丸亀製麵 (新都城中心二期)

營業中

休息中

又係新都城餐廳，事關裝修之後佢哋開咗好多新餐廳，屋企唔係成日煮飯咁就落街食啦。講起丸龜製麵我第一樣野諗到就係佢哋收購左譚仔（哈哈！）咁我同屋企人嗰日終於試咗佢哋嘅烏冬。一句講晒：好鹹！好鹹！好鹹！（重要的事情講三次。）雖然我知道好多人都有同我講丸龜製麵啲烏冬好好食，但係我今次嘅經歷實在太過失望，真係鹹到，我未試過食一碗烏冬可以飲咁多杯清水。阿媽食：日式燒豚烏冬 中$44 大$47我覺得佢嘅豚肉唔錯，厚切，又唔會好銀。飲得出個湯底係唔錯嘅，但真係好鹹！老豆食：番茄牛肉烏冬 中$48 大$51一般濃味但又係好鹹嘅番茄湯，牛肉好食，好冧。我食：明太溫泉玉子拌烏冬(鰹魚醬油) 中$46 大$49真係好鹹，個明太子又鹹又有啲辣，總之所有嘢都好重味，令到我覺得食得好唔舒服。番薯天婦羅、炸雞串、魷魚天婦羅、炸鱈魚

今日又經過新都城黎搵野食啦～原來百佳個位縮細左開左間日式烏冬見到咁多人排隊我又黎湊熱鬧😂- 舖面裝修同日本店真係有9成似！排完隊叫烏冬後～可以自己夾炸物一齊俾錢💰我叫咗番茄牛肉烏冬$48（中）濃濃厚厚的蕃茄岩晒我呢個 蕃茄怪🍅 烏冬偏淋，都啱小朋友食👧🏻牛肉份量適中～ 唔錯仲叫左冷烏冬$35（大）醬汁配料可以自行調製配上蔥末、姜蓉、天婦羅脆脆當然唔少得Wasabi，口味濃淡可以自己遷就❤️- 炸物方面好新鮮（因為成日都清空晒😝）店員都唔夠時間refill得閒再黎食下，止下日本相思之苦🥰食完記得自己清理番個tray以下menu

等咗咁耐新都城呢一間丸龜製麵終於開幕啦 呢一間係連鎖分店專賣好好味既烏冬 佢開幕我地梗係第一時間要試吓啦報告俾大家聽架啦我就叫左個溫泉蛋烏冬同鱈魚扒 $ 40蚊到 鱈魚扒幾香又好珍寶 足夠我食 個溫泉蛋好滑好大塊 而且配合埋佢個軟硬度適中嘅日本烏冬係啱啱好架我個朋友就叫咗鱈魚扒 炸番薯 魷魚酥天婦羅 同埋溫泉蛋烏冬 最好食就係魷魚酥天婦羅 有油香又唔會太油膩 魷魚酥細細粒好有口感 番薯就冇乜特別 可以不吃總共食咗$110到啦 算係正常午餐價 其實佢有下午茶大概$30左右都有一份烏冬同有個小食飲品加兩蚊 其實都好扺 大家可以一試