丸亀製麵 (新都城中心二期)

懷著期待踏入這家烏冬店，結果體驗極差。先說衛生狀況，桌面黏膩，有明顯未清理乾淨的污漬，地面也髒兮兮的，看著就倒胃口。點的炸物更是災難，薯條軟趴趴，毫無酥脆感，一口下去油膩得難受，似乎炸油許久未換。而招牌牛肉烏冬更是 “雷區”，牛肉散髮著明顯的酸味，入口那股異味讓人作嘔，根本沒法下嚥，這食材的新鮮度實在堪憂。作為食客，花錢買的是美味與安心，這家店在衛生和食物品質上雙雙 “翻車”，若不立即整改，怕是很難留住顧客，也難以在餐飲競爭的浪潮中站穩腳跟，望店家重視。…查看更多

我今次叫的是外賣，今次見到用外賣程式可以免運費，加上又好耐都冇食過呢間的烏冬，咁就即刻叫返個外賣返嚟食。首先上到屋企既時侯，外賣唔算好暖，不過都係理解的，因為始終外賣和我屋企都有一段很長的距離，送上來都要一點時間，外賣包裝做得唔錯，嚟到嘅時候啲湯都冇倒瀉我今次點嘢就係特價食物，豚肉烏冬加個炸物，圖就顯示係軟殼蟹，上到嚟嘅時候就係渣南瓜，不過都OK好食嘅，份量都算幾大至於湯底就奇怪一點，唔知點解比咁少，但係又冇倒瀉過，湯只能夠剛剛鋪咗喺面，總體嚟講中規中矩，特價餐加外賣冇咩要求…查看更多

丸龜製麵👍相信大家對呢間製麵店嘅品牌，一啲都唔陌生果然，呢間嘅冷烏冬非常出色口感非常煙韌彈牙，同真係去日本食嘅味道好相似一拉起，估唔到係非常非常長…………😆叫咗個冷烏冬，同時亦叫咗個熱烏冬（蕃茄牛肉），比較之下🤔我覺得凍嘅烏冬真係出色好多好多💕另外，呢度嘅所有炸物，全部都係流水自助式的，揀好晒款式就一次過去俾錢。小食方面，👍我推介炸軟殼蟹天婦羅（🦀）用膳完🍜要顧客自己清理枱面的，眼見所有食客都好自律。講到最後～冷烏冬係我嘅極力推介🫶🏼 …查看更多

農曆新年前，係需要辦年貨的。而我們看中要送禮的東西，原來最近要到寶琳站的新都城找。而說真，我們也有 N 年沒黎過呢頭，就決定一家大細行這一個商場兼食埋野啦。不過，太家早在地鐵站出閘時，忍不住吃了海量的小食。所以一直到下午茶時間先黎食野。咁，太太繼續血拼，而我就同小朋友們吃。結果，我們就選中了《丸亀製麵》食烏冬作為我們的下午茶餐。我們決定食烏冬的原因有二，一、是有一個看來好抵食的下午茶餐；二、就是有阿仔阿女都鍾意食既日式牛肉。所以，兩個小朋友就叫了一碗蕃茄牛肉烏冬分享。很濃的蕃茄湯，配上切得很薄，帶點肥美的牛肉片，食慣日式牛肉飯的兩個小朋友當然滿心歡喜。牛肉夠薄，容易入口，不太肥並充滿了肉香，烏冬麵煙韌，再有帶甜的湯底，好啱小朋友口胃。兩個都吃得開心。我就選了腐皮烏冬。兩片算是厚身的日式腐皮，味道很甜，質感結實。純醬油湯底帶有鰹魚味，味道份外的清甜。我把烏冬吃完，也不忘去飲幾口的湯。清淡，香甜，這就是日式烏冬應有的口味。性價比算是幾高下的一個下午茶餐。因為夠好味，也夠抵食。一碗美味烏冬加一杯汽水，也不超過 $40，正! …查看更多

