上海飯店 (已結業)

大角咀這個新舊交替之地區，還有這類食店已買少見少了，保留此傳統風味之舖頭已甚難得，加上價錢合理，所以經常與數同事前來光顧。每次到來都是看牆上菜牌落單，是次叫了菜肉雲吞、小籠包、窩貼等首先到來的是云吞看來不錯，食落肉味鮮甜，雲吞每只都完整，沒有煮穿。因小籠包即叫即蒸，要等廿多分鐘，放上檯時還只只脹起好大個，凍下來都不細，比不少酒家大了半個碼，食落肉味鮮甜，包皮煙煙韌韌，口細者要咬開二份食。因是第二次再落單，又是即叫即煎，最后來是窩貼，因食到忙形，唔記得影相，與現時新派上海舖或包點舖比當然不差，是我食過最好食的窩貼，但都是食不到以前的味道＄25五只最后食飽埋單，去到櫃面等了一陣才見老闆出來收錢，原因是老闆要入了去洗碗我即時拗晒頭。

星期五晚7點幾, 2個人行入去食晚飯, 入去重有兩三張四人空台(圓台但拍牆果隻)，揀左最入一張台坐, (果陣重有空台又冇人等位) 。落單點菜, 叫左 " 3 " 個客飯 1.雞湯津白 $38, 2,肉絲炒蛋 $35 3. 紅燒牛腩 $35 , 之後我坐返過對面諗住冇咁逼, 點知有個似係黑社會男人(似係老細) , 走埋黎堅持兩個人要坐埋一邊, 我地解釋叫左3個人餐啦, 點解唔可以3個位? 同埋半邊台都唔夠位放3個餐la 此時個老細竟然拍台 " 我依家咪唔做你生意羅 " 望下其他四人台咪都又係一個單身客佔兩個位, 老細你又要唔去趕佢地?臨行我個好脾氣 friend 都忍唔住要 x 佢 xx 我地咪唔 x 食羅 , 最後我地一怒而去. 此店已列黑名單, 比錢我都唔食

本是為一嚐埃華街內"Black n White"古師傅的精緻甜品而來到大角咀的。由於不是甜魔的關係，故此當然不可能只吃甜食作午飯(及後去到後才知道原來是有西式午及晚餐供應的這就只能怪自己沒有事先做好功課而已)。為了先填飽肚子，就決定先去中滙街的老字號"上海飯店"吃個客飯，食飽飽之後才施施然去古師傅那裡嘆甜品....這兒無論在裝潢、食物味道以至侍者服務都是很舊式上海店子的格局。價錢亦相當的大眾化，一個普通的客飯都只索價約三十多大洋，而且份量也很足夠 ---- 單餸連兩碗白飯再加一個酸辣湯，實在是糧尾時候的恩物....酸辣湯的確夠酸夠辣，絕對是重口味，而且材料落足 --- 筍絲、木耳絲、肉絲、蛋絲及粉絲皆全部齊全，很易讓人滿足....從一眾經典的家常上海菜中挑了獅子頭，貪其好下飯也。看賣相是絕傳統的濃油赤醬感覺。肉團雖然有筋但也算頗滑，遺憾的是肉及菜的份量是不如想像中的多，想吃多點也不行....不過有了這個杰身而又帶濃甜的跡近黑漆漆的醬汁，轉眼間就輕易將兩碗"靚仔"解決掉....這樣子就算菜不夠，吃飯撈汁也都夠"脾"了....

