世界の山ちゃん

營業中

休息中

雞翼痴的我們一行五人，把所有雞翼也試了，有3款：夢幻、塩燒、黑色。不是平常肥肥的雞翼，也有點偏乾及瘦，但味道還好，只是未有令人覺得會念念不忘！食物選擇不多，但價格便宜！餐廳只開夜晚，如果做埋午餐更好！

想黎試呢間餐廳好耐，試一試究竟山哥的「夢幻雞翼」係咪好似個名一樣咁夢幻呢？2個人一共叫左1份雞翼、一份炒麵、一份蛋捲、一份炸芝士！先來個「名古屋鐵板炒麵」，份量唔算大。麵的口感有咬口，加上濃郁的醬汁及蔬菜，味道同口感都OK~朋友好鍾意食日式雞捲，所以就叫左一份「香煎雞蛋捲」。呢個蛋捲平平無奇，唔會"鞋"口，不過蛋味未係好濃郁。我好鍾意食炸芝士，個種外脆內軟的感覺真係好正，所以今次都唔執書叫左一份。外面做到皮脆的效果，芝士都好濃郁！唯一不足係份量有點少。到了重頭戲「夢幻雞翼」，外表睇落都幾乾身，再痴滿香草。於雞翼外的調味唔錯，不過咬入去... um都幾乾，無咩肉汁 就係咁，我就否定了夢幻呢個形容詞了。每枱會一張夢幻雞翼食法，佢教大家先食雞中翼部分，之後食雞翼尖~

同學聚會，選了這裡(選這間因爲我有過敏，其他餐廳我都易出事)。在地庫，走了後面進入，因為正門難搵。說回食物，一行7人點了以下這些。應該話吸引人、可以選的不多。出名的雞翼當然要點，有3款：夢幻、塩燒、黑色。夢幻的不夢幻同埋好鹹、塩燒唔鹹但佢冇乜味、黑色就係甜的反而味道都算ok。不夢幻的夢幻雞翼。其實係好乾身，我鍾意有番d肉的。冇味的塩燒雞翼呢個黑色雞翼ok，係甜醬油味，但得3隻唔夠分。其他的都只是一般，都係偏鹹同濃味。好得意在日式餐廳有台灣炒麵。咁多碟最好味係香煎雞蛋卷，夠熱夠滑。跟住佢食係勁麻煩，都係用番自己的港式食法。都算貼心有個罐放骨，不過我覺得佢似啖罐多d。這炒麵好一般，鹹。壽喜鍋都係鹹。呢樣ok，不過不失。簡單的反而最穩陣，雞扒飯味道不錯說。全晚呢個蛋卷最好味道。我想食多次。味噌烏冬。鹹，濃味係正常，味噌嘛。台灣炒麵。如果我去日本的話，唔會點囉。但其實味道係ok的。食物方面，雞翼同主食堅係一般，某些小食有驚喜。飲品的名稱都幾特別，有杯叫村姑，有杯叫活力energy什麼的，都幾搞笑(其實係普通飲品)Again，友好共聚，我重氣氛多些，有個地方舒服些，大聲講野又唔驚嘈到人，呢度會係

餐廳好大，人流嘅流動性大，好多人排隊，餐牌有好多選擇，點左：-- 醃泡菜：味道都幾鹹-雞翼：全店最推介嘅雞翼，雞翼嘅味道豐富，可惜係細隻雞翼，冇啖啖肉既感覺，唔適合食肉獸-麵鼓醃青瓜：普通，只係將醬放上青瓜上-燒玉子：可以，中間仲有啲流心- 燒多春魚： 正常總結感覺一般，唔係我杯茶。

收工約左朋友食飯，朋友話要帶我食名古屋最出名嘅雞翼，問我知唔知尖沙咀有間野個招牌公仔好似成龍，真係聽到我一頭問號 ，佢仲不停強調係名古屋最出名嘅野食，問我點解可以唔知。好！一於今晚試試佢。比佢講到禁出名，我以為要等位啦，好彩又唔洗喎。一坐底緊係叫雞翼啦。黑色雞翼係我叫左3款雞翼入面最出色嘅一款，好似都係必食嫁，雞肉好滑，味道甜甜地，食完一隻又一隻，$48 3 隻其實唔夠喉，但我地又叫左其他口味，就無再encore。香煎同夢幻雞翼就唔係話太特別，有d乾身，食完好想飲杯水，原無水提供，要$10 一支，都無計。然後再食左個咖哩烏冬同炒麪，份量偏少，依兩款食物就普普通通啦。埋單每人$150 左右，如果係雞翼迷，你可以一試啊。

