世一冰室

營業中

休息中

今日去長沙灣試左呢間特色茶餐廳 - 世一冰室。坐低無耐就送左兩個羅宋湯俾我哋飲，好足料。半隻世一金牌炸雞配茄汁意粉 （$78）呢份炸雞絕對係世一冰室嘅名物，見到差不多枱枱都有order嚟食。雞係用左新鮮三黃雞，食得出比出面炸雞嘅雞味係濃得多，而呢度炸雞做法亦都似酒樓啲炸子雞，所以唔會食到好厚嘅炸粉外皮，而係炸到薄脆嘅雞皮，同時雞肉仲可以保留肉汁，就算唔係脾位肉質都好嫩滑。另外，呢份炸雞係跟埋泰式辣醬同淮鹽一齊上枱，夾埋嚟食味道更有層次。土魷蒸肉餅配白飯 （$56）肉餅即叫即蒸，上枱見到超大塊直頭大過隻碟，肉餅本身夠厚實，但食落又唔會覺得蒸得過火，主角土魷就舖到成塊肉餅面都有，加埋個豉油撈飯食剛剛好 。魚湯時蔬 （$19）今次揀左食菜芯，浸喺鮮魚湯入面咁食可以平衡番呢餐其他餸嘅油膩。紅豆冰 跟餐（$9）蜂蜜百香果 跟餐（$9）呢度跟餐叫特飲都只係加$9，都幾抵，紅豆冰唔算太甜，紅豆份量多，而且煮得夠淋，另外蜂蜜百香果亦夠清新，甜甜酸酸，非常開胃。

呢間餐廳的牛扒滑蛋配烘底三文治同豬扒滑蛋配烘底三文治真係好值得試！兩款肉都好嫩，牛扒味道濃，豬扒又有啲甜味，配埋滑蛋，口感超豐富。這啲三文治外面烘得香脆，裡面又有滑蛋同肉，真係一口接一口，停唔到。仲有，菠蘿油麵包係呢度一大亮點。菠蘿包加牛油簡直係經典啦令香味最大化，回味無窮，早餐或者下午茶都啱。吞拿魚炒蛋芝士三文治就係另一種風味，鮮美的吞拿魚配上滑蛋同融化的芝士，真係好豐富，特別適合鍾意海鮮的人。飲品方面，香滑熱奶茶口感超順滑，奶香濃，搭配任何餐點都啱。而檸檬茶就清新又提神，特別係熱天飲一口，瞬間感覺涼快！總之，呢間餐廳嘅菜單選擇多，每一道菜都好用心。無論你想享受豐盛嘅早餐，定係輕鬆嘅下午茶，呢度都可以搵到啱你嘅選擇。強烈推薦比鍾意港式早餐或者三文治嘅朋友！

估唔到長沙灣有間正冰室，食物多元化，焗飯、茶餐、小炒，樣樣都好高水準。其中當然唔少得近期爆紅嘅「世一金牌炸雞」炸子雞經高溫油炸，上枱大大隻熱辣辣，外皮金黃酥脆，內裡肉質鮮嫩多汁，一入口香味四溢，雞味濃郁。滑蛋口感滑嫩，帶有蛋的香氣，鰻魚原條上，肉質肥美，口感軟嫩，淋上蒲燒醬汁，送飯一流。沙嗲牛肉包帶有花生香氣，少少微辣，牛肉切得厚薄適中，肉質鮮嫩，沙嗲醬味道濃郁，非常惹味。公仔麵用瑞士汁撈勻，甜甜地又夠香濃，豬扒夠晒厚切，口感鬆軟彈牙，再加上一隻煎蛋，滿滿蛋汁，撈麵好正。