天氣有點冷的週末很多補充一點熱能, 下班前突然想吃小籠包, 那就來大腳咀這家有點古早氣息的上海飯店, 只因她的小籠包是以椰菜葉墊蒸籠底的, 跟現今一般以紙張的有別,這種菜葉小籠包也是自己的童年回憶食物之一。路經這家位處中匯街的老飯店多次,平時不光顧只是經過時都是門可羅雀,今日特意來光顧時店內卻有不少顧客, 大家今天也要補充熱能乎?? 最近門口叔叔那碟疑是醉雞客飯相當大碟,即有半分鐘動搖了小籠包決定,翻開只有幾頁的菜牌中有款C餐竟是上海粗炒及五粒小籠包($36),兩者皆我所欲也,點之! 侍應叔叔放下碗筷及香茶一杯,筷子以紙巾加橡皮筋包好,好用心!香片茶清澈金黃,一如上海菜館那種花茶味,古早味十足的熱茶味道。除了這杯茶夠傳統,店裡也是簡簡單單的上海館子裝潢,要看時令菜式請看牆上。上海粗炒先到,顏色深色油潤但沒有鑊氣唷,欠了那種一上桌撲鼻而來的炒麵香,色香味已缺其一,以我吃了幾十年粗炒的經驗果然沒猜錯,炒麵只以黑醬油略略炒過,沒有以熊熊大火炒麵的鑊氣焦香,純麵粉做得粗麵彈性一向欠奉,每條沾滿黑醬油算得夠味,以粗炒來說也算少油,起碼碟底沒有過多油份及醬油;配料只有肉絲及椰菜絲,肉絲雖幼仍吃到有

前次來此吃過午餐，這次就來吃頓晚餐。想不到上次幫襯的時候，才不過一時多二時的時間，這間老上海館子冷冷清清的，客人也不多一兩檯，誰不知這次晚飯時間到來，竟幾乎座無虛席，我倆夫妻需要搭檯才能坐下吃飯，難怪這老店能夠在這大角咀舊區屹立多年仍未被時間洪流所淹沒。叫來「小籠包」、「上海粗炒」、「酸辣湯」、「油燜筍」和「炸銀絲卷」等經典的上海菜式。當中最差的是「小籠包」，水準跟鄰近奧海城中「金滿庭」有名的小籠包相差甚遠，小籠包與小籠包之間的包皮黏在一起難以分開，稍為用力一扯，更會被扯得穿了一個洞，使裡面的肉汁漏出來，實在差勁。至於味道方面，也顯得遜色得多，肉餡鮮味不足，水準確實偏低。「上海粗炒」雖然始終比較油膩，水準尚算可以。「炸銀絲卷」則外脆內軟，水準尚佳，可惜這兒沒有煉奶供應，始終有點缺欠。「油燜筍」醬汁偏甜，雖然自己素來喜愛吃筍，也不是太喜歡。這頓晚飯自己最有期待的是這老飯店的「即製酸辣湯」。這店的酸辣湯頗有特色，分為兩種，一種是現成的，一種則是即煮的，即煮的比現成的價錢要貴上一倍，不過份量上也相應地來得多，都不算太昂貴。可惜這次試過之後，我卻不覺得即煮的比現成的顯得優勝多少。這「即煮酸辣湯

成班師兄弟o係大角咀上完堂, 唔想食死都係果間大排檔..之後去左呢間上海飯店度食.. 一行九個人.. 叫左一個三人餐, 一個四人餐食.. 真係無諗過而家香港d 食肆仲有可以咁抵食.. 總共加埋七個送, 兩盤湯, 十個飯, 十隻小籠包, 十杯野飲(汽水/豆漿) 同埋一盤豆沙鍋餅.. 食到捧住個肚走.. 埋單都係400..整體黎講味道唔錯, 上海野都係叫獅子頭, 回鍋肉, 鱔糊, 酸辣湯, 火腿律白等等..自己比較鍾意食獅子頭, 肉質幾好同好入味.. 酸辣湯都好醒胃, 份量都幾大份.. 夠咁多個人食. 唯獨地方比較細, 多人去預左迫埋一舊., 不過咁o既價錢預左唔會食環境. ! ps: 會返chur