.#foodie #hk #hkfoodie #HTB美食推介【將軍澳自助流水店｜日式惹味撈手打烏冬🍥】哩間餐廳好有大學canteen流水作業嘅感覺，你要先諗好食咩，之後大叫話俾廚房聽，等一等就會夾好晒俾你自己拎走~ 你仲可以揀埋想加配嘅炸物同飲料，行到收銀俾完錢再搵位💦.🐨炭燒雞肉太陽蛋拌烏冬 $48推薦度：⭐️⭐️⭐烏冬果然係哩到嘅招牌，煙煙韌韌好有口感無得輸！而配料有雞肉、太陽蛋、粟米加紫菜，好豐富而且好夾唔會搶味~ 但美中不足嘅係嗰個炭燒汁太鹹，搞到最尾嘅烏冬鹹到入唔到口🥦 同埋配菜西蘭花都偏硬.. .🐨吉列炸豬扒+樽裝飲品 當日跟餐+$20推薦度：⭐️⭐️⭐️平時佢炸物同飲品要分開計錢，小編都好少叫😂咁岩佢做緊加$20包飲品同小食，所以順便試埋~ 炸豬扒雖然炸定但都保持到脆口，但可能太薄炸到好乾身無咩肉汁🐷味道就中規中矩唔算好特別~-----☼-----☼-----☼-----☼-----☼-----丸亀製麵 (新都城中心)📍地址：將軍澳欣景路8號新都城中心二期高層地下UG051E號舖🐨推薦度：😋😋😋/5💰人均價格：$50-100📸打卡度：💡💡/5🛠️分類：#HTB將軍澳 #HTB日本菜 #HTB一人之選 .#將軍澳美食 #將軍澳 #日本菜#烏冬 #美食推介 #一人之選…查看更多

諗住唔洗去到等，所以用app叫外賣，已經比預定取的時間遲15分鐘先到都冇得攞，仲要人到左先開始整，啲菜好冰凍，自己屋企白灼的仲好食過佢多多聲，超難食，我行番屋企都係五分鐘路程，飯都係暖咋！越來越差，真係冇下次。…查看更多

前幾日去食午餐想試啲唔同嘅嘢，就叫咗一個大嘅明太子溫泉蛋撈烏冬，賣相係顏色豐富唔錯，不過明太子嘅香味就唔係好夠，撈埋烏冬好似唔見咗咁，依個汁係夠味嘅，但係撈溫泉蛋冇特別好夾，所以呢個麻麻哋。…查看更多

一向鍾情冷烏冬，尤其係咁鬼熱嘅日子，今晚決定係附近嘅呢間製麵所食，主部烏冬都係即製即煮呢份冷烏冬係"大"份量，附設冷烏冬醬汁，店員會問你要唔要芥末，蔥粒就自己另加呢度係讚岐烏冬，粗身中口感比較彈牙及有嚼口，容易夾上加入芥末於醬汁中，一包辛辣度唔顯著，個醬汁唔會過濃，用黎沾上烏冬食係幾唔錯，但略為烏冬硬度過龍小小，食晒成客個胃有點兒吃不消就咁食烏冬又好似單調咗少少，呢度有得自己夾炸物，鍾意邊度自己夾到時一次過比錢，我地就夾咗天婦羅番薯，咖哩薯餅及天婦羅蟹棒，喜歡佢個番薯呀，甜美可口，炸漿唔算太厚，但熱度欠奉，比較扣D分!不設加一服務費，有罐裝凍飲提供，亦有熱水，凍烏冬都係配熱水岩數D!…查看更多

早幾日去丸龜食午餐，一點幾人流都算還好，炸物有蝕咗唐楊雞串，十六蚊三至四粒，另外有食天婦羅番薯，之前喺其他分店食個番薯比較大嚿，不過新都城呢間就偏細，兩樣嘢都唔錯，本身幾鍾意食番薯所以呢個都幾鍾意。…查看更多

上個禮拜去咗丸龜食午餐，叫咗學生餐嘅日式燒豚烏冬，佢係中，但係份量都可以接受，有西蘭花雞蛋同埋豚肉，豚肉肥瘦均勻，另外佢有得揀唐場雞或者鱈魚扒，揀咗雞，不過就炸完擺喺度有啲耐就一般般，另外因為餐廳比較係自助式，所以餐枱都冇咁乾淨。…查看更多

