串Grill 自助燒烤專門店 (譽發廣場) (已結業)

之前見到有呢個自轉BBQ，唔洗手動，食完仲唔會有油煙味，好方便。.呢度環境舒適，座位好寬闊，張檯夠大，可以擺好多嘢。.有專門嘅架子擺串燒，可以一次過落幾十串擺係度慢慢燒。個爐可以擺十幾串，有時候都食唔切tim～.食物都幾多樣下，有海鮮，豬牛肉，蔬菜等等。有唔同嘅佐料🧂，泰式魚露好好味😋.最愛嘅係牛舌，切到方方正正，自轉燒得好均勻，口感好厚實。.海鮮比較鍾意食魷魚🦑，燒的好香口，外焦內嫩。台灣腸好juicy，必食。豬大腸好乾淨，可以燒得好脆香，超正。好鍾意食M6和牛串燒，成串好厚身，超嫩滑。仲有雞軟骨，無限enocre，好脆口。.食完串燒，仲有Haagen- Dazs食呀呀!!!!哈密瓜🍈同士多啤梨味都好正！

「串GRILL 」一定係BBQ 控係夏天嘅樂園，可以一邊嘆住冷氣，一邊燒烤BBQ ，重點嚟啦，你只需要揀選想食嘅食物，再將佢地放上燒烤爐上，全程你只需要係調味個陣動手，唔係嘅話個爐會自動幫你不斷反面咁燒烤，啱哂小妹哩d懶人啦😆環境方面好闊落，空間感夠足，而且燒烤店最重要嘅抽風系統好唔錯，唔會食完之後一身味。食物方面係以QR code 落單，乾淨方便快捷，仲唔會有漏單嘅情況。基本嘅肉類都有齊，連牛舌同M6和牛牛柳粒都有得食；海鮮fans 都唔會失望嘅，多春魚、鯖魚等等都有齊哂👍🏻總括而言，食物種類選擇算多，而且食材新鮮，平日7點左右都咁滿場就知啦，味道方便就要睇各位嘅手藝啦，「串Grill」係提供食物原材料並無預先醃製，所以食物係食客自行調味嘅，枱面嘅調味料都有唔少，孜然粉、辣椒粉、醬油、韓式燒烤醬等都有齊，食客可以自行烹調啱自己口味嘅美食。最值得一讚嘅係員工們嘅服務態度，會留意食客嘅需要，亦會向食客詳細介紹燒烤爐同枱上其他設備👍🏻

油麻地譽發廣場有林林總總嘅餐廳選擇，串燒，四川，火鍋各種款式都有。距離地鐵出口都係幾分鐘路程。感覺第四波後，大家好似習慣咗少出街，或者食完晚飯早咗回家。疫情將我哋嘅習慣改變左。平日晚上七點半串grill餐廳已經座無虛席，希望正常嘅日子快啲來臨，經濟才會好起來。串grill係新開餐廳，超過九成都係卡位，中間有個串燒爐，可以慢慢轉下轉下燒串串。食物方面包括豬牛羊雞，海鮮，甜薯，菠蘿，丸類，棉花糖等。仲有飲品任飲。喜歡飲啤酒的話可以加錢飲asahi or 1664 draught beer。菠蘿好甜，甜薯細細粒好易入口，第一次燒雞蛋仔串燒，外脆內軟，原來好好食。多春魚燒到脆脆地，好香口。要讚一讚佢出order好快手，係QR code確定後2分鐘內送到。

今日去到串grill自助燒烤店，未到6點已經全場滿場，原來7:30pm前離座有優惠！串卷總類有牛、豬、雞、海鮮、菜類等等，去到最後仲會有杯hagan Dazs雪同任飲飲料！全程個爐都識自轉，吾使自己燒😍😍又吾會有臭既燒烤味🙏🏻岩哂貪靚既女仔！成個環境好寛闊，場地好大係卡座，望落去成個旺角大樓景！野食建議每次叫十幾轉，因為爐一次最多燒咁多件，擺耐左就無咁好食啦！醬料方面有泰式魚露、韓式梨汁燒烤醬、燒汁，鹽、辣粉、孜然粉等等！特別推介： 牛肉超香，爐既火溫岩岩好，吾會過熱或吾冷，燒上黎外脆內軟岩岩好😯👏🏻台灣腸仔都好正，小小流汁咁！飲品方面選擇好多，出面都無既哩度有eg鴻福堂檸檬茶、菊花蜜等等哩間岩哂想食串燒吾同款都懶既朋友們💓💓

