串爆

營業中

休息中

今日又同大家覓食，來到旺角串爆。我一直都想試吓呢種四川風味嘅串燒，但又好少返內地，所以一直都未試過，今次第一次發現有驚喜！佢同普通日式或者韓式串燒唔一樣，佢係真係一個超級惹味嘅麻辣湯裡面，比平時食開嘅串燒感覺上冇咁熱氣。舖頭裏面係咁樣嘅，細細地，過咗早鳥時間，好快就坐滿晒人👇🏻今次我哋食任食，呢個就係餐牌👇🏻都幾多嘢揀㗎！一開頭我哋嗌個冷盤小食先，分別係棒棒雞、藤椒雞軟骨、香辣無骨鳳爪。首先講佢啲雞真係好滑，好似高級上海菜嘅雞絲粉皮咁樣，一夾落去就白白嫩嫩，佢個底係青瓜絲撈麻醬，食落去都幾清新。然後雞軟骨都非常好食，食落去真係有種麻嘅感覺，口水都流晒出嚟，嗜辣之人一定要試！鳳爪就不過不失，但係勝在新鮮彈牙，我隔籬嗰個食咗幾round都仲繼續叫鳳爪。👇🏻火鍋串燒終於嚟到，我就買咗中辣多麻，味道好正宗。我睇到張點餐表每次只限嗌三樣，所以只點左三串。嚟到嗰陣，見到隔離都係竹籤，我嗰碗就空聊聊，個店員叫我嗌多啲😂我最推介牛柏葉，全部都好惹味，正！👇🏻火鍋川面，老成都混醬面食到咁上下，想食吓其他嘢就嗌咗兩個麵。唔使驚個面太大份，佢嚟到都係細細份。我哋掛住食其他嘢，令到個混醬面凍咗少少，個老闆娘即

旺角有間正宗成都串燒好像不錯😋小編決定要試一下。串爆有散叫，亦可選擇放題。小編選擇吃放題。三個時段三個價錢，13:00-19:15 是$208一位。先吃風味小吃🌟棒棒雞小雞粒，有咬口，夠味。🌟蒜泥青瓜口感爽脆，清甜。🌟糖醋蘿蔔薄切蘿蔔，糖醋味濃。🌟香辣蓮藕片非常惹味，口感爽脆。🌟藤椒雞軟骨藤椒的味道很濃，吃一口滿足感十足。🌟麻辣千層肚口感Q嫩彈牙，爽脆口感。🌟水煮麻辣豬紅口感細嫩爽滑。🌟涼拌海帶絲口感爽脆入味，有嚼勁。拌麵記住要趁熱食湯底麻辣度有3個辣度，唔辣、中辣、大辣和魔鬼辣。串串選擇多，有40,50幾款👍🏻有牛、豬、雞、蔬菜、丸類等。飲品都是任飲的。

今日同朋友去左旺角呢間好近地鐵站，位於廣華街嘅川菜餐廳—串爆。佢地嘅串串放題又高質又抵食，串串、小食、麵食、甜品同埋飲品都任食。小食方面，我地試左棒棒雞，食落清涼，啱曬夏天食。個麻辣千層肚食落好爽口。同埋試左香辣無骨鳳爪，幾惹味但又唔會太辣。串串方面，鍋底可以揀唔同辣度同麻度。串串款式都多，個人覺得泡椒牛肉、鴨胸肉、單骨雞翼同薯仔都好好味，d串串吸曬湯底嘅味，食到好滋味。主食方面，佢地嘅麵食十分出色。我地叫左老成都雜醬麵，入面有肉碎同加左d秘裝醬汁，食落好香。另外我地仲食左川味牛肉麵，佢地果d麵線好彈牙，個豬骨濃湯好香，食完湯麵啱啱好可以解一解食串串嘅油膩感。最後食左個甜品作結，佢地嘅成都老冰粉加左少少葡萄乾、山楂、乾果去增加口感，食落好有咬口，幾解辣。