兒子好鍾意食烏冬，今日來帶他食下丸亀。烏冬有大細Size之分，因為我們二人食所以揀了大size ，我們揀了牛肉烏冬，然後可揀炸物，揀了炸朱扒和炸蝦。開動了，烏冬非常彈牙，牛肉都幾多又沒太多肥肉，清湯幾甜，好好味。炸朱扒同蝦還是暖暖的，好脆口又不油膩，滿足的一餐。…查看更多

而家疫情 ， 夜晚唔係自己煮俾自己食，就一定買外賣俾自己 當日日食黎食去都係果幾味 ， 個心就會想食多啲唔同類型既外賣， 抱住呢個都係試一次， 唔好食都係食一次姐， 咁丸亀係我眼中都係信得過， 點都唔會好差果類 見間間都做緊自取外賣優惠， 每日都番工放工， 放工就直接番屋企 🤔🤔🤔 咁既然搭車番屋企順便拎埋預左時間， 係apps 落完order 就慢慢行去拎， 咁都算幾準時， 唔會話等好耐先到番到屋企折開都唔錯 🤔 可以自選真係幾好 ， 咁鐘意凍烏冬， 嗌左啲炸物， 蛋 ， 天婦羅同埋叉燒， 蔥都ok ge , 咁覺得超抵， 最驚喜係炸物唔會擺個兜到 ， 仲係脆脆的， 唔錯 …查看更多

行過見到中午外賣烏冬有八五折，咁就去買咗個蜆肉烏冬，佢有分中size定大size，我揀咗個中size，但係其實個份量都已經好足夠。我覺得個味道清淡咗少少，但係蜆肉好好味，份量亦都好多。外賣盒係分開裝左面同埋個湯底，所以拎到返屋企都唔會話好易林，佢除咗可以叫烏冬之外，仲有好多唔同嘅配菜可以另外加落去，例如係彈啦、炸蝦棒啦、或者係飯團等等。基本上個烏冬都係你面前煮好，比較新鮮衛生，但係等俾錢嘅時候就有啲耐，可能因為中午嘅時間太多人去買外賣，我都排咗一陣先至到我俾錢。　…查看更多

之前食過幾次堂食，不過就未試過叫外賣———————————————————————今日午餐就係呢到叫左幾個外賣返黎試吓！炭燒雞肉拌烏冬$48炭燒個汁鹹咗啲，雞肉好好味😋，烏冬煙煙韌韌好有口感咖哩牛肉丼🍛$44我覺得呢個咖喱汁甜甜哋，吾會辣🌶，味道幾好！佢仲有啲薯仔同洋蔥🧅配料跟埋，不過牛肉就好似小左啲（明明主菜係牛肉架！）蟹肉吞拿魚拌烏冬$45呢個烏冬個醬好水，冇乜味，估吾到係咁，對呢碗烏冬都幾失望！😓…查看更多

平時出街都見到丸龜呢間餐廳，但一直都未試過。今日放工行過將軍澳新都城呢到試下！今日平日冇乜人，餐廳入面位置都好鬆動，餐廳門口都有提供搓手液比食客！第一次食丸龜，原來佢係自助式！好似自助餐咁，攞住個盤，同店員講得你要邊款烏冬，佢就黎即刻係你面前整比你，之後仲有啲小食可以比你簡，每樣計返幾多錢咁！我同男朋友一人叫左一個烏冬，我叫左蕃茄牛肉烏冬，佢嗌左咖喱牛肉烏冬。呢兩個都係人氣王！ 拎完野食就一次過比錢。另外有個位係攞餐具，攞調味料，水等等。蕃茄湯好濃郁，牛肉份量都算合理。啲烏冬都算滑，咁既價錢對得住啦咖哩湯係日本甜咖喱！超濃！！！中意食日本咖喱既必簡！另外我地都簡左一碟魷魚鬚，同一樽自家泡茶。個魷魚鬚$16一碟，非常少，非常乾。極之唔抵食！！支茶就普普通通啦，冇乜特別。總結黎講都係唔錯既，但下次就唔會簡小食啦！:):)…查看更多