串燒之王

營業中

休息中

經過串燒之王，一定要試一試他的雞蛋仔。因為他的雞蛋仔燒得十分香脆，非常好味。不過最近加了價，以前$10一底，現在都要$15。不過真的很好吃，熱辣辣剛烤出來，香味十足，值得一試。

葵涌廣場多野食係人都知架啦,但係大部份特式食肆只集中係2/F, 3/F。地下呢間外表裝修簡陋的小食店,卻一直不乏食客,其雞旦仔/格仔餅亦經常出現人龍。今晚口淡淡,就黎呢度外賣買個章魚小丸子啦。21元6粒,小店亦密密起加價 ,但亦可接受。唔好睇他平平無其,賣相亦一般。他個皮有少少重蔥油餅味,小妹覺得其特別。小丸子外表都算脆身,入面有椰菜,幾粒章魚,加埋沙律醬同wasabi,平庸但好食。所以我認為他係快靚正之選

依間舖位於接近葵芳地鐵站入口嘅左邊，相當搶眼，一入到門口已經聞到好香嘅串燒味， 選擇頗為多，而係今次試嘅係牛肉串，睇落雖然冇咩特別，但係都算做10蚊貨仔嘅好選擇， 從外面睇舖位入面都幾乾淨，一串有3到4舊，特別嘅係在於一落單叫左之後，佢會係雪櫃即刻攞出黎，依個方法令串牛食落口感好好，但係缺陷係個爐，令串肉冇法平均受熱，頭一舊比較un，整體唔差， 製作嘅速度亦都唔算話太慢，就算有相當多嘅人流，都唔會特別影響到製作食物嘅速度，係10蚊嘅好選擇。

今日lunch行過這裡，見到有人食緊豬頸肉飯，再望望個價錢$28又幾抵喎~坐低點了個豬頸肉金邊粉冬陰公湯底，加多$6有埋罐可樂豬頸肉金邊粉： 冬陰公唔係好辣，可自行加辣椒魚露調味（80分）其實葵芳咁多間食肆，呢間又平，味道都幾好

上次同男朋友去葵涌廣場掃街，行地下嗰層就遇到尼間燒烤店，見到好多人排隊就行過去嗌咗1串牛肉，1串雞肉，1串雞軟骨，1串珍寶腸。加咗個貌似沙爹嘅醬（佢有酸辣醬、芝麻醬and沙爹醬）。沙爹醬有d酸。雞軟骨好食。珍寶腸都OK。雞肉麻麻地。牛肉👌。

今日(8-11-2014 Sat)等男友文放工後一齊食晏出發去會展.由於新都會廣場又大裝修中,應該迫o左唔少人去葵涌廣場,我見呢o度重有位,而且有麵食,就唔諗,同男友o黎睇,湯麵要$25.00,飯要$27.00,是但啦.我o地坐低後諗,我要$25.00o既香茅豬扒麵,要清湯底,男友要$27.00o既咖哩牛腩飯,加$6.00要凍檸水少甜.凍檸水,一定係最快到,唔大杯o既.之後係咖哩牛腩飯,份量唔算多,我嗅到好香咖哩味,我食一件牛腩,好夠腍,但原來咖哩味道唔太濃亦淡淡地,唔係幾得.等o左好耐,我o既麵仍未到,男友就催,個亞姐指入廚房,示意整o緊,前後共7分鐘至o黎到,所謂清湯,都只係一碗有件白蘿蔔o既味精湯,煮一碗咁簡單o既光麵都咁耐,而且個湯唔係超熱.光麵係唔油潤,口感係爽.而另上o既香茅豬扒呢,味道幾夠,口感適中.味道係1.33分, 抵食係1.5分