#fafafoodblog旺角 #fafafoodblog川菜🍴任食120 分鐘既串爆😄🌶️好正既川菜任食 有粉麵 好似川味牛肉麵 成都肥腸麵 老成都雜醬麵 , 甜品有成都老冰粉 , 川粉比較厚身 同闊身 好煙 un彈牙 . 肥腸麵個麵好彈牙肥美 麵身幼得黎好爽口 飲品 任飲 竟然有啤酒， 仲有可樂 椰子汁 茅根 冰紅茶 . 仲有自家製菊花普利 好香 好夠茶味👍🏻🍴串燒有得揀唔同辣度麻辣 泡椒 孜然牛肉 , 🐂麻辣最惹味 泡椒夠香辣 孜然最入味。 五花肉好夠肥美 肥膏好香🐷 豬頸肉 豬皮 肥腸 好軟林 雞肉好彈牙 雞珍 單骨雞翼 雞軟骨 炸魚蛋 魚片頭 雞軟骨 豆卜 百頁結 魔芋 蓮藕 午餐肉等等🍴小食 有青瓜 娃娃菜 雞軟骨 雞軟骨藤椒味香 雞軟骨爽口 水煮麻辣豬紅 豬紅好入味爽口 , 而棒棒雞 係芝麻醬加青瓜絲 好正既小食 . 滷水雞翼尖 滷水汁好入味 雞翼尖好軟熟 黑木耳 無骨鳳爪 辣得黎好爽口🍴冰粉 好 fresh同爽口 有提子乾 山渣 好甜 👍🏻#串燒 #任食 #冰粉 #青瓜 #雞軟骨 #泡椒 #川燒 #娃娃菜 #金菇Score 平均分< 7.9/10

朋友知道我喜歡食辣，特別選了此店食冷鍋串串放題，打正旗號寫明正宗成都風味，就看看到底有多正宗、多辣？不過由於朋友不嗜辣只為陪我食（可選唔辣、小辣、中辣、大辣甚至魔鬼辣)，所以選了小辣，但當晚可能人客不算太多，店員非常好人特別另外給了我一碗大辣湯汁，果然入口火辣辣帶有麻香味。第一次落單，幾乎每款串串都點了，在等待期間，冷盤小食已經上桌，棒棒雞的麻醬配青瓜好味開胃，滕椒雞軟骨及香辣無骨鳳爪都好夠辣，滷水雞翼尖就一般，不過記得要食水煮麻辣豬紅，確實不錯。然後見到店員遞來一大碗浸在湯內的串串食物，賣相絕對是相機食先，因為感覺份量超級多。肉類選擇方面有牛肉、豬肉、雞肉等，單骨雞翼及雞珍、雞軟骨是我自己比較喜歡吃的，肥腸吸了辣湯汁後尤其好食，還有其他各式各樣丸類如花枝丸、牛肉丸，以及不少蔬菜類食材，豆卜、百頁結、鵪鶉夕、海帶及白蘿蔔、萵筍等，有樣幾特別的是成都小香腸，小小幼幼的一條，有點像食臘腸的口感。我們共點了兩次一大碗串串，所以其他麵類已經飽到不能再食。另外放題是包括任飲飲品，強烈推介如果想要解辣的朋友，一定要飲椰子汁啊！最後甜品是成都老冰粉，冰粉好似透明的啫喱般，再配少少山楂及提子乾，都幾特

落雨濕濕，最啱食d辣嘢去下濕氣😂又好掛住內地嘅串串小食，見到有即刻沖入去試。餐廳雖然睇落細細間，但座位間距好好同男朋友都算大食，所以揀佐放題☺️選擇都好多，有小食有主食仲有甜品汽水、茶、其中一款啤酒都係任飲。嗌佐菊花普洱茶&竹蔗茅根，為開餐清清熱氣先🤣🤣🤣香油碟同乾碟辣椒粉需要額外加錢，但係重口味必備湯底辣度只需要第一轉選擇，之後再加串串就會加落同一個湯底，如果需要改變辣度可以同店員講第一轉基本每樣都叫佐少少，簽好乾淨，湯底非常麻香同正宗，點埋麻油蒜碟，即刻好似返佐內地食串串咁。用料非常新鮮，特別推薦筍同泡椒牛肉，筍爽脆帶出湯底香味，泡椒牛肉酸酸辣辣❤️一啖一串好過癮。唔夠飽可以要一份乾拌麵雖然細細份但好出色，有肉碎、麻醬、辣油、醋每啖都好香好好味，食唔停口。最後食到超飽個肚脹曬先肯停口下次一定會再幫襯。

