串串燒 by Season (已結業)

係Season Plus新開，以串燒作為主打既店舖🍢 $9串燒有超過25款既選擇，本季限定優惠仲提供以$68選擇10串指定串燒🤗----------串燒 $9/串 $68/10串首先呢個價錢唔好期望係好大串，佢將啲肉剪到好細粒，不過咁既價錢可以嗌好多串同好多款式😂串燒可以揀鹽燒(唔辣)/川式微辣，綿羊揀左鹽燒，食落全部都好夠味😊日本和牛粒 $38和牛粒燒得好腍，就算表面都冇鞋口或者煙韌，亦都唔乾芝士大元貝 $28芝士燒到焦焦地，鹹香一流👍雞骨付腸 $18皮燒得好脆，腸肉油脂偏多，所以食落甘香台灣腸 $18好似芝士腸咁既大小，油脂較少，肉味比較濃魷魚圈 $38可以揀沙律醬或者茄汁🍅份量算多，炸既時間亦都控制得幾好，魷魚圈唔會好韌大部分非酒精飲品$9，全部啤酒$28，都幾抵飲----------*店內設有洗手間*枱面放住樽七味粉，如果認為調味唔夠，可以落下*不設加一服務費

Friend子聚會, 天氣又悶又熱，最啱暢飲啤酒，所以今日決定嚟食串燒！一人一串惹味又唔洗熱！happy hour時段仲有99蚊2支啤酒加10串自選串燒！淨係99 2支啤酒已經抵到爛！就算過咗happy hour 都仲有$68十串精選串燒，多人share真係一流！我哋仲嗌左燒韭菜、燒金菇、扇貝、茄子、牛舌等等！反正就係叫到一枱都係😝燒韭菜同茄子都用咗孜然粉同少少辣椒粉，勁香勁惹味！韮菜新鮮唔會老到咬唔爛，茄子燒得啱啱好軟度適中，配上勁多蒜蓉，好味到爆！鐘意蒜味嘅朋友亦唔可以錯過燒金菇！牛舌燒到淋得嚟有口感！燒多春魚好juicy,超正！燒牛柳好淋好入味！燒生蝦都只係9蚊，食得出仲爽口彈牙，係新鮮蝦！燒扁貝大大隻，下次要試埋芝士味！加上餐廳環境唔算太嘈，可以傾下計，所以下次一定會再返嚟！

同好姊妹係創興行完街，經過呢間串串燒門口，由地庫傳出黎既串燒香味，肚餓既我們即刻衝左入去了。串燒種類都算多，有海鮮、牛、豬、羊，真係花多眼亂 我地樣樣都叫黎試下，好彩每串份量唔算多，價錢亦唔貴，岩晒眼闊肚窄既我地。講返串燒先，肉類燒到岩岩好，唔好太乾，非常juicy。我地叫左好多份燒帶子，大粒得黎又有鮮味，加上蒜蓉和少許辣椒粉，非常惹味青酒煮蜆又係必叫既 ，好重酒味，蜆肉完全冇沙，食得安心燒茄子、秋葵都幾好食，秋葵燒到爽口唔會淋吱吱仲有點少得燒菠蘿，$9 兩大件抵食又好味，咬落去咇汁，正

唔知你哋有冇返過大陸食木屋燒烤呢一間就係香港版嘅木屋燒烤 價錢非常之抵食 最平只係$9一串 款式亦都好多基本上佢同大陸嗰間差唔多 最重要係佢有生蠔添呀 仲要超抵食$50就有啦佢呢度仲有我最鍾意嘅多春魚 好惹味你可以揀辣同埋唔辣辣嘅就係川式微辣 其實真係好似小小椒鹽嘅味道咁樣我想講佢啲炸物係非常之出色 同埋非常之抵食佢勁大份 尤其是係佢個炸魷魚同埋炸薯條多到兩個人都根本食唔晒 同埋佢個炸蠔都好好食炸粉亦都唔多而我最欣賞就係韓式蜆 勁鮮甜雖然佢唔係落咗好多調味料 就係因為咁樣所以更加突顯佢嘅鮮甜味道仲有茄子同埋粟米粟米嘅份量都係超級大 兩個人都係食唔晒 茄子我覺得非常之若味 上面啲蒜蓉味真係超重 如果你都好鍾意比較重口味嘅你你都一定要試