經過此地..周街上呢個網做功課下..試左呢間..兩碗白飯+魚香茄子 試左..只需26$..好抵...仲有例湯送..唔要可揀汽水..但當時10點左右..聽見話汽水無哂冬既..都幾牽強下...晨早唔識放定入去雪??.......湯係西洋菜湯..ok有味la..用既餐具同裝修間格係愈黎愈小既懷舊綠地板+白碗上高邊位係粉紅紋..係我細個屋企附近一間執左10年都有既飯店所用同款..所以勾起回憶講返碟送..約10mins先黎到..食落整體好有汁味..茄子偏硬身..但係係可以接受..份量多適中..飯就麻麻..偏淋..如果有返硬感..會比笑容...整體價錢合理..有種類似昔日 旺角熟食間"南x好味"既感覺...講返後者..而家變到不知所謂...服務方面...有個男既就後生d..比較戇直小小..叫佢..無反應可以..可能係d親友黎幫手呱..另外一位男伙計就比較寸..問佢邊d快d..就講聲樣樣都要兩三個字嫁la..想快叫炒野喇..我都好急好快想叫..佢巳經行到老遠係度睇電視..女既就當遇到一位男士叫左雲吞麵點知發覺係粗麵就問..點知女既就用左黃x華既 係喇定律:係咁嫁喇..雲吞麵係跟粗麵呢度.男既就暗地類

這一區的食肆雖然幫襯過不少，不過這間傳統的上海館子卻始終未有幫襯過，直到前陣子的某一天，才終於與太座兩人一起來到這兒吃了頓簡單的午餐。這館子是典型的老派上海菜館，沒有新穎的菜式，沒有豪華的裝修，也沒有殷勤的招呼，有的只是傳統的菜式，簡單的陳設，一般的服務。但據說這店子的老闆曾是個有心人，曾幾何時希望在此區大展拳腳，售賣各式上海大菜，招呼願意花錢，捨得花費的客人，只可惜這區附近在未發展成為中產社區之前，根本沒有豪客願意花費大量的金錢豪吃一頓，結果這裡便唯有順應適者生存的規則，改變成為售賣廉價客飯和其他一般上海小菜、包餃的平凡街坊小館了。這天到來，雖是午飯時間，略嫌老派，裝修陳設平凡簡單的老店內只得兩三位客人。看過餐牌後，叫來兩個客飯------「醉雞」和「菜心獅子頭」。這兒的「醉雞」酒味甚足，而且啖啖雞肉，可是酒味濃得過了份，把雞味完全掩蓋，雞肉的嫩滑度也只是一般。「菜心獅子頭」正正常常的，獻汁不太稠身，也不會過於濃味，對於地道的上海人來說，也許不夠濃油赤醬，未夠正宗，但對我這個不折不扣的廣東人來說，卻是剛剛好呢！這裡的獅子頭的豬肉質感較為鬆散，外層微脆而內裡軟嫩，味道中規中矩的，總算不

幫襯呢間鋪超過十五年了,由細食到大.老闆好有性格,寧願做少D生意都唔會受客氣.早幾年裝修過,現在環境OK. 稍為迫狹.早兩日見有雜誌訪問,就的起心肝為佢D食物整個食評啦客飯$26~$32,連兩飯+湯or酸辣湯or汽水.由傳統上海菜到家常蒸魚都有個人推介:醉雞- 雞鮮酒味濃,不過份量較少,$32算係咁啦回鍋肉- 本人至愛,正宗上海味道,惹味香濃.如果有人叫少油,老闆會串人.....$26,抵!獅子頭 - 味道都係好濃,不過有d白菜搭一搭都唔錯.膳糊 - 都係正宗味道,如果叫小菜size有響油架! 膳本身就唔係特別靚lor...小籠飽 - 10隻(好似係$24...)or 5隻, 未必有鼎泰豐咁新鮮,但肉汁都十分豐富,皮亦十分靚豆沙鍋餅 - 豆沙足,皮炸得唔錯,係可能d油舊d酸辣湯有即煮,有現成,我都未見過有人咁分,客飯果d當然係現成啦. 其實現成好飲好多.夠酸夠辣夠熱辣.菜肉雲吞　－　飽肚之選，味道普通但勝在大件夾抵食担担面　－　面爽，湯夠濃，我下午茶至愛conclusion - 實在係抵食,正宗上海野, $50蚊已經食到行唔郁.而家好難搵了.