久唔久就辣隱起，想食啲辣野刺激下😆今日去咗旺角「串爆」食麻辣串串放題，仲有好多款麻辣小食同湯麵，包埋任飲都只係$248一位，非常抵食👍🏻店舖不大，但裝修有特色，上菜速度快糖醋蘿蔔口感爽脆，味道帶點酸辣，非常開胃嘅前菜涼拌海帶絲麻辣嘅味道配上爽脆清新嘅海帶絲，食到停唔到口香辣無骨鳳爪無骨嘅鳳爪食起上嚟非常方便，味道麻辣鮮香麻辣千層肚推介👍🏻千塵肚一啲都唔韌，新鮮爽口藤椒雞軟骨藤椒味重配上脆口嘅雞軟骨同翠綠嘅青豆，配搭得宜水煮麻辣豬紅豬紅住得非常入味，完全冇腥味，encore咗2次呀棒棒雞雞肉爽口配上爽脆嘅青瓜，再加上大量嘅芝麻醬，味道香濃清新蒜泥青瓜滷水雞翼尖香辣蓮藕片串串嘅種類非常多，有不同嘅肉類、丸類同蔬菜等等⋯湯底揀咗小辣少麻，仍然食得出湯底原有嘅鮮味👍🏻泡椒牛肉肥牛片夾泡椒，味道鮮辣又刺激孜然牛肋肉口感似軟稔嘅牛腩，啖啖肉，腩汁味香濃五花肉、豬頸肉、豬皮、肥腸雞珍爽口彈牙，非常好吃單骨雞翼滷水味濃，雞翼好大隻，一咬脫骨，食起上嚟好方便雞軟骨雞軟骨脆卜卜，帶點雞肉口感層次豐富蔬菜嘅種類亦唔少，有娃娃菜、萵筍、竹筍、蓮藕、海帶、木耳、粟米等等，食咗咁多肉當然要食返啲菜清清個腸胃🤣牛肉

好耐冇食過放題，今次同老公搵到間冷鍋串串放題，可以食足兩個鐘😍見到仲有二人套餐，不過今晚好肚餓都係決定食放題飲品除咗有汽水之外，椰子汁同支裝竹蔗茅根都有，仲有兩款蜜桃烏龍同洛神花冷泡茶可以揀我哋加咗個香油蘸碟嚟點串串，芝麻油好香，忍唔住就咁食嗰啲蒜蓉🤣我哋試咗好多款風味小食，大部份都係涼菜同埋辣既糖醋蘿蔔好好食😳非常之解辣，我本身都好鍾意食醃蘿蔔但糖醋蘿蔔都係第一次試，估唔到好夾老公encore咗幾次水煮麻辣豬紅，佢話個豬紅質感係佢食過最好，even好食過鴨血可以揀湯底嘅麻辣度，我哋就揀咗小辣，估唔到都有啲料子串串好快上菜，熱辣辣架😻有幾款真係私心推介必試！泡椒牛肉真係串住粒泡椒，辣得好過癮基本上串串都係一口份量，可以試曬都得食到咁上下真係有啲頂唔緊，叫咗碗成都老冰粉嚟徹底戒辣😻上面仲有啲乾果，解完辣又可以繼續食我地兩個人食咗80幾串同好多款小食🤣 好耐未試過咁盡慶😻

今日同朋友嚟到旺角嘅串爆食四川串串。舖頭細細，但企理乾淨。睇睇餐牌，選擇唔算多，不過選擇唔多嘅舖頭多數嘢食都係佢哋嘅拿手絕活，期待期待。先嚟一杯蜜桃烏龍茶解解渴先，大熱天時，飲番杯無糖茶，爽！好快就上咗個麻辣千層土，其實千層圖則係牛柏葉，呢個牛柏葉辣油味好出，但係鹹味略嫌比較淡。去到主角串串，咁啱我同朋友都比較鍾意食菜，所以我哋叫咗大量嘅蔬菜：冬瓜、西蘭花、腐皮、雞髀菇、白蘿蔔、海帶百葉結、麵筋……其中我個人最鍾意西蘭花，非常之入味，吸晒湯底，正！麵筋都幾出色，雖然一開始同朋友搞錯咗佢係腐皮，但真係幾好食。最後梗係要以一碗冰粉作結，呢碗冰粉同我之前喺出面餐廳食開嘅有少少唔同，佢多咗啲綠色嘅類似中國新年賀年糖果嗰種，好甜，硬硬地，個人覺得冰粉配以黑糖同埋少量提子乾就係最簡單嘅美味喇～