好似成日都去尖沙咀食飯，好少去旺角，今日就試下串串燒先！諗住早啲食晚飯，未到6點就已經到左，竟然串燒店都有happy hour！每日5pm-7pm, 10pm-2am都可以68元10串，或者99元10串再加兩支啤酒！係兩支！好抵呀！最中意啤酒既老公梗係揀99元set啦！99蚊set既支裝啤酒可以揀asahi呀，1664呀corona果啲貴啤酒！超正！店員服務態度都幾好，放低野食會逐串介紹反，而家好多串燒店都係就咁放低野食就算，好少會慢慢同你講反邊串打邊串秋葵，翠玉瓜，台灣腸，雞中翼，雞骨腸，燒生蝦，雞軟骨，羊脊柳，多春魚，全部都好好食！再encore左台灣腸同雞軟骨，呢度既串燒似我係深圳食既感覺！正！最中意孜然粉同微辣既味道，合晒我合尺！雞軟骨餃子同牛油粟米粒份量都幾多！好食！生蠔50蚊有一打，或者中碼蠔50蚊6隻，不過食開法國蠔既老公都係揀左兩隻法國蠔，39蚊隻，新鮮！海水味濃！等我下次帶家姐泥先！佢最中意呢種口味既串燒！

是咁的，早幾日同2位朋友食完season oyster & wine bar之後發現佢地有間串燒做主題既分店既旺角，於是又約埋啲朋友仔一齊再食過～同season oyster一樣都有平價生蠔食，不過今次我地就冇食蠔，因為串燒種類勁多！海鮮、豬牛雞、蔬菜同生果都有，每個人都食到自己想食既野！同埋啲燒肉都算幾高質，唔會燒到太乾，仲有少少重慶燒既感覺，唔洗自己燒認真舒服～差唔多每款我地都有encore，當中我自己最中意既就係雞軟骨炸餃子同埋燒菠蘿，2個都相當juicy！另外仲有牛油蒜蓉翡翠螺同埋燒茄子，都值得一試呢！今次終於成功飲到酒～總括黎講呢到幾岩一班朋友上黎吹水飲酒，啲野食好開胃岩哂下酒。係旺角都非常就腳！

夜晚9點幾黎到，間野係地底，見落去條路都唔多乾淨，是但啦行落去，嘩，一入去比入面d油煙嚇親，但一場黎到就照坐低左食大油煙到我同友人都勁想咳，好辛苦，見隔離仲有人可以開酒飲食生蠔，咁既環境點enjoy呀？ 同埋枱面同櫈都好污糟，好多油同野食碎都冇人清理野食方面，68蚊10串串燒係平，不過其實份量好少，食左好似冇食咁，得條多春魚食得下，但魚又煎到好燶.....其他9蚊串燒都係份量細，叫左串18蚊既牛舌試下，得一塊正常size加兩塊肉碎咁既牛舌，同openrice其他食評見到唔同..sorry我冇影相果時只想快d食完走，同埋都冇寫開食評，但呢間野令我忍唔住要寫我仲叫左一兜牛油蜆，勁多沙最後埋單出左去食碗魚旦粉

朋友約食飯通常都去啲坐得耐又傾到偈既地方，然後就有人揾到一間係旺角新開既串燒店～餐廳係地庫所以感覺比較大煙，但環境都幾大幾舒服，適合一大班人黎食。呢度串燒種類都幾多，價錢都ok叫咗好多款串燒，覺得燒燒賣，雞軟骨，翠玉瓜等等嘅食物都唔錯👍🏻 肉類燒得幾香幾惹味，但係就食落比較乾，肉粒嘅份量可以大少少。另外呢度除咗串燒都仲有好多小食，例如呢個粟米同茄子，蒜蓉味係超級重，鍾意食蒜嘅朋友唔可以錯過！另外海鮮都有得食，叫咗呢個燒翡翠螺，好有咬口食落新鮮雞軟骨餃子都炸得好香脆～