男朋友講左話想食串燒好耐....🍡🍡但我成日覺得串燒叫下叫下就好多，好唔抵咁🤔上openrice見到原來有串燒放題，所以就試下lu😋俾一個價錢就可以任食任叫，感覺良好d😝我地6:00左右黎到 唔洗等位但6:30左右就開始多人了🤣🤣好彩早到🤟🏼呢度係掃bar code落單的，十分方便！落完單5分鐘都唔洗，服務員就會將新鮮既串燒放上呢個架！我地就可以按自己喜好先後將佢地放上「轉轉機」（串燒機）😍😍呢個串燒機用黎打卡真係一流🤤只要放上去，佢就會自動旋轉，完全唔需要花任何力氣就可以均勻地整熟佢😌（不過都要留意左時間😛唔同食物要花既時間都唔同，例如：我地燒得太耐個棉花糖，佢溶左😅😅所以要小心d）食串燒，醬汁同調味料非常非常重要😎醬汁方面，有泰式魚露同埋韓式梨汁燒烤醬😋魚露有鮮味，感覺開胃！而我個人較多用燒烤醬，燒烤醬有少少甜味，同大部分肉類都好夾 🤣中間果支係韓式燒汁，燒到差不多熟既時候，就可以塗上去！呢個汁令到d肉更惹味，所以好重要啊😝除左醬汁，仲有唔同既調味粉😳包括海鹽、孜然粉、味椒鹽、辣粉，好齊全😍👍👍串燒既種類有好多，有丸類、雞、牛、豬、羊、蔬菜、甜品類⋯以下都係我推介既食物:🌟台灣腸🌟

一直都想試吓🤣🤣🤣因為見到好似好方便你唔使郁佢就會自己轉，啲嘢食就會自己熟🤣終於有間新嘅分店，唔駛等咁耐！我六點未到上到去已經有幾張枱坐緊喇！佢入面都幾大，而且通風系統做得好好！食完之後都唔會個人有浸燒烤味🤣一坐低店員就拎住一盆串燒過嚟，一邊同你解釋點樣用個腦入邊就開始燒嘢食！！好體貼👍🏼👍🏼👍🏼唔駛等好耐就好快有嘢食！！！而且仲俾你食住揀！！！枱面上面放咗好多醬，同香草😚🤣基本上我淨係鍾意孜然粉，所以我就不停落🤣🤣佢仲有魚露，烤醬，辣粉，黑椒...要咩都有！！基本上好多我哋都是晒🤣🤣最深刻係M6和牛，牛肋腩，烤雞粒，雞軟骨，仲有我最愛嘅棉花糖🥰講到最最最鍾意一定係牛肋腩❤️🤣一個人encore左幾次！佢肥肉瘦肉均勻而且燒到5成熟，可以話係入口即溶，唔會好硬，好高質！！和牛就係有右面個兩串，細細粒，一啖一粒！口感無牛肋腩咁好，但係同樣高質🤣👍🏼👍🏼👍🏼呢個爐燒棉花糖一流！有時擺到自己都唔記得咗🤣🤣但係都唔會著火反而令佢外脆內更加軟🥰作為甜品佢真係贏曬！！！去到最後仲有一杯雪糕食！！！！我嗰日就有哈密瓜同士多啤梨揀🤣🤣好有下火嘅感覺🤣🤣食完有啲熱，啱啱好！！！

有時bbq最討厭嘅事就係要拎實黎燒 真係燒到手都攰埋 所以我呢啲懶人就一定要黎串grill🤣 因為想燒乜都有專人串好 又有部自動燒烤機 幫手轉轉轉 輕鬆就燒熟晒 可以開餐🤟呢度落單係用 qr code 所以叫得多 或者次數多都唔會尷尬🤣 order完唔洗2分鐘食物就送到我想講我好中意佢嘅調味料 白色蓋枝醬甜甜酸酸 好醒胃 另外將所有調味粉撈埋晒點肉肉真係好惹味🤣 所以如果大家都係重口味之人要學我咁食🤪🤪咁多食物選擇之中我比較欣賞佢嘅牛肉 亦係餐廳嘅招牌 肉質稔滑 燒耐左都唔算鞋 質素唔錯 另外佢嘅菠蘿好出色 有啲地方會唔夠熟 搞到好酸 而呢度嘅係好夠熟 又甜又多汁 食到滯滯地可以用黎促進消化哦🤪🤪另外值得一提嘅係呢度飲品任飲 餐亦會包每人一杯雪糕 有飯後甜品 正