今日嚟到旺角呢間 串爆 食串串😋 好耐冇食過串串啦 有朋友介紹呢間可以食放題🤩 仲要係兩小時任飲任食 即刻要去試吓😬 食物方面都有唔少選擇 基本上平時食開嘅串串都有～ 飲品有罐裝支裝之外 竟然仲有無糖嘅冷泡茶👍🏻 冷泡茶有兩款 蜜桃烏龍茶同埋菊花普洱茶 兩款都係有原個茶包 蜜桃同埋菊花嘅味道好清新 好飲😌 除咗串串之外仲有啲小食 棒棒雞：麻醬雞肉青瓜絲 味道好夾幾好食 水煮麻辣豬紅：呢個豬紅勁入味 真係大推👍🏻前後叫咗三次 勁好食😋 香辣無骨鳳爪：唔使吐骨啖啖肉😬藤椒雞軟骨：本身以為係炸雞軟骨 但就咁食都好食好好咬😆 主角嚟啦🤩叫咗勁多串 一次過上真係好好打卡😍 湯底叫咗中辣多麻 味道啱啱好😇 串串特別推薦 麻辣牛肉、孜然牛肋骨、雞肉、雞翼、花枝丸 仲有蘿蔔同埋薯仔吸左啲湯好正呀😋 火鍋川粉 少少地嘅紅薯粗粉 煙煙韌韌唔錯😌 老成都雜醬麵 即係乾拌麵 撈埋麻醬少少醋味 都唔錯～ 最後都唔知食左幾多串🤣 食飽最後要食返個甜品 成都老冰粉～ 食完辣嘢食返個冰凍嘅冰粉真係好爽😌 整體嚟講呢間 串爆～食物款式都算多 麻辣味道啱啱好 店員服務態度好 作為麻辣串串嘅放題 係一個唔錯嘅選擇～

今日在旺角行街行完後，看到這間餐廳覺得很特別，是吃「串串」的，我之前沒試過這種吃法，所以就決定入去吃晚餐了。我們選了串串放題，有非常多種食物可以選擇。棒棒雞： 雞肉加上胡麻醬，另外配上青瓜絲，真的很青新又開胃，挺好吃。由於我不太吃得辣，所以就選了豬骨湯底，然後串串方面我也點了不少，孜然牛肋肉，五花肉，豬頸肉，雞肉，單骨雞翼，花枝丸，牛肉丸，魚片頭，炸魚蛋，成都小香腸，芝士腸，鵪鶉蛋，冬菇，豆卜，腐皮，竹筍，娃娃菜，西蘭花，粟米，白蘿蔔等等，真的非常豐富！其中我最推介的是粟米，很清甜很好吃。另外成都小香腸也很有特色，有點像台灣的香腸或港式臘腸，甜甜的，在其他地方比較少吃到。鵪鶉蛋都很香滑。另外我的朋友想吃辣的，所以也特地叫了另一碗是放辣湯的，他說也是很好吃。蜜桃烏龍茶：蜜桃味甜甜的挺好喝。菊花普洱茶：清清地又幾好飲，可以清熱。飲品仲可以選竹蔗茅根。一樣很清熱。

