasn’t that crispy and hot.

上次黎的時候，佢仲未係譚仔嘅老闆，今日再嚟，先知原來係日本超級大嘅公司！咁平日夜晚黎啦，以前就有個天婦羅優惠嘅，好似最近就冇咗啦， ＄20兩件天婦羅，之前食一set，慳成＄10 㗎今日嚟到，梗係又係食我最鍾意嘅咖喱烏冬啦，配上冰凍嘅麒麟啤酒，埋單都係幾十蚊。我真係見唔到有任何食日本拉麵，或者烏冬嘅地方可以咁平啊，譚仔都未必得喇一如以往，烏冬非常之韌，咖喱非常之入味，日式咖喱，勁甜。一條友好，幾條友好，黎尖沙咀，就不期然想食呢間野，又坐得舒服，又可以叫野飲，又可以添小食，又有水自助飲，真係好過去樓下Starbucks