入到去有一部電視.傳統白色裝修.奇怪在明明有吉位.仲要人同其他人搭張4人桌.然後問2問就可以坐張吉位了.落單時.員工們都不太理睬.然後等到阿姐來才寫單.可能只有佢能落單吧白菜獅子球:這個是跟餐.可以配酸辣湯.獅子球用機免治的豬肉般.普通.白菜炒得香挺好吃.酸辣湯.多蛋花.少其他餸.味道少辣不錯.雜錦炒年糕..似豉油炒年糕.只得豬皮,豬肉.同豬肚....仲有少量菜..豬皮吸收了大量鼓油.好黑好咸年糕切得較厚身.可惜豉油炒真的不太好食.也淨下很多.有回鍋肉飯.但沒有回鍋肉炒年糕.有點可惜.每人28.不算貴.不過質素有點普通.

吃過了極差態度的銅鑼灣一品香之後, 女友對上海菜產生了興趣。行經大角咀, 兩條友唔知食乜好, 見到呢間野入面好多人一雙一對咁(亞公亞婆)開緊飯。心諗: 一定係街坊, 街坊開飯的地方多數係便宜好吃的, 咪理, 正想舉步入內之時, 女友經已入左去。坐定, 先送來兩杯清茶(色淡), 及洗碗後用來倒水的湯碗。看到筷子用紙巾及像筋扎好, 冷氣夠凍, 地方簡單而整潔。看看餐牌, 十分普通的常見菜式, 但價錢便宜; 最後決定選擇以下的客飯和套餐:紅燒黃魚客飯, 可選豆漿、例湯或酸辣湯, 再加兩個白飯, 最後要了例湯。菜肉雲吞 + 上海粗炒套餐女友又問: 要唔要加多個小籠包? 答曰: 食完唔夠再叫好過啦。(結果係: 白飯只吃了一碗, 其餘都多到差D食唔哂, 一味死頂)各場賽果順序如下:例湯: 菜乾味精水, 極清的水, 唔掂, 好後悔唔要酸辣湯, 估計應該無咁差上海粗炒: 夠火候, 夠鑊氣, 味夠濃, 豬肉絲應該係隔離街市買的, 夠淋夠滑, 不是一般冷鮮的又鞋又死, 炒的不錯, 完全是兒時食到三六九菜館的風味, 而家好少在小店舖食到了, 呵呵…紅燒黃魚: 夠入味, 但偏咸, 用來送飯最好, 魚本身沒有鮮

Walking around late at night in Tai Kok Tsui, and we happened to choose this place because the signboard outside offered two servings of rice plus a drink with entrees for $24/26/32. We ordered choi-sum-lion's head ($26) and cashew chicken ($32), plus 5 siu-lung-bau ($14, I think).When we received the two dishes some time later, we were surprised at two things: the TINY portion sizes and a little flying bug (dead, at least) in the cashew chicken. The waiter (owner?) calmly took out his glasses t

經常在此叫外賣,今晚終於落去食,叫咗兩個客飯:花雕醉雞--雞有很多,皮很滑,肉也不靱,酒味做得不錯.$32確實超值,炒膳糊--今次炒得比較乾身,膳糊雖然大條,但有骨,都係外賣炒膳糊做得好啲.值得一提,這裡的中湯比較咸,下次都係飲酸辣湯/荳漿/汽水.

下午四點幾打電話叫客飯外賣,竟然都有得送,當然食至愛的鱔糊客飯及小籠飽.鱔糊客飯非常正,雖然送上來大約要十分鐘路程,但食的時候也非常夠熱,至於小籠飽也很夠熱,不過由於十隻飽迫埋一個飯盒,所以夾起小籠飽時會痴住隔離層皮.

愛吃上海菜的，又住在大角咀區的，這間是必然選擇，客飯保持水準，特別推介蟮糊客飯，酸辣湯可以接受，炒飯不是很多油，小籠包必吃，還有五個選擇，這裡的炒年糕也要嘗試。