（真實食評）我地一行人決定支持呢間鋪點知就係一個「支持」後悔成晚第一問題：室內溫度隨時仲熱過係條街，我估計因為中央冷氣（希望係），而呢間鋪頭非常好，佢見大家都應該好熱，放左兩把小米既風扇仔幫手吹，但就見到員工做野真係太熱，成日企係風扇面前散熱，如果你都想體驗下，我建議你地帶把風扇仔，希望幫到你第二問題：係咁熱環境底下，仲要所有抽風系統都無力，焗上加焗第三問題：員工態度真係要改善下，係我地入座啱啱坐低，有一位肥妹仔（職員）好似大佬咁走埋兇我哋話：落單又有咩問題呀！咁你同行都呆咗，因為都真係啱啱坐低，之後原來佢想搵既係後一檯。但係呢一個態度喺成晚食飯過程都不斷見佢講粗口，個人覺得可以改善。最後食物質素其實真係好普通，求其凍肉鋪都買到，你唔會覺得俾二百幾接近三百蚊，咁既質素，你可以自己比較下同類型既店舖，有好多價錢都會平D

串Grill分店有分別原來分店都係有啲唔同😂 其實食過廣華街。但係原來譽發廣場好少少😆🤫🤫一。坐得舒服啲，呢一點睇門面裝仲修都會feel到二。服務態度再nice d .. 今次都係waitress ⋯⋯（應該不用多說）三。食物⋯ 其實都唔係差得好遠😂😂 但真心幾鍾意食呢度嘅牛舌 👅 🐄 因為彈牙QQ 啲感覺。今次研發左啲新配搭1）燒牛舌 配蜜糖燒菠蘿🍍2）燒雞蛋仔 配 Haagen-Daz 雪糕 🍦 感覺好似食緊媽媽雞蛋仔咁😆3）車厘茄就咁新鮮生食今次有啲新發現係1）佢雞軟骨呢有連埋雞皮，泌到啲油出嚟再好食啲2）蔬菜🥬燒完好乾嘅問題⋯ 我都係解決唔到😂 （唔識燒）原來佢有個位置係俾你將消耗嘅串燒擺喺度保持住溫度，係侍應姐姐提我先識😅總結：雖然要俾近三百蚊，但係可以坐喺度慢慢享受，玩下將唔同食物配搭擺埋一齊，同女朋友傾到計， 本人覺得呢啲元素加埋就幾抵

其實我好鐘意bbq 但係每次燒完幾次就懶得再燒見到有自助bbq 即刻過黎試下😂雖然平日黎食都得好旺場枱枱都有客既全部電話落單方便快捷又可以隨時check到單其實可以燒既種類真係好多 牛 豬 雞 羊呢d就走唔甩啦一定有既 蔬菜類 海鮮類 腸仔 丸 什至連甜品都有得燒真係咩選擇都有因為係任食啦 所以其實樣樣都會叫d黎食不過最值得讚既係荷蘭五豬花同豬肉眼特別係五豬花 腩同肉分部鮮明 食出好有層次燒雞翼亦都好食 本來醃好嘅醬料都好夾不過如果可以有埋蜜糖就正飲品都係任飲既~如果唔想飲呢d普通既野飲其實都有酒類同茶類不過有d係要收費既最後仲包一人一盒雪糕😛回頭度:8/10

想BBQ但又唔想身水身汗，同事即刻推介“串Grill”俾我，佢話淨係將串燒放上燒烤爐上面就可以等食，啱晒我哋呢啲懶人🤣🤣牛肉選擇唔多，得M6和牛牛柳、紐西蘭牛西冷、美國牛肋腩、牛舌！不過呢4款都唔錯，特別鍾意西冷嚼勁十足，我哋叫咗幾次😉因為食物種類唔算好多我哋差唔多成個menu都叫晒，最鍾意嘅係荷蘭豬五花肉質彈牙油香大爆發、雞軟骨爽脆香口、雞卷肉皮脆肉嫩仲好juicy、雞蛋仔香脆又有蛋香味😋仲有每人一杯Haagen-Dazs雪糕🍨食物上枱時間好快，用qr code落單好方便而且無漏單！120分鐘仼飲仼食時間好充足！重點係冷氣夠凍唔會流汗，食完唔會成身燒烤味❤️