我地間唔時都會鐘意同朋友食下串燒，飲下啤酒吹下水。串燒每串2-3舊，每人可以食少少，送啤酒真係一流。🍢🍡🍺🍻最近朋友推介呢間串串燒，話友人試過，食物質素唔錯，十分抵食。所以我地決定要去一試。呢間店既串燒最低低至💲9️⃣/串，如果happy hour 仲有套餐，2枝啤酒+10串串燒=💲9️⃣9️⃣，十分抵食。🍻🍺法國生蠔 Gillardeau No.0⭐️⭐️⭐️⭐️⭐️好大隻，新鮮炭燒雞泡魚干⭐️⭐️⭐️第2 round 美國生蠔⭐️⭐️⭐️牛舌⭐️⭐️⭐️⭐️日式餃子⭐️⭐️⭐️和牛牛柳粒⭐️⭐️⭐️⭐️炸魷魚圈⭐️⭐️⭐️⭐️雞中亦⭐️⭐️⭐️秋葵⭐️⭐️⭐️⭐️燒扇貝⭐️⭐️⭐️⭐️燒茄子⭐️⭐️⭐️⭐️

今日同兩個朋友喺旺角行街，差唔多到夜晚咁咪諗住搵間餐廳食飯，但係我兩個朋友又話只係想食少少嘢，咁我就建議左佢哋一齊去食燒烤啦，今次帶咗佢地去一間係旺角叫串串燒既食店，我哋行到身水身汗一坐低，最好嘅就係佢嘅冷氣超級夠涼絕對唔怕唔夠凍，大家都覺得好舒服，講返啲嘢食先，我哋叫咗牛肉啊，大蝦啊，一啲菜同埋海鮮，好有水準，我哋三個人大約食咗$800，差啲唔記得講比大家聽佢哋有生蠔套餐，可以配紅酒或者白酒，超級抵食生蠔又新鮮，不妨一試！

旺角近太子方向去始創中心大街對面有呢間串串燒， 鋪頭喺地庫 一入去就有濃烈嘅燒烤味，等入座嘅時候已經好期待!!我哋揸緊時間趁5-7pm happy hour落單 99蚊十串仲包兩支啤酒任揀😂 啤酒我哋揀咗corona 勁抵! ( 其餐牌有少少 confusing 原來$99 ＆ $68餐都係menu中嘅指定款式)68蚊十串呢個特價串燒就 anytime都有。 其實原價$9串已經好抵，而家仲要變曬$6.8@ 狂嗌都唔會傷荷包😂因為實在太得太多款呀重點推介啲畀大家。我最鍾意嘅係燒多春魚，燒嘅時間拿捏得啱啱好，熱辣辣上枱仲燒得好完整!! 燒韮菜勁長大大串， 惹味必點!! 牛舌係叻一心水，比起其他肉類佢算係厚身 啖啖肉，爽口得嚟又有口感。我同朋友一致認同係好高質。另一邊食啲選係燒茄子 燒得啱啱好 軟淋juicy一啲都唔乾唔硬，分量夠大，就算連皮食都十分入味😋大推

突然口痕想食串燒， 就黎左呢間新開既餐廳試下 ，一行四人食左好多唔同既野🤤所有串燒都可以選辣同吾辣，吾辣既就可以選鹽燒，我地就選晒鹽燒口味🤓特價串燒（$68/10串）有好多串燒可以選，我地就選左雞軟骨、雞脾骨同牛柳。其中，雞軟骨就比較出色，牛油蒜蓉金針菇（$28）蒜香味好重，但冇咩牛油味牛丸（$9）牛丸好多汁、彈牙雞軟骨餃子（$38）翠肉瓜（$9）好多汁而野飲方面, 喜歡飲酒的朋友性價比最高的就係1664😘($28) 佢地的雪櫃就好夠凍一啖酒一啖肉 正😆

