串串貢 (已結業)

今晚天氣轉涼， 又見有間新開張的串燒火鍋, 仲可以任飲任食, 買相跟門面都吸引,見價錢都算是平宜, 就入去圍爐開餐LU.~^.^ 湯底有麻辣跟豬骨可選, 我跟友人都喜歡吃多元化食物，於是選了鴛鴦湯底😘。湯滾起時就聞到好香，趁未放其他野就先呷一口豬骨湯先，感覺不是味精湯，剛待應經過，說湯底是日日煲的，唔怪之得咁鮮味啦😘。因我哋唔食得太辣，故麻辣只叫了bb辣，椒🌶️味都出色😊。餐厅範圍廣闊，周圍都好乾淨企理，燈光明亮，感覺舒適😊。 醬料款式多多，花生醬， XO醬，沙嗲醬，生蒜，蔥花，辣椒等等，混醬又得，獨估一味又得，隨你喜好😚 首先會送上拼盤（一枱只限一碟）鑽石蜆，蠔，跟魚片，材料新鮮蜆沒沙☺️。食材好豐富同新鮮, 食物串串的，很方便衛生，虾🦐新鮮彈口的，牛肉跟豬肉切得厚薄剛好，沒有太多餘的油脂，吃多也不會覺得膩， 丸類選擇多，貢丸，魚蛋，餐肉....，疏菜都有很多選擇，生菜，波菜，菇菌，青瓜，南瓜，苦瓜....形形色色各方面都有，真是食得開心又放心😊各樣食一串都己經飽到上心口，但很滿足😛🤭，整體上食物質素高 同多元化，這間是下次圍爐首選😋。

今晚同家姐佢地搵到一間我好鍾意既野食!!!就係重慶麻辣燙串呢間最正嘅野就係佢用放題既款式因為我發現係出現食好少已經80~100蚊呢到二百蚊樓下 任飲任食❤️💕首先佢d 串串勁新鮮而且有好多唔同既類型例如雞肉 除左有佢地既特色雞翼之外仲有嫩雞肉 雞軟骨 仲有雞腎 蝦 豬頸肉 麻辣牛肉真係好多好多選擇而且中間果個櫃係佢地特別既風味有d 豬耳 牛肚 牛柏葉咁💕非常欣賞佢地果一種牛肉丸勁juicy 又爽口絕對唔係街市一般貨色講返個湯底omg 好彩叫左鴛鴦鍋因為麻辣果一邊真係唔講得笑好勁辣下 但d 花椒八角味都好出我地即時放d 串串落去試下嘩正💕❤️個份量岩岩好而家佢地仲有一客好靚既肥牛片比d 客非常高汁最欣賞係佢地野飲係有好多好多唔同type想試唔同既都有!

近日天氣開始涼返啲😄又係時候食返啲熱辣辣嘅嘢☺️麻辣串串自助鍋🥘$188任飲任食，重慶串串鍋🤩有鴛鴦湯底選擇😛正宗重慶麻辣湯配香濃豬骨火腿老火湯😍麻辣湯底叫咗小辣，唔算好辣，麻味亦啱啱好👍香濃豬骨湯，味道濃郁😝老闆娘仲帶埋我睇個濃湯製作過程😛可以保證絕對唔係開粉😇完全真材實料無添加去熬製😎老闆娘仲會日日都到街市選購海鮮😉每枱都有一份當日新鮮時令海鮮拼盤☺️其他火鍋配料就可以到出面自行選取😋超過六十款選擇😝仲有自家製滷水😍全部一串串預備好😘醬料亦可自行調配☺️飲品選擇都唔少🍹而且仲有生果食𠻹😄串串貢 (深水埗)深水埗元州街18G號富匯居1樓

太耐無行深水埗, 今日一逛才知道這裡有間火鍋店新開張!!價錢不算貴, 和普通的任食餐廳差不多~老闆一看就是重慶人, 應該是正宗四川菜!餐廳有2種湯底選擇: 重慶麻辣和清湯，我們就選鴛鴦湯底, 這樣兩款都湯可以試試。初初以為清湯味道很淡, 像水一樣, 但原來很夠味, 鹹鹹的, 以為加夠鹽。後來老闆跟我們說原來湯底是老闆每日開店前親自煲製, 放了金華火腿、香蔥、紅棗等等食材煲製而成, 堅持不放味精, 怪不得完全不會口渴！因為湯底很夠味, 不點調味醬都可以, 不過餐廳都有提供調味料比重口味人士, 選擇都算多~食物方面, 餐廳最大特色就是大部分食材都是一串串, 好像在吃四川麻辣串一樣好過隱!!食物種類都算多, 應有盡有‧最愛食鹵味, 豬大腸、雞腳等等, 放入鍋裡幾秒撈起, 鹵水味仍然夠味, 好正。另外青瓜、豬耳這些食物千萬不要錯過, 放入麻辣湯底就和平時吃四川小食一樣, 正宗四川麻辣香, 很惹味。整體來說, 這間餐廳特別, 食物好吃, 價錢不貴, 店員友善, CP值高!!