葵芳無乜地方賣串燒～想食既話只係得衣間～種類唔算多，唔似旺角嗰d甘，亦無蔬菜類揀～平均10令蚊一串今次叫咗珍寶腸同雞軟骨～串燒一早已經整熟咗，叫嗰時放上爐整返熱所以唔需要等太耐，但比較似煎熟多過似串燒好彩佢個沙嗲醬都幾好食，所以口痕都會買一兩串過下口隱～牛肉，豬頸肉份量比較少，得薄薄一塊，加上比較咸，所以比較少食串燒之王唔只有串燒買，另一邊重有雞蛋仔，格餅，魚蛋，燒賣買～佢地個格餅整得唔錯，比較厚身同有蛋香，比商場上層嗰間好～

無意中才發現平時賣串燒、八爪魚丸的攤檔在早中午時候是賣飯餐麵餐為主, 堂食與外賣都同樣多人最初無讀清楚掛牆餐牌, 直至叫餐時才發現價值$26的飯款是不包飲品, 飲品另加$6。見在場食客多是叫冬蔭公湯底配麵, 就是一款綠色幼麵條名叫「泰麵」金菇肥牛飯配招牌沙爹汁 $26 ... 招牌沙爹汁 唔係呀!!! 味道一點也不惹味, 淡茂茂的沙爹汁還是第一次嚐到 幸好金菇及肥牛都是菇是菇肉是肉, 沒有任何破壞物質本身的添加物存在, 純正得很!香茅豬扒飯配招牌沙爹汁 $26 ... 沙爹汁是同樣的淡茂茂, 因此肯定不會是金菇出水的錯；香茅豬扒帶充足香茅味, 豬扒無被鬆肉粉過, 因此能吃到豬肉煎後收縮的緊纖維及流出來的肉汁, 粗嚡嚡的肉感~另凍奶茶$6 ... 茶味淡, 猶如奶水。有機會反要試試冬蔭公湯底配泰麵

是日遲了下班，準備要乘車回家去，但未回家之前，卻又口痕起來，到葵涌廣場覓食一番。本想吃一碟腸粉，但是卻又打消念頭，後來念頭一轉，在下似乎很久沒有吃串燒，就回頭去葵涌廣場門口。去到葵涌廣場門口，見到串燒之王，心想在下也未曾為她撰文，不如試試她的串燒如何，便點選了一串豬頸肉和一串雞肉。店員便連忙拿著豬頸肉和雞肉放在烤爐上再烤，原本已經燒烤過的，已經呈現金黃色和有燒焦痕跡，現在再給燒一燒，使豬頸肉和雞肉更具金黃和燒焦。店員問在下要甚麼醬汁，在下則要了沙爹醬。豬頸肉本身已經是爽，但是被這樣的燒下燒下，竟然可以仍然保留著本身的爽口，再加上燒焦效果，使肉質更具口感，一來已經是爽口，二來亦有燒烤的味道。雞肉串同樣已經燒烤過，店員再次燒烤，使雞肉更加香濃。雞肉經過燒烤，質感不嚡而且很軟，容易咬開不韌。在下拿到紙袋的時候，兩者都散發出燒烤的味道。至於醬汁方面，表面看來是灰灰的，但是這醬汁卻充滿了椰香味道，而且不鹹也不太辣，實在是一個較佳的醬汁。在下實在忍不住，再嚐試這裡的雞蛋仔，於是在下要了一底。店員說要在下等一等，稍等之後一客雞蛋仔便送到在下手上，由於是即場烘焙，所以在下拿著時還是熱呢！在下趁熱吃了一

中學時代就有光顧的店,還在,是日與某人渡過一天休假,重回葵芳,突然想要走到這個店子買上串燒反正做了一整天奴隸獸又累又餓,就來一串豬頸肉一串雞肉就好雖然是熱天,不過竟然都有不少人光顧這些熱辣辣的小食串燒都是半熟,最主要是加熱和加醬吧都是要基本的沙爹汁,這裡的沒有平常吃的那種黃啡色,反而有點像杏色似的雖然汁醬不是太出色,不過肉質還是可以的,應該算得上保持當年的水準我想我應該會再來的!