經開旺角廣華街 朋友話好耐冇食過呢串串咁岩我又想食辣野就份去試下 佢呢到晚上有分二人餐同兩小時放題 小朋友先做選擇 我地緊係食放題啦而且飲品都係任飲 揀左好耐冇飲過既椰汁 朋友都係叫茶解膩 先點左d 涼拌小菜 棒棒雞 雞肉 青瓜 麻醬既組合 啖啖肉涼拌海帶 撈左麻辣 好惹味 麻辣豬紅 應該係最辣既小菜 豬紅好入味 娃娃菜 用雞湯煮 好清甜 因為太好味又叫左第二輪 今次另外再叫左雞軟骨、麻辣蓮藕同雞翼尖 雞軟骨好脆 小菜食到咁上下 串串都黎了 第一次會一大鍋上我地咩都叫左d 試下 少辣 少麻 發覺佢既肉都好嫩 特別係泡椒牛肉 五花肉 同 雞肉都好唔錯 另外 好鐘意食吸味既野例如 豆卜 百頁結 腐皮 面筋 最後再叫左少少蔬菜成都小香腸都幾特別 少少似臘腸咁 呢個就係我地最後既戰積所以食放題都幾抵最後叫埋個甜品成都老冰粉 酸酸甜甜 解膩解辣一流

依排成日係咁落雨，搞到好想食辣野，行過廣華街見到有間「串爆」，佢係食成都風味串串，咁就一於要試下啦我地揀左2小時放題餐，正呀😋😋串串種類非常之多，肉類、丸類、蔬菜類，加埋由42款可以揀，小食又有12樣，粉面飯又有5樣，飲品都有10野可以揀，最重要係有啤酒叫，正呀🤩佢嘅麻辣湯底好好味，我地要左少麻少辣，個湯味道好鮮，唔會比麻辣嘅味遮左，而且麻辣味都有後勁，如果唔係太食得辣嘅朋友叫小麻小辣就岩岩好串串樣樣都好食，肉類吸左湯食又特別惹味，不過特別推介佢嘅蔬菜類同魔芋，d蔬菜係好新味，魔芋吸左湯黎食真係食唔停口捧捧雞作為餐前小食非常之好，唔辣，但食落令人開胃，而且雞肉都嫰滑好食涼拌木耳就一定唔好錯過，辣味足夠又香口，食落勁惹味，正呀滕椒雞軟骨滕椒嘅味道特別，感覺清新，辣味又同普通嘅辣椒有d唔同，加埋雞軟骨一齊食真係好夾川味牛肉面，佢嘅牛味濃郁，面又夠晒爽口，而且份量岩岩好，食多幾碗都唔怕食完晒野整返個冰粉食真係一流，唔會過甜，食落後解左d辣味，正整體黎講，食物質素高，而且又有放題形式，岩晒一班嗜辣人士黎食

麻辣口味係香港愈來愈受歡迎。麻辣串係其中之一。今晚嚟到旺角嘅串爆晚膳。晚餐可以揀任食同套餐兩款。我哋揀咗任食因為可以各自揀唔同嘅食物。餐廳好好，俾我哋要一個豬骨濃湯同一個麻辣湯。我哋可以各自食自己鍾意嘅味道。食物串方面有好多選擇，每串食物少量，啱晒我可以食好多唔同嘅嘢。本人最喜歡就係海帶，食咗三串。跟住係娃娃菜，蘿蔔。五花腩有驚喜，軟硬適中。麻辣牛肉好香又彈牙。任食嘅仲有甜品，最後嚟個成都老冰粉，非常滿足。

喺旺角行一陣經過見到這一間店舖2小時任飲任食, 食物選擇ok就去試一試寫紙落單， 底面兩版 先叫咗小食上湯娃娃菜--＞ 感覺好健康先食菜再食其他嘢比較好滷水雞翼尖--＞ 夠入味蒜蓉青瓜--＞ 蒜蓉比較多涼拌黑木耳--＞ 入味而且比較辣第一轉先揀湯底，我哋揀咗唔辣小麻感覺幾有趣每樣食物都切到細細件，一串串咁樣第一次食呢個食法如果要再加串，就再加落去個湯度湯底凍咗嘅話可以叫職員再加熱飲品選擇唔算多，不過夠大路我哋就揀咗蜜桃烏龍茶同埋菊花普洱茶整體感覺係有一點似打邊爐但又唔使等， 可以即刻一吋吋可以即刻食好方便最後兩個人一共食咗64串原本已經食到好飽㗎喇侍應推介這個甜品－成都老冰粉叫咗一碗兩份食，有一點驚喜，冇想像中咁甜而且裏面有啲青提子乾、山楂等非常開胃，好適合食完辣野之後中和番