最近去咗**世一冰室**，原因係見到網上有好多foodie推介，話佢哋嘅炸燒雞超好食，仲大讚隻雞肉好juicy、多汁、香口，搞到我好期待呀！😋 餐牌上面其他嘢款式都好多好吸引，但因為目的係為咗試炸燒雞，所以決定下次先試其他嘢。結果呢次嘅燒雞體驗，真係令人失望到無話可說……😞---🍗 **炸燒雞嘅失望** 本來以為可以食到一隻外皮香脆、內部多汁嘅燒雞，但實際上隻雞根本同網上foodie講嘅完全唔同。啲肉唔但唔juicy，仲乾到好似柴咁，食落嚡到咬到攰！😫 最慘係啲肉仲有翻炸嘅感覺，完全冇新鮮雞嘅香味，我睇住隻雞都覺得心淡，食到一半已經完全無興趣再食落去。網上推薦嘅「超好食燒雞」，喺我嘅經驗嚟講，真係無可能再俾第二次機會！🙅‍♂️---🍳 **餐牌吸引點 & 未來嘅希望** 雖然炸燒雞完全係一個大挫敗，但佢哋嘅餐牌款式真係幾吸引，尤其係鐵板類嘅餐點，睇落好似幾有水準。雖然炸燒雞徹底失望，但我對佢哋嘅鐵板餐仲係有少少期待，可能下次會試下呢個方向，睇吓佢哋其他出品會唔會好返啲。🤔---💭 **總結** 世一冰室嘅炸燒雞真係唔值得試，肉質乾柴，完全唔符合「juicy」呢個形容詞，甚至懷疑係

今日朋友約我去長沙灣吃晚餐，朋友提議去世一冰室港式茶餐廳食美味炸雞，這間餐廳位於長沙灣順寧道街253-263號地舖，港鐵長沙灣站C1出口，行幾分鐘就到，非常方便，入到餐廳見到不少顧客，餐廳地方寬敞整潔，裝修得溫馨 ，枱凳擺放得整齊，令人坐得舒服。餐廳餐牌食物款式都不少，我哋選咗世一金牌炸雞配薯菜、香濃咖喱牛脷焗飯、豉汁蒸䱽魚、香脆吉列魚柳、菠蘿青檸蜜梳打、港式凍鴛鴦，仲有唔錯嘅優惠，尤其是港式凍鴛鴦飲品跟餐只收三蚊，真係好抵飲。這間餐廳食物質素好，入口好味道，份量不少，價錢又唔貴，仲冇加一，店員服務態度又好，好值得向大家推介來食。🐓世一金牌炸雞配薯菜外酥內嫩，炸雞表皮金黃酥脆，肉質鮮嫩多汁。薯條則是外脆內軟，與炸雞相得益彰，味道充滿香料的炸雞散發誘人的香氣，搭配薯菜的鹹香，使整體口感層次豐富，令人回味無窮。🐮香濃咖喱牛脷焗飯米飯吸收了咖喱的濃郁湯汁，粒粒分明，牛脷軟滑，增添咀嚼感，咖喱的香味與牛脷的鮮味融合，味道濃郁而不油膩，口感香辣，令人感到溫暖和滿足。🐠豉汁蒸䱽魚配白飯魚肉鮮嫩，蒸15分鐘後保持了水分，口感滑嫩，豉汁的醬汁滲透魚肉，使每一口都充滿鮮香，豉汁的鹹香與魚的鮮味完美結合，

經過長沙灣搵咗一間茶餐廳,發現餐廳質素都唔差幾值得推介｡佢哋下午茶餐都唔算貴｡火腿炒滑蛋菠蘿 35火腿炒滑蛋菠蘿包幾特別｡同菠蘿包幾夾 滑蛋炒得好香滑 ｡菠蘿包嘅脆皮非常脆口生炸雞髀 42 餐廳生炸雞髀好似幾出名 雞髀炸得好脆 保留到肉汁搭配沙律食 沙律又夠凍 不錯