收工即興約朋友食飯，去到尖沙咀間間都要排隊等位。朋友話想試下呢間餐廳出名的雞翼，好彩我哋早到唔洗等太耐，等咗一陣眼見後面已經排長龍！夢幻雞翼($48) 5隻稱為名古屋名物的雞翼，雞皮夠脆，表面好多味粉太咸，肉質又太乾，同日本的手羽先無得比。豬肉鐵板燒($108)幾片肥油多過肉的豬肉片，配一堆椰菜，意料不及原來醬汁辣到要叫多杯冰凍飲品，才頂得住！味噌烏冬鍋($88)味噌湯偏咸，配料得雞蛋、京葱及日式腐皮，只不過是普通的湯烏冬。店舖位於地庫，連手機信號都接收不到，冷氣又嚴重不夠，加上食鍋燒的食物，熱到不行！

尋找到名古屋之美味7 月尾去左轉名古屋, 試左當地的特產名物手羽先, 發現我地原來香港都有分店. 一於試下. 人山人海等位, 好彩我地算早食, 唔係等左好耐. 我地叫左個味噌烏冬鍋味噌味道的確同日本名古屋好似, 味濃.  夢幻雞翼的確係大家的至愛, 眼見枱枱都有叫. 同響名古屋時食的手羽先一樣味. 無就香港人而改到味道. 兩個人食5隻唔多夠. 飲品價錢比較貴, 飲酒好似抵少少. 地點唔難搵, 之前係落樓下機鋪. 

星期六最好嘅節目就梗係濕平👗👒👠👜+美食啦～～～🌯🍢🍣🍝🍱🍛買到拎唔到，好彩救兵到💪🏻💪🏻💪🏻🎉🎉😁😁😆於是波波兔🐰就帶咗佢泥尖沙咀，介紹好耐冇見，黎自大阪鼎鼎大名嘅山哥佢識～～！！好在今日好早到，否則星期六你想唔使迫樓梯排長龍，都幾難喇！！😅😅😅唔使諗泥呢度損手羽先是必須的💪🏻💪🏻😍😍泥啦泥啦～波波兔🐰最掛住嘅夢幻雞翼呀～～～唔食由自可，一食食到我對面嗰個笑呵呵~~~😆😆🤤🤤🤤🙊🙊必推：幻之手羽先👍🏻👍🏻👍🏻好惹味！！😋😋😋😋咖喱薯餅🥔🥔：好鬆化、外脆內軟不油膩👍🏻👍🏻南瓜沙律🥗：甜甜地嘅南瓜蓉加埋落咗少少沙律醋嘅雜菜🥒蕃茄🍅，味道好配合！👍🏻👍🏻牛肉壽喜鍋：份量適中，味道👌🏻👌🏻見到朋友仔食得咁滋味，波波兔🐰都好開心，證明今次冇介紹錯！！✌🏻✌🏻😚😉

今晚原來開開心心去試日本開過黎好出名的名古屋名物。點知所謂世界等一的雞翼，肉質超旱又重味精，味道就似媽咪麵味精粉一樣另外名古屋鐵板炒麵跟本就係兩三片簿肉片炒公仔麵，仲有好少日本餐廳係連水都冇杯，一支250ml礦泉水要成$10支下次都唔會再去，小弟在此分享經歷比大家，希望幫到大家

從來冇寫食評的習慣，但呢間的環境同服務差到忍唔住要破例。被安排的座位完全冇冷氣，向waiter反應，問可否開冷氣，佢地只係話係咁㗎啦....因為真係好焗，就嚟抖唔到氣....問可否調位，也被拒，只係咁二比兩把扇我地，再追問下先話我地知冷氣壞咗但我地入嚟個陣完全冇提過！！！好過分完全係欺騙仲要連對唔住，唔好意思都冇句！點咗雞翼，鰻魚蛋卷，咖哩烏冬，炸豆腐，土手煮等，野食都係普通港式日本餐廳質素....不值一提一定冇下次！

