影片
港鐵銅鑼灣站 F1 出口, 步行約3分鐘
繼續閱讀
電話號碼
28081908
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
影片
相片
叉燒燒肉雙拼
唔知印尼炒飯定楊州炒飯
唔知印尼炒飯定楊州炒飯
+502
+94
食家推介
【灣仔區】【聯威餐廳】銅鑼灣渣甸街食肆林立，而年青人食店更加係潮起又潮落咁，開完又執執完又開，一歲一枯榮。而我作為一具劇毒肥叔，梗係幫襯啲啱我嘅餐廳啦。而呢間聯威餐廳就真係啱晒我要求，夠毒，夠麻甩，成件事佬味好濃呀。之不過我始終係一個毛都未出齊嘅黃毛小子，嚟到呢啲地方都係食返啲細路仔先食嘅嘢。叫咗個 $62 嘅「美式什扒」配黑椒汁，幾塊薄扒加條腸再加隻雞翼事小，個「喳喳聲」事大，塊板都算熱嘅，啲嘢食就正正常常咁啦。個餐唔配嘢飲，跟個「凍奶茶」都要加 $9 ，有啲撳住搶嘅感覺。而呢杯奶茶當然亦都唔係啲咩驚世傑作，普普通通茶記凍奶茶一杯囉。咁就七十幾蚊嘅話我就唔係太滿意，價錢我畀得起，主要原因係我完全冇飽足感覺呀。用多 $32 叫個「花生醬西多士」填飽埋呢餐，咁佢個西多又唔差，花生醬夠厚實，仲係用粗粒裝花生醬，咬落有啲嘢趙吓咁，幾好。不過餐飯就咁樣昇華到去一餐過百嘅晚飯，埋單價 $103，係兩年前嘅價，而家可能唔得喇。。。（地址：銅鑼灣渣甸街54-58號1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #聯威餐廳 #樂心冰室 #美式什扒 #花生醬西多士 #凍奶茶 #1am1222 #1ambackup
繼續閱讀
今日晏晝去食飯，本身叫咗個印尼炒飯，點知嚟到個飯係楊州炒飯，我就搵個侍應問吓，我問四眼阿姐我係叫印尼炒飯唔係楊州炒飯，佢話呢個有蝦有雞肉有蛋係印尼炒飯⋯ 我就咁俾佢硬食咗⋯今日年初四服務費加2，$66x1.2，$79，平時都唔寫呢啲嘢，不過越諗越嬲豬，寫出嚟舒服啲。
繼續閱讀
銅鑼灣經典港式鐵板牛扒，味道好過金X，平靚正，性價比高。💜澳洲鐵板牛扒$82（⭐️⭐️⭐️⭐️⭐️/5）啱啱經典港式鐵板牛扒，真係令人驚艷！啲牛扒大過我塊面，啖啖嫩滑，每一口都充滿濃郁嘅肉汁，令人回味無窮。鐵板熱辣，令啲牛扒保持香嫩，外層微微焦香，入口即化。啲牛扒上面嘅洋蔥汁淋得啱啱啱啱好，Jar Jar聲係一場聽覺同視覺嘅盛宴，洋蔥汁香辣中帶有微微的甜味，令人胃口大開。鐵板上嘅配菜同薯條都係經過精心處理，清脆可口。整體而言，呢間鐵板牛扒唔單止係視覺盛宴，味道更係令人讚不絕口，絕對係香港美食嘅一顆新星，值得一試！
繼續閱讀
👉在銅鑼灣等hea鐘，見呢度🈶️下午茶餐 ～ 炸髀薯條🍟 ～ 即時內進。。。門口只係一條長樓梯直上，所以睇唔到入面咩環境。上到嚟發現🈶️好多大張卡位，條走廊濶大，包唔會比人碰撞。唔使人貼人，又🈶️大電視📺，環境感覺良好‼️👍👆點咗📌炸髀薯條 · 凍檸茶 $46 ～ 5⃣️分鐘就到。。。咁快嘅 ～ 即時心冷了一截⋯⋯炸髀size標準偏小，皮脆，中間切開出晒煙。肉身入口乾身冇汁，應該係炸定晒一堆，🈶️order再翻炸嗰啲。。。🙅🏻♀️薯條🍟凍檸茶🥤正常，比ok係因為坐🉐️舒服、炸髀係脆嘅。。。但唔會再喺呢度食炸類食物😔
繼續閱讀
好耐無食高質常餐，蛋滑，傳統餐包，沙爹牛肉丁，牛肉好高質。凍檸茶和奶茶都好飲。的確傳統高質味道，實在難得。好在無比樓下另一間茶餐廳呃入去坐，否則錯失左美食。一定會再幫襯，目標係佢晚市鐵板餐。
繼續閱讀