🐑炸雞半隻，真係唔錯喎，其實真係酒樓炸子雞咁做法，只不過係唔斬件直接上枱咁解啫。餐廳係用黃油雞，醃得夠味，皮炸得香脆，肉有肉汁夠Juicy，來貨好靚，值得推薦，絕對可以Encore👍🏻。🐑鐵板厚西冷配凡立貝，鐵板唔熱，淋汁落去冇任何反應，呢個係死罪。話明係厚西冷，結果變咗兩塊薄西冷，唔係好啱商品說明條例，不過見佢份量都夠，同埋塊扒本身都算熱辣辣咁就算啦。凡立貝係新鮮海鮮貨，有裙邊、有內臟，反而有驚喜。薯角又係熱辣辣，都係唔錯。黑椒汁屬正常發揮。整體來說叫做勉勉強強食得下啦。🐑羅宋湯，唔係好掂，超淡🤭，但勝在辣度夠。

最近去了長沙灣開業唔到三年嘅世一冰室，專程為咗佢哋嘅金牌炸雞而來🍗。炸雞一上枱已經香到不得了，賣相就已經贏晒！我哋點咗全隻金牌炸雞（跟餐價152元），雞用三黃雞醃足兩小時，層次十足，先抹上麥芽糖＋紅白醋上皮水，吊起風乾最少五小時，再不停淋油至脹起金黃，每一口雞皮都係脆到「卜卜聲」😆，入面嘅雞肉保留滿滿肉汁，juicy得嚟又嫩滑，食到最後一塊都仲保持住熱度同香脆，超加分！配菜有懷舊風嘅茄汁意粉同香脆薯菜，甜酸中帶少少番茄天然嘅清新，夾埋炸雞一齊食好match，份量又夠飽肚，懷舊又有驚喜🥳。侍應Nana落單快速又細心，環境保持到乾淨整潔，仲帶有街坊茶餐廳嘅casual氛圍，好適合一班friend嚟chill食舊。下次去想試佢哋嘅沙嗲牛肉同絲襪奶茶，隔離枱嘅客人都大讚好食，真係要留肚再戰一次！

看了影片分享平台片推介，為了一嘗炸雞而來，個人覺得味道偏淡，如果能附上淮鹽供食客自行調味會更好，但以這個價錢來講$78有半隻雞再配上薯菜/沙律/意粉或飯，包一杯熱飲，性價比算高。

平時去開荔枝角都唔知你有呢間餐廳，所以入去想試吓午餐，但發現原來有個炸雞餐，所以想試吓，第一次食，隻炸雞好味，熱辣辣，唯一失望嘅係薯條凍嘅，如果可以都係新鮮炸熱辣辣咁就正啦，供應埋手套俾你，當你食炸雞嘅時候雙手唔會污糟，值得一試。

食完上左引，日日都想食佢沙嗲牛肉麵，好濃厚嘅沙嗲醬，個麵又彈牙，牛肉又唔鞋，算滑，之前食好出名果啲沙嗲牛肉 一啲都唔覺好食，以為沙嗲牛肉麵最好食不過如此，食完世一沙嗲牛肉麵 會忍唔住推介比朋友食配埋杯香濃咖啡，超級滿足嘅一餐早餐

今朝去樓下茶記食個頹早餐，揀咗個「沙嗲牛麵餐配煎蛋腸仔」，再加個「豬骨湯通粉」，飲品照例熱奶茶和阿華田畀個細路。 沙嗲牛麵牛肉算嫩唔鞋口，沙嗲汁唔同其他鋪，似咖喱魚蛋果款味，幾特別，撈埋個麵食啱啱好，煎雙蛋睇落靚仔，腸仔同火腿就正常發揮，茶記貨色唔會期待有驚喜。 豬骨濃湯通粉個湯底有驚喜，火腿絲都算多，通粉煮得啱啱好唔會過淋。多士烘得脆身。熱奶茶飲落順喉無澀味；阿華田就細路飲到吱吱聲。餐廳應該新開，整體乾淨