第一次黎食既時候，銅鑼灣分店都未開，不過之後黎食多幾次都係黎番尖沙咀食今次平日8點幾左右黎，都有人等緊，咁就一路睇住menu一路等啦~等左10分鐘左右都有得入去嚕睇咁多食評都係推薦夢幻雞翼($48)同咖喱烏冬($78)，除左依兩樣之外，今次仲嗌左鰻魚雞蛋卷($78)，同兩杯嘢飲夢幻雞翼不愧係依到既招牌味道特別，但又出奇地夾，又夠脆，送酒一流係出面食唔到既雞翼咖喱烏冬咖喱味十分濃郁，入面既料吸晒咖喱湯，好入味鰻魚雞蛋卷就比較普遍，雖然雞蛋都算滑溜，但係就欠缺左鰻魚既香，整體都唔太夠味兩個人share三樣嘢，食晒發現唔夠飽，又想再試多款雞翼，就嗌多左個塩燒雞翼。相對夢幻雞翼，塩燒雞翼較鹹，味道無乜特別，唔算出色。早知就嗌多個夢幻雞翼依到既嘢飲起碼都要差唔多$40/50一杯左邊既係水蜜桃酒，飲落去有陣陣既水蜜桃味，又唔會太甜，好飲右邊係朋友嗌既，唔記得叫咩，但佢都話幾好飲埋單兩個人加埋$350左右，份量唔多，晚餐嚟講唔算太飽。下次會食啲嘢先再嚟食咖喱烏冬同夢幻雞翼

舊公司同事生日, 加上好久不見, ,適逢壽星女喜愛日本菜,我們一行四人決定到尖沙咀(放工, 回家的中間點) 世界の山ちゃん食飯平日的星期二, 人不是太多, 可以跟同事好好聚舊味噌烏冬鍋-很特別, 咸味的烏冬必試名古屋名物-夢幻雞翼 , 很脆, 很乾爽 但很細隻, 味精多了點 , 個人喜歡鹽燒雞翼多點,鰻魚蛋卷 -很嫩滑充滿蛋香, 跟鰻魚味道很夾滑蛋豬扒飯-很大碗, 豬扒很嫩滑多肉Juicy名古屋鐵板炒麵-很大碟, 不過不失最後我們吃了自已帶來的生日蛋糕,waiter 也很友善幫我們合照留念

入去前要等位，門口細心有紙扇比你涼下👍🏼用完記得放好，不過我諗俾人拎走都可以嘅！睇完呢張海報其實真係會跟住佢黎食，不過會整到個嘴周圍都污糟哂😂一入去個環境都幾得意～味噌烏冬鍋 $88個味都唔錯...山哥咖哩 $58睇落好大，但其實份量唔多...味道都可以～燒多春魚$48（5條）多春魚，加埋個汁幾好食，但本人唔鐘意食呢種魚...所以食左一條咋！夢幻雞翼 $48（5隻）招牌雞翼係幾好食...不過多味粉

 最近落雨落到心都煩埋，今晚就落左尖沙咀食世界の山ちゃん。呢間日式居酒屋係日本開分店開過黎既！橙汁燒酎梳打－呢個又幾得意，俾我地自己揸啲汁出黎，要啲力水先得交俾男士做就最好炸蠔！個皮幾脆，生蠔幾淋下，唔油膩！啲碗碟都印左呢間餐廳既ＬＯＧＯ！又乾淨叫左個迷你板刺身，都幾新鮮鹽燒雞翼！好脆丫！可以落啲檸檬吊下味！肉質都幾鮮嫩鰻魚飯！呢個似蓬萊既鰻魚飯，可以有鰻魚三吃！雖然唔夠蓬萊好食，但都好味！鰻魚唔會腥，外脆內軟！呢個居酒屋好多日本人黎食，因為都幾有日本人既味道！要再黎食先

未試過食間餐廳甘激氣，服務真係差得可怕，特別那個名牌寫著Than Than的中年女人，希望無睇錯名，問佢菜品問題，回答說應該吧，叫確認一次其他服務員，就答我無，配合不好的態度和語氣！突然由不肯定到肯定？犀利！點點下食品走左去，仲要愈叫愈走！唯有叫其他人點，問另一個男服務員個女人叫咩名想投訴她，最終無答我！唉，無語！食物還好，食氣食飽了！