中間界餐廳 (已結業)

本人經朋友介紹...得知...果然冇錯...!!!正...!!!德國咸豬手...皮脆内軟..勁好味道!!!(最好三人以上食...好大份)

下午五時多來到這裏，三個人各選心水食物：T：野菌海鮮燴意大利飯L：吞拿魚沙律飛碟(下午茶餐)大T：法式紅酒燴牛尾在此區能吃上比較好的西餐(價錢又要不貴)，首選這裏。飛碟即叫即製，十分好吃。意大利飯也令T滿意，海鮮當然都是一般的雪藏貨，但製作認真。至於法式紅酒燴牛尾，就沒有驚喜。另外叫了一個心太軟伴雪糕給T，表皮不脆，但味道合格。

我成日周圍去食西餐, 有日去北角入左一間叫中間界餐廳既西餐食, 起初覺得個名吸引入去, 原來入面d野, 好好味, 一食就知道係用心之作, 唔似得出面果d扒王之王, 花園, 名寶石等等, 我地食左幾個小食, 蜜汁燒墨魚丸, 蜜煻雞中翼, 鮮露筍牛肉卷, 炸日本生蠔, 已經讚不絕口, 跟住再叫左德國咸豬手, 豬手個皮好脆呀, 香草海鮮意粉, 個香草醬係自己做, 紅酒牛尾, 超"正", 羅宋湯又濃又香, 我問個侍應, 佢話老闆係酒店出來既廚師, 佢每日都會係鋪頭煮野, 所以出品一定有保證, 事問依家有幾多間餐廳每日都有個老闆係鋪頭出品食物, 唔係連鎖既, 就係個老闆亦未必有料可以煮出好味既食物~ 相信要食好味, 又超值既野, 一定要去呢d鋪頭先可以^^

　　食過呢度幾次，覺得食物質素大致上都幾好，我覺得最抵食0既係上圖0既茶餐，有個好好味0既餐包，另有炒蛋、漢堡、一碗單拼麵及一柸飲品(之前$26，現在好似$28)，覺得抵不是因為$28，而係呢個餐算係最平，因佢0地午市及晚市主要是提供扖、意粉或日式餐的，大都要$40以上。我也試過這裏的晚餐，我是食金菇牛肉卷湯烏冬，d金菇牛肉卷是即煎的，都等左四、五個字，味道都幾好，幾夠味，但不算特別；我的同學仔食吉列豬扖湯烏冬，d吉列豬扖都好味鬆脆，但亦不算特別。有一樣要推薦食的係佢0地d蜜糖燒墨魚丸，好好味！！～下午茶得4粒(如上圖)，單叫好似有8粒！～來呢度食其中一個原因係呢度坐得較舒服，有卡位，有電視。

我已經連續每個星期日都去食左3次. 我自己都有煮下西餐\, 覺得佢\地d食物雖然係做得中西合壁d, 但係西式個d真係做得幾偏重西式口味, 而唔係一味豉油西餐\.我試過佢\地嘅羊西冷, 香草雞燴linguine, 石頭飯, 葡汁焗雞, 煎海魚柳配薯蓉同牛尾, 我每次都飲佢\地嘅羅宋湯, 因為真係少有佢\地做得咁好.石頭飯我覺得係6樣之中最差嘅. 葡汁焗雞唔係好特別, 不過佢\地個味係校得幾好, 又冇咁肥, d雞都好香, 比新寧同名寶石嘅葡汁都好好多, 而且我自己都有整葡汁, 所以好難令我好驚喜. 羊西冷係令我非常驚喜嘅, 我不嬲都唔好羊, 好怕臊, 而且心諗價錢咁平, 塊西冷實un過柴皮, 點知我全部錯哂! 呢個我覺得值得推荐. 佢\地用嘅調味都恰到好處, 令舊西冷好香.香草雞燴linguine亦係令我驚喜嘅, 估唔到咁嘅價錢同格局嘅餐\廳仔會識得用香草, 味道又係校得好好.燴牛尾都做得好, 不過我自己係屋企都有做一個類似嘅牛腩, 味道差唔多, 所以好難surprise我. 但係如果你係鍾意食紅酒燴牛尾嘅味, 又唔會係屋企煮, 你一定會覺得好, 味道好, 亦炆得好腍.煎海魚柳

21 March 2007 (Wed) - 晚飯一個好早既晚飯，朋友開工前，我打波前，一齊黎呢度食少少嘢，好肚餓，叫咗個免治牛肉飯餐，好似係$59再加$10轉餐，明明下晝食得好飽，都唔明點會咁快食得落．．六點幾咋．．．我都係減唔到肥架啦！入面格局都係餐廳多過茶餐廳，所以價錢相對地貴啲，環境較暗，係想扮高格調，不過郤爭好遠～～食物普普通通，唔可以話係正，會係一種貴既茶餐廳feel，可惜，如果食物做好啲，確實有得做，咁既價錢，相信平民都會揀食茶餐廳！不過入面好靜，冇乜人，我希望係因為早既關係，唔係唔知佢點唯皮！

to be honest, I could see their food quite serious, but I could also see that they are very very slow....not enough staff. So if you want to have good food, choose less crowded time!

