串串森林 (已結業)

今日做野路過土瓜灣，見到呢間店，個名幾得意又寫住大大隻字廿蚊三隻雞翼，就走埋去試下。雞翼好入味，加埋D蜜糖無得頂。加上廿蚊三隻真係好抵。呢間鋪仲有賣台式飲品，我試左杯珍珠奶茶，估唔到比一般連鎖店好飲，重點只係賣十蚊

星期日去開土爪灣睇地產, 天口又熱,見到間串燒有野飲賣,見到佢地燒野我又口痕,就買左幾串黎試下。雞串,雞軟骨, 羊肉雞串D咖哩汁幾好, 雞軟骨都好, 不過我一向都LIKE雞軟骨, 羊就有羶咪, 女友食又唔食辣, 我唔太LIKE。 牛肉,雞腎牛肉佢燒8成熟, 冇諗過, 起碼食後都冇肚痛先。雞腎, 燒得唔硬都唔錯。間野有野飲買, 想買烏龍茶,竟然賣哂,係咪咁好賣呀!? CASHIER姐姐介紹朱古力雪昔, 雪昔 - 咩黎, 聽都未聽過, 我問係咪奶昔, 我唔飲奶的, 佢話唔係, 似沙冰咁, 我又揀唔到其他, 咪試下囉。飲落又冇奶味, 特別係會飲到D碎冰, 天口熱飲完都幾涼快, 不過不失LA, 不過有烏龍茶會好D 囉。野食都OK, 即叫即燒。唔好係冇位坐, 要企係到食。

今日下午同友人等因事外出, 途經士瓜灣, 天氣酷熱至乾煎了最少半個小時, 係時候要refersh一下.友人推介左呢間串燒店, 隔離果間有小食, 但呢間有野飲 ... ... ... 結果好彩無揀錯筆者要了杯薄荷朱古力冰, 唔太甜, ok透心涼, 正原來新開, 鋪面很整潔, 絕非 "出寨國" 出品, 唔錯唔錯串燒好吸引, 可惜筆者熱到食唔落野 ; 友人則親身試了, 味道唔錯仲有好多choice, 價錢ok 喎下次經過可以再試其他先

岩岩經過黎條街, 發現開左一間新ge 小食店, D 野食好似好多選擇又有野飲, 買左一串台灣腸同燒菇, 都好好味, 台灣腸好特別, 其他小食好似都無黎類野, D 菇好juicy, 好好味啊~