一向都好鐘意食串燒今次去左旺角食叫左雞泡魚乾非常香甜我覺得食串燒必要點的因為多數都係最快有得食食住邊等邊傾計岩曬多春魚燒得好脆口自己bbq成日都燒唔到去到食串燒又係必食值得一讚係燒得好脆老公好鐘意食薯條諗住叫一份細細地食下點知都幾大盆好心人眼啊！薯條都好好食估唔到呢叫左$9半打生蠔 好正呀！好新鮮 又可以食生蠔又可以食串燒真係開心牛柳粒有牛味 肉質唔會過硬有水準呀！仲叫左雞腎 雞軟骨 等等好多款式！燒雜菇燒得好香！我同老公都忍唔住食曬

今天我與朋友於旺角彌敦道行街，經過掛了很多紅色燈籠的「串串燒 by Season」，主打串燒，於是我們便走落用植物裝飾的小樓梯，展開串燒之旅。因為現在有歡樂時段（早上10時-下午2時及下午5時-7時)之優惠推廣，揀10枝串串燒只需$68, 而且不限點單之次數, 另外，串燒可以選擇鹽燒或者川式微辣，我們覺得川式微辣更加惹味。牛柳Juicy肉汁豐滿。雞軟骨咬落爽口，配上孜然粉，惹味!羊脊柳灑上川式微辣的調味，相當入味。豬頸肉，咬口爽彈。平時習慣吃冷盤之翡翠螺，今次試吃燒烤的，鮮甜多汁，果然另有一番滋味。蒜香烤焗茄子$68，上面鋪滿蒜蓉，配上辣味，真是烤得又軟又香又惹味。我也特別喜歡這店之日本餃子，咬落味道十足，口感豐富，吃完還想再吃。燒烤後的墨魚滑，更加香口彈牙，滋味十足。平時於酒樓很多時吃蒸燒賣，今次試串燒燒賣，口感特別，脆口好味。多春魚，整條串燒，肉質酥脆嫩滑。燒烤雞翼，一定冇得輸，咬落皮脆多汁肉嫩吃完這麼多肉，再試試蒜蓉什菇，蒜蓉味吸引惹味，真不錯!整體來說，食店服務好，店員有禮貌，而且好抵食。雖然每串都是中等份量，但夠火喉。我們可以一邊慢慢聊天，一邊慢慢享受串燒，真是值得推介的食店

今日和朋友到旺角買衣服，以預備去旅行之用。行完一輪之後，都有點肚餓，又不想吃正餐，於是便到這裏吃串串燒。餐廳位於彌敦道鬧市，十分方便。雖然在大廈地庫，以黑為主色調，裝修型格。這裏做緊優惠，68元有十串，可以選擇三款。其他串燒9元起，有不同的款式和種類，任君選擇。這裏不單有串燒吃，還有精選生蠔呀! 另外，更有意大利白酒、香檳酒等，也可以給人更高級的享受。可惜我朋友不吃生蠔，所以留待下次吧!這裏的燒烤肉食樣樣都好味，我們特別推薦牛柳及羊脊柳，一點也不油膩，十分嫩滑，香口美味。所有串燒的份量剛剛好，火候控制得也恰到好處。鹽燒和川辣相比之下，川辣更為惹味可口。海蝦經國燒烤之後更加香口和滋味，而且已經去殼，方便我們食用，正！這裏的炸物也不錯，我們叫了美國粗薯條和雞軟骨餃子。雞軟骨餃子炸得金黃香脆，火候控制得剛剛好，內餡非常鮮味。鹽燒美國粗薯條，金黃而不太油膩，最好嘅就係分量好足，吃得滿足，又絕對抵食！ 燒烤紫番薯，烤後又香又甜，好味。鹽燒蒜泥韓國蜆，吃落鮮味清甜。串燒韮菜，很特別，燒得入味。蘑菇亦都好「juicy」， 咬落去蘑菇入面的肉汁流入口腔，令我忍唔住一啖又一啖， 連切都冇切就將成個蘑菇食