28/11(二) 2pm承蒙食友推介,跟一同事午飯時間特地前來此間毫不起眼的小店一試.格局比一般茶記較優勝,燈光稍為昏暗,而裝潢顯然下了點功夫,淺灰色粉牆掛上數幅小油畫,深木色餐桌,高靠背的白色座椅,環境總算舒適.此時段店子亦有8成滿,甫入店內二話不說跟同事佔據卡座.我倆要了午餐:菠菜三文魚燴意粉$38,粟米忌廉汁龍脷柳配薯菜餐$36.套餐跟麵包,餐湯及餐飲.麵包估計是嘉頓小餐包,包身軟熟而微暖,不足是麵粉香欠奉.小包牛油味道亦不太香.餐湯選了羅宋湯--意想?到地高水準!相當足料味濃,一點也不馬虎!菠菜三文魚燴意粉--大碟頭的意粉,配以菠菜茸及三文魚碎,再混入白汁同煮,扁意粉質地可算是彈牙,雖則三文魚份量少,三文魚香卻滲透於意粉中.粟米忌廉汁龍脷柳配薯菜餐--龍脷柳3-4件,肉質頗滑溜,且毫無雪味;粟米白汁質地creamy,濃稠度適中,薯條則不夠香脆可口.餐飲要了咖啡--真的不能對茶記的咖啡存有任何奢想!同事則點了柚子蜜,聽聞水準也不賴!家庭式經營,人流多,人手少,客人被忽略是理所當然!以這價位來說,稱得上是物超所值!

因有特別事，唔同部門的同事都驟埋一起食lunch，但也只是六位同事。其中一位經常四圍去食野既同事建議去中間界食，貪佢坐得舒服。其實這店距離我公司都頗遠，急急腳行都起碼要行成十分鐘，但既然同事叫到，我又未去過，當然我都唔會反對。入到店，環境算不錯，座位也舒服，印象幾好。再看看墊檯紙，幾特別幾有心意。四位同事點了set lunch，另一位則要烏冬，而我就要鴨胸。先來的餐湯夠熱，不過就略咸，算一般。餐飽我沒有吃，不評。喝完餐湯，各人的主菜陸續送上。當然，set lunch是最快到，先是豬扒飯，賣相不錯，同事也說很正。接著有羊扒，看來也不俗，我試了一小件，味道幾好，起碼不怕臊。我和另一同事因不是叫set lunch，所以等了很久。到一點五十分仍未到，要再三催四請後才有。鴨胸賣相其實幾好，本想影相，但手機的相機又壞壞地，時間又太緊迫，因此放棄了。再談食物，鴨胸有點點"鞋"，但味道尚可，而薯條就是剛炸起，很新鮮。lunch埋單有九折，價錢也合理。

今晚,去試下新發現嘅餐廳!同老公叫左2個set加多個caesar salad.餐湯,一紅一白,好味,紅湯唔太淡,夠味,白湯係周打魚,有魚味,仲有成幾舊魚,ok. 餐包仲正!一個椰汁牛脷飯,一個帶子牛柳,夠多夠味,雖不是靚扒,以免60+個餐的要求是exellent!食得太飽,本來想try下特式coffee都係叫凍檸茶算,d茶底好清!老公叫了甜品,cheese cake sold out,本來order tiramisu,後來老闆話雪得唔夠凍勸佢cancel order下次再食,係有良心餐廳嘅表現!唔會俾d無水準嘅你食!

昨晚同個囡行過呢間店外，見門面唔錯就入去試下啦。一入到去係曲型既扒房格局，色調以黑白為主，比人既感覺都幾正統，但係客人就唔見有幾多個，可能係因為間野仲新，D人未識搵。 坐低左一陣，決定叫左兩個晚餐，我就叫左一個海鮮扁意粉；囡囡就叫左一客鐵板燒春雞配xxx腸(xxx係因為我唔記得^^")，我地一個飲白湯，一個飲紅湯。 餐湯到，味道不錯，濃淡亦適中，不過令我比較驚喜既反而係餐包，時間已經係晚上八點多，不過上枱既餐包不單此熱騰騰，而且仲好鬆軟！ 到主菜喇，海鮮扁意粉上有數得出既海鮮，呢點令人有一點點失望，配料真係少左D，不過配上香草汁既扁意粉，點確係好味！囡囡既燒春雞有半大隻，外皮非常香脆，可惜肉就有點乾；那條有茄子咁大既XXX腸，沒什麼特別，不過幾好味。 餐飲凍咖啡，水準一般，不好也不壞啦，不過見佢餐版有一頁專係FOR咖啡既，可能跟餐既無果D咁好啦。囡囡就飲左一個荔枝Q果冰，呢個幾特別，其他西餐廳好少會飲到。