上目 (已結業)

看了這兒的食評後、便打算一試叫了三品刺身、壽司盛—> 魚生新鮮、刀工不錯、比想象中好熟食方面、叫了魷魚pizza和軟骨餃子 --> 甚滿意想喝湯 --> 餐牌上沒有 , 老闆很好地送了一碗海鮮湯值得再繼續去幫襯....已經介紹在附近工作去試試

上星期日同埋班好姊妹搞午聚, 揀左呢間"上目", 都幾遠, 我一程青山道小巴到總站就系啦, so無投拆..第一次試, 又有人請食飯, 大家瞇埋眼想食咩就叫咩, 我都唔記得幾錢lu, but埋單除開每人100都唔使, 叫做好reasonable.講返d食物, 質素都幾得, 好鮮味, 尤其系大帶子刺身, 一般我都唔會叫, 但今次實在系驚喜之作啦, 我食左3大件.... 壽司盛里面有個鰻魚卷, 外面有d唔知系未抹茶碎, d鰻魚好香,好juicy, 呢個好中意....最後個冷豆腐, present得好靚wor, 擺左d三文魚子, 蟹子同海膽在上面, 色彩繽紛好想食. 豆腐本身好入味, 個source酸酸地都好開胃, 好特別的side dish.tiramisu都好好好好味.....細細件 成個ending都好refreshing.呢間野鋪仔細細, 服務員好少但都算客氣, for 閑聚, 一大班吹下水 or 2個人靜靜地食下野, 都好開心好滿足. 會再有下次lar.

上星期四dinner同個同學補祝生日就黎咗呢間新開的店仔食下，原因係又近又好味! 可能由於新開張的關係，我哋7個人9點到步包曬全場!一開始老闆送了前菜給我們，幾好味喎! 我哋跟住食生野，就係刺身盛同sushi盛及一些散點的sushi。個刷身盛入面有大帶子、海膽、三文魚、吞拿魚等等，大家都覺得大帶子同海膽好出色，大帶子勁甜，海膽唔腥!而sushi盛$78好似有12件sushi, 包括三文魚、赤貝、油甘魚... ...全部都不錯，其中的鰻魚卷好特別!之後點了是日的三樣推介和雜錦天婦羅。我發現這裡的烏冬好彈牙，好好味! 至於那個忘了名字的炒飯很有驚喜，只記得入面有點三文魚，我估是咖哩海鮮炒飯吧! 那個天婦羅也不錯，粉不太厚! 最後老闆每人送了一份小小的甜品 -- tiramisu, 嘩! 最大的驚喜是這個，上面的朱古力粉朱古力味很濃，啱曬我! 下面的cheese我認為唔太濃唔太淡，超好味! 不足是未有足夠時間解涷，裡面仲係好凍，有少少似雪糕!~不過送的，值滿分啦! 我們強烈建議老闆把這個加到餐牌上! 至於服務，人多時加水加得比較慢! 可能因為樓面得一個人掛!