影片
初三赤口，百無禁忌去拜年，新界美食多，不過唔係自己地頭，當然由地胆老友帶路啦！我呢位老友，簡直係皇帝舌頭，對食係好高要求，所以跟住佢去食，唔一定貴，但一定有番咁上下。呢間我都係第一次嚟，門口平平無奇，地方細，枱好迫，D碗筷好舊囉！不過，唔知係咪因為新年，門口都排晒隊。講真，D茶……唔得，冇茶味！好彩，D點心又喜出望外，估佢唔到，又幾好味噃！好耐冇食過咁爽口，仲成隻蝦嘅蝦蛟，個籠好好Q，反而個籠好新淨，仲係兩隻一籠，排骨比較失色，肥咗D，腸粉……好味！
繼續閱讀
平時同老公都主要係食西餐日本野為主, 但天氣實在太凍啦而且又有Ｄ想轉口味今日就轉食左潮州菜. 話晒我都係潮州人對於食咩都有一Ｄ研究, 不得不吃的就一定係滷水, 而滷水鵝件就一定係我既至至至至愛.話晒又入味又要啖啖肉! 佢呢度雖然等餐等左有Ｄ耐不過都唔算令到我失望既. 鵝件好入味但唔會好咸, 旁邊的滷水花生好香又夠林,另外仲有雞腎同埋豆腐在底. 雞腎就一般般有D 硬同乾. 豆腐都好好既唔會好油不過又沾上滷水汁另到淡淡的豆腐都有點味道. 呢一個真係厲害呀我都冇咩地方見過油鹽水煮九肚魚呢度竟然有!!! 味道仲要係同我細細個被迫同家人番鄉下時食到既味道一樣嫁實在係太傳統太好味啦. 湯下面既蘿蔔條又夠林同入味, 未到熟都夠熱條魚又唔會爛. 仲要冇走過油既. 讚讚讚
繼續閱讀
天氣凍，適逢放假，一個人走咗出去酒樓飲茶。安頓好，再嗌侍應，幫我開壼鐵觀音暖吓身先。柯打都未落好，就嚟個驚人大發現！放喺眼前嘅餐具，的確「無得頂」...... 牙簽包濕晒身，膠筷子其中一隻腳斷咗大半吋嘅🥢，仲有崩嘴茶壼剛上枱𠻹！送點心嗰位阿姐，將我同另外兩枱客所點的嘢撈到亂晒坑，搞到人家黑晒口面兼破口大罵！食物味道縱然唔錯，但係食家雅興近乎被掃清！埋單𠴱陣，離譜到無極限！收銀員竟然衰到比張中間爛咗一截嘅五十蚊紙作找贖，「老實到不行」！侍應遞來皮套之時，我終於忍唔住，寸咗佢兩句！仲同酒樓嘅大經理講，咁樣做生意，簡直倒米！睇完食評，大家仲有興趣嘅話，就去試啦！
繼續閱讀