影片
以上資料只供參考, 請與餐廳確認詳情
同母親大人嚟飲茶，下午兩點至四點半下午茶時段特價，$60.8三個點心，茶又好飲，Lee度嚟過幾次,好食過好多酒樓點心,有誠意之作！山竹牛肉、醬汁鳳爪、叉燒包同金錢肚，全部水準好。可以一去再去點心飲茶ge餐廳！
繼續閱讀
———————————————————————————-喺青衣只要一想食點心就會叫點佢外賣，食過好多次好多嘢食都唔錯，係最近食到一個藥膳雞腳覺得非常出色，覺得都係要出嚟寫返個好評，叫咗好多次外賣都冇中過伏喎，我諗到有幾年都仲維持到質素都幾難得以下平時必嗌而又覺得好好食嘅點心蝦滑釀魚肚好出色嘅藥膳雞腳馬友鹹魚肉餅蒸飯燒賣鹹水角馬拉糕蝦餃希望長做長有啦———————————————————————————-
繼續閱讀
籠仔蒸飯套餐（$78，星期六/日/假期 +$10）・鳳爪排骨籠仔蒸飯，份量足，飯底尚算乾身唔會濕淋淋，鳳爪及排骨味道正常。・菜膽海底椰燉白肺，湯清唔油膩，材質足，味道可以。・白灼菜心，4大條菜心，還算爽口，唔老身。點心拼盤（$59）有六款點心（蝦餃、燒賣、魚翅餃、潮州粉果、菠菜餃、棗皇糕），款款味道都正常。蘿蔔千絲酥（$30），熱辣辣，即炸，無回油，外層酥脆，裡面蘿蔔蓉味道清淡。總括嚟講，屋村酒樓，食物出品正常，味道可以，收費合理。PS：茶錢每位$9，全日免收加一服務費。
繼續閱讀
今日去親戚屋企坐下，因為仲係飲食控制當中😂，想食得清淡d，就係附近揾到呢間點心鋪試試😋。去食個陣正值下午茶時間有特惠，60蚊就已經包左3個自選點心同茶位，價錢算抵👍🏻。一如所見，餐廳裝潢淡雅樸實，帶住一絲絲舊式茶樓既風韻🕰，座位方面有散位同卡座，任君選擇。今次我就點左3款都係蒸既點心，分別係棉花雞🐔，牛肉球🐂以及係鮮竹卷🎋。點心來講都係即叫即蒸既，所以落單後都需要d時間，呢個moment就嘆住杯茶包普洱睇下電視新聞先。點心蒸好之後一次過3籠來曬，熱氣騰騰🍲，分量十足，絕對無話因為下午茶將價就貨。首先講下籠棉花雞，雞肉滑嫩鮮美，豬皮彈牙厚軟，浸沒係濃濃既湯汁之中，口感上乘🙆🏻♂️！再來係呢款鮮竹卷，鮮嫩既腐竹包裹住林林種種既素材，咬開口湯汁洋溢，素菜爽脆鮮嫩，素食者必點之選🤞🏻！最後就係個個都會點既牛肉球，念住同出面都係一樣有普通發揮就收貨。結果食落出人意表有驚喜！牛肉彈牙爽嫩，說明打肉個陣落粉唔多真材實料🤌🏻，蔬菜餡料更加係清爽脆口，食落無軟柴既感覺，就算無gip汁之下已經非常鮮味🤟🏻！綜合來講呢間點心鋪下午茶既性價比算高，食物質素有中價點心鋪既水準不俗。但再睇返晚市價錢💸就同下午茶相比貴出一倍，CP值就跌W了，不過以社區內唯一一間點心鋪來講可以一試。
繼續閱讀
真係唔掂，我都好少寫負評的。蝦餃算合格，燒賣义燒包真係有餿味，珍珠雞除咗雞肉真係會吐返出嚟。小籠包又乾又膩。總之，好耐無食過咁唔好食嘅點心。與其攪咁多花款，不如認真做好點心。
繼續閱讀