年近歲晚，同男友去深水埗買揮春，買完當然要醫下肚啦！行過一條街就見到一間名叫串串貢既火鍋任食，唔洗200蚊，任飲任食，好似都唔錯，一於就試下啦。 上到樓店員即刻好熱情咁招呼我地，湯底選擇唔算多，但都好用心，全部真材實料。聽店員介紹，佢地既重慶麻辣燙每日都係由老闆娘自己炒底料，而豬骨火腿都係每日煲足好多個鐘而成，絕對冇添加香料。咁用心，就要個鴛鴦鍋試下啦！果然，豬骨湯比起市面其他火鍋店要濃郁！不過麻辣火鍋可能因為我地叫左bb辣，就冇咩味。。好彩同老闆講完，佢都即刻幫我加多d火鍋底料，即刻濃郁返！建議食到辣既人不妨叫辣d，會好食好多。 除左湯底，火鍋材料都好重要！呢度比較有特色就係全部都用竹籤穿起，食果陣特別過癮。材料選擇都幾多，有各色蔬菜、海鮮、丸、雞肉、豬紅、公仔麵都有！我覺得呢度既海鮮好新鮮，唔係冰鮮貨色，特別係海蝦，又大又彈牙呀！ 飲品係自己係雪櫃拎，選擇好多，就係飲野都覺得好抵

隔離到深水埗呢一間食麻辣串串燒嘅新派火鍋之前喺葵涌食一串麻辣燙已經要三十幾蚊呢度188蚊任食任飲仲有超過60款最好嘅係有鴛鴦鍋就算食唔得辣都可以食清湯餐廳好好唔會似其他任食火鍋店咁 要剔落張紙度等上菜佢係已經準備好曬喺雪櫃你淨係需要攞個兜出去自己任揀就可以樣樣都好新鮮用竹籤打邊爐真係好方便煮熟就成支竹籤拎上嚟食 勁方便嘢飲好多次數少有20款除咗打邊爐料外 仲有鹵味估唔到滷味打邊爐 係好好味值得推介係魚皮 芫茜牛肉 麻辣牛肉 魷魚牛肚特別係蝦又大隻又新鮮又爽口 勁好食如果食得辣 將豆卜放入麻辣湯汁 真心超好味價錢真係好抵又多選擇

話說深水埗有一間好「串」既邊爐放題最近新開張，川味十足之餘仲要係主打任飲任食放題，食物選擇仲要一D都吾hea，有超過六十款火鍋配料，以自助式為主可方便客人按份量需求控制提取既數目。🔷麻辣串串自助鍋。任飲任食 💰168 💙75/100🔹鴛鴦湯底 (正宗重慶麻辣湯 x 香濃豬骨火腿老火湯) 呢到有3款湯底可選擇，其中鴛鴦湯底應該算系吾洗捻果款，欣賞店家主打無添加劑湯底，老闆堅持自己煲，豬骨湯用上時令既新鮮食材熬製，其中有豬骨、雞架、金華火腿、紅棗等，又補又滋潤。而麻辣湯揀左btw小辣至中辣既辣度，食到咁上下如果想再辣D，店家亦提供可加辣度，十分抵讚，加辣度既時候留意到個麻辣色非常香濃，有好多辣椒及花椒等，食落麻辣並重，而家捻反起都流哂口水。🔹時令海鮮每檯會按人數提供一份一次性既海鮮，以貝殼類海鮮為主，仲有蠔添。貝殼類海鮮既清潔上都頗為重要，而卡比認為呢碟海鮮處理得都幾乾淨，份量亦都恰當。🔹火鍋配料呢到有超過六十款配料可供自取，有各式各樣的，蔬菜類較為少見既系苦瓜以串串形式。肉類及丸類大部分以串串形式，擺放得都算容易提取，吾會散落哂。個人最喜歡的是芫荽牛肉串及麻辣牛肉，味道既正宗又入味。除左

元旦日和老佛爺找野食，吾知食咩貢貢吓見到呢間串串貢重慶火鍋，單看單張吾知有咩食，就貢上樓視察吓。可能新開，都有好多枱，選了窗口位，坐得算舒適。食材種類都多，肉類肥牛雞豬吾少得，但肥牛就真係幾肥，蔬菜菇類蓮藕豬紅，鵝腸水魷幾新鮮，有少量生果，汽水和一大煲雪梨水任飲。我們點了鴛鴦鍋，麻辣要少辣，但都好辣，除了任取食材，會另送一份海鮮，有帶子，螺，蠔仔和癩尿蝦，帶子和蠔仔幾鮮甜，螺可能走咗佬，得两粒有肉，癩尿蝦太細了，係新鮮，但好難食到肉，送幾隻蝦好過。整體食得算ok, 個湯底係做得吾錯，埋單370，人均消費185元。