影片
更多
2011-03-04
8 瀏覽
呢間日本放題我同女友都未食過，抱住試一試既心態，果然一試難忘，以後都唔會再幫襯！夜晚6點幾到，我地揀o左坐bar (木台)，一坐低就發現前面係鐵板燒師傅既"起菜位"，一碟碟金菇、牛柳粒、鰻魚炒飯之類全部炒好哂排哂o係我地面前，我地覺得唔掂喎~~反正當時入座率得兩成，仲有大把座位，同女侍應講換個位：「可唔可以坐換張四方(木台)？」「呢o的係四人位，唔可以~~」「二人o既呢？」「o個o的客人訂左位架......」「我都係訂o左位架喎~都唔換得架？」「你訂幾多點？」「6點9」「唔好意思...換唔到架....」(女待應開始有少少唔耐煩)女友開始有少少唔滿意，反正未order野佢想唔食走人，我話算數啦......一心想黎試o下，無謂咁掃興，order o左野之後，我地o的野食開始一碟碟上喇，呢個時候面前既鐵板燒師傅整好o的牛柳粒一碟碟上碟，鋪好哂o係我地面前，o個種近法係伸手可以拎到！正當我想拎起筷子夾我地o的o野食時，有個男侍應從我身邊"打橫伸隻手過o黎，o係我個頭面前，逐碟牛柳粒拎走~！"拎o下一碟，拎o下又一碟，我拎起筷子定格停o係度，個男侍應就講：「唔好意思！」大佬呀~!!! 你咁樣"起
夜晚6點幾到，我地揀o左坐bar (木台)，一坐低就發現前面係鐵板燒師傅既"起菜位"，一碟碟金菇、牛柳粒、鰻魚炒飯之類全部炒好哂排哂o係我地面前，我地覺得唔掂喎~~反正當時入座率得兩成，仲有大把座位，同女侍應講換個位：
「可唔可以坐換張四方(木台)？」
「呢o的係四人位，唔可以~~」
「二人o既呢？」
「o個o的客人訂左位架......」
「我都係訂o左位架喎~都唔換得架？」
「你訂幾多點？」
「6點9」
「唔好意思...換唔到架....」(女待應開始有少少唔耐煩)
女友開始有少少唔滿意，反正未order野佢想唔食走人，我話算數啦......一心想黎試o下，無謂咁掃興，order o左野之後，我地o的野食開始一碟碟上喇，呢個時候面前既鐵板燒師傅整好o的牛柳粒一碟碟上碟，鋪好哂o係我地面前，o個種近法係伸手可以拎到！
正當我想拎起筷子夾我地o的o野食時，有個男侍應從我身邊"打橫伸隻手過o黎，o係我個頭面前，逐碟牛柳粒拎走~！"拎o下一碟，拎o下又一碟，我拎起筷子定格停o係度，個男侍應就講：「唔好意思！」
大佬呀~!!! 你咁樣"起菜"，我點食飯呀~??? 十分之騷擾，討厭！呢個就係我要求換位既原因~~~
鐵板燒師傅似乎意識到呢個問題，之後o既野食都放埋一邊，唔駛誇過我先拎到，但仲有兩碟牛柳粒o係最入面未拎到，又想伸手去拎，我啤住佢！佢縮一縮，又再伸手，跟住唔知佢有心定唔覺意，將我面前樽豉油倒瀉左！
一路用布抹，一路又講：「唔好意思！」
講到呢度，我都係坐低唔夠10分鐘，我已經扯火喇~!!!
「我都講o左要換位架啦~~~你地又唔俾，我一路食你隻手就o係我面前伸來伸去，我點食呀大佬！$%#!$@$」
跟住頭先個女侍應又o黎喇，擾攘左一輪，最後俾左張四人(木台)我地。
食物麻麻地，要注意o的鐵板燒有o的唔太熟，串燒好多油。
例子有未熟既牛柳粒，乾硬化既蝦乾炒飯，未燒好既冬菇。
o的伙計得閒都唔會自己o黎加水，見其他客都係你叫佢先黎加水。
埋單$370，坐左咁耐入座率都唔超過8成！
唔覺得好食，加上咁既服務，一定唔會有下次！
張貼