平時食串燒通常都係去居酒屋叫啲已經燒好左咗嘅串燒，或者就係好似BBQ咁自己拎住燒，今次嚟到呢間位於旺角嘅自助串燒店，可能order完想食嘅串燒之後就放落個轉盤度等佢自己燒，燒完之後直接搦上嚟就食得，啱晒我哋呢啲為食嘅懶人✌️✨貼心服務一開始嚟到，服務員好認真咁樣向我哋介紹點樣落單同埋用個自助轉盤。除咗可以唔使自己落手燒，慳水慳力之外，呢度嘅服務員都會好貼心咁成日行埋你幫手睇吓你啲嘢食燒熟未，燒熟左就會幫你拎起放上去上面個架度，等佢唔會overcooked~✨食物種類食物嘅款式都有好多，除咗一般嘅肉類（豬、牛、羊、雞）之外，仲有唔同款式嘅丸、腸仔、同埋甜品都可以燒，而且仲有飲品任飲，食完之後每人仲會送一杯Häagen-Dazs雪糕，成餐飯都好豐富～✨食物質素由於服務員會幫手睇住我哋嘅嘢食燒熟未，所以我哋嘅食物全部都燒得啱啱好～枱面上仲放置咗唔同嘅調味料，自己可以根據個人喜好調味，絕對適合唔同口味嘅人～✨餐廳環境串燒店一般都係比較侷促，但係呢度嘅環境就相對地寬敞，枱與枱之間都有一定嘅距離，令到私隱度高啲之餘，坐得又舒服啲，而且呢度係新鋪新裝修，令到食嘅過程都更加享受～

朋友約我黎哩間新開餐廳食飯，原來哩間係一間串燒店，一入到去地方闊落，空氣中感覺唔到好大油煙味，證明抽風系統做得好，感覺乾淨衛生我地坐低後，店員先介紹台上擺放的4款調味粉及另外兩款調味醬，調味粉有孜然粉、味椒鹽、串Gril辣粉、海鹽，調味醬就有泰式魚露及韓式梨醬哩度採用QR code scan落單，非常方便，朋友負責落單我就出去外面雪櫃拎飲品返到黎食物巳陸續上枱，一條條鐵針將食物穿好擺放整齊放於木盒內店員教授我地如何使用部轉轉燒烤機，要對岩齒輪位置，否則就唔識轉容易燒燶，爐內的發熱器在機的中間位置，都有段距離以為要等好耐先燒好黎食，但係當一邊塗醬一邊傾計，原來好快就燒好一串，燒好後就可按喜好加入枱面上既調味粉調味，我地不停燒，燒到食都食唔切，有時店員見到食物燒得太乾或太燶，又會提點我地及教授一些技巧給我們，機本上食物唔會咁易燒燶，食完又唔會好熱氣上火，食到個人熱熱地，哩度仲提供埋Haagen dazs雪糕比你降降溫，認真配搭得好。

朋友講話有間抵食串燒，$280連加一 任食串燒仲要洗自己燒，自轉BBQ岩晒我哋，仲有Haagendazs雪糕食添。點食物只需用QR CODE就可以，仲要上菜勁快手，好乾淨坐得都舒服，食物方面有豬牛羊雞海鮮都有，當然仲有菜，丸之類選擇都不少。用木盤加上已串好的串燒十分吸引，肉類最原味原味上桌岩晒我，特別喜歡吃這裡的牛和豬肉，之後只需落鹽同辣粉已十分不俗，仲可以加白飯，仲有菜可以加韓國醬包住嚟食。飲品方面在雪櫃每款都有點都夠飲，驚喜有棉花糖同雞蛋仔甜品，差不多仲有半小時就提有雪糕，一人一杯，3個味道選擇，食完都已經堅飽，時間仲食足120分鐘。

今天和朋友來到譽發廣場食燒烤，感覺好正，環境好舒服， 裝修也好靚，員工也很友善。這裏嘅燒烤很特別，職員會根據你嘅 order，將食物 放喺木盤上， 送上食物後，會放喺鐵架上， 呢個設計非常之慳位 ，也很得體，因為當你叫到成枱嘅食物， 可以將佢一盤一盤擺喺個架度 ，非常慳位嘅設計。呢度嘅燒烤爐都好特別 ，一支燒烤棒，有個齒輪，只要你將個齒輪，放喺一格格嗰度， 佢就會利用 鐵鏈轉動，會慢慢咁樣燒熟食物， 設計非常之聰明。呢度嘅食物種類好多，有海鮮，牛，雞，豬，魚，蔬菜，丸，種類好豐富。食材也很新鮮。雞，，豬，羊肉，串串都好肥美可口，肉質新鮮美味，食到停不了口。丸類也很新鮮。有甜日本蕃薯，秋葵，好健康有益，食得肉多，食吓d蔬菜。最後仲有雪糕食，正呀。