串燒之王

營業中

休息中

叫左一串雞，一串牛，好難食今日收工去咗葵涌廣場行吓有咩食，經過呢間串燒店賣相好似幾好，點知食落，好難食。叫咗一串雞肉一串牛肉，雞肉好嚡好乾好難食，牛肉一啲都唔亂，好似冷藏牛肉好難食。

Honey鍾意食雞蛋仔，又鍾意食開心果，今日做野行過葵涌廣場見呢間終於(先前買過好多次都好多人排隊買) 無人排隊，我又早收，諗住買底開心果雞蛋仔俾佢開心吓。買果時都奇怪架啦，點解有個女仔嬲爆爆拎返黎換嘅呢，同個男收銀唔知個講咗句咩，太細聲我聽唔到，之後換咗底俾佢。到我俾完錢等緊整果時，又有另一對情侶拎住底雞蛋仔返去換，今次我聽到啦，個男嘅話唔要咁"火農"! 見佢回收果包又係好似頭先果包咁，放返入去個櫃度。我都為之側目，睇佢個款佢擺入個櫃度又唔係掉，斷估佢會賣俾下一位。上一手衛啦衛生就見仁見智啦。最衰我唔夠細心又無留意，我睇住我果底佢摻啲開心果碎落去即整，佢俾我時我無睇吓。返到馬灣我一開，黑x過鑊底！不過都唔夠honey興高采烈打開時果塊面咁黑。咁樣做生意手法，你只賺埋我今次錢，我係絕對唔相信你入袋時睇唔到。因為好嬲，所以下次我再去時特登再影張門口嘅相post上黎！啲雞蛋仔成本又唔係貴，又無客等，實在太唔老實！講返野食，Honey佢一粒都無食，我只食咗幾粒，盲食嘅都食唔到開心果味，一啲味都無。亦都無雞蛋仔味，唔知食咗乜野！想戒食雞蛋仔一定要試，包你之後唔想再食！

因為知道自己個早餐材料紙咁薄，為左食客既營養需要著想加入更多既蛋白質，真係良心好店！成個面我只係食左一啖，但見到隻野已果時已經話我會比返野飲錢就算，但收錢果陣重要借de收返成個餐既錢，真係非常好既店舖呀！

講到食雞蛋仔，污嘴狗J哥真係經驗豐富，試過好多間雞蛋仔，最中意都係葵廣依間🌟離遠都已經聞到香味，每次都熱辣辣新鮮整，外殼超脆口，冇得頂！蛋味香濃！只需要$18，去邊到搵？未來會持續發掘更多唔同店舖雞蛋仔，留意住我地啦！如果你發現有好好食嘅雞蛋仔，唔怕話我哋知！-環境．-服務．-人均．$-污嘴狗覓食指數．9.5/10

嚟到葵涌廣場一定要掃街啦，香港待色小食就最岩我啦，又平又好食，串燒之王（葵芳）返學年代已經係度，今日再回味一下先。推介：1）魚蛋—— 一定受歡迎，有彈性且嚼勁十足，味道鮮美。它們可以搭配不同的醬料或調味料，如辣椒醬、醋、醬油等，增添風味，增添豐富的口感和風味層次。單獨作為小吃食用，讓人難以抗拒。2)格仔餅🧇 —— 有酥脆的外皮，烤至金黃色，咬下去時發出脆脆的聲音，給人一種很滿足的感覺。而香甜的內餡，加入芝麻、花生🥜，與酥脆的外皮形成了絕佳的口感組合。格仔餅的味道濃郁，吃起來既甜美又有層次感，結合了不同的口感和味道，令人愛不釋手。絕對值得一試！

每次黎葵廣第一間一定係食左串燒先😍店面比較殘舊，唔係特別起眼，經朋友介紹一試愛上❤️會keep住有人買但又唔會排長龍，爐仔細細一次過燒十串八串都可以想食咩直接同姐姐order之後比錢，串燒會再翻燒等五分鐘左右就拎得兩串豬頸肉($12@1)一串雞肉($11@1)一條珍寶腸$(14@1)有三款醬（泰式甜酸醬、沙嗲醬、辣汁）記得要貪心啲要曬三款！聽落好怪，但溝埋係超級無敵好食👍🏻👍🏻❣️🌭全部都燒得好香，特別係珍寶腸姐姐會問你要唔要剪開，一定要剪開會增加珍寶腸被燒過面積，更加香，個皮燒到超脆！🥹🥹🐓雞肉正常唔乾又唔好expect 會好滑🫣🐖豬頸肉既油香，串燒黎講有咩可能唔叫先姐姐仲會幫你拆走支簽放落兜仔方便食用🫶🏻總之每放一嚿落口都一定會（唔～）一聲直到最後食一舊都係會 (唔～好滿足💓）雖然講到好誇咁，但真係好啱我個人口味🤧🤧🤧

我夠膽講呢間舖頭由細食到大😂 以前貪佢平，一過嚟葵涌廣場就會買😂 相比起其他葵涌廣場舖頭佢加價都唔算多，咁當然佢粒章魚當然細粒啲😂 依家都仲係$25🤔不過我今次介紹嘅係格仔餅😚 其實本身我都係諗住買章魚小丸子🐙但係見到佢排雞蛋仔同埋格仔餅嗰條人龍，我就即刻轉軚😂 雖然佢有條人龍，但係5分鐘左右都應該會等到😚 同埋我買格仔餅，大部份人都係買雞蛋仔，所以我等嘅時間又短啲🤔 $16/底，佢做到外脆內軟，同埋可能新鮮熱辣已經加咗好多分🤤 唯一嘅缺點就係唔夠醬，下次再買會叫佢多醬😚