今次試左呢間的泰式粉麵味道唔錯, 份量都唔會少豬頸肉好香口蘿蔔好juicy冬陰公湯無乜 spicy以葵芳黎講 $23 食到碗粉都唔係貴~~放工時候仲有串燒賣, 最愛燒司華力腸,夠香水口

在偶然機會下 來到了葵涌這陌生的地方正當煩惱午膳的去向時 巧合地看見了這小店「紅咖哩」這三字完全吸引了我本人並非初次品嘗「紅咖哩」但平日的洋沖、黑椒、白汁等早已令我生厭於是便決定在此小店午膳點了$28的午餐 紅咖哩雞扒反+椰汁冰飲品乃侍應替我落單後沖調的 味道十足飯就等左一陣 原來雞扒會再炸熱賣相不俗 紅咖哩辣度適中 只是略嫌不夠「杰」$28有如此質素 更配上泰式特飲 絕對是超值 有機會必定會再黎幫襯^^

平時成日經過~但都無試過幫襯~成日以為係買串燒既~今日經過, 見到有泰式粉面啊!見天氣悶熱~唔想食飯~就入咗去試試lu~舖內~其實坐得唔舒服~食完會即走既~同埋d枱拍得有點奇怪~不過算啦~望望餐牌先~選擇都算多~肥牛~牛丸~墨丸~雞翼~單粉面$19~套餐$23(即連飲品一杯)我叫了肥牛河~有3種湯底揀~(清湯、沙嗲、冬蔭公)本想揀冬蔭公既~但驚食唔到...嘻嘻~最後揀咗沙嗲湯底~其實碗粉味道唔差既~分量就不多~係杯飲品就麻麻地...我揀了青檸水~飲了半杯就無飲了~俾錢時, 有個似係老細既男人, 快手地拎咗我張單同錢~感覺奇怪!!下次有機會要試下冬蔭公湯底先~

係葵涌商場行街好難唔食返幾間鋪頭既小食經過串燒之皇見到佢燒緊串燒但我既心唔係串燒度係DDD個樣好似好辣既魚蛋度忍唔住叫返串5蚊6粒價錢合理買左1串但食落口又唔係太辣比愛吃辣魚蛋既我感覺只係OK而已!

某日去完銀行路經此地,眼光稍在餐牌上停留,疑似老闆的男士已落力招呼,反正都是午飯時間,就來個咖喱飯吧! 本想選擇惹味的紅咖喱,怎料這位疑似老闆無心一句"你都幾犀利喎!紅咖喱最辣都敢食" 被他嚇一嚇之下,改選他認為是最不辣的青咖喱雞飯。青咖喱味道微辣,吃罷也有微微的熱燙感,辣度可以接受,如此看來紅咖喱應該真的較辣了; 雪藏雞肉質感還OK ,軟軟滑滑的幾件被青咖喱煮過,總算沒有雪味,可以接受! 再加2條青菜心作伴,這個便當還算輕怡。咖喱汁裡面加了點金不換, 看其扁扁的樣子又黑黑的顏色,相信香葉跟雞肉齊煮了一段時間,以外觀就不太好看,個人而言香葉不夠濃味,新鮮煮起的金不換那種獨有香氣,的確是泰菜其中一種吸引力!!雞肉看似大堆頭,還在沾沾自喜買了抵吃便當之際,其實裡面有2件大冬瓜在下面而已, 所以看似好多雞肉嚕! 煮得透心的大冬瓜沾了咖喱汁味道都算OK,莫非泰國人是這樣吃冬瓜的嗎???龍眼冰味道清淡,跟上次飲過的不可比較,微微甜味又不濃的龍眼冰還有些解辣作用,吃完咖喱再來一杯甜茶,喉嚨也舒服多了;幾粒罐頭龍眼還可當作飯後果,當然可以再濃味一些更好。夜晚經過這裡,泰式飯沒有了!換來是一系列港式