串Grill 自助燒烤專門店 (譽發廣場) (旺角)

最近堂食放寬返到10點，所以多咗機會約朋友食飯。朋友介紹呢間「串Grill」油麻地新分店，任食串燒加任飲都只係$238（有加一）一位。我哋兩個食咗65串，圍返都唔使$10串，而且質素都幾高。食物同飲品嘅選擇都多，最後仲有雪糕添！豬牛雞我都有食，全部都多汁香口。就咁放喺度等佢自己轉，適合好似我咁懶嘅人，見佢差唔多熟就食就唔會太老。呢度有唔同嘅醬汁同埋鹽調味料，悉隨尊便。都係果句，食咗咁多介紹唔曬，重點介紹食得最多嗰幾個。美國牛肋腩 14串我哋最鍾意呢隻牛，因為佢比較多脂肪，食落油脂感充足，口感豐富。我哋一開始都你用燒汁食，但係之後店員教我哋用鹽食，果然好味啲。除咗呢個肉，豬腩肉同埋雞翼都唔錯。佢哋本身醃得好香，其實唔使點調味料都夠味。菠蘿 9串你可能會諗，使唔使食咁多菠蘿呀？呢度嘅菠蘿超級甜，同埋食完啲肉食菠蘿就好解膩。對比起普通菠蘿，燒香咗個菠蘿水份少咗，所以再加甜。表面嘅照香味令平凡嘅菠蘿更添層次，不可錯過。棉花糖 5串燒棉花糖簡直係童年回憶！以前每次去燒烤都一定會燒棉花糖，表面金黃食同埋有啲脆，入邊就溶晒，口感流晒心好特別。細個同朋友去燒烤嘅感覺返晒嚟！蔬菜類串燒都唔少，我鍾意雞髀

最近堂食放寬返到10點，所以多咗機會約朋友食飯。朋友介紹呢間「串Grill」油麻地新分店，任食串燒加任飲都只係$238（有加一）一位。我哋兩個食咗65串，圍返都唔使$10串，而且質素都幾高。食物同飲品嘅選擇都多，最後仲有雪糕添！

豬牛雞我都有食，全部都多汁香口。就咁放喺度等佢自己轉，適合好似我咁懶嘅人，見佢差唔多熟就食就唔會太老。呢度有唔同嘅醬汁同埋鹽調味料，悉隨尊便。都係果句，食咗咁多介紹唔曬，重點介紹食得最多嗰幾個。

美國牛肋腩 14串
我哋最鍾意呢隻牛，因為佢比較多脂肪，食落油脂感充足，口感豐富。我哋一開始都你用燒汁食，但係之後店員教我哋用鹽食，果然好味啲。除咗呢個肉，豬腩肉同埋雞翼都唔錯。佢哋本身醃得好香，其實唔使點調味料都夠味。

菠蘿 9串
你可能會諗，使唔使食咁多菠蘿呀？呢度嘅菠蘿超級甜，同埋食完啲肉食菠蘿就好解膩。對比起普通菠蘿，燒香咗個菠蘿水份少咗，所以再加甜。表面嘅照香味令平凡嘅菠蘿更添層次，不可錯過。

棉花糖 5串
燒棉花糖簡直係童年回憶！以前每次去燒烤都一定會燒棉花糖，表面金黃食同埋有啲脆，入邊就溶晒，口感流晒心好特別。細個同朋友去燒烤嘅感覺返晒嚟！

蔬菜類串燒都唔少，我鍾意雞髀菇同埋紫心番薯。讚！