我係雞蛋仔愛好者， 見到 未試過的雞蛋仔店舖便忍不住試吓，但不知道為什麼荃灣賣雞蛋仔的店舖越嚟越少， 要覓食便到葵芳。 見到有食評推介這店的雞蛋仔，經開過便過來買份試試。 我特意要求姐姐俾份新鮮熱辣俾我，吃了一口我便發覺這店的雞蛋仔有一陣油味，但雞蛋仔係脆嘅， 裏面係有傳統雞蛋仔嘅分層即係上層空心下層實心。 味道不是很甜，僅有丁丁甜味， 我食唔到其他食評所講什麼雞蛋仔香味或者用雞蛋味，唯獨慶幸沒有麵粉味。 最後我食了大概四分一，便頂唔順佢種油味全包揼咗。

嚟到串燒之王竟然唔係食串燒？！係食雞蛋仔🤨🤨🤨話說傳聞呢，呢間雞蛋仔望落好伏😅😅😅但實際質素不輸出面嘅大檔！🤔🤔🤔咁我就一於試下！雞蛋仔熱辣辣！佢做到外脆內軟🤩🤩🤩而且好有蛋香！！😋😋值得推薦一下！👍🏽👍🏽

收工又去葵芳掃街，今日選擇食雞蛋仔，呢間串燒之王喺葵涌廣場最底果層，佢叫做串燒之王，當然有串燒買啦，但係仲有其他小食，例如章魚小丸子，魚蛋燒賣同埋雞蛋仔，呢間雞蛋仔完全不遜色於一些出名的店舖，外皮很鬆脆，裏面很軟熟，很好吃😋

食完強記小食作熱身，今日嘅第二站就係葵芳廣場！一行入葵芳廣場地下就已經聞到好香嘅雞蛋仔同埋串燒味！由於本人對雞蛋仔興趣唔大🤠所以就揀串燒食喇。串燒有豬、牛、雞同埋角色各類嘅腸仔；亦都有雞蛋仔同夾餅；口學嘅仲可以買番杯野飲（個人認為飲嘢一定要上上邊🤨）佢哋燒完係會將食物擺入紙杯入邊方便進食，咁就唔怕拎住支竹籤周圍食，冇咁危險⚠️🤪✅雞軟骨：好香嘅香茅味！雞軟骨亦都好有咬口，仲有秘製辣汁😃✅雞腎：一口一粒嘅份量，咬落口好爽😃賣10鬆啲蚊一串，相信唔會有人覺得貴😌大家不妨試吓😆 ——————————食物質素：7/10 環境衛生：5/10 舒適度：N/A服務：6/10 性價比：9/10 總評分：6.7/10 —————————— #foodblogger #foodlover #foodie #hkfoodie #相機食先 #葵芳

中午時分搵野食，想食飯唔食麵，去到葵廣地下有呢間小店，叫串燒之王諗住會食下串燒，唔知係咪lunch time冇串燒😂😆不過有飯食，就照坐低。叫左個沙嗲雞扒飯同熱檸茶，盛惠$39，飯$33，熱飲+$6。沙嗲寫住係秘製沙嗲汁，應該係平時串燒既醬汁，但個色比較淺，同埋唔算好濃既汁，幾好味，鍾意佢唔算超重口味。雞扒不過不失，皮好香脆，不過中間有啲軟骨，唔算太大影響。熱檸茶就正常發揮，我覺得三片檸檬既柁茶是基本😆🤘🏻下次希望另一個時段去，可以試下串燒！

#雞蛋仔 $15突然好想食雞蛋仔 咁就走咗去附近葵廣買😂一開始佢整完放咗大概30秒後就比我 係就係好熱 不過好淋咁我就打開佢攤下先 等佢冇咁熱同埋可以脆返啲🙃冇乜蛋香 不過解一解口癮就算啦😕評分:4/10

由於哩間店在正門隔離，位置方便，入葵涌廣場實見到，見佢燒緊泰式串燒好香，忍唔住買左串試下，但極之失望，肉唔腍既，而且沙嗲汁唔夠濃，仲要十幾蚊串，中晒伏，我唔會再幫襯

出地鐵站走過馬路推門一入到黎已經聞到陣陣雞蛋仔香，行過都番轉頭忍唔住買黎食，但係買左格仔餅，雞蛋仔一粒粒脆卜卜，但格仔餅花生醬、煉奶、砂糖夾住諗起都流哂口水即刻叫番一底先啦！望住店員即叫即整，唔洗10分鐘熱辣辣格仔餅($15)出爐，多d花生醬呀，唔該！😆🥜一拎上手真係超級熱，忍不住都即刻咬啖先，襯熱食嘛😋食格仔餅都有秘訣『一定要打橫拎住食，你一拎直食花生醬就流走哂既啦😂』花生醬湧出黎，係口入面游走，簡直難以忘卻依種人間美食，難怪咁多人黎香港都要食