影片
以上資料只供參考, 請與餐廳確認詳情
喺銅鑼灣渣甸街富盛商業大廈1樓，地點就腳，但食物體驗令人失望。 🍽️ 今日食咩？ ⚠️ 鐵板餐（牛扒） - $1XX 淨係得一塊扒，連基本嘅飯/意粉/薯菜都要 額外加錢，紅湯、白湯、麵包全部 逐樣計，但質素完全唔值！ - 扒類普通，冇咩肉香，醬汁求其淋上去，同以前水準差好遠。 👎 伏位總結 ❌ 隱形收費多：湯、麵包、主食全部另計，感覺似「逐樣劏」。 ❌ 食物退步：以前仲算OK，而家連基本嘅味道都保持唔到。 ❌環境 & 服務一般：裝修舊，店員冇咩笑容，趕客Feel。 📝 真心評價 以前幫襯開，今次真係失望到極！ 『不可一不可再』，留返喺回憶度好啲—— 真係冇得再中伏了！ 😤
繼續閱讀
呢個餐廳我岩岩同父母，男友一齊去食，侍應及收銀員啲服務態度真係非常差，問佢地攞水淨係攞兩杯，我地4個人有咩理由淨係攞兩杯呢，之後仲要比說話我地聽，跟住再叫佢攞多兩杯水，佢就好晦氣話呢啲能量水嚟架，佢地啲服務態度真係好不知所謂呀，唔怪之得好多人北上啦.永遠都唔會再幫襯
繼續閱讀
呢間餐廳成日經過都比佢扒餐張相吸引到我眼球👁️👁️，但從未光顧過。直至有一日夜晚8點，友人想食中餐🥢就嚮渣甸街隨意揀咗一間。。。食評全正數？真定假🥶叫左兩個餸，沙嗲肥牛粉絲煲同鹹魚雞粒豆腐煲，另加5蚊轉紅豆冰OMG！紅豆冰嚟到，感覺幾足料，但個味有啲怪，唔係飲開嘅味，紅豆🫘係煮咗好耐紅豆沙果隻紅豆，成個感覺有啲怪，唔太好飲😢OMG !!先嚟沙嗲肥牛粉絲煲，望個樣都覺有啲出事，煲仔嚟到通常都滾緊，但呢個係非常平靜，而且顏色似唔入味，點知一試。。。沙嗲味好淡，似翻熱再放入煲，味道唔太好，似溝稀落鹽嘅芡汁。。。OMG !!!再嚟缺鹹魚嘅豆腐雞粒煲，又係異常平靜😐，豆腐還可以，雞粒完全無味，食咗一半先發現！鹹魚呢？😑一粒細過鼻屎嘅鹹魚粒都揾唔到，係堅冇，嚮底有啲啲汁有極少類似鹹魚嘅味🫨，無錯，只係類似嘅味。餸份量足夠嘅，但味真係唔太好今餐係失望😞但比個機會試吓扒餐，因見到人哋叫扒餐，份量好多，個味都幾香，先比中評，如果下次。。。都唔知幾時😰其實呢，我煮餸已經唔叻，我覺得我整得好食啲😱
繼續閱讀
今晚在銅鑼灣打完波，一行5人上聯威食晚飯。點了4個餸，分別係芥蘭炒豬頸肉，蒸水蛋，梅菜蒸鯇魚，咸蛋蒸肉餅。先後已上了三個餸，兼且已食晒，還未見蒸水蛋，我就問落單的亞姊，點知佢答：『要蒸嘛，未蒸熟點食』，我跟住同佢講，梅菜蒸鯇魚，咁大隻魚尾都蒸熟，而水蛋反而未熟？我講完呢句說話後，蒸水蛋立即出現，咁大家可以想想邊個有問題。最唔要得，亞姊連睇都睇，就敷衍我話未熟。跟住食完埋單，行去俾錢，由於我們大家夾錢食飯，所以細面額紙幣比較多，嗰收銀數完後，擲番$2落個兜處，找番俾我，我心諗你當我乞丐呀。呢d員工咁嘅工作態度，間鋪等執笠，就係因為有呢d伙計，所以你唔好怪人地大陸搶晒你香港生意。員工服務態度差，如果咁唔鍾意份工，你有權選擇唔做，唔好得失d客
繼續閱讀
今日晏晝去食飯，本身叫咗個印尼炒飯，點知嚟到個飯係楊州炒飯，我就搵個侍應問吓，我問四眼阿姐我係叫印尼炒飯唔係楊州炒飯，佢話呢個有蝦有雞肉有蛋係印尼炒飯⋯ 我就咁俾佢硬食咗⋯今日年初四服務費加2，$66x1.2，$79，平時都唔寫呢啲嘢，不過越諗越嬲豬，寫出嚟舒服啲。
繼續閱讀